पुणे : राजगुरूनगरमध्ये सोमवारी सकाळी एका खासगी क्लासमध्ये घडलेल्या धक्कादायक घटनेने संपूर्ण परिसरात खळबळ उडाली आहे. क्लासमध्ये सुरू असलेल्या शिकवणीदरम्यान दोन अल्पवयीन विद्यार्थ्यांमध्ये झालेल्या गँगवॉरमध्ये एका १६ वर्षीय विद्यार्थ्याचा दुर्दैवी मृत्यू झाला आहे. लहान वयाच्या मुलांमध्ये अशा प्रकारची हिंसक घटना घडल्याने पुणे जिल्ह्यात नेमकं चाललंय काय, असा प्रश्न उपस्थित होत आहे.

मिळालेल्या माहितीनुसार, सोमवार, १५ डिसेंबर रोजी सकाळी राजगुरूनगर येथील एका खासगी क्लासमध्ये दहावीचे विद्यार्थी शिकत होते. शिक्षक अध्यापन करत असतानाच एका अल्पवयीन विद्यार्थ्याने त्याच क्लासमध्ये शिकणाऱ्या दुसऱ्या विद्यार्थ्यावर अचानक चाकूने हल्ला केला. हल्लेखोराने मयत विद्यार्थ्याचा गळा चिरल्याने तो गंभीर जखमी झाला आणि रक्ताच्या थारोळ्यात कोसळला.

घटनेनंतर जखमी विद्यार्थ्याला तातडीने रुग्णालयात दाखल करण्यात आले; मात्र उपचारादरम्यान त्याचा मृत्यू झाला, अशी माहिती सूत्रांनी दिली.

आरोपी ताब्यात, कायदेशीर कारवाई सुरू
मृत विद्यार्थी आणि हल्ला करणारा विद्यार्थी दोघेही दहावीच्या वर्गात शिकत होते. हल्ल्याचे नेमके कारण अद्याप अस्पष्ट आहे. हल्ल्यानंतर आरोपी अल्पवयीन विद्यार्थी दुचाकीवरून फरार झाला होता; मात्र पोलिसांनी तत्काळ कारवाई करत त्याला ताब्यात घेतले आहे. हल्लेखोर अल्पवयीन असल्याने, बाल न्याय (Juvenile Justice) कायद्याच्या संबंधित तरतुदींनुसार त्याच्यावर कायदेशीर कारवाई सुरू करण्यात आली आहे.

वर्गात झालेल्या भांडणातून एका मुलाच्या मृत्यूची ही दुःखद घटना पुणे जिल्ह्यातील खासगी कोचिंग सेंटर्समध्ये वाढीव देखरेख, कडक सुरक्षा उपाययोजना आणि विद्यार्थ्यांच्या वर्तनावर लक्ष ठेवण्याची नितांत गरज अधोरेखित करते. या प्रकरणाचा पुढील तपास सुरू आहे.

The post राजगुरुनगरमध्ये खाजगी कोचिंग क्लासमधील गँगवॉर, १६ वर्षीय विद्यार्थ्याचा मृत्यू appeared first on थोडक्यात घडामोडी.

मध्य प्रदेश : मध्यप्रदेशातून एक अतिशय धक्कादायक घटना समोर आली आहे. राज्यातील शिवपुरीमध्ये अल्पवयीन मुलाने दारुच्या नशेत घृणास्पद कृत्य केले. त्याने ५ वर्षाच्या मुलीला मारहाण करत तिच्यावर बलात्कार केला. त्यानंतर त्याने क्रुरतेच्या मर्यादा ओलांडत चिमुकलीच्या गुप्तांगांचा चावा घेतला आणि नंतर तिचे डोके भिंतीवर आदळले. ती मृत पावल्याचे समजून आरोपीने तेथून पळ काढला. ही चिमुकली सध्या ग्वालियरमधील मधील कमलाराज रुग्णालयाच्या अतिदक्षता विभागात मृत्यूशी झुंज देत आहे.

