उत्तर प्रदेश : उत्तर प्रदेशातील जौनपूरमध्ये अल्पवयीन मुलीच्या सुसाईड नोटमुळे एकच खळबळ उडाली आहे. या मुलीने घरातील एका खोलीत साडीने गळफास घेऊन आत्महत्या केली. तिने सुसाईड नोटमध्ये लिहिले आहे की, ‘पप्पा, रुस्तम माझ्या मृत्यूला जबाबदार आहे, त्याने माझ्याबरोबर गैरवर्तन केले आहे, पप्पा तुम्ही माझ्या मृत्यूचा बदला नक्की घ्या.’

मुलीच्या वडिलांच्या तक्रारीवरून पोलिसांनी दोन जणांना अटक केली आहे, तीन जणांवर गंभीर कलमांखाली गुन्हा दाखल केला आहे. या प्रकरणातील मुख्य आरोपी रुस्तमच्या अटकेसाठी पोलीस सातत्याने छापे टाकत आहेत. या घटनेनंतर परिसरात निर्माण झालेला तणाव पाहता मोठ्या प्रमाणावर पोलीस दल तैनात करण्यात आले आहे.

मिळालेल्या माहितीनुसार, जौनपूर जिल्ह्यातील सुरेरी पोलीस ठाणे हद्दीतील एका गावात राहणाऱ्या 15 वर्षीय मुलीला काही तरुण नेहमी त्रास द्यायचे. या गोष्टीवरून ती खूप अस्वस्थ असायची. ही मुलगी मंगळवारी रात्री खोलीत झोपायला गेली. दुसऱ्या दिवशी सकाळी ती बराच वेळ झाला तरीही खोलीतून बाहेर आली नाही, त्यामुळे तिच्या आईने दरवाजा उघडला, तेव्हा तिने बघितले की मुलीने साडीच्या मदतीने गळफास घेऊन आत्महत्या केली होती. हे पाहून मुलीच्या आईने आरडाओरड केली. आवाज ऐकून कुटुंबातील सदस्य तिथे जमा झाले. त्यानंतर त्यांना घटनास्थळावरून एक सुसाईड नोट सापडली, ज्यात मुलीने लिहिले आहे की, ‘पप्पा, रुस्तम माझ्या मृत्यूला जबाबदार आहे, त्याने माझ्याबरोबर गैरवर्तन केले आहे, पप्पा तुम्ही माझ्या मृत्यूचा बदला नक्की घ्या.’

घटनेची माहिती मिळताच क्षेत्रीय अधिकाऱ्यांसह पोलीस ठाण्याचे प्रभारी आणि पीएसी दलही घटनास्थळी पोहोचले. मुलीचा मृतदेह ताब्यात घेऊन पोस्टमार्टमसाठी पाठवण्यात आला. मुलीच्या वडिलांच्या तक्रारीवरून पोलिसांनी रुस्तमसह तीन जणांविरुद्ध विविध कलमान्वये तसेच पॉक्सो कायद्यांतर्गत गुन्हा नोंदवून घेतला. त्यानंतर पोलिसांनी दोघांना अटक केली. रुस्तमचा शोध घेण्यासाठी पोलीस ठिकठिकाणी छापे टाकत आहेत.

The post ‘पप्पा माझ्या मृत्यूला जबाबदार असणाऱ्याचा बदला नक्की घ्या’, असे सांगून अल्पवयीन मुलीची आत्महत्या appeared first on थोडक्यात घडामोडी.

नागपूर : नागपूरमध्ये एका पोलीस निरीक्षकावर विनयभंगाचा गुन्हा दाखल करण्यात आला आहे. त्याच्यावर महिला होमगार्डचा विनयभंग केल्याचा आरोप आहे. याप्रकरणी नागपूरच्या यशोधरा नगर पोलीस स्टेशनचे पोलीस निरीक्षक अशोक मेश्राम यांच्यावर गुन्हा दाखल करण्यात आला आहे. आरोपी पोलीस निरीक्षकावर निलंबनाची कारवाई देखील करण्यात आली आहे.

