नवी दिल्ली : २६ जानेवारी रोजी प्रजासत्ताक दिनी नवी दिल्लीत ट्रॅक्टर रॅली दरम्यान झालेल्या हिंसाचाराशी संबंधित याचिकांची सुनावणी आज पार पडली. रॅलीवेळी झालेल्या हिंसाचाराचा तपास न्यायालयाच्या देखरेखीखाली राष्ट्रीय तपास यंत्रणेने करावा, अशी मागणी एका याचिकेत करण्यात आली होती. त्यावर सर्वोच्च न्यायालयानं सुनावणी करताना या प्रकरणात दखल देण्यास नकार दिला आहे.

आंदोलक शेतकऱ्यांकडून काढण्यात आलेल्या ट्रॅक्टर रॅली दरम्यान झालेला हिंसाचार आणि तोडफोड प्रकरणाची न्यायालयीन चौकशी व्हावी, अशी मागणी जनहित याचिकेद्वारे करण्यात आली होती. परंतु, ‘आम्ही या प्रकरणात दखल देणार नाही, सरकारला योग्य ती कारवाई करू द्या. आम्हाला समजलं आहे की सरकार या प्रकरणाची चौकशी करत आहे. कायदा आपलं काम करेल हे पंतप्रधान नरेंद्र मोदींचं वक्तव्यही आम्ही पाहिलं आहे’, असं सर्वोच्च न्यायालयाच्या खंडपीठानं सुनावणी दरम्यान म्हटलं.
२६ जानेवारी रोजी शेतकऱ्यांच्या ट्रॅक्टर रॅली दरम्यान झालेल्या हिंसाचारानंतर सर्वोच्च न्यायालयात काही याचिका दाखल करण्यात आल्या आहेत. हिंसाचारासाठी आणि तिरंग्याचा कथित अपमान केल्याबद्दल जबाबदार असलेल्या व्यक्तींवर गुन्हा दाखल करून योग्य ती कारवाई करण्यात यावी, असं या याचिकेत म्हटलं होतं. आज सर्वोच्च न्यायालयानं या प्रकरणात न्यायालयीन चौकशीला नकार दिला आहे.

The post ब्रेकिंग : लाल किल्ला हिंसाचार प्रकरणात न्यायालयीन चौकशीला सर्वोच्च न्यायालयानं दिला नकार appeared first on थोडक्यात घडामोडी.

26 जानेवारीला दिल्लीत शेतकऱ्यांना ट्रॅक्टर रॅली काढण्यास दिल्ली पोलिसांनी परवानगी दिली आहे. ‘ट्रॅक्टर रॅली टिकरी, सिंघू आणि गाझीपूर सीमेवरून दिल्लीत दाखल होईल. या रॅलीला टिकरीपासून 63 कि.मी., सिंघूपासून 6२ किमी आणि गाझियाबाद सीमेपासून 46 किमी अंतरावर जाण्यास परवानगी देण्यात आली आहे.

मोर्चाच्या वेळी शेतकऱ्यांना या अटी मान्य कराव्या लागतील :
विशेष पोलिस आयुक्त म्हणाले की प्रजासत्ताक दिनाच्या राष्ट्रीय उत्सवामध्ये कोणत्याही प्रकारची गडबड होऊ नये यासाठी संयुक्त किसान मोर्चा आणि इतर गटांशी चर्चा झाली आहे. आमचे लक्ष 26 जानेवारीची सुरक्षा व्यवस्था आणि रॅलीच्या सुरक्षेवर आहे.

1. प्रजासत्ताक दिन उत्सवासाठी निश्चित केलेल्या वेळेचे पालन शेतकऱ्यांना करावे लागेल, म्हणजेच ही रॅली दिलेल्या वेळेत पार पाडावी लागेल.
2. दिल्लीत आल्यानंतर प्रजासत्ताक दिनाच्या उत्सवापूर्वी रॅलीला उजवीकडे-डावीकडे वळवले जाईल.
3. वैद्यकीय व इतर आपत्कालीन परिस्थितीसाठी रस्त्याच्या मध्यवर्ती गल्लीमध्ये रस्ते तयार करावे लागतील.

या मोर्चाच्या सुरक्षेसाठी तीन राज्यांचे पोलिस असतील. तीन राज्यांचे पोलिस संयुक्तपणे सर्व सुरक्षा व्यवस्थेवर लक्ष देणार आहेत.

45 किमी 100 किमीचा दिल्लीत मोर्चा
शेतकऱ्यांनी 26 जानेवारीच्या ट्रॅक्टर रॅलीला किसान प्रजासत्ताक परेडचे नाव दिले आहे. तीन मार्गांवरून येणाऱ्या रॅलीचे 100 किलोमीटर पैकी सुमारे 45 कि.मी. दिल्लीत होतील. शेतकरी आंदोलनात सामील झालेले स्वराज इंडियाचे नेते योगेंद्र यादव यांनी 26 जानेवारीच्या मोर्चासाठी शेतकऱ्यांनी दिल्लीत ट्रॉली न आणता फक्त ट्रॅक्टर आणावेत, असे आवाहन केले आहे.

The post शेतकऱ्यांना 26 जानेवारीला ट्रॅक्टर रॅली काढण्यास परवानगी, ‘या’ अटी कराव्या लागतील मान्य appeared first on थोडक्यात घडामोडी.