पोलिसांनी दिलेल्या माहितीनुसार, हे प्रकरण दिनारा पोलीस स्टेशन परिसरातील एका गावातील आहे. १७ वर्षीय आरोपीने २२ फेब्रुवारी रोजी दारूच्या नशेत क्रुरतेच्या मर्यादा ओलांडल्या. २२ फेब्रुवारीला दुपारी आरोपीने ५ वर्षाच्या मुलीला फूस लावून एका रिकाम्या खोलीत नेले, तेथे तिच्यावर लैंगिक अत्याचार व मारहाण केली, नंतर त्याने तिचे डोके भिंतीवर आदळले. ज्यामुळे ती गंभीर जखमी झाली. मुलीच्या पालकांनी दोन तासांहून अधिक काळ तिचा शोध घेतला, त्यानंतर ती त्यांना रक्ताच्या थारोळ्यात आढळली. जेव्हा मुलीला शुद्ध आली तेव्हा तिने सांगितले की घटनेनंतर आरोपीने तिच्या गालावर दातांनी चावा घेतला आणि नखांनी तिला ओरबाडले. त्याने तिचे केस धरुन डोके भिंतीवर आपटले.

दरम्यान, चिमुकलीला तात्काळ जवळच्या रुग्णालयात दाखल करण्यात आले होते. मात्र, चिमुकलीची प्रकृती गंभीर असल्याने तिला ग्वालियरमधील मधील कमलाराज रुग्णालयात पुढील उपचारासाठी पाठवण्यात आले. सुरुवातीला मुलीची प्रकृती गंभीर होती. तथापि, डॉक्टरांनी प्रयत्नपूर्वक तिची स्थिती स्थिर करण्यात यश मिळवले. तिच्यावर मोठी शस्त्रक्रिया करण्यात आली. तिच्या गुप्तांग आणि गुदद्वाराला गंभीर दुखापत झाली असल्याने शस्त्रक्रियेदरम्यान डॉक्टरांनी तिच्या पोटावर गुदद्वार बनवले आहे. जेणेकरुन तिच्या नियमित क्रियेत अडथळा येऊ नये. अंतर्गत दुखापतीमुळे वैद्यकीय पथकाला तिच्या गुप्तांगांवर २८ टाके घालावे लागले आणि कोलोस्टोमी करावी लागली. सध्या तिची प्रकृती स्थिर असून तिचे गुदद्वार सुस्थितीत येताच पोटावरील गुदद्वार हटवण्यात येणार असल्याचे डॉक्टरांनी सांगितले आहे. सध्या पीडिताची प्रकृती स्थिर आहे आणि डॉक्टरांच्या विशेष पथकाने तिची काळजी घेतली आहे.

आरोपीला दिनारा पोलिसांनी गावातूनच अटक केली. पोलीस सध्या आरोपीची चौकशी करत आहेत. आरोपी अल्पवयीन असल्याची चर्चा आहे. मात्र, त्याच्या मार्कशीटमध्ये त्याचे वय १७ वर्षे १० महिने नमूद करण्यात आले आहे. त्यामुळे त्याच्यावर प्रौढ म्हणून खटला चालवण्यासाठी अर्ज दाखल करायचा की नाही यावर विचार सुरु आहे. यावर आता न्यायालय कोणता निर्णय घेणार यावर सर्वांचे लक्ष आहे.

The post चिमुकलीसोबत नराधमाने ओलांडल्या क्रुरतेच्या मर्यादा, गुप्तांगांचा चावा, शरीरावर तब्बल २८ टाके… appeared first on थोडक्यात घडामोडी.

मुंबई : एका १३ वर्षांच्या मुलीला वेश्याव्यवसायात ढकलल्याचा आरोप असलेल्या एका महिलेला मुंबईतील विशेष पॉक्सो न्यायालयाने जामीन मंजूर केला. अतिरिक्त संयुक्त विशेष न्यायाधीश अनिस खान यांनी नमूद केले की, ज्या प्रॉपर्टीमध्ये गुन्हे घडले आहेत ती आरोपी महिला यास्मिन मोहम्मद हुसेन हिची नाही आणि या प्रकरणातील मुख्य आरोपी असलेला तिचा पती याआधीच जामिनावर सुटला आहे.

