पालघर: मनोर येथील गुरे चारण्यासाठी गेलेल्या १६ वर्षांच्या आदिवासी मुलीवर बलात्कार झाल्याची धक्कादायक घटना उघडकीस आली आहे. या घटनेनंतर पीडित मुलीसह कुटुंबीयांनी पोलिसांत तक्रार दाखल केली.

पोलीस अधिकाऱ्यांनी दिलेल्या माहितीनुसार, पालघर जिल्ह्यातील मनोरमध्ये २१ ऑक्टोबरला ही घटना घडली. पीडित मुलगी गुरे चारायला शेतावर गेली होती. त्याचवेळी एका व्यक्तीने तिला फरफटत नेले आणि तिच्यावर बलात्कार केला. घटनेनंतर पीडित मुलगी आणि तिच्या कुटुंबीयांनी पोलिसांत तक्रार दाखल केली. पोलिसांनी अनोळखी व्यक्तीविरोधात कलम ३७६ आणि पॉक्सोंतर्गत गुन्हा दाखल केला आहे. आरोपीचा शोध घेण्यात येत आहे.

The post धक्कादायक : गुरे चारण्यासाठी गेलेल्या अल्पवयीन मुलीवर बलात्कार appeared first on थोडक्यात घडामोडी.