इथिओपिया : विमानातील दोन्ही वैमानिक झोपी गेल्यामुळे इथिओपियन एअरलाइन्सच्या विमानाचे लँडिंग चुकले. सोमवारी (१५ ऑगस्ट) हे विमान सुदानच्या खार्तूमहून इथिओपियाची राजधानी अदिस अबाबाकडे जात असताना ही घटना घडली. एव्हिएशन हेराल्डनुसार, जेव्हा विमान विमानतळाजवळ आले तेव्हा एअर ट्रॅफिक कंट्रोल (एटीसी) ने अलर्ट जारी केला, परंतु विमानाने लँडिंग केलेच नाही. विमान ऑटोपायलट मोडमध्ये होते आणि त्यामुळे विमान 37,000 फूट उंचीवर फिरत होते.

एटीसीने फ्लाइट ET343 च्या पायलटशी अनेक वेळा संपर्क साधण्याचा प्रयत्न केला, परंतु ते त्यांच्यापर्यंत पोहोचू शकले नाही. दरम्यान, विमान जेथे लँड करायचे होते तो रनवे विमानाने ओव्हरफ्लो केला, तेव्हा ऑटोपायलट डिस्कनेक्ट झाला. त्यामुळे एक अलार्म वाजला, ज्यामुळे वैमानिक जागे झाले. त्यानंतर 25 मिनिटांनंतर त्यांनी विमानाला धावपट्टीवर लँडिंगसाठी फिरवले. सुदैवाने विमानाचे सुरक्षितपणे लँडिंग झाले.

या वर्षाच्या सुरुवातीला न्यूयॉर्कहून रोमला जाणाऱ्या फ्लाइटमध्ये दोन वैमानिक झोपी गेल्याची अशीच घटना घडली होती. विमानाने जमिनीपासून 38,000 फूट उंच प्रवास केला होता.

The post दोन्ही वैमानिक झोपी गेल्यामुळे विमानाचे लँडिंग चुकले, विमान 37,000 फूट उंचीवर होते आणि…. appeared first on थोडक्यात घडामोडी.