राज्यातील कोरोना संसर्ग दिवसेंदिवस अधिकच झपाट्याने वाढत असल्यामुळे चिंतेत भर पडली आहे. आजही दिवसभरात राज्यात कोरोना रुग्णसंख्येत विक्रमी वाढ झाली आहे. रूग्णांच्या मृत्यूंच्या संख्येतही मोठी भर पडत आहे. या पार्श्वभूमीवर आज मुख्यमंत्री उद्धव ठाकरे यांनी राज्यात रविवारपासून रात्रीची जमावबंदी लागू करण्याचा निर्णय घेतला आहे.

दरम्यान, आज दिवसभरात राज्यात ३६ हजार ९०२ नवीन कोरोनाबाधित आढळून आले. तर ११२ रूग्णांचा मृत्यू झाल्याची नोंद झाली आहे. राज्यात आतापर्यंत ५३ हजार ९०७ रूग्णांचा मृत्यू झालेला आहे. आज दगावलेल्या रुग्णांमुळे राज्याचा कोरोना मृत्यूदर 2.04 टक्क्यांवर पोहोचला आहे. राज्यात सध्या २ लाख ८२ हजार ४५१ अॅक्टिव्ह केसेस आहेत. तसेच, आज दिवसभरात १७ हजार १९ जणांना त्यांना डिस्चार्ज मिळाला. आतापर्यंत राज्यात २३,००,०५६ जण कोरोनातून बरे झाले आहेत. राज्यातील रूग्ण बरे होण्याचे प्रमाण ८७.२ टक्के झाले आहे. सध्या राज्यात १४,२९,९९८ जण घरीच विलगीकरणात आहेत. तर १४ हजार ५७८ जण संस्थात्मक विलगीकरणात आहेत.

The post चिंता वाढली, कोरोना रुग्णसंख्येत होतेय विक्रमी वाढ, आज राज्यात ३६ हजार ९०२ नवीन कोरोनाबाधित appeared first on थोडक्यात घडामोडी.

POCO M3 आज भारतात लॉन्च होत आहे. इव्हेंटची सुरुवात दुपारी 12 वाजता होईल. लॉन्च दरम्यान या स्मार्टफोनची किंमत, स्पेसिफिकेशन्स आणि उपलब्धता याविषयी माहिती देण्यात येणार आहे. हा स्मार्टफोन POCO M2 चा अपग्रेड म्हणून भारतात लॉन्च केला जाईल. भारतात POCO M2 लाँच झाल्यापासून त्याच्या 1 दशलक्षहून अधिक युनिट्सची विक्री झाली होती.

भारतात POCO M3 दुपारी 12 वाजल्यापासून लॉन्च होईल आणि POCO M3 ची जागतिक किंमत 4 जीबी + 64 जीबी व्हेरिएंटसाठी 149 डॉलर्स (सुमारे 11,000 रुपये) ठेवली गेली होती. म्हणजेच, POCO M3 ची प्रारंभिक किंमत भारतात 10 हजार रुपयांच्या आसपास असू शकते. कंपनीकडून वर्ष 2021 मधील हा पहिला लॉन्च इव्हेंट असेल.

POCO M3 स्पेसिफिकेशन्स :

1. 6.53 इंच FHD + डिस्प्ले
2. स्नॅपड्रॅगन 662 प्रोसेसर, अँड्रॉइड 10 बेस्ड MIUI 12
3. 6,000 mAh बॅटरी
4. 6 जीबी रॅम
5. 18 W फास्ट चार्जिंग सपोर्ट
6. 48 एमपी ट्रिपल कॅमेरा सेटअप, 8 एमपी फ्रंट कॅमेरा
7. साइड माउंट फिंगरप्रिंट सेन्सर

The post POCO M3 आज भारतात होणार लॉन्च, जाणून घ्या स्पेसिफिकेशन्स appeared first on थोडक्यात घडामोडी.