त्यांनी निरीक्षण नोंदवले की तपास करणार्‍या कागदपत्रांवरून असे दिसते की तपास संपला आहे. जरी गुन्ह्यासाठी जन्मठेपेची शिक्षा होऊ शकते, परंतु सध्याच्या आरोपीची भूमिका मर्यादित आहे. सामाजिक कार्यकर्त्या आसमा अल्ताफ लोखंडवाला यांनी तिच्या साथीदारांच्या मदतीने आणि पोलिसांनी संबंधित मालमत्तेवर छापा टाकल्यानंतर ही तक्रार दाखल करण्यात आली. या छाप्यात आरोपी महिलेसह पाच जण वेश्याव्यवसाय रॅकेट चालवत असून त्यामध्ये अल्पवयीन मुलीला वेश्याव्यवसायात ढकलले जात असल्याचे आढळून आले.

आरोपीवर अनैतिक वाहतूक प्रतिबंध कायदा, लैंगिक गुन्ह्यांपासून मुलांचे संरक्षण कायदा (POCSO कायदा) आणि भारतीय दंड संहिता (IPC) अंतर्गत गुन्ह्यांसाठी गुन्हा दाखल करण्यात आला होता.

महिलेने तिच्या अधिवक्ता सना रईस यांच्यामार्फत आपण निर्दोष असल्याचे आणि आरोप खोटे असल्याचे सांगितले होते. तिने सादर केले की जिथे गुन्हे झाले आहेत ती मालमत्ता तिच्या मालकीची नाही आणि ती तिच्या ताब्यातही नाही. तिने न्यायालयाला सांगितले की तपास पूर्ण झाला आहे आणि त्यामुळे तिला कोठडीत ठेवण्याचा कोणताही हेतू साध्य होणार नाही. त्यानंतर तिने जामिनाच्या सर्व अटींचे पालन करण्याचे वचन दिले आणि पुराव्याशी छेडछाड न करण्याचे आश्वासन दिले.

तिच्यावर कोणतेही गंभीर आरोप नसून दोन मुख्य आरोपी आधीच जामिनावर असल्याचे सांगत तिने जामीन मंजूर करण्याची प्रार्थना केली. राज्य सरकारी वकील प्रजाली जोशी यांनी आरोपी महिलेवरील आरोप गंभीर असल्याचे कारण देत जामीन अर्जाला विरोध केला. सुटका करण्यात आलेल्या अल्पवयीन मुलीची एचआयव्ही चाचणी पॉझिटिव्ह असल्याचेही त्यांनी न्यायालयाला सांगितले. या गुन्ह्यात अर्जदारासह अन्य आरोपींचा सहभाग असून, अर्जदार ही मुख्य आरोपी असल्याचा दावा करण्यात आला. राजस्थानची रहिवासी असल्याने जामिनावर सुटल्यास आरोपी फरार होण्याची भीतीही जोशी यांनी व्यक्त केली.

न्यायालयाने, सर्व पक्षकारांचे म्हणणे ऐकल्यानंतर, असे मत दिले की ज्या इमारतीवर छापा टाकण्यात आला होता त्या इमारतीशी संबंधित रजा आणि परवाना करार तिच्या पतीच्या बाजूने अंमलात आणला गेला असल्याने, अर्जदाराचा या खटल्याशी संबंध असल्याचे दिसत नाही. न्यायालयाने स्पष्ट केले की रजा आणि परवान्याच्या कागदपत्रांनुसार, हे वेश्यालय आरोपी क्रमांक 4 च्या नावावर असल्याचे दिसून येते. प्रथमदर्शनी असे दिसते की अर्जदार वेश्यागृहाशी संबंधित नाही आणि मृत्यू किंवा जन्मठेपेची शिक्षा असलेल्या गुन्ह्यात सहभागी नाही. त्यानंतर, न्यायालयाने नमूद केले की आरोपपत्र दाखल करण्यात आले आहे आणि अर्जदाराकडून काहीही जप्त करण्यात आलेले नाही. ती महिला असल्याने तिला तुरुंगात ठेवण्याचा कोणताही हेतू साध्य होणार नाही. खटला अद्याप सुरू झालेला नाही. मुख्य आरोपींना जामिनावर सोडण्यात आले आहे.

त्यामुळे न्यायालयाने आरोपी महिलेला फरार होऊ नये किंवा खटला भरू नये यासाठी तिच्यावर काही निर्बंध लादून तिला जामिनावर सोडले.

