मुंबई : टेक क्षेत्रातील दिग्गज कंपनी टाटा कन्सल्टन्सी सर्व्हिसेसने (TCS) यंदा अभियांत्रिकी महाविद्यालयांमधून तब्बल ४२,००० फ्रेशर्सची भरती करणार असल्याची घोषणा केली आहे. ही भरती मागील वर्षी दिलेल्या वचनबद्धतेनुसारच करण्यात येणार असून, कॅम्पस भरतीचा वेग कायम ठेवण्याचा कंपनीचा निर्धार आहे.

टीसीएसने आर्थिक वर्ष २०२४-२५ च्या चौथ्या तिमाहीत ६२५ नव्या कर्मचाऱ्यांची भरती केली असून, यानंतर एकूण कर्मचारीसंख्या ६,०७,९७९ इतकी झाली आहे. संपूर्ण वर्षात कंपनीने ६,४३३ कर्मचाऱ्यांची निव्वळ भरती केली आहे, जी मागील वर्षीच्या १३,२४९ कर्मचाऱ्यांच्या निव्वळ तोट्याच्या तुलनेत सकारात्मक पाऊल मानली जात आहे.

पगारवाढ स्थगित, परंतु परिवर्तनीय वेतन कायम
कंपनीने एप्रिलपासून लागू होणारी वार्षिक पगारवाढ सध्या स्थगित केली आहे. यामागचे मुख्य कारण म्हणजे जागतिक मॅक्रो इकॉनॉमिक अनिश्चितता आणि अमेरिकेतील बदलते टॅरिफ धोरण आहे. पगारवाढीबाबत ठोस तारीख अद्याप जाहीर करण्यात आलेली नाही. मात्र, टीसीएसने स्पष्ट केले आहे की परिस्थिती स्थिर झाल्यानंतर आणि दृष्टीकोन स्पष्ट झाल्यावर, आर्थिक वर्षाच्या अखेरीस पगारवाढ दिली जाईल.

दरम्यान, कंपनीने तिमाही परिवर्तनीय वेतन योजना सुरूच ठेवण्याचा निर्णय घेतला आहे. चौथ्या तिमाहीत ७०% कर्मचाऱ्यांना पूर्ण परिवर्तनीय वेतन मिळणार असून, उर्वरित कर्मचाऱ्यांना कंपनीच्या व्यवसाय कामगिरीच्या आधारे वेतन दिले जाईल.

महसुलात वाढ, मात्र निव्वळ नफ्यात थोडी घट
टीसीएसने चौथ्या तिमाहीत १२,२२४ कोटी रुपयांचा निव्वळ नफा नोंदवला आहे, जो मागील वर्षाच्या त्याच तिमाहीच्या १२,४३४ कोटी रुपयांच्या तुलनेत १.७% ने कमी आहे. मात्र, महसुलात ५.३% वाढ झाली असून, तो ६४,४७९ कोटी रुपयांवर पोहोचला आहे. संपूर्ण आर्थिक वर्षासाठी, कंपनीचा निव्वळ नफा ४८,५५३ कोटी रुपये झाला आहे, ज्यात ५.८% वाढ झाली आहे.

CEO कृतिवासन यांचा इशारा
कंपनीचे CEO के. कृतिवासन यांनी स्पष्ट केले की, “आमच्या ग्राहकांच्या खर्चाच्या पद्धतींमध्ये आधीच तणावाची लक्षणं आमच्या निदर्शनास आली आहोत. जर हे असेच चालू राहिले, तर विवेकाधीन खर्चात विलंब होऊ शकतो.” त्यांनी पुढे सांगितले की, बदलत्या टॅरिफ संदर्भात ग्राहकांकडून बजेटचे पुनर्मूल्यांकन सुरू असून त्यामुळे काही प्रकल्पांमध्ये विलंब आणि मंद गती अनुभवायला मिळत आहे.

The post ‘ड्रीम जॉब’ ची संधी! TCS यंदा करणार ४२,००० अभियंत्यांची मेगाभरती appeared first on थोडक्यात घडामोडी.

मुंबई : भारतीय डाक विभागाच्या नवी मुंबई विभाग कार्यक्षेत्रातील डाक सेवक पदासाठी ५ ऑगस्ट २०२४ पर्यंत https://indiapostgdsonline.gov.in या संकेतस्थळावर ऑनलाईन पद्धतीने अर्ज करण्याचे आवाहन अधीक्षक डाकघर यांनी केले आहे.

