जम्मू-काश्मीरच्या पुलवामा हल्ल्यात शहीद झालेले मेजर विभूती शंकर धौंडियाल यांची पत्नी नितिका कौल आज भारतीय सैन्यात दाखल झाली आहे. सैन्यात भरती झाल्यानंतर त्या आता ‘लेफ्टनंट नितिका धौंडियाल’ बनल्या आहेत. नितीका यांनी आज भारतीय सैन्याचा गणवेश परिधान करून हुतात्मा मेजर विभूती शंकर यांना श्रद्धांजली वाहिली. मेजर विभूती फेब्रुवारी 2019 मध्ये जैश-ए-मोहम्मदच्या दहशतवाद्यांशी झालेल्या चकमकीत शहीद झाले होते.

18 फेब्रुवारी 2019 रोजी, जम्मू-काश्मीरच्या पुलवामा येथे मेजर धोंडीयाल यांना वीरमरण आले होते. 14 फेब्रुवारी 2019 रोजी पुलवामा येथे सीआरपीएफच्या ताफ्यावर दहशतवादी हल्ला झाला होता. त्यात 40 जवान शहीद झाले होते. या हल्ल्यानंतरच सैन्याने पुलवामाच्या पिंगलान गावात दहशतवाद्यांचा खात्मा करण्यासाठी मोहीम राबविली होती. त्यावेळी पिंगलानमध्ये झालेल्या चकमकीत चार जवान ठार झाले. या शहीद झालेल्या जवानांमध्ये मेजर विभूती धोंडियाल यांचादेखील समावेश होता.

मेजर धोंडियाल आणि नितीका यांचे लग्न होऊन तेव्हा केवळ 10 महिने झाले होते. त्यावेळी आपल्या पतीला शूर सैनिक म्हणत नितीका कौल म्हणाल्या होत्या कि, “मला पूर्ण विश्वास आहे की माझे पती मेजर विभूती यांना आलेलं वीरमरण अनेक जणांना सैन्यात सामील होण्यासाठी प्रेरणा देईल.”

मेजर विभूती शंकर धौंडियाल यांचे पार्थिव त्यांच्या गावी पोहोचले, तेव्हा त्यांची पत्नी नितिका यांनी त्यांच्या पार्थिवाजवळ उभी राहून त्यांना सॅल्यूट केला होता. त्यावेळी नितीका म्हणाल्या होत्या कि, “तुम्ही मला खोटे सांगितले होते की तुम्ही माझ्यावर प्रेम करता. तुम्ही माझ्यावर नाही, तर आपल्या देशावर जास्त प्रेम करत होता आणि मला त्याचा अभिमान आहे.” माध्यमांशी बोलताना नितिका म्हणाल्या होत्या की मी बिचारी व्यक्ती नसून शूर हुतात्माची पत्नी आहे आणि मला माझे पती शहीद झाले त्याचा अभिमान आहे.

Lt Nitika Kaul gives befitting tribute to her husband #MajVibhutiShankarDhoundiyal, SC(P) who made supreme sacrifice at #Pulwama 2019; As she dons the Olive Green #IndianArmy uniform. A proud moment as #LtGenYKJoshi, #ArmyCdrNC pips the stars on shoulders & welcomes her to #AOC pic.twitter.com/Hg9NQlJtjT

— NorthernComd.IA (@NorthernComd_IA) May 29, 2021

The post सलाम! शहीद मेजर विभूती धौंडियाल यांची पत्नी भारतीय सैन्यात दाखल, आजपासून ‘लेफ्टनंट नितिका धौंडियाल’ appeared first on थोडक्यात घडामोडी.

गृहमंत्री अमित शहा यांनी पोलीस स्मृती दिनानिमित्त दिल्लीतील ‘राष्ट्रीय पोलीस स्मारका’वर श्रद्धांजली अर्पण केली. करोनाविरुद्धच्या लढाईत आत्तापर्यंत ३४३ पोलीस अधिकारी-कर्मचाऱ्यांनी आपले प्राण गमावले आहेत. अशी माहिती यावेळी  अमित शहा यांनी दिली आहे.