FAU-G मोबाईल गेम आज भारतात लॉन्च होणार आहे. बॉलिवूड अभिनेता अक्षय कुमारच्या सहकार्याने nCore गेम्सने हा गेम तयार केला आहे. त्याची पूर्व नोंदणी 30 नोव्हेंबरपासून सुरू झाली. या घोषणेनंतर तीन दिवसांतच १० लाखाहून अधिक वापरकर्त्यांनी या खेळासाठी नोंदणी केली. आता हा आकडा 40 लाखांच्या पुढे गेला आहे.

FAU-G गेम :

FAU-G (निडर आणि युनायटेड रक्षक) हा मोबाइलसाठी फर्स्ट-पर्सन शूटर गेम आहे. हा गेम बेंगळुरूस्थित nCore गेम्स कंपनीने बनविला आहे. पब्जीवर बंदी आणल्यानंतर अभिनेता अक्षय कुमारने मेड-इन-इंडिया FAU-G गेम सुरू करण्याची घोषणा केली. रिपोर्टनुसार, लॉन्चिंगच्या वेळी बॅटल रॉयल मोड गेममध्ये उपलब्ध होणार नाही, परंतु नंतर त्यात बॅटल रॉयल आणि मल्टीप्लेअर दोन्ही मोड जोडले जातील.

डाउनलोड कसे करू शकाल :
आपण Android वापरकर्ता असल्यास, आपण 26 जानेवारीपासून Google Play Store वरून डाउनलोड करू शकता. आपण गेमसाठी पूर्व-नोंदणी केली असल्यास आपल्यास एक अधिसूचना मिळेल, ज्यात गेमच्या लॉन्च आणि डाउनलोडबद्दल माहिती असेल.

कोणत्या डिव्हाइसला FAU-G सपोर्ट करेल :
सध्या FAU-G गेम केवळ Android डिव्हाइसवर चालेल. हा गेम अँड्रॉइड 8 आणि त्यानंतरच्या OS आवृत्त्या चालणार्‍या डिव्‍हाइसेसवर चालेल. गेमसाठी iOS सपोर्ट देखील लवकरच येण्याची अपेक्षा आहे. सध्या कंपनीने आयपॅड आणि आयफोन सपोर्टबाबत कोणतेही स्पष्टीकरण दिले नाही.

20% रेव्हेन्यू शहीद जवानांच्या कुटुंबियांना देण्यात येईल :
FAU-G गेम “आत्मनिर्भर भारत” अभियानाअंतर्गत तयार केला जात आहे. nCore गेम्सने म्हटले आहे की खेळातून मिळणारी  20 टक्के रक्कम वीर ट्रस्ट ऑफ इंडियाला देण्यात येणार आहे. सशस्त्र सैन्याच्या जवानांना मदत करण्यासाठी शासनाने वीर ट्रस्टची स्थापना केली आहे.

The post भारतात FAU-G मोबाईल गेम आज होणार लॉन्च, 20% रेव्हेन्यू शहीद जवानांच्या कुटुंबियांना appeared first on थोडक्यात घडामोडी.

भारतात कोरोना लसीची प्रतीक्षा आहे. आज ‘कोविशील्ड‘ या लशीला भारतात मान्यता मिळण्याची शक्यता आहे. सुरुवातीला ही लस भारतात आपत्कालीन वापरासाठी मंजूर केली जाऊ शकते. सब्जेक्ट एक्सपर्ट कमिटीची (SEC) आज (बुधवार) कोरोना लसीवर बैठक होणार असून त्यामध्ये भारतामध्ये कोरोना लस मंजूर करण्याचा निर्णय घेण्यात येणार आहे.

ब्रिटनमध्ये ऑक्सफोर्ड युनिव्हर्सिटीच्या लशीला मान्यता मिळाली आहे. तिच्याशी संबंधित कोविशील्ड लशीला भारतात वापरास मान्यता देण्याची प्रतिक्षा आहे, त्यावर आज बैठक होणार आहे. भारतात ही बैठक महत्त्वपूर्ण आहे, कारण बुधवारी ब्रिटनने ऑक्सफोर्डच्या कोरोना लसीच्या वापरास मान्यता दिली आहे. काही दिवसांत ब्रिटनमधील लोकांना ऑक्सफोर्ड-अ‍ॅस्ट्राजेनेकाच्या कोरोना लशीचा डोस मिळण्यास प्रारंभ होईल.