नवी मुंबई कार्यक्षेत्रातील ग्रामीण डाक सेवक पदाच्या ५१ जागांसाठी पात्र आणि इच्छुक उमेदवारांनी ऑनलाईन पद्धतीने अर्ज करावेत. इतर कोणत्याही माध्यमाद्वारे अर्ज स्वीकारले जाणार नाहीत. तसेच भारतीय डाक विभागाद्वारे उमेदवारांना केवळ पत्रव्यवहार केला जातो, फोन कॉल्स केले जात नाहीत. तसेच उमेदवारांनी वैयक्तिक माहिती कुणालाही देऊ नये, असेही अधीक्षक डाकघर यांनी पत्राद्वारे कळविले आहे.

The post नोकरीची संधी! ग्रामीण डाक सेवक पदासाठी अर्ज करण्याचे आवाहन appeared first on थोडक्यात घडामोडी.

मुंबई : इस्राईलमध्ये रोजगाराच्या संधींसाठी कुशल बांधकाम कामगारांकडून अर्ज मागविण्याची कार्यवाही कौशल्य, रोजगार, उद्योजकता आणि नाविन्यता विभागाकडून सुरू झाली आहे. इस्रायलमधील बांधकाम क्षेत्रात सुरक्षित वातावरणात आणि चांगल्या वातावरणात काम मिळावे यासाठी शासन सर्वोतोपरी प्रयत्न करेल, अशी माहिती कौशल्य, रोजगार, उद्योजकता व नाविन्यता मंत्री मंगल प्रभात लोढा यांनी दिली.

मंत्री लोढा म्हणाले की, केंद्र सरकारच्या नॅशनल स्किल डेव्हलपमेंट (NSDC) इंटरनॅशनल आणि राज्य शासनाच्या सहकार्याने बांधकाम कामगारांसाठी इस्राईलमध्ये काम करण्याची संधी मिळत आहे. शासनाकडून सर्वोतोपरी या बांधकाम कामगारांना मार्गदर्शन केले जाणार आहे. जिल्हास्तरावर जिल्हा कौशल्य, रोजगार उद्योजकता मार्गदर्शन केंद्र येथे इच्छुकांनी संपर्क साधावा.

फ्रेमवर्क/ शटरिंग कारपेंटर, बार बेंडिंग मेसन, सिरेमिक टाइलिंग मेसन, प्लास्टरिंग मेसन इत्यादी विविध ट्रेडसाठी अर्ज मागविण्यात येत आहेत. निवडलेल्या व्यक्तीना इस्राईलमधील इमारत बांधकाम क्षेत्रात सुरक्षित वातावरणात आणि चांगल्या वातावरणात काम मिळावे यासाठी शासन सर्वोतोपरी प्रयत्न करणार आहे. या नोकरीमुळे प्रत्येक कामगाराला 1.4 लाख रुपयांपासून ते 2 लाखांपर्यंत दरमहा वेतन मिळेल. दरमहा 16,000 रुपये अतिरिक्त ठेव निधी ठेवावा लागेल.

या पदासाठी साठी 25 ते 45 वर्षे वयोगटातील अर्जदार नोकरीसाठी अर्ज करू शकतात. उमेदवाराने किमान 10 वी उत्तीर्ण केलेली असावी. कामगाराला किमान एक वर्ष ते कमाल पाच वर्षांच्या नोकरीसाठी अनिवार्य करारावर स्वाक्षरी करावी लागेल. तसेच त्यांना कामाचा किमान तीन वर्षांचा अनुभव असावा. त्याचप्रमाणे इस्राईलमध्ये पूर्वीचा रोजगाराचा इतिहास नसावा. अर्जदार किंवा त्यांच्या कुटुंबातील कोणत्याही सदस्याने यापूर्वी इस्राईलमध्ये काम केलेले नसावे.

अधिक माहितीसाठी https://rojgar.mahaswayam.gov.in/#/mic या संकेतस्थळावर भेट द्यावी आणि 8291662920 या मोबाईल क्रमांकावर संपर्क साधावा, असे आवाहन कौशल्य, रोजगार, उद्योजकता आणि नाविन्यता विभागाकडून करण्यात आले आहे.

The post बांधकाम कामगारांना इस्राईलमध्ये रोजगाराची संधी – कौशल्य विकास मंत्री मंगल प्रभात लोढा appeared first on थोडक्यात घडामोडी.