The post अल्पवयीन मुलीला वेश्याव्यवसायात ढकलणाऱ्या महिलेला मुंबई न्यायालयाकडून जामीन मंजूर appeared first on थोडक्यात घडामोडी.

बीड शहरातील एका शाळेत 10 वर्षीय मुलीचा विनयभंग केल्याप्रकरणी पोलिसांनी शिक्षकाविरुद्ध गुन्हा दाखल केला आहे, ही घटना शुक्रवारी खासगी शिक्षण संस्थेत घडली. पीडितेने नंतर तिच्या कुटुंबीयांना याची माहिती दिली त्यानंतर तिचे वडील आणि इतर नातेवाईक शाळेत गेले आणि व्यवस्थापनाकडे स्पष्टीकरण मागितले.

मिळालेल्या माहितीनुसार, बीड शहरातील एका शाळेत 10 वर्षीय मुलीचा विनयभंग केल्याप्रकरणी शिक्षकाविरुद्ध गुन्हा दाखल केला आहे. पालकांनी शाळेतील आरोपीला मारहाण केली. त्यानंतर स्थानिक पोलिसांनी शाळेत पोहोचून मुलीच्या कुटुंबीयांना शांत केले. पीडितेच्या वडिलांनी दाखल केलेल्या तक्रारीच्या आधारे, पोलिसांनी शिक्षकाविरुद्ध भारतीय दंड संहिता कलम 354 (विनयभंग) आणि 354-ए (लैंगिक छळ), तसेच लैंगिक गुन्ह्यांपासून मुलांचे संरक्षण (POCSO) या तरतुदींनुसार गुन्हा दाखल केला. अद्याप कोणालाही अटक करण्यात आलेली नाही, असेही पोलिसांनी सांगितले.

The post अल्पवयीन विद्यार्थिनीचा विनयभंग करणाऱ्या शिक्षकाविरुद्ध गुन्हा दाखल.. appeared first on थोडक्यात घडामोडी.

बिहार : पाच जणांनी अल्पवयीन मुलीवर सामूहिक बलात्कार करून तिची हत्या केल्याची संतापजनक घटना उघडकीस आली आहे. रात्रीच्या वेळी पाच जणांनी खिडकी फोडून घरात प्रवेश केला आणि ते अल्पवयीन मुलीला जबरदस्तीने घेऊन गेले. या नराधमांनी पहिल्यांदा तिच्यावर सामूहिक बलात्कार केला, त्यानंतर मुलीची हत्या करून त्यांनी तिचा मृतदेह झाडीत फेकून दिला. ही घटना वैशाली जिल्ह्यातील भगवानपूर रत्ती गावात घडली आहे.

मिळालेल्या माहितीनुसार, 29 जून रोजी रात्रीच्या सुमारास ही घटना घडली. काल (३० जून) सायंकाळी उशिरा या मुलीचा मृतदेह सापडला. मृत मुलीचे नातेवाईक जवळच्या गावात लग्नासाठी गेले होते. ही 14 वर्षाची अल्पवयीन मुलगी घरी तिच्या आजोबांबरोबर थांबली होती. ही मुलगी अकरावीची विद्यार्थिनी होती. रात्री मुलगी घरात झोपली होती, तर तिचे आजोबा घराच्या बाहेर दरवाजाजवळ झोपले होते. दरम्यान, पाच तरुणांनी खिडकी फोडून घरात प्रवेश केला आणि मुलीला जबरदस्तीने पळवून नेले. यानंतर तिच्यावर सामूहिक बलात्कार केला. परंतु, त्यानंतर हे प्रकरण उघडकीस येईल, या भीतीने त्यांनी पीडित मुलीची हत्या केली आणि तिचा मृतदेह झाडीत फेकून दिला.

