Ph.D - थोडक्यात घडामोडी - Marathi News - मराठी बातम्या - Latest Marathi News at thodkyaatghadamodi.in

‘बार्टी’ मार्फत एम.फिल, पीएच.डी करणाऱ्या विद्यार्थ्यांना संशोधन फेलोशिपसाठी अर्ज करण्याचे आवाहन

थोडक्यात घडामोडी टीम — Thu, 25 Aug 2022 08:31:08 +0000

मुंबई : सामाजिक न्याय विभागाच्या अधिनस्त डॉ. बाबासाहेब आंबेडकर संशोधन व प्रशिक्षण संस्था (बार्टी) मार्फत डॉ. बाबासाहेब आंबेडकर राष्ट्रीय संशोधन अधिछात्रवृत्ती (BANRF-2021) अंतर्गत 1 जानेवारी 2021 ते 31 डिसेंबर 2021 पर्यंत कायम नोंदणी (Confirmed Registration) असणाऱ्या तसेच विज्ञान व तंत्रज्ञान विषयामध्ये नामांकित विद्यापीठामधून पीएच.डी. करू इच्छिणाऱ्या परंतु नोंदणी न झालेल्या संशोधक विद्यार्थ्यांकडून अर्ज मागविण्यात येत आहेत.

BANRF-2021 अंतर्गत एकूण 200 विद्यार्थ्यांना अधिछात्रवृत्ती देण्यात येणार आहे. याअंतर्गत एम.फिल/ पीएच.डी करणाऱ्या विद्यार्थ्यांना RGNF/NFSC च्या धर्तीवर JRF साठी रु. 31000/- व SRF साठी रु. 35000/- प्रतिमहा प्रमाणे अधिछात्रवृत्ती रक्कम तसेच वार्षिक आकस्मिक खर्च, घरभाडे रक्कम देण्यात येते. एम.फिल साठी एकूण 2 वर्ष, पीएच.डी. साठी एकूण 5 वर्षे तसेच एम.फिल / पीएच.डी (Integrated Course) एकूण 5 वर्षे अधिछात्रवृत्ती विद्यार्थ्यांना देण्यात येते. इच्छुकांनी अधिक माहितीसाठी बार्टीचे अधिकृत संकेतस्थळ https://barti-maharashtragov.in ला भेट देण्याचे आवाहन बार्टीचे महासंचालक धम्मज्योती गजभिये यांनी केले आहे.

The post ‘बार्टी’ मार्फत एम.फिल, पीएच.डी करणाऱ्या विद्यार्थ्यांना संशोधन फेलोशिपसाठी अर्ज करण्याचे आवाहन appeared first on थोडक्यात घडामोडी.

मा.खा.डॉ सुनील गायकवाड यांना अमेरिकन युनिव्हर्सिटी कडून पी. एच. डी. प्रदान.

थोडक्यात घडामोडी टीम — Mon, 25 Oct 2021 03:12:01 +0000

मुंबई (प्रतिनिधी) : लातूरचे माजी खासदार प्रोफेसर डॉ सुनील बळीराम गायकवाड यांना मुंबई येथे “द अमेरिकन यूनिवर्सिटी USA “ कडून डॉक्टर ऑफ फ़िलॉसाफ़ी (मेडिकल & पोलिटिकल साइयन्स) या विषयात Ph.D.( ऑनर्स) देऊन गौरव करन्यात आला. द अमेरिकन यूनिवर्सिटी-USA चे फ़ाउंडर अण्ड चेअरमन प्रोफ़ेसर डॉ मधु कृष्णन आणि मुंबई चे ख़ासदार डॉ गोपाल शेट्टी यांच्या हस्ते डिग्री प्रमाणपत्र, मेडल, स्मृतीचिन्ह देऊन गौरवन्यात आले.

पदवीदान समारंभास केंद्रीय मंत्री डॉ रामदास आठवले, प्रसिद्ध सिने अभिनेत्री उषा नाड़कर्नि, दादासाहेब फालके अवार्ड चे संस्थापक कल्याण जी जाना,आदि फ़िल्म जगतचे कलाकार मोठया संखेनी उपस्थित होते. प्रोफेसर डॉ सुनील बळीराम गायकवाड हे उच्च शिक्षित खासदार म्हणून १६ व्या लोकसभेत त्यांचं हाई रेंज बुक ऑफ वर्ल्ड रकॉर्ड मध्ये नोंद झालेली आहे. ते अनेक विषयांत पदवीत्तर शिक्षण घेतलेले आहेत. त्यांच्या अनेक सामाजिक आणि राजकीय कार्याची दखल घेऊन त्यांना पॉलिटिकल सायन्स विषयात द अमेरिकन युनिव्हर्सिटी usa नी ऑनर्स डॉक्टरेट डिग्री ( Ph.D) देऊन आज गौरव केला.
त्यांना मिळालेल्या गौरवासाठी त्यांचे विविध क्षेत्रातील मान्यवरांनी अभिनंदन केले आहे.

The post मा.खा.डॉ सुनील गायकवाड यांना अमेरिकन युनिव्हर्सिटी कडून पी. एच. डी. प्रदान. appeared first on थोडक्यात घडामोडी.