मंत्रालय उत्पादन व्यवस्थापक (मुद्रित प्रसिद्धी) उत्पादन अधिकारी (उत्पादन) सामान्य केंद्रीय सेवा गट अ राजपत्रित पद प्रतिनियुक्तीद्वारे भरण्याबाबतची जाहिरात

विषय : केंद्रीय संचार ब्युरो (सी बी सी) (जाहिरात आणि दृक प्रसिद्धी संचालनालय) (डी ए व्ही पी) आणि प्रकाशन विभाग संचालनालयाच्या (डी पी डी) कला आणि उत्पादन स्टाफच्या सामान्य संवर्गातील उत्पादन व्यवस्थापन (मुद्रित प्रसिद्धी)/ उत्पादन अधिकारी (उत्पादन) करिता ०१ रिक्त पद प्रतिनियुक्तीच्या आधारावर भरण्याबाबत.

संदर्भ : जाहिरात क्रमांक एक – २४०२२/६/२०२३ – एम यु सी – II दि. १७ नोव्हेंबर, २०२३.

वरील संदर्भीय विषयान्वये मंत्रालय उत्पादन व्यवस्थापक (मुद्रित प्रसिद्धी) उत्पादन अधिकारी (उत्पादन) सामान्य केंद्रीय सेवा गट अ राजपत्रित (मंत्रालयीन नसलेले) वेतन मॅट्रिक्स स्तर – ११ मध्ये ०१ पद प्रतिनियुक्तीद्वारे भरावयाचे आहे.

प्रतिनियुक्तीचा कालावधी – सुरुवातीला ०१ वर्षे (कमाल ३ वर्षे)

वर्गीकरण – सामान्य केंद्रीय सेवा , गट अ राजपत्रित, अ – मंत्रालयीन

भरतीची पद्धत – प्रतिनियुक्तीवर व बदली अनुसार

वयोमर्यादा – अर्ज सादर करण्याच्या शेवटच्या तारखेला ५६ वर्षे

वेतनस्तर – डी ओ पी टीच्या ओ एम क्र. क्र. ६/८/२००९- स्था. (पे- II) दिनांक १७-०६-२०१० आणि ओ एम क्र. २/६/२०१६ – स्था. (पे- II) दिनांक १७-०६-२०१६ मध्ये समाविष्ट असलेल्या तरतुदींनुसार व वेळोवेळी सुधारणा केल्यानुसार करण्यात येईल.

पे मॅट्रिक्स स्तर -११ (रु.६७७००- २०८७००) (पी बी -३ + जी पी रू ६६०० ची पूर्व – सुधारित वेतनश्रेणी)

अर्ज करण्याचा पत्ता व अर्जाची शेवटची मुदत – परिपूर्ण अर्ज परिशिष्ट – II मध्ये विहित पद्धतीत कक्ष क्र. १२५ – ए विंग, शास्त्री भवन, नवी दिल्ली, ११०००१ या ठिकाणी एम्प्लॉयमेंट न्यूजमध्ये ही जाहिरात प्रसिद्ध झाल्याच्या तारखेपासून ६० दिवसांच्या कालावधीत गेल्या ५ वर्षातील त्यांच्या अद्ययावत ए सी आर एस/ ए पी आर एस सह दोन प्रतींमध्ये पाठवावे.

यासंदर्भातील पात्रता अटी व अधिक माहितीसाठी सोबतची जाहिरात पहावी.

The post मंत्रालय उत्पादन व्यवस्थापक (मुद्रित प्रसिद्धी) उत्पादन अधिकारी (उत्पादन) सामान्य केंद्रीय सेवा गट अ राजपत्रित पद प्रतिनियुक्तीद्वारे भरण्याबाबतची जाहिरात appeared first on थोडक्यात घडामोडी.

मुंबई : भारतीय डाक विभागाने ग्रामीण डाक सेवक पदासाठी जाहिरात प्रसिद्ध केली असून त्याअंतर्गत नवी मुंबईच्या अधीक्षक डाकघर यांच्या कार्यक्षेत्रातील ४ रिक्त पदे भरली जाणार आहेत. पात्र व इच्छुक उमेदवारांनी ११ जूनपर्यंत ऑनलाईन अर्ज करण्याचे आवाहन करण्यात आले आहे.

इच्छुक उमेदवारांनी भारतीय डाक विभागाच्या https://indiapostgdsonline.gov.in/ संकेतस्थळावर ऑनलाईन अर्ज भरावेत. अर्ज भरण्याची शेवटची तारीख ११ जून २०२३ असून इतर कोणत्याही माध्यमाद्वारे आलेले अर्ज व व्यक्तिशः आलेले अर्ज विचारात घेतले जाणार नाहीत. या भरतीबाबतच्या अधिसूचनेतील सूचनांनुसार शुल्क भरावे लागणार आहे.