सकाळी बराच उशीर झाला तरी मुलगी बाहेर आली नाही तेव्हा तिच्या आजोबांना चिंता वाटायला लागली. तिच्या आजोबांनी शेजाऱ्यांना याबद्दल सांगितले. शेजार्‍यांनी घराचा दरवाजा ठोठावला पण आतून प्रतिसाद मिळाला नाही, त्यानंतर त्यांनी पाहिले की घराची खिडकी फोडलेली होती आणि आत कोणीच नव्हते. त्यानंतर सर्वांनी गावात सर्वत्र मुलीचा शोध सुरू केला. थोड्या वेळाने त्यांना या मुलीचा मृतदेह झुडपात पडलेला आढळला. ग्रामस्थांनी तात्काळ घटनेची माहिती पोलिसांना दिली. माहिती मिळताच पोलिस घटनास्थळी दाखल झाले आणि त्यांनी मुलीचा मृतदेह ताब्यात घेऊन पोस्टमार्टमसाठी पाठविला. पोस्टमार्टम अहवालात स्पष्ट झाले की अल्पवयीन मुलीची सामूहिक बलात्कारानंतर हत्या करण्यात आली आहे.

दरम्यान, मुलीच्या आजोबांनी पोलिस ठाण्यात तक्रार दाखल केली. गुन्हा दाखल केल्यानंतर तपासात पाच जणांची नावे समोर आली. पोलिसांनी त्यातील तीन आरोपींना अटक केली असून दोघे फरार आहेत. पोलिस त्यांचा शोध घेत आहेत.

The post अल्पवयीन मुलीवर सामूहिक बलात्कार करून हत्या, खिडकी फोडून घरात घुसले आरोपी… appeared first on थोडक्यात घडामोडी.

उत्तर प्रदेश : उत्तर प्रदेशमधील हरदोई येथे अल्पवयीन मुलीवर सामूहिक बलात्कार केल्याची घटना घडली आहे. ही १५ वर्षीय मुलगी घरी एकटी असल्याचे पाहिल्यानंतर 5 जणांनी बंदुकीचा धाक दाखवत तिच्यावर सामूहिक बलात्कार केला. पीडित मुलीच्या कुटुंबीयांनी पाच जणांविरोधात गुन्हा नोंदवला आहे. या घटनेची माहिती मिळाल्यानंतर प्रकरणाचे गांभीर्य लक्षात घेऊन एएसपी, सीओ घटनास्थळी दाखल झाले आणि त्यांनी आजूबाजूच्या लोकांची चौकशी केली.

ही घटना हरदोईच्या सांडी परिसरातील खेड्यात घडली आहे. पीडित मुलीच्या भावाने पोलिसांना सांगितले की, 15 जून रोजी घरातील सर्वजण चुलत्याच्या मुलाच्या लग्नासाठी गेले होते. त्याच्या आईचे निधन झालेले असून वडील रोडवेज बस चालक आहेत. घटनेच्या वेळी त्याची बहीण घरी एकटीच होती. गावातील पाच जणांना ती घरात एकटी असल्याचे समजले. त्यानंतर ते घरात घुसले आणि बंदुकीचा धाक दाखवत या मुलीला घेऊन गेले. हे सर्वजण तिला एका शेतात घेऊन गेले आणि तेथे पाच जणांनी तिच्यावर बलात्कार केला. जेव्हा सगळे कुटुंबीय लग्न झाल्यानंतर घरी परतले, तेव्हा पीडितेने त्यांना घटनेची माहिती दिली.

पीडित मुलीच्या भावाने सांगितले की, पाचही तरुणांनी त्याच्या बहिणीला धमकी दिली होती की जर तिने या घटनेबद्दल कोणाला सांगितले तर तिला आणि सर्व कुटुंबियांना ठार मारू. त्यामुळे त्याची बहीण खूप घाबरलेली आहे. त्याने पुढे सांगितले की ते सर्व आरोपी गुन्हेगारी प्रवृत्तीचे आहेत आणि ते गुन्हा नोंदवल्यास संपूर्ण कुटुंबाला जिवे मारण्याची धमकी देत ​​आहेत.

दरम्यान, एएसपी अनिल कुमार यादव यांनी सांगितले की सामूहिक बलात्काराचा गुन्हा नोंदवून घेतला आहे. पीडित मुलीला वैद्यकीय तपासणीसाठी रुग्णालयात पाठवण्यात आले आहे. या प्रकरणात तीन आरोपींना अटक करण्यात आली असून सर्व दोषींवर कठोर कारवाई केली जाईल.