दरम्यान, या घटनेमुळे पोलीस दलात खळबळ उडाली आहे. पोलीस निरीक्षक अशोक मेश्राम यांच्यावर ते कार्यरत असलेल्या यशोधरा नगर पोलीस स्टेशनमध्येच गुन्हा नोंदवण्यात आला आहे. एका होमगार्ड महिलेने विनयभंग झाल्याची तक्रार दाखल केली होती, त्यावरुन ही कारवाई करण्यात आली आहे. नागपूरचे पोलीस आयुक्त अमितेशकुमार यांनी अशोक मेश्राम यांच्यावर निलंबनाची कारवाई केली आहे.

The post पोलीस निरीक्षकावर होमगार्ड महिलेचा विनयभंग केल्याप्रकरणी गुन्हा दाखल appeared first on थोडक्यात घडामोडी.

रांची : झारखंडच्या पलामू जिल्ह्यात भाजप नेत्याच्या मुलीवर सामुहिक बलात्कार झाल्याची खळबळजनक घटना घडली आहे. पलामू जिल्ह्यातील ललिमती जंगलात बुधवारी या 16 वर्षाच्या मुलीचा मृतदेह झाडाला लटकलेला आढळला. या अल्पवयीन मुलीचा उजवा डोळा काढण्यात आला नंतर तिनं आत्महत्या केल्याचं भासवण्यासाठी तिचा मृतदेह झाडाला टांगला. पोलीसांनी प्रदीपकुमार सिंह धानुक नावाच्या एका आरोपीला अटक केली असून इतर आरोपींचा शोध सुरु आहे.

मिळालेल्या माहितीनुसार, 7 जून रोजी पीडीत मुलगी सकाळी 10 वाजता घराबाहेर पडली होती आणि त्यानंतर ती बेपत्ता झाली. मुलगी परतली नाही म्हणून आई वडीलांनी तिची शोधाशोध केली, पण तिचा काहीच पत्ता लागला नाही. त्यानंतर भाजपचे स्थानिक नेता असलेल्या वडीलांनी पांकी पोलीसात तक्रार दाखल केली. पोलीसांनी मुलीचा शोध सुरु केला. दरम्यान, स्थानिकांना ललिमती जंगलात बुधवारी (9 जून) या मुलीचा मृतदेह झाडाला लटकलेला आढळला. कुटुंबियांनी ओळख पटवून ही त्यांचीच मुलगी असल्याची खात्री केली.

पोलिसांना घटनास्थळावरुन एक मोबाईल हाती लागला आहे, फोनच्या कॉल रेकॉर्ड्सवरून प्रदीप कुमारसिंग धानुक (वय 23) याला अटक करण्यात आली आहे. प्रदीप कुमारसिंग धानुक हा एक विवाहित पुरुष आहे. खुनामध्ये एकाधिक लोकांचा सहभाग असल्याचा पोलिसांना संशय आहे. गुन्हेगारांनी मुलीला ठार मारण्यापूर्वीच तिला निर्दयीपणे मारहाण केली आणि तिचा उजवा डोळा काढला. मुलीच्या कुटुंबीयांनी आरोप केला आहे की मुलीची हत्या करण्यापूर्वी तिच्यावर लैंगिक अत्याचार करण्यात आले. तथापि, अद्याप याची पुष्टी होणे बाकी आहे.

पोलिसांनी मृतदेह ताब्यात घेऊन पोस्टमार्टमसाठी मेदिनीनगर येथील मेदिनी राय मेडिकल कॉलेजमध्ये पाठविला. पोस्टमार्टम अहवाल येणे अद्याप बाकी आहे. त्यानंतर हे बलात्काराचे प्रकरण आहे की नाही हे निश्चित केले जाईल, अशी माहिती पोलिसांनी दिली आहे. स्थानिक भाजपा नेत्याला चार मुली आणि एक मुलगा आहे. या पाच मुलांमध्ये पीडित मुलगी सर्वात मोठी होती. तिच्या पार्थिवावर बुधवारी सायंकाळी स्थानिक स्मशानभूमीत अंत्यसंस्कार करण्यात आले.