पोस्ट विभाग उमेदवारांना कोणताही फोन कॉल करत नाही. संबंधित प्राधिकरणाद्वारेच उमेदवारांशी पत्रव्यवहार केला जातो. उमेदवारांनी त्यांची वैयक्तिक माहिती,नोंदणी क्रमांक, मोबाईल क्रमांक, ईमेल पत्ता इतरांसमोर उघड करू नयेत आणि कोणत्याही बनावट फोन कॉल्सपासून सावध राहावे. अधिक माहितीसाठी https://indiapostgdsonline.gov.in/ संकेतस्थळास भेट द्यावी, असे आवाहन वाशी डाक कार्यालयाचे वरिष्ठ अधीक्षक डाकघर यांनी केले आहे.

The post नवी मुंबई डाक विभागात ग्रामीण डाक सेवकांच्या रिक्त पदांची भरती appeared first on थोडक्यात घडामोडी.

नवी दिल्ली : स्टेट बँक ऑफ इंडिया (SBI) ने पुन्हा एकदा भरती प्रक्रिया सुरू केली आहे. SBI ने स्पेशालिस्ट कॅडर ऑफिसर (SCO) पदांसाठी 2022 च्या भरतीसाठी अधिसूचना प्रसिद्ध केली आहे. बँक जॉबसाठी इच्छुक आणि पात्र उमेदवार स्टेट बँक ऑफ इंडियाच्या अधिकृत वेबसाइट sbi.co.in वर जाऊन ऑनलाइन अर्ज करू शकतात. ऑनलाइन भरती परीक्षा जानेवारी किंवा फेब्रुवारी 2023 मध्ये घेतली जाऊ शकते.

SBI ने 9 डिसेंबरपासून स्पेशलिस्ट कॅडर ऑफिसर (SCO) पदांच्या भरतीसाठी ऑनलाइन अर्ज नोंदणी सुरू केली आहे. अर्ज करण्यास इच्छुक असलेले पात्र उमेदवार 29 डिसेंबर 2022 रोजी किंवा त्यापूर्वी अधिकृत वेबसाइटला भेट देऊन अर्ज करू शकतात. स्टेट बँक ऑफ इंडियाच्या स्पेशलिस्ट कॅडर ऑफिसर भरती अंतर्गत, सर्व पात्रता निकषांमध्ये उत्तीर्ण झालेल्या उमेदवारांची बँकेच्या विविध विभागांमध्ये नियुक्ती केली जाईल.

SBI रिक्त जागा 2022

• उपव्यवस्थापक – 16 पदे
• वरिष्ठ कार्यकारी – 17 पदे
• कार्यकारी – 02 पदे
• वरिष्ठ विशेष कार्यकारी – 01 पद
• डेटा प्रोटेक्शन ऑफिसर – 01 पद
• असिस्टंट डेटा ऑफिसर – 01 पदे
• वरिष्ठ क्रेडिट स्पेशलिस्ट – 16 पदे

कोणत्या पदासाठी किती पगार?

• डेप्युटी मॅनेजर: 48170-1740/1-49910-1990/10-69810 चे वेतनमान
• वरिष्ठ कार्यकारी: वार्षिक 24 लाख रुपये CTC
• कार्यकारी: वार्षिक 20 लाख रुपये CTC
• वरिष्ठ विशेष कार्यकारी: वार्षिक CTC रु. 27 लाख
• डेटा प्रोटेक्शन ऑफिसर: वार्षिक ६० लाख रुपये CTC
• असिस्टंट डेटा ऑफिसर: वार्षिक 35 लाख रुपये CTC
• वरिष्ठ क्रेडिट स्पेशलिस्टचे वेतनमान: 63840-1990/5-73790-2220/2-78230
• वरिष्ठ क्रेडिट स्पेशलिस्टचे वेतनमान: 76010-2220/4-84890-2500/2-89890

SBI भर्ती 2022 मध्ये अर्ज कसा करावा?

1. सर्व प्रथम SBI च्या अधिकृत वेबसाइट sbi.co.in/web/careers च्या करिअर पेजवर जा.
2. येथे होम पेजवर स्पेशालिस्ट कॅडर रिक्रूटमेंट लिंकवर क्लिक करा.
3. त्यानंतर ऑनलाइन अर्जासाठी दिलेल्या लिंकवर क्लिक करा.
4. येथे स्वतःची नोंदणी करा आणि अर्ज अचूक भरा.
5. त्यानंतर तुमची आवश्यक कागदपत्रे अपलोड करा आणि अर्ज फी जमा करा.
6. सबमिट बटणावर क्लिक करा.
7. पुढील संदर्भासाठी कंफर्मेशन पेज ची प्रिंट आउट घ्या.

