ऑक्सफोर्डने आपल्या हिंदी शब्दांमध्ये आणखी एक नवीन शब्द जोडला आहे. तो शब्द आहे ‘आत्‍मनिर्भरता’. पंतप्रधान नरेंद्र मोदी यांनी १२ मे २०२० रोजी जेव्हा देश कोरोनाच्या विळख्यात होता आणि त्यावर मात करण्यासाठी २० लाख कोटींचे आर्थिक पॅकेज जाहीर केले जात होते, त्यावेळी या शब्दाचा उल्लेख केला होता. त्यावेळी त्यांनी प्रत्येक क्षेत्रात देशाला आत्‍मनिर्भर बनवण्याविषयी नमूद केले होते.

जानेवारी 2020 मध्ये ऑक्सफोर्ड डिक्शनरीच्या नवीन आवृत्तीत 26 हिंदी शब्दांचा समावेश करण्यात आला होता. त्यापैकी २२ शब्द त्याच्या मुद्रित आवृत्तीत समाविष्ट करण्यात आले होते, तर इतर चार शब्द डिजिटल आवृत्तीत समाविष्ट करण्यात आले होते. त्यात असे शब्द होते जे सामान्य भारतीय लोक त्यांच्या बोलण्यात वापरतात. हे सगळे शब्द मिळून या शब्दकोशातील दहाव्या आवृत्तीत 384 शब्द समाविष्ट केले गेले, जे भारतातील सामान्य लोक संभाषणासाठी वापरतात.

‘आत्‍मनिर्भरता’ हा भारतीय शब्द ऑक्सफोर्ड डिक्शनरीत समाविष्ट झाल्यानंतर भारतीय शब्दांना महत्त्व दिलं जाणं स्वाभाविक आहे. या शब्दाची निवड सल्लागार मंडळामध्ये सहभागी असलेल्या भाषा तज्ञ कृतिका अग्रवाल, पूनम निगम सहाय आणि इमोगन फॉक्सेल यांनी केली आहे. जगभरात बोलल्या जाणार्‍या काही विशिष्ट भाषांमध्ये बोलल्या जाणार्‍या आणि नवीन प्रचलित शब्दांवर ऑक्सफोर्डची खास नजर असते. त्यानंतरच ऑक्सफोर्डकडून हे शब्द आपल्या नवीन आवृत्तीत समाविष्ट केले जातात. ऑक्सफोर्ड डिक्शनरी जगभरात प्रसिद्ध आहे आणि जगभरातील लोक नवीन शब्दांचा अर्थ जाणून घेण्यासाठी याचा वापर करतात.

The post ऑक्सफोर्डच्या डिक्शनरीत समाविष्ट झाला पंतप्रधान मोदींनी दिलेला शब्द appeared first on थोडक्यात घडामोडी.