मुंबई : राजस्थान रॉयल्सच्या संघाने दिलेले टार्गेट बंगळुरुच्या सलामी जोडीने सहज पार केले. या सामन्यातील दिमाखदार विजयासह बंगळुरुने सलग चौथा विजय नोंदवत धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला. पहिल्यांदा बॅटिंग करणाऱ्या राजस्थानने निर्धारित 20 षटकात 9 बाद 177 धावा केल्या होत्या. या धावांचा पाठलाग करण्यासाठी कर्णधार विराट कोहली आणि देवदत्त पडिक्कलने बंगळुरुच्या डावाला सुरुवात केली. या दोघांना बाद करण्यात राजस्थानच्या एकाही गोलंदाजाला यश मिळाले नाही. देवदत्त पडिक्कलने 52 चेंडूत 11 चौकार आणि 6 षटकाराच्या मदतीने नाबाद 101 धावांची खेळी केली. दुसऱ्या बाजूला विराट कोहलीने 47 चेंडूत 6 चौकार आणि 3 षटकाराच्या मदतीने 72 धावांची खेळी केली.

आयपीएल सामन्यात राजस्थाननं बंगळुरुसमोर विजयासाठी 178 धावांचं लक्ष्य ठेवलं होतं. बंगळुरुने नाणेफेक जिंकत प्रथम क्षेत्ररक्षणाचा निर्णय घेतला होता. राजस्थानने सुरुवातीला चार विकेट झटपट गमावल्या. सुरुवातीला जोस बटलर, मनन वोहरा, डेविड मिलर आणि संजू सॅमसन स्वस्तात बाद झाल्यानं राजस्थानचा डाव गडगडला. मात्र शिवम दुबे आणि रियाननं राजस्थानचा डाव सावरला. त्यानंतर रियान पराग 25 धावा करुन बाद झाला. तर शिवम दुबे केन रिचर्डसनच्या गोलंदाजीवर फटका मारण्याच्या ग्लेन मॅक्सवेलच्या हाती झेल देऊन बाद झाला. शिवमने 32 चेंडूत 46 धावांची खेळी केली. त्यानंतर राहुल तेवतियाने 23 चेंडूत 40 धावांची खेळी केली. मोहम्मद सिराजने चांगली गोलंदाजी करत 4 षटकात 27 धावा देत 3 तर हर्षल पटेलने 4 षटकात 47 धावा देत 3 गडी बाद केले.

आयपीएल स्पर्धेत रॉयल चॅलेंजर्स बंगळुरुची विजयी घोडदौड सुरुच आहे. राजस्थान विरुद्धचा सामना जिंकत बंगळुरुने विजयी चौकार मारला आहे. या सामन्यात विराट आणि देवदत्त पडिक्कल या जोडीनं राजस्थाननं विजयासाठी दिलेलं १७८ धावांचं लक्ष्य सहज गाठलं. बंगळुरुने १७ व्या षटकातच हे आव्हान पूर्ण केलं. १० गडी राखून आणि २१ चेंडू शिल्लक ठेवून बंगळुरुने हा विजय मिळवला. देवदत्तनं ५२ चेंडूत नाबाद १०१ धावा केल्या. तर विराटने ४७ चेंडूत नाबाद ७२ धावा केल्या. या विजयासह आयपीएल गुणतालिकेत बंगळुरुचा संघ अव्वल स्थानी पोहोचला आहे. बंगळुरुने यापूर्वी पहिल्या सामन्यात मुंबईला, दुसऱ्या सामन्यात हैदराबादला आणि तिसऱ्या सामन्यात कोलकाताला पराभूत केलं आहे. या विजयासह बंगळुरुचे गुणतालिकेत ८ गुण झाले आहेत.

1. देवदत्त पडीक्कलचे अफलातून शतक
   बंगळुरुचा युवा सलामीवीर देवदत्त पडीक्कलने चौकार ठोकत 51 चेंडूत शतक झळकावलं आहे. देवदत्तच्या आयपीएल कारकिर्दीतील हे पहिलंवहिलं शतक ठरलं आहे. देवदत्त आयपीएलमध्ये शतक लगावणारा तिसरा युवा फलंदाज ठरला आहे.
2. विराटने आयपीएलमध्ये रचला इतिहास, ६००० धावा करणारा पहिला फलंदाज
   विराटने ४७ चेंडूत ७२ धावांची नाबाद खेळी केली. यात ६ चौकार आणि ३ षटकारांचा समावेश आहे.विराट कोहलीनं आयपीएलमधलं ४० वं अर्धशतक केलं. या अर्धशतकासंह त्याने आयपीएलमध्ये ६००० धावा पूर्ण केल्या आहे. आयपीएलमध्ये इतकी धावसंख्या करणारा तो पहिला फलंदाज आहे.
3. गुणतालिकेत आठ गुण कमावणारा आरसीबी हा पहिला संघ
   या सामन्यातील दिमाखदार विजयासह बंगळुरुन सलग चौथा विजय नोंदवला असून या विजयासह आरसीबीने धोनीच्या नेतृत्वाखालील चेन्नई सुपर किंग्सला गुणतालिकेत जोरदार धक्का दिल्याचे पाहायला मिळाले. गुणतालिकेत आठ गुण कमावणारा आरसीबी हा पहिला संघ ठरला.

The post राजस्थान विरुद्धच्या सामन्यात विराटसेनेचा १० विकेट्स राखून दणदणीत विजय, विराटने आयपीएलमध्ये रचला इतिहास तर पडीक्कलचे पहिले शतक… appeared first on थोडक्यात घडामोडी.

