ट्रम्प व्हाईट हाऊसमध्ये परतले असले तरी ते करोनामुक्त झाल्याचं अद्याप सांगण्यात आलेलं नाही. तसेच, ट्रम्प अद्याप करोनामुक्त झाले नसतील तर दुसरी प्रेसिडेन्शिअल डिबेट टाळली पाहिजे, असं मत जो बायडेन यांनी व्यक्त केलं आहे.

मंगळवारी बायडेन यांनी पत्रकारांशी संवाद साधला. त्यावेळी ते म्हणाले, “अनेक जण करोनाबाधित होत आहेत. ही एक गंभीर समस्या आहे. मला क्लेवलँड क्लिनिकच्या डॉक्टरांकडून काही सूचना देण्यात आल्या आहेत. डोनाल्ड ट्रम्प यांची प्रकृती आता कशी आहे याबाबत मला माहिती नाही. मी त्यांच्यासोबत डिबेटसाठी तयार आहे. परंतु अशी आशा करतो की सर्व प्रोटोकॉल्सचं पालन केलं जाईल,” असं बायडेन म्हणाले.

१५ ऑक्टोबर रोजी मियामीमध्ये होणाऱ्या प्रेसिडेन्शिअल डिबेटसाठी आपण तयार असल्याचं मंगळवारी ट्रम्प यांनी ट्वीट करत सांगितलं होतं. १५ ऑक्टोबर रोजी मियामी येथे दुसरी तर २२ ऑक्टोबर रोजी टेनेसेच्या नॅशविले मध्ये तिसरी प्रेसिडेन्शिअल डिबेट होणार आहे.

The post ट्रम्प करोनामुक्त झाले नसतील तर दुसरी प्रेसिडेन्शिअल डिबेट टाळायला हवी- जो बायडेन appeared first on थोडक्यात घडामोडी.

करोना विषाणूचा सर्वाधिक फटका हा अमेरिकेला बसला आहे. अनेक देश करोनावरील लस विकसित करण्यासाठी प्रयत्न करतानाही दिसत आहेत. अशातच काही ठिकाणी करोनाबाधितांच्या प्रकृतीत प्लाझ्मा थेरेपीमुळे सुधारणा होत असल्याचं दिसून आलं होतं. भारतातही काही करोनाबाधितांवर प्लाझ्मा थेरेपीद्वारे यशस्वीरित्या उपचार करण्यात आले.

अमेरिकेचे राष्ट्राध्यक्ष डोनाल्ड ट्रम्प यांनी करोनामुक्त झालेल्या नागरिकांना आता प्लाझ्मा दान करण्यासाठी पुढे येण्याचं आवाहन केलं आहे. डोनाल्ड ट्रम्प यांनी अमेरिकन रेड क्रॉसच्या मुख्यालयाचा गुरूवारी दौरा केला. त्यावेळी त्यांनी करोनामुक्त झालेल्यांना प्लाझ्मा दान करण्याचं आवाहन केलं. प्रशासनानं करोना विषाणूवरील उपचार शोधण्यावर लक्ष केंद्रित केलं आहे. जर तुम्ही करोनामुक्त झाला असाल तर इतरांचं जीवन वाचवण्यासाठी प्लाझ्मा दान करा. आपण एकत्रितरित्या या संकटावर मात करू, असं ट्रम्प यावेळी म्हणाले.

करोनाचा सामना करण्यासाठी प्लाझ्मा थेरेपीची मदत होत असल्याचं संशोधनातून समोर आलं आहे. याद्वारे करोनाचा सामान्य रुग्ण ५ दिवस आधीच करोनातून बाहेर येत असल्याचंही समोर आलं आहे. अमेरिकेत आतापर्यंत ४६.२९ लाखांपेक्षा अधिक लोकांना करोनाची बाधा झाल्याची माहिती समोर आली आहे. त्यापैकी २२ लाखांपेक्षा अधिक जण करनोमुक्त झाले आहेत. तर अमेरिकेत सद्यस्थितीत २१.९७ लाख सक्रिय केसेस आहेत.

The post प्लाझ्मा दान करण्यासाठी पुढे या, करोनामुक्त झालेल्या नागरिकांना ट्रम्प यांचं आवाहन appeared first on थोडक्यात घडामोडी.

अमेरिकेत कोरोनाचं थैमान असतानाच राष्ट्राध्यक्ष डोनाल्ड ट्रम्प यांच्या राष्ट्रीय सुरक्षा सल्लागाराला करोनाची लागण झाली आहे. सीएनएनने राष्ट्रीय सुरक्षा सल्लागार रॉबर्ट ओ’ब्रायन यांना करोनाची लागण झाली असल्याचं वृत्त दिलं. पहिल्यांदाच ट्रम्प प्रशासनातील उच्च दर्जाच्या अधिकाऱ्याला करोनाची लागण झाली आहे.

डोनाल्ड ट्रम्प आणि रॉबर्ट ओ’ब्रायन यांच्यात शेवटची भेट कधी झाली होती हे अद्याप स्पष्ट नाही. १० जुलैला दोघे एका कार्यक्रमात एकत्र दिसले होते. रॉबर्ट ओ’ब्रायन यांना करोनाची लक्षणं दिसत असून त्यांनी स्वत:चं विलगीकरण केलं आहे. राष्ट्रीय परिषदेच्या कर्मचाऱ्यांनी प्रसारमाध्यमांमधूनच आपल्याला रॉबर्ट ओ’ब्रायन यांना करोनाची लागण झाल्याची माहिती मिळाल्याचं सांगितलं आहे.

रॉबर्ट ओ ब्रायन काही दिवसांपूर्वी युरोपमधून परतले होते. तिथे त्यांनी आणि त्यांच्या सहकाऱ्यांनी युके, फ्रान्स, जर्मनी आणि इटलीमधील काही अधिकाऱ्यांची भेट घेतली होती. यावेळी त्यांच्यासोबत सिक्रेट सर्व्हिस एजंट, स्टाफ आणि अनेक रिपोर्टर्स उपस्थित होते. त्यांचे अनेक फोटोही प्रसिद्ध झाले होते ज्यामध्ये ते सोशल डिस्टन्सिंग पाळत नसल्याचं तसंच मास्कचाही वापर करत नसल्याचं दिसत होतं.

The post डोनाल्ड ट्रम्प यांच्या राष्ट्रीय सुरक्षा सल्लागार रॉबर्ट ओ’ब्रायन यांना करोनाची लागण appeared first on थोडक्यात घडामोडी.