पात्रता निकष आणि अर्ज शुल्क

SBI च्या भरती अंतर्गत, अनारक्षित म्हणजे सामान्य, EWS आणि OBC श्रेणीतील अर्जदारांना अर्ज फी म्हणून 750 रुपये भरावे लागतील. राखीव प्रवर्गातील उमेदवारांना कोणतेही अर्ज शुल्क भरावे लागणार नाही. उमेदवार sbi.co.in/web/careers या अधिकृत वेबसाइटवर दिलेल्या अधिकृत अधिसूचनेत वेतनश्रेणी, रिक्त पदांचे तपशीलवार वर्णन, पात्रता निकष, वयोमर्यादा, शैक्षणिक पात्रता आणि इतर तपशील तपासू शकतात.

The post SBI Recruitment 2022 : SBI मध्ये ऑफिसर कॅडरच्या पदांसाठी भरती, 20 लाख ते 60 लाख रुपये वार्षिक पगार appeared first on थोडक्यात घडामोडी.

मुंबई : तलाठी भरती आणि मंडळ अधिकारी पदोन्नती प्रक्रिया येत्या काही दिवसांमध्ये सुरु करण्यात येणार आहे. 3 हजार 110 तलाठी आणि 518 मंडळ‍ अधिकारी असे एकूण 3 हजार 628 पदे निर्माण करण्यात येणार असल्याचे महसूलमंत्री राधाकृष्ण विखे-पाटील यांनी सांगितले.

गेल्या काही वर्षांपासून राज्यात तलाठी पदाच्या अनेक जागा रिक्त होत्या. एकाच तलाठ्याकडे अनेक गावे सोपविण्यात आल्याने कामांना विलंब व्हायचा आणि महसूल यंत्रणेवर ताण येत होता. मंत्री श्री. विखे- पाटील यांनी तलाठी भरती आणि मंडळ अधिकारी पदोन्नती प्रक्रियेला गती मिळावी यासाठी पुढाकार घेतला होता. गावात राहणाऱ्या प्रत्येक व्यक्तीचा तलाठी याच्याशी संबंध येत असतो. सातबारा, विविध दाखले यासाठी नियमितपणे तलाठी यांच्या संपर्कात राहावे लागते.तलाठी हे पद ग्रामीण भागात अत्यंत महत्त्वाचे असते. आता होणाऱ्या तलाठी भरतीमुळे सध्या कार्यरत असलेल्या तलाठी वर्गाचा भार कमी होण्यास मदत होणार आहे.तलाठी साझा पुनर्रचनेनुसार विहित केलेल्या निकषाच्या अनुषंगाने संबंधित विभागीय आयुक्त यांच्याकडून महसुली विभागनिहाय प्राप्त माहितीस अनुसरुन वाटप करण्यात आलेल्या 3 हजार 110 साझे आणि 518 महसुली मंडळ कार्यालयासाठी 3 हजार 110 तलाठी भरती आणि 518 मंडळ अधिकारी यांची पदोन्नती असे एकूण 3 हजार 628 पदे निर्मितीला मान्यता देण्यात आली आहे. याबाबतचा शासन निर्णय 7 डिसेंबर 2022 रोजी निर्गमित करण्यात आला आहे.

पुणे महसुली विभागाअंतर्गत एकूण 602 तलाठी साझे आणि 100 महसुली मंडळे आहेत. अमरावती महसुली विभागाअंतर्गत एकूण 106 तलाठी साझे आणि 18 महसुली मंडळे आहेत. नागपूर महसूली विभागाअंतर्गत एकूण 478 तलाठी साझे आणि 80 महसुली मंडळे आहेत. औरंगाबाद महसुली विभागाअंतर्गत एकूण 685 तलाठी साझे आणि 114 महसुली मंडळे आहेत. नाशिक महसुली विभागाअंतर्गत एकूण 689 तलाठी साझे आणि 115 महसुली मंडळे आहेत. कोकण महसुली विभागाअंतर्गत एकूण 550 तलाठी साझे आणि 91 महसुली मंडळे आहेत.

The post 3 हजार 110 तलाठी भरती आणि 518 मंडळ अधिकारी पदोन्नती प्रक्रिया लवकरच सुरु होणार appeared first on थोडक्यात घडामोडी.