दरम्यान, पोलिस तपासात मुलीचे कुटुंब समाधानी नसेल तर पक्ष स्वतंत्र चौकशीची मागणी करेल, असे आश्वासन झारखंड भाजपाचे प्रवक्ते प्रतुल शाहदेव यांनी दिले आहे.

The post भयंकर! भाजप नेत्याच्या मुलीवर सामुहिक बलात्कार, मुलीला मारहाण करून तिचा डोळा काढला आणि… appeared first on थोडक्यात घडामोडी.

राजस्थान : राजस्थानमधील अलवर येथील हमीरपूर गावात काही मुलींनी छेडछाड करणाऱ्या तरुणांना चोप दिल्याची घटना घडली आहे. रोज-रोज होणाऱ्या छेडछाडीला कंटाळून या मुलींनी हे पाऊल उचलल्याचे सांगण्यात येत आहे. ही घटना अलवर जिल्ह्यातील हरसौरा पोलिस स्टेशन परिसरातील हमीरपूर गावातील आहे. काही तरुणांच्या दररोजच्या छेडछाडीमुळे त्रस्त झालेल्या मुलींनी या तरुणांना चांगलाच धडा शिकवला आहे. या मुलींनी आरोपी तरुणांना चोप दिला, त्यानंतर तरुणांविरूद्ध हरसौरा पोलिस ठाण्यात गुन्हा दाखल केला.

मिळालेल्या माहितीनुसार, काल (६ जून) सायंकाळी काही मुली आपल्या शेतात गेल्या होत्या. त्यांना पाहून चार-पाच तरुणही तेथे आले आणि त्यांनी मुलींची छेड काढण्यास सुरुवात केली. ही या तरुणांची पहिली वेळ नव्हती. हे तरुण नेहमीच या मुलींना अशा प्रकारचा त्रास देत होते. या रोजच्या त्रासाला कंटाळून अखेर या मुलींनी रविवारी संध्याकाळी या आरोपी तरुणांना मारहाण करून धडा शिकविला.

या मुली म्हणाल्या की काही तरुण नेहमी त्यांच्याशी छेडछाड आणि गैरवर्तन करीत होते. त्यांना बर्‍याच वेळा समजावण्याचा प्रयत्न केला पण या तरुणांनी त्यांच्या सवयी सोडल्या नाहीत. मग आम्ही त्यांना धडा शिकवण्याचा विचार केला आणि चोप देऊन त्यांना पळ काढण्यास भाग पाडले. मुलींच्या कुटुंबीयांचे म्हणणे आहे की त्यांनी अनेकदा या तरुणांना समजावण्याचा प्रयत्न केला, परंतु त्यांनी दुर्लक्ष केले आणि दिवसेंदिवस त्यांची छेडछाड वाढतच चालली होती.

हरसौरा पोलिसांनी सांगितले की, मुलींच्या कुटुंबियांच्या वतीने गुन्हा दाखल करण्यात आला आहे. पीडित मुली आणि त्यांच्या कुटुंबियांनी या तरुणांविरूद्ध विनयभंगाचा गुन्हा दाखल केला आहे. पोलिस पथक घटनास्थळी पाठविण्यात आले आहे. पोलिसांनी तपास सुरु केला असून आरोपी तरुणांना लवकरच अटक करण्यात येईल.

The post ‘त्या’ तरुणांना पळता भुई थोडी… रोजच्या छेडछाडीला कंटाळून मुलींनी दिला चोप appeared first on थोडक्यात घडामोडी.

मुंबई : मालाडमधील मालवणी पोलिसांनी नागीण 3 फेम टीव्ही अभिनेता पर्ल व्ही पुरी याच्यासह पाच जणांवर बलात्काराचा गुन्हा दाखल केला आहे. अल्पवयीन मुलीवर बलात्कार केल्याच्या आरोपाखाली पर्लसह सहा आरोपींना पोलिसांनी शुक्रवारी अटक केली आहे. या प्रकरणात पीडितेने पोलिसांकडे जबाब नोंदवला असून पॉक्सो (POCSO) अंतर्गत गुन्हा दाखल केला आहे.

