अंडी निश्चितच प्रथिनांच्या आरोग्यदायी स्त्रोतांपैकी एक आहेत. जर आपण अंड्याचे पौष्टिकपणाचे प्रोफाइल पाहिले तर, एका अंड्यामध्ये 7 ग्रॅम उच्च-गुणवत्तेच्या प्रथिनांसह केवळ 75 कॅलरीज असतात. इतकेच नाही तर एका अंड्यामध्ये लोह, अनेक खनिजे आणि जीवनसत्त्वे आणि फक्त ५ ग्रॅम फॅट असते. परंतु, विविध संशोधनांनी हे सिद्ध केले आहे की निरोगी मनुष्य दररोज जास्तीत जास्त 2 अंडी खाऊ शकतो.

एका अभ्यासानुसार, दिवसातून दोन अंडी खाल्ल्याने तुमच्या रक्तातील लाल रक्तपेशी सुधारतात, तसेच वजन कमी करण्यात देखील मदत होते. अंडी खाल्ल्याने दीर्घकाळ आपल्याला पोट भरलेले असण्याची जाणीव होते, त्यामुळे सतत काहीतरी खात राहण्याची सवय नियंत्रित राहते. रोज अंडी खाणे हे निरोगी राहण्याचे साधन आहे.

वजन कमी करण्यात मदत
अंडी हे एक शक्तिशाली अन्न आहे जे प्रथिने आणि चरबी या दोन्हींचे उत्कृष्ट संयोजन आहे. अंडी तुम्हाला वजन कमी करण्याच्या प्रवासात देखील मदत करू शकतात. तथापि, त्याचा तुम्हाला कसा फायदा होऊ शकतो हे ठरवण्यात वेळ महत्त्वाची भूमिका बजावते. न्याहारीमध्ये खाल्लेले अंडे तुम्हाला दीर्घकाळ तृप्त ठेवते, चयापचय क्रियेत मदत करते आणि तुमची खाण्याची लालसाही नियंत्रित करू शकते.

ऊर्जा प्रदान करण्याचा स्वस्तात मस्त पर्याय
अंडी हा स्वस्त पदार्थांपैकी एक पर्याय आहे जो तुम्हाला तुमचा दिवस सुरू करण्यासाठी पुरेशी ऊर्जा प्रदान करतो. अंड्यातील पिवळ्या बलकमध्ये व्हिटॅमिन डी असते, जे तुम्हाला सामान्य सर्दी आणि फ्लूपासून लवकर बरे होण्यास मदत करू शकते. हे एक उत्तम प्रतिकारशक्ती बूस्टर देखील आहे, कारण त्यात आपले शरीर निरोगी ठेवण्यासाठी आवश्यक विविध खनिजे आणि जीवनसत्त्वे असतात.

मेंदूचे आरोग्य सुधारते
यामध्ये मेंदूला तल्लख ठेवणारे न्युट्रिएंट्स आणि व्हिटॅमिन्स असतात. यात व्हिटॅमिन B12, B6, Choline आणि Folate असते. हे पोषक तत्व एखाद्या व्यक्तीची मनःस्थिती आणि स्मरणशक्ती नियंत्रित करतात. यामध्ये असलेले फोलेट, कोलिन हे मेंदुला बुस्ट करण्याचे काम करत असते. कोलिन हे मेंदूसाठी आवश्यक असलेल्या न्युरोट्रान्समिटरला बुस्ट करण्याचे काम करते. अंड्याचे दररोज सेवन केल्याने संज्ञानात्मक आरोग्य (cognitive health) सुधारू शकते, कारण अंड्यामध्ये सर्व पोषक घटक असतात.

अनेकांच्या मते अंडी कोलेस्टेरॉलची पातळी वाढवतात. याउलट, जेव्हा तुम्ही दररोज तुमच्या आहारात अंडी खाता, तेव्हा चांगले कोलेस्ट्रॉल म्हणजेच एचडीएल सुधारते. याला गेल्या अनेक वर्षांतील विविध संशोधनांनी पाठिंबा दिला आहे.

त्वचेच्या आरोग्यासाठी चांगले
सेलेनियम हा त्वचेच्या आरोग्याचा एक महत्त्वाचा भाग आहे आणि अंडी हे या पोषक तत्वाचा उत्कृष्ट स्रोत आहे. एका मोठ्या अंड्यामध्ये तुमच्या रोजच्या शिफारस केलेल्या सेलेनियमच्या 28 टक्के मूल्य असते. तुम्ही रोज एक अंडे खाल्ल्यास ते तुमच्या त्वचेला पोषण देते आणि निरोगी ठेवते.

दररोज अंडी खाणं कितपत योग्य?

जर आपण विविध संशोधने आणि अभ्यास पहिला तर, त्यापैकी कोणीही दररोज अंडे खाण्याचे दुष्परिणाम दाखवत नाही. तथापि, बहुतेक संशोधकांनी हा मुद्दा वारंवार मांडला आहे की अंड्यांचे दैनिक सेवन मूल्य मर्यादित केले पाहिजे. ते दिवसातून 1-2 अंडी पेक्षा जास्त नसावे. तसेच, तुम्ही अंड्यासोबत काय खात आहात? तुमच्या फूड पेअरिंगवर लक्ष ठेवणे महत्त्वाचे आहे. जर तुम्ही असे केले तर ‘दिवसाला एक अंडे, तुम्हाला निरोगी ठेवू शकते’ असे म्हणण्यात काही गैर नाही.

अंडी खाण्याची योग्य वेळ 

1. अंडी ही सकाळी नाश्त्यात खाणे सर्वात योग्य ठरते. सकाळच्या नाश्त्यामध्ये अंडे खाल्ल्यास संपूर्ण दिवसभर शरीरात ऊर्जा कायम टिकून राहते.
2. वर्कआउट केल्यानंतर खूप भूक लागते. अशा वेळेस अंडे खाणे शरीरासाठी लाभदायक ठरू शकते. भूक शांत करण्यासाठी, शरीराला ऊर्जा देण्यासाठी आणि स्नायू -पेशी दुरुस्त करण्यासाठी अंड्यातील पोषक घटकांची भरपूर मदत मिळते.
3. अंडी पचायला थोडा वेळ लागू शकतो. त्यामुळे अंडी खाल्ल्यानंतर लगेच झोपणे टाळावे.

The post अंडी खाल्ल्याने मिळतात अनेक फायदे, पण दररोज अंडी खाणं कितपत योग्य, जाणून घ्या तज्ज्ञांचे मत… appeared first on थोडक्यात घडामोडी.