मुंबई : कौशल्य, रोजगार, उद्योजकता व नाविन्यता विभागाअंतर्गत असलेल्या मुंबई शहर जिल्हा कौशल्य विकास, रोजगार व उद्योजकता मार्गदर्शन केंद्र यांच्यामार्फत शनिवार १० डिसेंबर रोजी राणीचा बाग, ईएस पाटनवाला मार्ग, भायखळा (पूर्व) येथे “पंडित दीनदयाळ उपाध्याय रोजगार मेळावा” आयोजित करण्यात आला आहे. या मेळाव्यात विविध नामवंत कंपन्या, उद्योग, कॉर्पोरेट क्षेत्र, सेवा क्षेत्र यामधील ५ हजार ५९० इतके रोजगार उपलब्ध करुन देण्यात येणार आहेत. मेळाव्यात या नोकऱ्यांसाठी कंपन्यांकडून थेट मुलाखती घेतल्या जाणार असून, नोकरी इच्छुक उमेदवारांनी मेळाव्यात सहभाग घ्यावा, असे आवाहन कौशल्य, रोजगार, उद्योजकता व नाविन्यता मंत्री मंगलप्रभात लोढा यांनी केले आहे.

मेळाव्यामध्ये बीव्हीजी इंडिया, आयसीजे, स्पॉटलाईट, स्मार्ट स्टार्ट, बझ वोर्क, टीएनएस इंटरप्रायझेस, युवाशक्ती, इम्पेरेटिव्ह, हिंदू रोजगार डॉट कॉम, एअरटेल, रोप्पन ट्रान्सपोर्टेशन सर्व्हिसेस, फास्ट ट्रॅक मॅनेजमेंट सर्व्हिसेस, अपोलो होम हेल्थकेअर, स्टेलर सिक्युरिटी अँड फॅसिलिटी सर्व्हिसेस इत्यादी उद्योग, कंपन्या सहभागी होणार आहेत. दहावी, बारावी, पदवीधर, आयटीआय, पॉलिटेक्निक, इंजिनिअरिंग पदवी इत्यादी पात्रताधारक उमेदवारांसाठी मेळाव्यात बँकिग, आयटीआयएस, टुरिझम, हॉस्पिटिलिटी, एचआर, ॲप्रेंटिसशीप, डोमॅस्टिक वर्कर, इलेक्ट्रॉनिक्स, मॅनेजमेंट तसेच मिडीया अँड एंटरटेनमेंट अशा विविध क्षेत्रातील पदे उपलब्ध आहेत.

औद्योगिक प्रशिक्षण संस्थांमधून (आयटीआय) एक किंवा दोन वर्षाचा तांत्रिक अभ्यासक्रम उत्तीर्ण झालेल्या उमेदवारांकरिता नामांकित कंपन्यांमध्ये शिकाऊ उमेदवारी प्रोत्साहन योजनेअंतर्गत अप्रेंटिसशिपची पदेही या मेळाव्यामध्ये भरण्यात येणार आहेत. त्याचबरोबर स्वयंरोजगार इच्छुक उमेदवारांकरिता आर्थिक साहाय्य उपलब्ध करून देणारी विविध शासकीय महामंडळे सहभागी होणार असून यामध्ये अण्णासाहेब पाटील आर्थिक मागास विकास महामंडळ, महात्मा फुले मागासवर्ग विकास महामंडळ, मौलाना आझाद अल्पसंख्याक आर्थिक विकास महामंडळ, साहित्यरत्न लोकशाहीर अण्णाभाऊ साठे विकास महामंडळ इत्यादी महामंडळांच्या योजनांची माहिती देणारे स्टॉल लावण्यात येणार आहेत. याचबरोबर विविध शासकीय व खाजगी क्षेत्रातील बँकांचाही मेळाव्यात सहभाग असणार आहे.

महाराष्ट्र राज्य कौशल्य विकास सोसायटीमार्फत राज्यात प्रशिक्षण कार्यक्रम राबविण्यात येत असून या विविध प्रशिक्षण योजनांची माहितीही मेळाव्यात मिळणार आहे. मेळाव्यामध्ये मुंबई शहर येथील नामांकित कंपन्यांचे प्रतिनिधी उपस्थित राहून मुलाखती घेणार आहेत. तसेच तज्ज्ञामार्फत उद्योजकता मार्गदर्शन आणि करियरविषयक समुपदेशनही करण्यात येणार आहे. मेळाव्याचे उद्घाटन सकाळी १० वाजता मंत्री लोढा, शालेय शिक्षणमंत्री तथा मुंबई शहर जिल्ह्याचे पालकमंत्री दीपक केसरकर यांच्या हस्ते तसेच कौशल्य विकास विभागाचे सचिव तथा आयुक्त डॉ. रामास्वामी एन, मुंबई शहर जिल्हाधिकारी राजीव निवतकर यांच्यासह विविध उद्योजकांच्या उपस्थितीत होणार आहे.

The post 5 हजार 590 जागांवर नोकरीची संधी – कौशल्य विकास मंत्री मंगल प्रभात लोढा appeared first on थोडक्यात घडामोडी.