पीडित मुलीने सांगितले की, आधी तिच्यावर कारमध्ये बलात्कार करण्यात आला. त्यानंतर पुन्हा तिच्यावर वारंवार अत्याचार करण्यात आले. पर्लसह अन्य आरोपींना पोलिसांनी ताब्यात घेतले असून चौकशी सुरू आहे. सर्व आरोपींविरोधात बलात्कार आणि विनयभंगाचा गुन्हा दाखल करण्यात आला होता, त्यानंतर पोलिसांनी सर्व आरोपींना 4 जून रोजी रात्री अटक केली. आरोपींना पोलिस कोठडी सुनावण्यात आली आहे.

नागीन ३ व्यतिरिक्त पर्लने दिल की नजर से खूबसूरत, फिर भी ना माने बदतमीज दिल, मेरी सासू मां, नागार्जुन एक योद्धा, बेपनाह प्यार आणि ब्रह्मराक्षस 2 मध्ये भूमिका निभावल्या आहेत. तो बिग बॉस 12 आणि 13 मध्ये गेस्ट म्हणून दिसला होता. याशिवाय, पर्ल किचन चॅम्पियन 5 आणि खतरा खतरा खतरा या रिअॅलिटी शोमध्ये देखील दिसला होता.

The post ‘नागीण 3’ फेम अभिनेता पर्ल पुरीला बलात्कार प्रकरणात अटक, पॉक्सोअंतर्गत गुन्हा दाखल appeared first on थोडक्यात घडामोडी.

मुंबई : एका मॉडेलने बॉलिवूडमधील नऊ जणांविरोधात बलात्कार आणि विनयभंग केल्याचा गुन्हा दाखल केला आहे. यामध्ये अभिनेता जॅकी भगनानी आणि प्रसिद्ध फोटोग्राफर कॉलस्टन जूलियन यांच्यासह प्रसिद्ध व्यक्तींच्या नावांचा समावेश आहे. या मॉडेलने फोटोग्राफर कॉलस्टन जूलियनवर बलात्कार केल्याचा आरोप केला आहे. यात अभिनेता जॅकी भगनानीसह आठ जणांवर बलात्कार आणि विनयभंग केल्याचा आरोप केला आहे. पोलिसांनी याबाबत गुन्हा दाखल करून घेतला आहे.

मॉडेलच्या आरोपानुसार, ती मुंबईमध्ये अभिनयात करिअर करण्यासाठी आली होती. २०१४ ते २०१८ या चार वर्षांच्या काळात अनेक वेळा तिचा शारीरिक छळ आणि विनयभंग करण्यात आला. सिनेमात काम देण्याच्या नावाखाली तिची फसवणक करत ने फोटोग्राफर कॉलस्टन जूलियनने तिच्यावर अनेकदा बलात्कार केला. अभिनेता जॅकी भगनानीने वांद्रे इथं या मॉडलचं शोषण केल्याचं एअआयआरमध्ये नमूद करण्यात आलं आहे. तर निखिल कामतने सांताक्रूजमधील एका हॉटेलमध्ये तिचा विनयभंग केला. मॉडलने दाखल केलेल्या गुन्ह्यात इतर लोकांमध्ये टी-सीरीज चे कृष्ण कुमार, टॅलेंट मॅनेजमेंट कंपनी क्वानचे सह-संस्थापक अनिर्बान दास ब्लाह, शील गुप्ता, अजित ठाकुर, गुरुज्योत सिंह आणि ‘थलाइवी’ चे निर्माता विष्णु वर्धन इंदुरी यांच्या नावांचा समावेश आहे. या प्रकरणी पोलिसांनी अद्याप कुणालाही ताब्यात घेतलेलं नाही.

