लोणावळा : मुंबई-पुणे एक्स्प्रेस वेवर टेम्पोची ट्रकला मागून जोरात धडक बसून भीषण अपघात झाला आहे. मुंबई-पुणे एक्स्प्रेस वेवर मळवली जवळील देवले गावच्या हद्दीत हा अपघात झाला. या अपघातामध्ये एक जण ठार झाला असून दोघे गंभीर जखमी झाले आहेत. आज सकाळी ६ वाजताच्या सुमारास कोंबड्यांची वाहतूक करणाऱ्या टेम्पोची ट्रकला धडक बसली.

मिळालेल्या माहितीनुसार, कोंबड्यांची वाहतूक करणारा एक पिकअप टेम्पो पुण्याहून मुंबईच्या दिशेने निघाला होता. मात्र देवले गावाच्या परिसरात चालकाचे गाडीवरील नियंत्रण सुटल्याने टेम्पो पुढे जात असलेल्या एका ट्रकवर भरधाव वेगात धडकला. या धडकेत टेम्पोच्या पुढच्या भागाचा चुराडा झाला. यात एकाचा जागीच मृत्यू झाला असून, दोघेजण गंभीर जखमी झाले आहेत. या अपघातात अनेक कोंबड्यांचा देखील मृत्यू झाला आहे. जखमींवर सोमाटणे येथील एका खासगी रुग्णालयात उपचार सुरू आहे.

The post मुंबई-पुणे एक्स्प्रेस वेवर भीषण अपघात, एक ठार, दोन गंभीर जखमी appeared first on थोडक्यात घडामोडी.