औरंगाबाद : मराठवाडा मुक्ती संग्राम दिन तसेच प्रधानमंत्री नरेंद्र मोदी यांच्या वाढदिवसाचे औचित्य साधून येत्या 17 व 18 सप्टेंबर रोजी औरंगाबाद येथे आयोजित करण्यात आलेल्या महारोजगार मेळाव्यामध्ये 5 हजार पेक्षा अधिक रोजगाराच्या संधी उपलब्ध होणार आहेत. विविध नामांकित कंपन्यांमध्ये आयटीआय, दहावी ते पदवीधर तसेच अभियांत्रिकी क्षेत्रात पदवी, पदविकाधारक उमेदवारांसाठी नोकरी, ऑन जॉब ट्रेनिंग तसेच अप्रेंटीशिपच्या संधी उपलब्ध असतील. रोजगार, अप्रेंटीशिप, स्वयंरोजगार इच्छूक उमेदवारांनी या महामेळाव्यास मोठ्या संख्येने उपस्थित राहुन या संधीचा लाभ घ्यावा, असे आवाहन कौशल्य, रोजगार, उद्योजकता आणि नाविन्यता मंत्री मंगलप्रभात लोढा यांनी केले आहे.

बजाज ऑटो, नवभारत फर्टीलायझर, अजंता फार्मा, एनआरबी बेअरिंग्स, अजित सीड्स, फोर्ब्स, धूत ट्रान्समिशन, इंड्युरंस टेक्नॉलॉजी, व्हॅराक इंजिनीअरींग, देवगिरी फोर्जींग्स, रुचा इंजिनिअर्स, श्री सेवा कॉम्प्युटर्स, परम स्किल्स, नील मेटल, मराठवाडा ऑटो कॉम्पो, पिट्टी इंजिनिअरिंग अशा विविध उद्योग कंपन्यांमधील रिक्त जागांसाठी या महामेळाव्यात भरती करण्यात येणार आहे, असे मंत्री लोढा यांनी सांगितले.

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी मेळाव्यासाठी शुभेच्छा दिल्या आहेत. मेळाव्यास मंत्री लोढा यांच्यासह केंद्रीय वित्त राज्यमंत्री डॉ. भागवत कराड, राज्याचे सहकार मंत्री अतुल सावे, रोहयो मंत्री संदीपान भुमरे, कौशल्य, रोजगार, उद्योजकता आणि नाविन्यता विभागाच्या प्रधान सचिव मनिषा वर्मा, कौशल्य विकास आयुक्त दीपेन्द्र सिंह कुशवाह यांच्यासह विविध उद्योजक आदी मान्यवर उपस्थित राहणार आहेत.

मेळाव्यामध्ये रोजगार भरतीसह ॲप्रेन्टीसशीप भरती मेळावा, व्यवसाय मार्गदर्शन, स्टार्टअप व कौशल्य प्रदर्शन इत्यादी कार्यक्रमांचे आयोजन करण्यात येणार आहे. औद्योगिक प्रशिक्षण संस्था (आयटीआय), रेल्वे स्टेशन रोड, औरंगाबाद येथे दोन दिवस हा महामेळावा होईल.

नोकरी इच्छुक उमेदवार, विविध क्षेत्रातील नियोक्ता, उद्योजक यांची नोंदणी तसेच उपलब्ध रिक्तपदे यांची माहिती या मेळाव्यात अधिसूचित केली जाणार असून रिक्तपदांसाठी पात्र नोकरी इच्छुक, शिकाऊ प्रशिक्षण इच्छुक (अप्रेंटीशिप-On Job Training) उमेदवार व नियोक्त्यांना मेळाव्याच्या निमित्ताने एकाच व्यासपीठावर आणले जाणार आहे. उद्योजक त्यांच्याकडील रिक्तपदाच्या अनुषंगाने उमेवारांच्या मुलाखती घेऊन योग्य उमेदवारास नोकरी, ॲप्रेंटीशिप (On Job Training) उपलब्ध करून देतील. याचबरोबर स्वयंरोजगार इच्छुक उमेदवारांना माहिती व मार्गदर्शन करण्याकरीता स्वयंरोजगारासाठी कर्ज उपलब्ध करून देणारी विविध महामंडळे, बँका, खाजगी वित्तीय संस्था व स्वयंरोजगाराच्या योजना राबविणारे केंद्र व राज्य शासनाच्या विविध विभागाचे प्रतिनिधी उपलब्ध असणार आहेत. मेळाव्यात नवउद्योजकांना चालना देण्यासाठी स्टार्टअप प्रदर्शन, युवकांसाठी करिअर काउन्सलिंग, स्टार्टअपचे इनोव्हेशन सादरीकरण, कौशल्य प्रदर्शनही असणार आहे.