‘ये रिश्ता क्या कहलाता है’ फेम अभिनेता करण मेहराला अटक

‘टार्झन’चा अंत! अभिनेता जो लारा यांचा विमान अपघातात मृत्यू, पत्नीसह अन्य सहा जण ठार

दरम्यान, निर्माता अजित ठाकूर यांनी या मॉडेलने केलेले आरोप फेटाळून लावले आहेत. ते म्हणाले की मॉडेलने केलेले सर्व आरोप निराधार आहेत. बदनामी करण्याच्या उद्देशाने करण्यात आले आहेत. त्यांची प्रतिमा खराब करण्याचा प्रयत्न केला जात आहे.

The post मॉडेलचा सिनेसृष्टीतील ९ जणांवर बलात्कार आणि विनयभंगाचा आरोप, प्रसिद्ध व्यक्तींच्या नावाचा समावेश appeared first on थोडक्यात घडामोडी.

अमरावती : एका १६ वर्षीय मुलीचा एका वृद्धाने तिच्या घरात घुसून विनयभंग केल्याची खळबळजनक घटना घडली आहे. राजापेठ पोलिस ठाण्याच्या हद्दीत ही घटना घडली. ही मुलगी तिच्या काकाच्या घरी गेली होती. तिथेच या वृध्दाने अल्पवयीन मुलीशी लगट करण्याचा प्रयत्न केला. या सर्व प्रकारामुळे मुलगी घाबरून ओरडली. त्यावेळी पीडित मुलीच्या दोन बहिणी पळत आल्यानंतर तो वृध्द घरातून निघून गेला.

मिळालेल्या माहितीनुसार, एक वृध्द व्यक्ती मंगळवारी (२५ मे) पिडीत मुलीच्या काकाच्या घरात घुसला. पिडीत मुलीचे काका ऑटो चालक आहेत. या वृद्धाने मुलीला काका घरी आहे का, असे विचारले. त्यावेळी मुलीने काका घरी नसल्याचे सांगताच त्या वृध्दाने मुलीशी लगट केली. या प्रकारामुळे मुलगी खूप घाबरली व तिने आरडाओरड केली, त्यावेळी घरात पिडीत मुलीच्या दोन लहान बहिणी होत्या, त्या काय झालं बघण्यासाठी आल्यानंतर तो वृध्द घरातून निघून गेला. पीडित मुलीने तात्काळ या घटनेची माहिती तिच्या काकांना दिली. त्यानंतर ते तातडीने घरी आले.

पिडीत मुलीने या प्रकरणी बुधवारी (२६ मे) राजापेठ पोलिसांत तक्रार दाखल केली. मुलीने दिलेल्या तक्रारीवरून पोलिसांनी अश्लिल चाळे करणाऱ्या अज्ञात वृध्दाविरुध्द विनयभंग, पॉक्सो कलमान्वये गुन्हा दाखल केला आहे. वृध्द सध्या फरार असून पोलिस त्याचा शोध घेत आहेत.

संतापजनक! मित्राच्या दीड वर्षाच्या बाळाला पाजली दारू, प्रकृती चिंताजनक

संतापजनक : किरकोळ कारणावरून दलित मजुराच्या कुटुंबीयांचे अपहरण, गरोदर पत्नीवर मुलांसमोरच बलात्कार

The post खळबळ! अल्पवयीन मुलीचा वृद्धाने घरात घुसून केला विनयभंग appeared first on थोडक्यात घडामोडी.

बीड : एका प्राध्यापकाने सहकारी प्राध्यापिकेला अश्लील व्हिडीओची लिंक पाठवून तिचा विनयभंग केला होता. विशेष आतिरिक्त न्यायालयाने याप्रकरणी आरोपी प्राध्यापकाला पाच वर्ष सश्रम कारावास आणि आठ हजार रुपये दंडाची शिक्षा सुनावली आहे. बीड जिल्ह्यात नोव्हेंबर 2017 मध्ये हा प्रकार घडला होता.