आत्तापर्यंत एकूण ३५ हजार ३९८ पोलीस कर्मचारी शहीद झालेले आहेत. हे स्मारक केवळ विटा, दगड आणि सिमेंटनं बनलेलं स्मारक नाही तर हे स्मारक आपल्या वीर जवानांच्या शहिदत्वाची आठवण करून देतं. स्वातंत्र्यकाळापासून आत्तापर्यंत देशातील सर्व राज्याच्या पोलीस आणि सशस्त्रदलाच्या ज्या जवानांनी आपल्या प्राणाची आहुती दिली. त्या सर्वांना मी श्रद्धांजली अर्पित करतो. त्यांनी वाहिलेला एक एक रक्ताचा थेंब देशाला विकासाच्या मार्गावर पुढे घेऊन गेलाय’ असंही अमित शहा यांनी म्हटलं.

पंतप्रधान नरेंद्र मोदी यांनीही ट्विट करत पोलीस स्मृती दिनानिमित्तानं केंद्रीय राखीव पोलिस दलाला (CRPF) शुभेच्छा दिल्या आहेत. पोलिस स्मारक दिन हा संपूर्ण भारतभरातील आपल्या पोलिस कर्मचार्‍यांचा आणि त्यांच्या कुटुंबियांबद्दल कृतज्ञता व्यक्त करण्याविषयी आहे. तसेच आपल्या पोलिस कर्मचाऱ्यांच्या नागरिकांना मदत करण्याच्या परिश्रम आणि तत्परतेचा आम्हाला अभिमान आहे, असं त्यांनी म्हटलं आहे

From preserving law and order to solving horrendous crimes, from assistance in disaster management to fighting COVID-19, our police personnel always give their best without hesitation. We are proud of their diligence and readiness to assist citizens. pic.twitter.com/fI2ptv3A1J

— Narendra Modi (@narendramodi) October 21, 2020

१९५९ साली भारत – चीन तणावादरम्यान आपल्या प्राणांची आहुती देणाऱ्या सीआरपीएफच्या १० जवानांच्या आठवणीत हा दिवस पाळला जातो. त्यानंतर जानेवारी १९६० मध्ये सर्व राज्य आणि केंद्रशासित प्रदेशाच्या पोलीस महानिरीक्षकांनी वार्षिक परिषदेत सीआरपीएफ जवानांची आहुती विसरता कामा नये, यासाठी २१ ऑक्टोबर हा दिवस ‘पोलीस स्मृती दिवस’ म्हणून पाळण्याचा निर्णय घेण्यात आला.

The post पोलीस स्मृती दिन : करोनाविरुद्धच्या लढाईत आत्तापर्यंत ३४३ पोलीस अधिकारी-कर्मचारी शहिद appeared first on थोडक्यात घडामोडी.

सीआरपीएफ आणि जम्मू-काश्मीर पोलिसांच्या संयुक्त गस्ती पथकावर दहशतवाद्यांनी हल्ला केला. बारामुल्ला जिल्ह्यात सोमवारी सकाळी ही घटना घडली.

केंद्रीय राखीव पोलीस बलातील (सीआरपीएफ) दोन जवान आणि जम्मू-काश्मीर पोलीस दलातील एक स्पेशल पोलीस ऑफिसर (एसपीओ) हे दहशतवाद्यांनी केलेल्या हल्ल्यात शहीद झाले आहेत.

गोळीबारात काही सुरक्षा रक्षकांना गंभीर इजा झाली आहे. जखमींना उपचारांसाठी रुग्णालयात दाखल करण्यात आले आहे. बारामुल्लातील क्रिरी भागात ही घटना घडली. पोलिसांच्या माहितीनुसार, या परिसरात नाकाबंदी करण्यात आली असून येथे लपून बसलेल्या दहशतवाद्यांचा शोध सुरु आहे.

१४ ऑगस्टला देखील दहशतवाद्यांकडून हल्ला करण्यात आला होता. त्यावेळी श्रीनगरमधील नवगाम भागात दोन पोलीस दहशतवाद्यांच्या हल्ल्यात शहीद झाले होते. तर एकजण जखमी झाला होता.

The post दहशतवाद्यांनी केलेल्या हल्ल्यात २ सीआरपीएफ जवान व १ एसपीओ शहीद appeared first on थोडक्यात घडामोडी.