प्रसिद्ध चित्रकार राम कामत यांनी त्यांच्या राहत्या घरी आत्महत्या केली, त्यांचा मृतदेह बाथटबमध्ये सापडला असून त्यांनी सुसाईड नोटमध्ये लिहिले की, ‘माझ्या आत्महत्येसाठी कोणालाही जबाबदार धरू नये तसेच त्यांनी काढलेली चित्रं त्यांच्या मित्रांना त्यांची आठवण म्हणून देण्यात यावीत’

राम कामत बुधवारी संध्याकाळी आंघोळ करण्यासाठी गेले. त्यानंतर बराच वेळ झाला तरी ते बाथरूममधून बाहेर आले नाहीत, त्यामुळे त्यांच्या आईने दरवाजा ठोठावला. मात्र दरवाजा आतून बंद केला नव्हता. त्यांची आई जेव्हा आत गेली, तेव्हा ते बेशुद्धावस्थेत बाथ टबमध्ये पडले होते. त्यांना तातडीने रुग्णालयात नेण्यात आलं, मात्र डॉक्टरांनी त्यांना मृत घोषित केलं.

राम कामत हे एक चित्रकार होते. ते ४१ वर्षांचे होते. मुंबईतील माटुंगा येथे ते आपल्या आई आणि बहिणीसोबत राहत होते. त्यांचं लग्न झालं नव्हतं. गेल्या दोन ते तीन वर्षांपासून ते डिप्रेशनमध्ये होते आणि त्यांच्यावर उपचारही सुरु होते. ते डिप्रेशनमध्ये का होते याचं कारण कळू शकलेलं नाही. पोलिसांनी एडीआर दाखल करून याचा तपास करण्यात येणार असल्याची माहिती दिली आहे.

दरम्यान, पोस्टमार्टम रिपोर्ट उद्यापर्यंत येण्याची शक्यता आहे. तर विसरा रिपोर्टला काही वेळ लागण्याची शक्यता वर्तवण्यात येत आहे. हे रिपोर्ट आल्यानंतरच त्यांच्या मृत्यूचं नेमकं कारण स्पष्ट होईल. राम यांचा मृत्यू बाथरूम टबमध्ये बुडून झाला की, त्यांनी कुठचा विषारी द्रव्यपदार्थ घेतला होता? हे त्यांचा पोस्टमार्टम रिपोर्ट आल्यानंतरच स्पष्ट होईल.

The post प्रसिद्ध चित्रकार राम कामत यांची राहत्या घरी आत्महत्या, मृतदेह बाथटबमध्ये appeared first on थोडक्यात घडामोडी.