शिक्षा सुनावलेला आरोपी गजानन करपे हा बीड शहरातील एका शिक्षण संस्थेच्या महाविद्यालयात प्राध्यापक म्हणून नोकरीला होता. याच महाविद्यालयातील प्राध्यापिकेला त्याने व्हॉट्सअॅपवरुन अश्लील व्हिडिओ असलेली लिंक पाठवली होती. पीडित प्राध्यापिका ही स्वतः विशाखा समितीच्या अध्यक्षपदी होती. तिने तात्काळ हा प्रकार महाविद्यालय प्रशासनाच्या निदर्शनास आणून दिला. त्यानंतर या प्रकारावरुन महाविद्यालय प्रशासनाने करपे याला निलंबित केलं होतं.

The post प्राध्यापिकेला पाठवली अश्लील व्हिडीओची लिंक, आरोपी प्राध्यापकाला पाच वर्ष सश्रम कारावास appeared first on थोडक्यात घडामोडी.

मुंबई : मालाड पूर्व दिंडोशी पोलिसांकडून अटक करण्यात आलेल्या तीस वर्षीय व्यक्तीच्या चौकशीमध्ये धक्कादायक बाब उघड झाली आहे. गेल्या 9 वर्षात 50 पेक्षा जास्त महिलांचा विनयभंग केला असल्याची कबुली आरोपीने पोलिसांना दिली आहे. या आरोपीला 2011 साली एका महिलेसमोर अश्लील वर्तन केल्याप्रकरणी अटक करण्यात आली होती. त्यानंतर न्यायालयाने त्याची जामिनावर सुटका केली होती. त्यानंतरही या नराधमाने आणखी 50 महिलांचा विनयभंग केल्याचा प्रकार समोर आला.

दिंडोशी पोलीस स्टेशनच्या हद्दीत आरोपीने एका 24 वर्षीय तरुणीचा विनयभंग करुन पळ काढला होता. संबंधित महिलेच्या तक्रारीनंतर पोलिसांनी आरोपीवर गुन्हा दाखल करत त्याचा शोध सुरु केला होता. आरोपीच्या शोधासाठी पोलीस निरीक्षक चव्हाण आणि उपनिरीक्षक गणेश फड यांच्या नेतृत्वाखाली एक पथक नेमण्यात आलं होतं. या पथकानं सीसीटीव्ही फूटेजची पाहणी केली. त्यामाध्यमातून पोलीस आरोपी कल्पेश देवधरपर्यंत पोहचले आणि त्याला अटक केली.

एखादा गुन्हा केल्यानंतर कल्पेश देवधर वारंवार आपला पत्ता बदलायचा. मुंबईमध्ये विविध पोलिस स्टेशनमध्ये कल्पेश्वर विनयभंग, अपहरण असे मिळून 12 गुन्हे दाखल आहेत, ज्यात त्याला अटक ही झाली होती. काही गुन्हे आहेत ज्यामध्ये कल्पेश देवधर हा वॉन्टेड आहे तर काही विनयभंगाच्या प्रकरणांमध्ये पीडितेकडून तक्रार करण्यात आली नाही. 13 जुलै 2017 रोजी कल्पेश देवधर याने पवई हिरानंदानी येथे महाविद्यालयाच्या तीन विद्यार्थ्यांनीसमोर अश्लील चाळे करून फरार झाला होता असंही चौकशीतून समोर आलं. आरोपीवर विनयभंग, मारामारी, अपहरण आणि सार्वजनिक ठिकाणी अश्लील वर्तन करणे असे गंभीर गुन्हे मुंबईतील वेगवेगळ्या पोलीस स्टेशनमध्ये दाखल आहेत. आत्तापर्यंत सुमारे 50 महिलांचा विनयभंग केल्याची कबुली पोलिसांसमोर दिली आहे. या प्रकारानंतर पोलिसांनी पीडितांना समोर येऊन तक्रार करण्याचं आवाहन केलं आहे.

The post 50 पेक्षा जास्त महिलांचा विनयभंग आणि अश्लील चाळे केलेल्या आरोपीला अटक appeared first on थोडक्यात घडामोडी.