आयपीएलचा 50 वा सामना किंग्स इलेव्हन पंजाब आणि राजस्थान रॉयल्स यांच्यात सायंकाळी ७.30 वाजता अबू धाबी येथे खेळला जाईल. राजस्थान रॉयल्स संघाने हा सामना गमावल्यास त्यांच्यासाठी प्ले-ऑफचे दरवाजे बंद होतील आणि ते स्पर्धेतून बाहेर पडतील. पंजाबला आपला सातवा विजय नोंदवून पॉइंट्स टेबलमध्ये चौथे स्थान कायम राखण्यास आवडेल.

शारजाह येथे खेळल्या गेलेल्या मोसमातील 9 व्या सामन्यात पंजाबने प्रथम फलंदाजी करताना 2 गडी गमावून 223 धावा केल्या. प्रत्युत्तरादाखल राहुल तेवतियाच्या दमदार फलंदाजीमुळे राजस्थानने ३ बॉल शिल्लक असतानाच 6 गडी गमावून सामना जिंकला.

राजस्थान रॉयल्सने आतापर्यंत 159 सामने खेळले आहेत, त्यात 80 विजय आणि 77 पराभव झाले. 2 सामने अनिश्चित होते. पंजाबने आतापर्यंत 188 पैकी 88 सामने जिंकले आहेत आणि 100 सामने गमावले आहेत. राजस्थानचा सक्सेस रेट 50.63% आणि पंजाबचा सक्सेस रेट 46.27% आहे.

अबू धाबीमधील खेळपट्टी फलंदाजांना मदत करू शकते. स्लो विकेट असल्याने फिरकीपटूंनाही खूप मदत होऊ शकते. नाणेफेक जिंकणार्‍या संघाला प्रथम गोलंदाजी करायला आवडेल.

The post IPL 2020 : आज किंग्स इलेव्हन पंजाब आणि राजस्थान रॉयल्स यांच्यात सामना appeared first on थोडक्यात घडामोडी.

आबुधाबी: आज राजस्थान रॉयल्स आणि मुंबई इंडियन्स यांच्यात सामना रंगणार आहे. मुंबई इंडियन्सने आयपीएलच्या तेराव्या हंगामातही आपल्या लौकिकाला साजेसा खेळ केला आहे. रोहित शर्मविना खेळतानाही मुंबईने चेन्नईसारख्या संघावर दणदणीत विजय मिळवला होता. काही सामन्यांचा अपवाद वगळता संघातील सर्व खेळाडू चांगली कामगिरी करत असल्यामुळे आतापर्यंत या संघात फारसे बदल झालेले दिसले नाहीत.

चेन्नईविरुद्ध सामन्यात कर्णधार रोहित शर्माला झालेल्या दुखापतीमुळे कायरन पोलार्डने संघाचं नेतृत्व केलं. प्ले-ऑफमध्ये आपलं स्थान पक्क करण्यासाठी मुंबई इंडियन्सचा संघ अवघी काही पावलं दूर आहे. त्यामुळे राजस्थाविरुद्ध सामन्यात विजय मिळवत आपलं अव्वल स्थान कायम राखण्याकडे मुंबईचा कल असणार आहे. राजस्थानविरुद्ध सामन्यातही कायरन पोलार्डच मुंबईचं नेतृत्व करणार आहे.

राजस्थान रॉयल्सपेक्षा मुंबई इंडियन्सचेच पारडे जड असल्याचे पाहायला मिळत आहे. गेल्या काही सामन्यांतील निराशाजनक कामगिरीमुळे राजस्थानचा संघ सध्या गुणतालिकेत तळातल्या स्थानावर फेकला गेला आहे. या संघाचं स्पर्धेतलं आव्हान जवळपास संपुष्टात आलेलं असून यापुढील सामन्यांमध्ये एखादी चमत्कारीक खेळी राजस्थानला वाचवू शकते. अबुधाबीच्या मैदानावर मुंबईचा कर्णधार कायरन पोलार्जने नाणेफेक जिंकत प्रथम फलंदाजी करण्याचा निर्णय घेतला आहे. राजस्थानविरुद्ध सामन्यात मुंबईने संघात एक बदल केला असून कुल्टर-नाईलच्या जागेवर जेम्स पॅटिन्सन संघात परत आला आहे.

Match 45. Mumbai Indians XI: Q de Kock, I Kishan, S Yadav, S Tiwary, H Pandya, K Pollard, K Pandya, J Pattinson, R Chahar, T Boult, J Bumrah https://t.co/zppwj1LdxA #RRvMI #Dream11IPL #IPL2020

— IndianPremierLeague (@IPL) October 25, 2020

Captain Pollard wins the toss and #MumbaiIndians will bat first against #RR #Dream11IPL pic.twitter.com/hH033wUaio

— IndianPremierLeague (@IPL) October 25, 2020

मुंबई इंडियन्सने नाणेफेक जिंकत फलंदाजी स्वीकारली

Match 45. Mumbai Indians win the toss and elect to bat https://t.co/zppwj1LdxA #RRvMI #Dream11IPL #IPL2020

— IndianPremierLeague (@IPL) October 25, 2020

The post IPL 2020 RR vs MI : मुंबई इंडियन्सने नाणेफेक जिंकत फलंदाजी स्वीकारली, जाणून घ्या दोन्ही संघांत नेमके कोणते बदल झाले appeared first on थोडक्यात घडामोडी.