तालिबान : बुरखा परिधान न केलेल्या एक महिलेला तालिबानी दहशतवाद्यांनी गोळ्या घालून ठार केल्याची धक्कादायक घटना समोर आली आहे. वृत्तानुसार, नाजनीन नावाची २१ वर्षीय महिला बल्ख जिल्हा केंद्राकडे जात होती, यावेळी तालिबानी दहशतवाद्यांनी तिला अडवून कारमधून बाहेर ओढलं आणि त्यानंतर तिची गोळ्या घालून हत्या केली. तालिबानचा प्रवक्ता जबीहुल्ला मुजाहिदने या घटनेचे खंडण केले आहे.

तालिबानकडून अफगाणिस्तानातील वेगवेगळ्या भागांवर कब्जा मिळवण्याचे प्रयत्न केले जात असून, मोठा संघर्ष निर्माण झाला आहे. तसेच, तालिबान दहशतवाद्यांनी अफगाणिस्तानमधील नव्या क्षेत्रांवर ताबा मिळवल्यानंतर महिलांवर जाचक कायदे लागू केले आहेत. बल्ख हे उत्तरेतील अशांत क्षेत्र आहे, जिथे तालिबान अनेक भागांमध्ये सक्रीय आहे.

तालिबानी राजवटीत, महिलांना त्यांचं शरीर आणि चेहरा बुरख्याने झाकावा लागत होता आणि त्यांना शाळा, काम किंवा पुरूष नातेवाईक बरोबर असल्याशिवाय घराबाहेर पडण्यावर बंदी घालण्यात आली होती. तर, व्यभिचाराचा आरोप असलेल्या महिलांना मैदानात दगड मारून मारलं गेलं. आता तालिबानकडून २२३ जिल्ह्यांमध्ये वर्चस्व प्रस्थापित केले आहे, जिथे त्यांनी हे जाचक कायदे पुन्हा लागू केले आहेत.

The post महिलेला बुरखा परिधान न केल्यामुळे तालिबानी दहशतवाद्यांनी कारमधून बाहेर ओढलं आणि गोळ्या घातल्या appeared first on थोडक्यात घडामोडी.

मुलीची छेड काढणाऱ्यांना विरोध केल्यामुळे महिलेला गोळ्या घालून ठार करण्यात आलं. बिहारची राजधानी पाटणा येथे फतुहा परिसरात ही धक्कादायक घटना घडली आहे. आशादेवी लल्लन यादव असे या मृत महिलेचे नाव आहे. पोलिसांनी या प्रकरणातील तीन संशयितांना ताब्यात घेतलं असून चौकशी करत आहेत.

मिळालेल्या माहितीनुसार, दोन दिवसांपूर्वी ललन यादवच्या अल्पवयीन मुलीची शेजारीच राहणाऱ्या चंदन कुमार या मुलाने छेड काढली, या प्रकरणात दोन्ही शेजार्‍यांमध्ये मोठे भांडण झाले. दुसऱ्या दिवशी पुन्हा त्याच विषयावरून दोन्ही शेजार्‍यांमध्ये भांडण झाले. गावात उलटसुलट चर्चा होऊ नये म्हणून लल्लन यादवच्या कुटुंबीयांनी पोलिसांत तक्रार दिली नाही. बुधवारी सकाळी काहीजणांनी लल्लन यादव यांच्या घरावर हल्ला चढवला आणि गोळीबार केला. यामध्ये लल्लनची पत्नी आशादेवीचा गोळ्या लागून मृत्यू झाला.

घटनेची माहिती मिळताच पोलिस घटनास्थळी पोहोचले आणि त्यांनी मृतदेह ताब्यात घेऊन पोस्टमार्टमसाठी पाठविला. याप्रकरणी पोलिसांनी तीन जणांना ताब्यातही घेतले आहे, मुख्य आरोपी चंदन कुमार फरार असून त्याला शोधण्याचे प्रयत्न सुरु आहेत. पोलिस या प्रकरणाचा अधिक तपास करत आहेत.

The post संतापजनक : मुलीची छेड काढणाऱ्यांना विरोध केल्यामुळे महिलेची गोळ्या घालून हत्या appeared first on थोडक्यात घडामोडी.