मुंबई : मुंबईतील साकीनाका येथील बलात्कार पिडीतेचे निधन झाले आहे. साकीनाका परिसरात एका महिलेवर बलात्काराची घटना घडली होती. बलात्कारानंतर पीडितेच्या गुप्तांगात रॉड घुसवल्याचे अमानुष कृत्य केले होते. या महिलेची प्रकृती चिंताजनक होती, मात्र आता या महिलेचे निधन झाले आहे. याप्रकरणी साकीनाका पोलीसांनी गुन्हा दाखल करून एका व्यक्तीला अटकही केली होती. बलात्कारानंतर संशयिताने महिलेच्या गुप्तांगात रॉड घातल्याची माहिती मिळाली होती.

मिळालेल्या माहितीनुसार, 9 सप्टेंबरला साकीनाकाच्या खैरानी रोड परिसरात गुरुवारी मध्यरात्री ही घटना घडली होती. आरोपीने रस्त्यात उभ्या असलेल्या टेम्पोत हे कृत्य भयंकर केलं होतं. त्या परिसरात असलेल्या सीसीटीव्ही कॅमेऱ्यात महिलेला आरोपी मारहाण करत असल्याचं दिसत आहे. त्यांच्यात सुरू असलेल्या भांडणाबाबत एका व्यक्तीने पोलिसांना फोन करुन सांगितले होते, त्यानंतर पोलीस घटनास्थळी दाखल झाले तेव्हा पीडित महिला रक्तबंबाळ आणि बेशुद्धावस्थेत टेम्पोत आढळली होती. पीडितेच्या प्रायव्हेट पार्टला गंभीर दुखापत झालेली होती.

पोलिसांनी पीडितेला तात्काळ रुग्णालयात दाखल केले होते. परंतु, पीडितेची परिस्थिती चिंताजनक होती. पिडीतेचा खूप रक्तस्त्राव झाला होता. डॉक्टरांनी महिलेला वाचवण्याचा आटोकाट प्रयत्न केला. अडीच ते तीन तास शस्त्रक्रिया चालली होती. परंतु, आता महिलेची मृत्यूशी झुंज आणि डॉक्टरांचे प्रयत्न अपयशी ठरले आहेत.

महापौर किशोरी पेडणेकर यांनी काही वेळापूर्वीच रुग्णालयात जाऊन पीडित महिलेच्या प्रकृतीची चौकशी केली होती. त्यानंतर त्यांनी माध्यमांना माहिती दिली होती की, पीडित महिलेसोबत तिची आई आहे. पीडितेच्या आईने सांगितले की, जो इसम सीसीटीव्ही कॅमेऱ्यात दिसत आहे, त्याच्यासोबत महिला 10-12 वर्षांपासून राहत होती आणि त्यांच्यात वारंवार भांडणे सुद्धा होत होती.

The post साकीनाका बलात्कार पिडीतेचे निधन appeared first on थोडक्यात घडामोडी.

बर्न : फक्त ११ मिनिटेच बलात्कार केल्याचे म्हणत बलात्कार करणाऱ्या आरोपीची शिक्षा न्यायालयाने कमी केल्याचे संतापजनक प्रकरण समोर आले आहे. एका महिला न्यायाधीशाने हा निकाल दिला आहे. स्वित्झर्लंडमधील न्यायालयाने हा निकाल दिला असून या निकालानंतर मोठा संताप व्यक्त करण्यात येत आहे.

मिळालेल्या माहितीनुसार, मागील वर्षी फेब्रुवारी महिन्यात एका नाइट क्लबमध्ये ही घटना घडली होती. पीडित महिलेवर ३३ वर्षीय आणि १७ वर्षीय दोघांनी बलात्कार केला. त्यातील १७ वर्षीय आरोपीवर बाल न्यायालयात खटला सुरू आहे. मागील महिन्यात झालेल्या सुनावणीनंतर निकाल देताना न्यायाधीशांनी म्हटले की, पीडित महिलेने दोषीला ‘काही संकेत’ही दिले होते. निकालानंतर कोर्टाच्या प्रवक्त्यांनी हे वक्तव्य स्पष्ट करण्यास नकार दिला. न्यायालयाने बलात्कार फक्त ११ मिनिटे झाला आणि पीडिता गंभीर जखमी झाली नाही. या मुद्यावर दोषीची शिक्षा कमी केली. या निकालानंतर संताप व्यक्त करण्यात येत आहे. कोर्टाच्या या निकालामुळे धक्का बसला असल्याचे पीडितेच्या वकिलाने म्हटले.

दरम्यान, या निकालाच्या विरोधात स्वीस अपील न्यायालयाच्या बाहेर रविवारी शेकडो निदर्शकांनी आंदोलन केले. रविवारी झालेल्या निदर्शनांमध्ये महिलांनी संताप व्यक्त केला. याआधी दोषीला चार वर्षे आणि तीन महिन्याच्या कारावासाची शिक्षा ठोठावण्यात आली होती. कोर्टाने ३३ वर्षाच्या दोषीची शिक्षा कमी करून तीन वर्षांची शिक्षा सुनावली. बलात्कार प्रकरणातील दोषींवर कठोर शिक्षा होणे अपेक्षित असताना न्यायालयाने अशी भूमिका घेणे धक्कादायक असल्याचे काही आंदोलकांनी म्हटले होते. या निकालाविरोधात सर्वत्र संताप व्यक्त करण्यात येत आहे.

The post संतापजनक! फक्त ११ मिनिटेच बलात्कार झाल्याचे सांगून न्यायालयाने कमी केली आरोपीची शिक्षा appeared first on थोडक्यात घडामोडी.