अधिक माहितीसाठी विभागाचे वेबपोर्टल https://rojgar.mahaswayam.gov.in ला भेट देवून रोजगार मेळाव्यासाठी सहभागी उद्योजक आणि त्यांचेकडील विविध रिक्त पदसंख्या यांची माहिती घेता येईल. तसेच, पात्र उमेदवारांना या रिक्तपदांसाठी ऑनलाईन अर्ज करता येईल. अधिक माहितीकरीता कौशल्य विकास सहायक आयुक्त सुरेश वराडे यांच्याशी ९८३४९४३७४२ या मोबाईल क्रमांकावर किंवा जिल्हा कौशल्य विकास, रोजगार व उद्योजकता मार्गदर्शन केंद्र, मालजीपुरा, स्टेशन रोड, औरंगाबाद, दूरध्वनी क्र. 0240-2954859 येथे संपर्क साधावा, असे आवाहन करण्यात आले आहे.

17 आणि 18 सप्टेंबर रोजी औरंगाबाद येथे महारोजगार मेळावा, स्टार्टअप प्रदर्शन, करिअर कौन्सिलिंगसह विविध उपक्रम

The post औरंगाबाद येथील महारोजगार मेळाव्यात 5 हजारपेक्षा अधिक रोजगाराच्या संधी appeared first on थोडक्यात घडामोडी.

पुणे : पुणे महानगरपालिकेने (PMC) विविध विभागांमधील एकूण 448 पदे भरण्यासाठी ऑनलाइन अर्ज मागवले आहेत. पुणे महानगरपालिका, PMC भरती 2022 अधिसूचना सहाय्यक विधी अधिकारी, लिपिक टंकलेखक, कनिष्ठ अभियंता (JE), आणि सहाय्यक अतिक्रमण निरीक्षक पदांसाठी प्रसिद्ध झाली आहे. PMC भर्ती 2022 अर्ज प्रक्रिया IBPS– ibps.in च्या अधिकृत वेबसाइटवर सुरू झाली आहे. PMC अंतर्गत विविध पदांसाठी अर्ज करण्याची शेवटची तारीख 10 ऑगस्ट 2022 आहे. उमेदवार खाली नमूद केलेल्या थेट PMC भरती लिंकद्वारे अर्ज करू शकतात.

सहाय्यक विधी अधिकारी, लिपिक टंकलेखक, कनिष्ठ अभियंता (स्थापत्य), कनिष्ठ अभियंता (यांत्रिकी), कनिष्ठ अभियंता (वाहतूक नियोजन) आणि सहाय्यक अतिक्रमण विरोधी निरीक्षक पदांच्या जागा आहेत. 10 ऑगस्ट 2022 पर्यंत ऑनलाइन अर्ज करता येतील.

पीएमसी भरती 2022 अर्जाची लिंक

pmc.gov.in वर प्रसिद्ध झालेल्या अधिकृत अधिसूचनेनुसार, या भरती मोहिमेअंतर्गत पीएमसी लिपिक टंकलेखकाच्या 200 रिक्त जागांसाठी, कनिष्ठ अभियंता (जेई) साठी 144, सहाय्यक अतिक्रमण निरीक्षकासाठी 100 आणि सहाय्यक विधी अधिकाऱ्यांच्या 4 पदांसाठी भरती करणार आहे.

महत्त्वाच्या तारखा :

ऑनलाइन अर्ज : 20 जुलैपासून सुरू
ऑनलाइन अर्ज भरण्याची शेवटची तारीख : 10 ऑगस्ट
ऑनलाइन फी भरण्याची तारीख : 20 जुलै ते 10 ऑगस्ट

PMC भरती 2022 साठी विहित केलेली वयोमर्यादा 21 ते 40 वर्षे आहे. सरकारी नियमांनुसार आरक्षित प्रवर्गांना उच्च वयोमर्यादेत सूट दिली जाईल. उमेदवारांना अधिकृत अधिसूचनेतील पोस्टनिहाय आवश्यक शैक्षणिक पात्रता देखील तपासण्याचा सल्ला दिला जातो. पीएमसी भरती अधिसूचनेची लिंक खाली नमूद केली आहे.

पीएमसी भर्ती अधिसूचना लिंक 2022

The post नोकरीची संधी! पुणे महानगरपालिकेने 448 पदे भरण्यासाठी मागवले ऑनलाइन अर्ज appeared first on थोडक्यात घडामोडी.