हैदराबाद : एका दिवंगत पोलिस कर्मचाऱ्याच्या 16 वर्षांच्या मुलाने इंटरनेट गेमिंगवर पैसे उधळण्यासाठी त्याच्या आईच्या SBI आणि HDFC खात्यातून 36 लाख रुपये चोरले. हा मुलगा हैदराबादच्या अंबरपेट भागात राहतो. त्याने आजोबांच्या मोबाईलवर शूटिंग गेम डाउनलोड केला होता.

गेमच्या ऍप-मधील खरेदीसाठी त्याने प्रथम त्याच्या आईच्या खात्यातून 1,500 आणि 10,000 रुपये चोरले. हैदराबाद पोलिसांच्या सायबर गुन्हे शाखेच्या म्हणण्यानुसार त्याला नंतर या गेमचे व्यसन लागले. हा मुलगा दिवंगत पोलीस अधिकाऱ्याचा मुलगा आहे. तो 11वीत शिकतो. पोलिसांनी सांगितले की त्याने 1.45 लाख ते 2 लाख रुपये पेमेंट केले.

मुलाची आई तिच्या एसबीआय खात्यातून पैसे काढण्यासाठी गेली तेव्हा हा प्रकार उघडकीस आला. तिच्याकडे जवळपास २७ लाख रुपये होते. तिला मोठा धक्का बसला, तिला कळले की संपूर्ण पैसे तिच्या नकळत काढून घेतले गेले. त्यानंतर तिने एचडीएफसी खाते तपासले असता 9 लाख रुपये काढल्याचे आढळले. त्यानंतर महिलेने सायबर क्राईम युनिटशी संपर्क साधला. पतीच्या मृत्यूनंतर मिळालेली भरपाई दोन खात्यांमध्ये जमा झाली होती, असे या महिलेने सांगितले.

The post पोलिसाच्या मुलाने आईच्या खात्यातून चोरले 36 लाख रुपये, मोबाईल गेमचे व्यसन पडले महागात… appeared first on थोडक्यात घडामोडी.