पुणे : पुणे-मुंबई एक्सप्रेस वेवर मालवाहू ट्रकला कारची धडक होऊन भीषण अपघात झाला. या अपघातात कारमधील चार जणांचा जागीच मृत्यू झाला. ही घटना आज (9 एप्रिल) सायंकाळी 4.30 वाजण्याच्या सुमारास घडली. दरम्यान, स्थानिक पोलीस मृतांची ओळख पटवण्याचे काम करत आहेत. ही कार मुंबईच्या दिशेने जात असल्याचे सांगण्यात येत आहे. या घटनेने परिसरात एकच खळबळ उडाली आहे.

मिळालेल्या माहितीनुसार, आज दुपारी 4.15 च्या सुमारास गहुंजे क्रिकेट स्टेडियमसमोर उभ्या असलेल्या ट्रकला स्कोडा कारने धडक दिली. या अपघातात चौघांचा जागीच मृत्यू झाला. मृतांमध्ये एका महिलेचा समावेश आहे. अपघातग्रस्त कार वेगात होती, असा अंदाज अधिकाऱ्यांनी व्यक्त केला आहे. चालकाने पन्नास मीटरपासून ब्रेक लावले होते. हा अपघात एवढा भीषण होता की, कारच्या पुढील भागाचा चक्काचूर झाला. अपघातात मृत्युमुखी पडलेल्यांची ओळख पटवण्याचा प्रयत्न पोलिस करत आहेत.

The post पुणे-मुंबई एक्सप्रेस वेवर भीषण अपघात, मालवाहू ट्रकला धडकल्याने कारमधील चौघांचा जागीच मृत्यू appeared first on थोडक्यात घडामोडी.