परळी : श्री ष.ब्र. १०८ वेदांताचार्य दिगंबर शिवाचार्य महाराज यांच्या नेतृत्वाखाली थोरला मठ संस्थान वसमत आयोजित वसमत ते श्री क्षेत्र कपिलाधार पदयात्रा मागिल १२ वर्षा पासुन आयोजित करण्यात येते . हजारो भाविकांचा त्या पदयात्रेत सहभाग असतो. या वर्षी भव्य आरोग्य तपासणी शिबिर संपन्न झाले त्यात ४०० व्यक्तीहून अधिक लोकांनी घेतला शिबिराचा लाभ  घेतला.

रेवली फाटा, परळी जिल्हा बिड येथे डॉ भाग्यश्री नरवाडे (एम.डी.आयुर्वेद) यांच्या तर्फे आरोग्य तपासणी शिबिराचे आयोजन करण्यात आले. तपासणी व समुपदेशनाचा सुमारे ४०० व्यक्तीहून अधिक लोकांनी शिबिराचा लाभ घेतला. शिबिरात मोफत रक्तदाब, मधुमेह तपासणी, सांध्यांचे विकार , हृदयरोग, मूत्त्राशयाचे आजार, अजीर्ण-अम्लपित्त, बालरोग, स्त्री रोग, इत्यादी प्रकारच्या अजारांवर डॉक्टरांनी मोफत उपचार, औषधे व सल्ला दिला.

डॉ भाग्यश्री नरवाडे यांनी सांगितले की, बहुतांश आजारांचे कारण चूकीचा आहारविहार असतो. आयुर्वेद भारताला मिळालेला खजिना आहे, आयुर्वेद हा अथर्वेदाचा उपवेद असून यात जीवन जगण्याचे महामंत्र दिलेले आहेत. आयुर्वेदातील दिनचर्या – ऋतुचर्या पालन केल्यास डिसऑर्डर जसे की उच्चरक्तदाब, मधुमेह इत्यादी आजार उत्पन्न होणार नाहीत किंवा आजार उत्पन्न झाल्यास आजार दुरुस्त होण्यास नक्कीच मदत होते. त्यांच्या मार्गदर्शनाखाली डॉ. विष्णु राठोड, डॉ.शरद चोले, लॅब टेक्निशिअन व त्यांना अशोक कूबडे, छाया कुबडे, विश्वनाथ कंधारकर वैजनाथ नरवाडे इंजि. आशीष कुबडे, इंजि.सुनिता कुबडे, शुभम कंधारकर अमर नरवाडे व पदयात्रिल स्वयंसेवक यांचे सहकार्य लाभले.

The post परळीमध्ये भव्य आरोग्य तपासणी शिबिर संपन्न, ४०० व्यक्तीहून अधिक व्यक्तींनी घेतला लाभ appeared first on थोडक्यात घडामोडी.

बीड:  धनंजय मुंडे यांनी आपण वैद्यनाथ सहकारी साखर कारखान्याला मदत मिळवून दिल्याचा दावा केला आहे तर  पंकजा मुंडे यांच्याकडून स्वतः प्रयत्न केल्याचं म्हटलं जात आहे. परळी येथील वैद्यनाथ सहकारी साखर कारखान्याला १० कोटी ७७ लाख रुपयांची थकहमी मिळाल्यानंतर श्रेयवादावरून मुंडे बहीण-भावात पुन्हा एकदा वादाची ठिणगी पडली आहे. आहे. यावरून धनंजय मुंडे आणि पंकजा मुंडे पुन्हा समोरा-समोर आले आहेत. २०१९ च्या विधानसभा निवडणुकीनंतर मुंडे बहीण-भावा मधील वाद काही काळ थांबला होता. मात्र, वैद्यनाथ सहकारी साखर कारखान्याच्या थकहमी वरून पुन्हा एकदा हा संघर्ष पाहायला मिळत आहे.

मुख्यमंत्री, सहकार मंत्री, ज्येष्ठ नेते शरद पवार आणि साखर संघाकडे आपण वेळोवेळी केलेल्या पाठपुराव्यामुळेच वैद्यनाथ सहकारी साखर कारखान्याला राज्य सरकारने १० कोटी ७७ लाख रूपये थकहमी मंजूर केली आहे. यात इतरांनी श्रेय घेण्याचा प्रश्नच उद्भवत नाही, अशा शब्दांत पंकजा मुंडे यांनी धनंजय मुंडे यांना टोला लगावला आहे. मंत्रिमंडळाच्या बैठकीत सरकारनं राज्यातील ३२ साखर कारखान्यांना थकहमी मंजूर करण्याचा निर्णय घेतला. याबद्दल पंकजा मुंडे यांनी महाविकास आघाडी सरकारचे आभारही मानले आहेत.

साखर कारखान्याच्या विषयात राजकारण आणणार नसल्याचे धनंजय मुंडे यांनी बोलून दाखवले. शेतकरी व कर्मचाऱ्यांच्या हितासाठी केल्याचा दावा करत आता तरी शेतकरी आणि कर्मचाऱ्यांचे पैसे देऊन ‘वैद्यनाथ’सांभाळावा असा सल्ला धनंजय मुंडे यांनी पंकजा मुंडे यांना दिला आहे. पुढे बोलताना मुंडे म्हणाले कि पंकजा मुंडेनी पाठपुरवठा इथे बसून केला कि परदेशातून केला हे माहित नाही. दिवंगत गोपीनाथ मुंडे आणि पंडित अण्णा मुंडे या दोघांनी कष्टाने वैद्यनाथ सहकारी साखर कारखाना उभा करून कारखान्याला आघाडीवर नेले होते. मात्र, पंकजा मुंडे यांच्याकडे अध्यक्षपदाची धुरा आल्यानंतर ५ वर्षांतच कर्मचाऱ्यांवर थकीत पगारासाठी उपोषणाची वेळ आली, हे दुर्दैव आहे. आता तरी गळीत हंगाम सुरू करून परिसरातील ऊसाचे गाळप करावे, असं देखील धनंजय मुंडे यांनी सांगितलं आहे.

The post पंकजा मुंडे- धनंजय मुंडे यांच्यात पुन्हा वादाची ठिणगी appeared first on थोडक्यात घडामोडी.