रागाच्या भरात तरुणाने बहिणीची गोळ्या घालून केली हत्या, कारण…

The post बंदुकीचा धाक दाखवत अल्पवयीन मुलीवर सामूहिक बलात्कार, तीन आरोपींना अटक appeared first on थोडक्यात घडामोडी.

पश्चिम बंगाल : पश्चिम बंगालमधील बर्दवानमधून एक खबळजनक घटना समोर आली आहे. येथे एका प्रियकराने गळफास घेऊन आत्महत्या केली. या घटनेनंतर संतापलेल्या लोकांनी प्रियकराच्या मृतदेहाच्या बोटाने जबरदस्तीने एका मुलीच्या भांगेत कुंकू भरले. या संपूर्ण घटनेचा व्हिडिओ व्हायरल झाल्यानंतर पोलिसांनी कारवाई करण्यास सुरुवात केली आहे.

मिळालेल्या माहितीनुसार, हे दोघे मुलगा व मुलगी वेगवेगळ्या धर्मातील आहेत. त्यांचे लग्न लावून देण्यासाठी त्या दोघांचे कुटुंबीय तयार होते. परंतु, हे दोघे अल्पवयीन असल्यामुळे मुलीची आई या लग्नासाठी तयार नव्हती. त्यावरून या मुला-मुलीमध्ये वाद झाला आणि या मुलाने गळफास घेऊन आत्महत्या केली. आत्महत्या करण्यापूर्वी या मुलाने मुलीला फोन केला होता आणि तो आत्महत्या करणार असल्याचे तिला सांगितले होते. त्यानंतर त्याने व्हॉट्सअ‍ॅपवर आपल्या मैत्रिणीला त्याचा फोटो पाठवला आणि आत्महत्या केली.

हृदयद्रावक : आई वडिलांच्या भांडणात २ चिमुकल्यांचा मनाला चटका लावणारा अंत…

घटनेची माहिती मिळताच पोलिस घटनास्थळी दाखल झाले. पोलिसांनी मुलाच्या मृतदेहाचा पंचनामा करून मृतदेह शवविच्छेदनासाठी पाठविला. शवविच्छेदन झाल्यानंतर मुलाचा मृतदेह कुटुंबीयांकडे सोपवण्यात आला. मुलाचा मृतदेह जेव्हा गावात आणला गेला, तेव्हा वाद सुरु झाले. गावकऱ्यांनी मुलाच्या आत्महत्येला मुलगी आणि तिची आई जबाबदार असल्याचे म्हणत त्यांच्यावर आरोप करण्यास सुरुवात केली. गावकऱ्यांनी त्या दोघींना मारहाण केली आणि मुलाच्या मृतदेहाशेजारी आणून बसवले. त्यानंतर मृतदेहाच्या हाताने अल्पवयीन मुलीच्या भांगेत कुंकू भरले.

स्थानिकांच्या म्हणण्यानुसार, मुलगा आत्महत्या करीत असल्याचे मुलीला माहित होते. त्या मुलीकडे मुलाच्या आईचा फोन नंबर देखील होता. मात्र, तरीही तिने मुलाच्या कुटुंबीयांना याबद्दल माहिती दिली नाही. तिने वेळीच याबाबत मुलाच्या कुटुंबीयांना सांगितले असते तर त्यांनी मुलाला वाचवले असते.

पोलिस या प्रकरणाचा तपास करत आहेत. मुलीच्या आईने तिच्या अल्पवयीन मुलीवर अत्याचार व विनयभंग केल्याप्रकरणी महिला पोलिस ठाण्यात तक्रार दाखल केली आहे. लवकरच दोषींना अटक करण्यात येईल आणि त्यांच्यावर कारवाई केली जाईल, अशी अपेक्षा आहे.

खळबळ! अल्पवयीन मुलीचा वृद्धाने घरात घुसून केला विनयभंग

संतापजनक! मित्राच्या दीड वर्षाच्या बाळाला पाजली दारू, प्रकृती चिंताजनक

The post भयंकर! मृतदेहाच्या हाताने अल्पवयीन मुलीच्या भांगेत भरले कुंकू, कारण वाचून बसेल धक्का… appeared first on थोडक्यात घडामोडी.