मुंबई : गणेशोत्सव हा महाराष्ट्राचा मानबिंदू. या उत्सवासाठी कोकणात तसेच राज्यभरात इतरत्र जाण्यासाठी गणेशभक्तांना प्रवास करावा लागतो. या प्रवासासाठी रेल्वेचा आधार महत्वाचा ठरतो. यासाठी यंदा भारतीय रेल्वेने दरवर्षी पेक्षा यंदा ३६७ जादा फेऱ्यांसाठी रेल्वेगाड्या सोडण्याची नियोजन केल्याची माहिती रेल्वे मंत्री अश्विनी वैष्णव यांनी दिली आहे.

मुख्यमंत्री देवेंद्र फडणवीस यांनी ही माहिती देतानाच, राज्यातील तमाम गणेशभक्तांच्यावतीने पंतप्रधान नरेंद्र मोदी, रेल्वे मंत्री अश्विनी वैष्णव यांचे आभार मानले आहे.

आगामी गणेशोत्सवाच्या नियोजनाच्या अनुषंगाने महाऱाष्ट्र शासनाने रेल्वे मंत्री आणि भारतीय रेल्वेला गणेशभक्तांच्या सुविधेसाठी जादा गाड्या सोडण्याची मागणी केली होती. या मागणीला प्रतिसाद म्हणून केंद्रीय रेल्वे मंत्री कोकणात तसेच अन्यत्र जाणाऱ्या गणेशभक्तांच्या सोयीसाठी दरवर्षी पेक्षा जादाच्या ३६७ फेऱ्यांचे नियोजन केले जाईल, असे पत्रोत्तर दिले आहे, असे, मुख्यमंत्री फडणवीस यांनी सांगितले.

मुंबईत राहणारे कोकणवासी गणेशभक्त गणेशोत्सवासाठी मोठ्या संख्येने मुळगावी कोकणात जातात. तसेच राज्याच्या अन्यभागातील नागरिक देखील या सणासाठी प्रवास करतात. या सगळ्यांची या जादाच्या फेऱ्यांमुळे सोय होणार आहे. राज्यातील गणेशभक्तांसाठी हा मोठा दिलासा आहे. त्यामुळे पंतप्रधान नरेंद्र मोदी आणि केंद्रीय मंत्री अश्विनी वैष्णव यांचे आभार मानत असल्याचेही मुख्यमंत्री फडणवीस यांनी माध्यमांशी संवाद साधताना सांगितले.

The post गणेशभक्तांसाठी यंदा रेल्वेच्या ३६७ जादा फेऱ्या appeared first on थोडक्यात घडामोडी.

मुंबई : राज्यात ब्रेक द चेन अंतर्गत अत्यावश्यक सेवा वगळता इतर सर्व व्यवहार बंद ठेवण्याचे आदेश देण्यात आले आहेत. याअंतर्गत आता प्रवास करायचा असेल तर आंतरराज्य आणि आंतरजिल्हा प्रवासासाठी ई-पास काढावा लागेल. यासाठी अर्ज करून प्रवास करण्यासाठी परवानगी घ्यावी लागणार आहे. अत्यावश्यक सेवांमध्ये असलेल्या कर्मचाऱ्यांना ई-पासची गरज नाही.

अत्यावश्यक कारणासाठी नागरिकांना प्रवास करायचा असल्यास त्यासाठी अर्ज करून ई पास काढावा लागणार आहे. ऑनलाइन ई-पास काढण्यामध्ये अडचण येत असल्यास पोलिस स्टेशनची मदत घेऊ शकता, असं महाराष्ट्र पोलिसांच्यावतीने सांगण्यात आलं आहे. तसेच केवळ अत्यावश्यक कारणासाठीच या सेवेचा वापर करा, असं आवाहनही महाराष्ट्र पोलिसांनी केलं आहे.

For interstate and inter-district emergency travel, you can apply for an E-Pass at https://t.co/jR6ROcBcPU

You can also walk in to your nearest Police Station for assistance.

We urge all citizens to apply for an E-Pass only in the case of extreme emergencies.#EPassForTravel

— Maharashtra Police (@DGPMaharashtra) April 23, 2021

ई पास असा काढता येईल :

1. ई पास काढण्यासाठी प्रथम covid19.mhpolice.in या संकेतस्थळावर जा.
2. ‘apply for pass here’ पर्यायावर क्लिक करून तुम्हाला काही माहिती भरावी लागेल.
3. त्यामध्ये तुम्हाला कोणत्या जिल्ह्यातून किंवा राज्यातून कुठे प्रवास करायचा आहे ते निवडावे लागेल.
4. काही कागदपत्रे इथे जोडावी लागतील.
5. प्रवास कोणत्या कारणासाठी करत आहात याची माहिती द्या.
6. कागदपत्रांची माहिती एकत्रित घेऊन ती अपलोड करा.

तुम्ही अर्ज केल्यानंतर एक टोकन आयडी मिळतो. तुमचा अर्ज मंजूर झाला की नाही? यासाठी तसंच ई-पास काढण्यासाठी तो टोकन आयडी गरजेचा आहे. टोकन आयडी टाकून साइटवरून ई पास डाऊनलोड करता येतो.

ई पासवर तुमची वैयक्तिक माहिती, खासगी वाहनाने प्रवास करणार असल्यास त्याचा क्रमांक, पासची वैधता, क्यूआर कोड इत्यादी माहिती असते. ई पासची हार्ड कॉपी आणि सॉफ्ट कॉपी सोबत ठेवावी. पोलिसांनी विचारणा केली तर त्यांना हा पास दाखवून प्रवास करता येईल.

‘या’ कारणासाठी काढू शकता ई पास :

1. 1. कुटुंबातील व्यक्तीचे लग्न, अंत्यविधी यासाठी ई-पास घेता येतो.
   2. आरोग्यसंबंधित तक्रार असल्यास प्रवास करण्यासाठी ई-पास मिळतो.

The post आंतरराज्य आणि आंतरजिल्हा प्रवासासाठी ई-पास आवश्यक; कसा काढायचा? जाणून घ्या appeared first on थोडक्यात घडामोडी.