सिरम इन्स्टिट्यूट भारतात ऑक्सफोर्ड- अ‍ॅस्ट्राजेनेकाची कोरोना लस बनवित आहे. सीरम इन्स्टिट्यूटच्या म्हणण्यानुसार, भारतात कोविशील्डचे सुरुवातीचे 4-5 कोटी डोस साठवले गेले आहेत.

भारत सरकारच्या वतीने लस देण्याची तयारी आधीच सुरू आहे. सुरुवातीला प्रामुख्याने ही लस 30 कोटी लोकांपर्यंत पोहचविण्यावर भर आहे, ज्यामध्ये कोरोना वॉरियर्सला प्राधान्य दिले जाईल. आरोग्य कर्मचारी, पोलिस, कोरोना वॉरियर्स, 50 वर्षांच्या पुढील लोक आणि आजारी लोक यांना प्राधान्य दिले जाईल.

The post मोठी बातमी : ‘कोविशील्ड’ कोरोना लशीला आज भारतात मान्यता मिळण्याची शक्यता appeared first on थोडक्यात घडामोडी.

इंडियन प्रीमियर लीग (IPL) मध्ये आज चेन्नई सुपर किंग्सचा सामना राजस्थान रॉयल्सशी होणार आहे. दुबईतील शेख झायेद स्टेडियमवर हा सामना सायंकाळी 7.30 वाजता रंगणार आहे. या हंगामात यापूर्वी शारजात हे दोन संघ समोरासमोर आले होते. या दोघांमध्ये झालेल्या पहिल्या सामन्यात राजस्थानने चेन्नईचा पराभव केला होता.

पॉईंट टेबल्समध्ये चेन्नई तीन विजयासह सातव्या क्रमांकावर आहे. तर राजस्थान तीन विजयासह आठव्या क्रमांकावर आहे. आजच्या सामन्यात जिंकणारी टीम पाचव्या क्रमांकावर जाईल. आजचा सामना दोन्ही संघांसाठी अत्यंत महत्वाचा आहे.

अबू धाबीमधील शेख झायेद आंतरराष्ट्रीय क्रिकेट स्टेडियम मध्ये फिरकी गोलंदाजांना मदत मिळू शकते. त्यामुळे दोन्ही संघ दोन आघाडीच्या फिरकी गोलंदाजांसह मैदानावर येऊ शकतात.

The post IPL 2020 : आज चेन्नई सुपर किंग्सचा सामना राजस्थान रॉयल्सशी appeared first on थोडक्यात घडामोडी.

आज (१६ ऑक्टोबर) कोकण विभागात मुसळधार, तर मध्य महाराष्ट्रात काही ठिकाणी जोरदार पाऊस पडणार असल्याचा अंदाज हवामान विभागाकडून व्यक्त करण्यात आला आहे. हवामान विभागाने दिलेल्या इशाऱ्यानुसार १६ ऑक्टोबरला मुंबई, ठाणे, पालघर, रायगड, रत्नागिरी, सिंधुदुर्ग या कोकण विभागातील जिल्ह्यंमध्ये काही ठिकाणी मुसळधार पाऊस कोसळण्याची शक्यता आहे.

मराठवाडय़ासह मध्य महाराष्ट्रात शेतीचे प्रचंड नुकसान झाले आहे. बुधवारी पावसाने मराठवाडा आणि मध्य महाराष्ट्राला तडाखा दिला. बंगालच्या उपसागरातून आलेला आणि अरबी समुद्राच्या दिशेने बाष्प घेऊन आलेला कमी दाबाचा पट्टा आता कोकण आणि मध्य महाराष्ट्राच्या काही भागांवर स्थित आहे. त्यामुळे १६ ऑक्टोबरला या भागांत काही ठिकाणी मुसळधार ते मध्यम स्वरूपाचा पाऊस होण्याचा अंदाज आहे.

The post आज मध्य महाराष्ट्र व कोकण विभागात जोरदार पावसाची शक्यता appeared first on थोडक्यात घडामोडी.