पुणे : पुण्यातील फर्ग्युसन महाविद्यालयाच्या वसतिगृहात एका विद्यार्थ्याने आत्महत्या केल्याची माहिती मिळाली आहे. ओम कापडणे (१९) असे या विद्यार्थ्याचे नाव असून तो बीएससीच्या तृतीय वर्षात शिकत होता. ओम नाशिकहून पुण्यात शिक्षणासाठी आलेला होता.

मिळालेल्या माहितीनुसार, ओम हा कॉलेजच्या आवारात असलेल्या विष्णू कुंज वसतिगृहात राहत होता. गुरुवारी (27 जुलै) त्याने वसतिगृहाच्या खोलीत आत्महत्या केली. दरम्यान, ही गोष्ट लक्षात आल्यानंतर त्याला तात्काळ जवळच्या रुग्णालयात नेण्यात आले, मात्र तेथे त्याला मृत घोषित करण्यात आले. त्याच्या खोलीत कोणतीही सुसाइड नोट सापडली नसल्याचे पोलिसांनी सांगितले. चतु:शृंगी पोलिसांनी घटनेचा तपास सुरू केला आहे.

ओम पुण्यातील विष्णू कुंज वसतिगृहात राहत होता. तो फर्ग्युसन महाविद्यालयात बीएससीच्या (भौतिकशास्त्र) तिसऱ्या वर्षांत शिकत होता. गुरुवारी सायंकाळी त्याने गळफास घेऊन आत्महत्या केली. पोलिस सध्या या घटनेमागील कारण शोधण्याचा प्रयत्न करत आहेत.

The post पुणे : फर्ग्युसन कॉलेजच्या वसतिगृहात विद्यार्थ्याची आत्महत्या appeared first on थोडक्यात घडामोडी.