मुंबई : राज्याचे उपमुख्यमंत्री आणि अर्थमंत्री अजित पवार यांनी आज राज्याचा अर्थसंकल्प सादर केला. जाणून घ्या, काय होणार स्वस्त आणि काय महागणार?

काय होणार स्वस्त :

1. शाळकरी मुलींना गावापासून शाळेपर्यंत राज्य परिवहन महामंडळाच्या बसने मोफत प्रवास करता येणार आहे.
2. घर महिलेच्या नावावर झाल्यास मुद्रांक शुल्कात १ % सवलत मिळेल. 1 एप्रिल 2021 पासून या योजनेची अंमलबजावणी होईल.
3. 3 लाख रुपयांपर्यंतचे पीक कर्ज घेणाऱ्या व त्याची वेळेवर परतफेड करणाऱ्या शेतकऱ्यांना शून्य टक्के व्याजाने कर्जपुरवठा
4. राज्यातील शेतकऱ्यांना थकीत वीज बिलात ३३ टक्के सूट देण्याची मोठी घोषणा अर्थमंत्री अजित पवार यांनी आज केली.

काय महागणार :

देशी बनावटीच्या ब्रँडेड आणि नॉन ब्रँडेड मद्यावरील व्हॅट 60 वरुन 65 टक्के करण्यात आलाय. तर सर्व प्रकारच्या मद्यावरील व्हॅटचा दर 35 % वरून 40% टक्के करण्यात आलाय. देशी बनावटीच्या मद्याचे उत्पादन शुल्क निर्मिती मूल्याच्या 220% किंवा 187 रुपये राहणार आहे. त्यामुळे दारू महागणार आहे.

The post महाराष्ट्राचा अर्थसंकल्प सादर, काय होणार स्वस्त आणि काय महागणार? जाणून घ्या appeared first on थोडक्यात घडामोडी.

मुंबई : महाविकास आघाडी सरकारकडून आज (८ मार्च) विधिमंडळात राज्याचा अर्थसंकल्प सादर करण्यात आला. राज्याचे अर्थमंत्री अजित पवार यांनी कोरोना काळात महिला कर्मचाऱ्यांनी केलेल्या कामाची दखल घेत आणि महिला दिनाच्या शुभेच्छा दिल्या. त्यानंतर त्यांनी महाविकास आघाडीचा दुसरा अर्थसंकल्प मांडायला सुरुवात केली.

अर्थसंकल्पातील तरतुदी :

1. यंदाच्या अर्थसंकल्पात आरोग्य विभागासाठी मोठी तरतूद करण्यात आली आहे. आरोग्य सेवांसाठी 7 हजार 500 कोटी रुपयांची तरतूद करण्यात आली आहे. तसेच नागरी आरोग्य कार्यालयाची निर्मिती करणार. औंध येथे रुग्णालय, राज्यात आठ मध्यवर्ती ठिकाणी कार्डियाक लॅब , १५० रुग्णालयात कर्करोग निदानासाठी सुविधा देणार. सिंधुदुर्ग, उस्मानाबाद, रायगड, नाशिक, साताऱ्यात मेडिकल कॉलेज उभारण्यात येणार आहेत.
2. तीन लाखांपर्यंत मर्यादीत कर्ज घेणाऱ्या आणि त्याची परतफेड वेळेत करणाऱ्या शेतकऱ्यांना शून्य टक्के व्याजदराने कर्ज मिळणार असल्याची घोषणा अजित पवार यांनी केली आहे. राज्य सरकारने जाहीर केलेल्या कर्जमाफीचा फायदा राज्यातील शेतकऱ्यांना झाला असून 31 लाख 23 हजार शेतककऱ्यांना कर्जमाफीची रक्कम वर्ग करण्यात आली असल्याचं त्यांनी सांगितलं. शेततळी, विहिरी यासाठी १२३१ कोटीची तरतूद
3. राज्यातील आठ प्राचिन मंदिरांचा विकास करण्यासाठी १०१ कोटींची तरतूद
4. अल्पसंख्यांक विभागासाठी ५८९ कोटी तसेच इतर मागास विभाग व बहुजन विकास विभागासाठी ३२१० कोटींची तरतूद
5. सारथी, बार्टी सारख्या योजनांसाठी प्रत्येकी १५० कोटी, गरज पडल्यास आणखी मदत करण्यात येईल.
6. आदिवासी विकास विभागासाठी ९७३८ कोटींची तरतूद
7. पुण्यात साखर उद्योगाच्या बदलांचा आढावा घेणारे साखर संग्रहालय उभारणार
8. पर्यटन विभागासाठी १३६७ कोटींची तरतूद
9. गृह विभागासाठी १७१२ कोटींची तरतूद
10. राज्य राखीव पोलीस दलात पहिल्यांदाच महिला पोलीसांच्या तुकडीची घोषणा करण्यात आली.
11. महिला सक्षमीकरणाच्या दृष्टीने राजमाता जिजाऊ गृहस्वामिनी योजना, महिलेच्या नावे घराची नोंदणी केल्यास मुद्रांक शुल्कात सवलत मिळणार
12. राज्यात १ लाख १२ हजार कोटींची गुंतवणूक, ३ लाख रोजगार निर्माण होणार
13. नगर विकास विभागाला ८४२० कोटींची तरतूद
14. मिठी नदी पुनरुज्जीवन प्रकल्प, ४५० कोटींचा खर्च, मार्चपासून कामाला सुरुवात, मुंबईतील इतर नद्यांबाबत अभ्यास
15. हिंदुहृदयसम्राट स्वर्गीय बाळासाहेब ठाकरे यांच्या स्मारकासाठी ४०० कोटींच्या खर्चाला मान्यता
16. ठाणे खाडीला समांतर कोस्टल रोडसाठी १२५० कोटींचा खर्च अपेक्षित
17. उच्च आणि तंत्रज्ञान शिक्षण विभागासाठी १३९१ कोटी
18. घरकुल योजना राबवण्यासाठी गेल्या वर्षात २९२४ कोटी खर्च तर पुढील आर्थिक वर्षासाठी ६८२९ कोटीची तरतूद
19. एसटी बस आगारांच्या विकासासाठी १४०० कोटींची तरतूद
20. ईस्टर्न फ्रिवे आता विलासराव देशमुख पूर्वमुक्त मार्ग म्हणून ओळखला जाणार
21. मदत आणि पूर्नवसन विभागासाठी १३९ कोटी
22. गोसीखूर्द प्रकल्पासाठी १००० कोटी
23. सागरी महामार्गासाठी ९५७३ कोटींचा खर्च
24. पाणी पुरवठा आणि स्वछता विभागाला २५३३ कोटी
25. जलसंपदासाठी १२९5१ कोटींची तरतूद
26. सहकार व पणन विभागासाठी 1284 कोटींची तरतूद
27. सिंधुदुर्ग आणि रत्नागिरीमधील मत्स्य उद्योगाच्या विकासासाठी दरवर्षी १०० कोटीचा निधी असे तीन वर्ष देण्यात येणार
28. एपीएमसीच्या बळकटीसाठी 2 हजार कोटी रुपये देण्याचे जाहीर केले असून पशुसंवर्धन आणि मत्स्य योजनेसाठी 3700 कोटींची तरतूद
29. वन विभागास १७२३ कोटींची तरतूद तर पर्यावरण विभागास २२७ कोटींची तरतूद
30. सुंदर माझे कार्यालय अभियान राबवण्यासाठी सामान्य प्रशासन विभागास १०३५ कोटी
31. ज्येष्ठ पत्रकारांच्या निवृत्तीवेतनात 25 कोटींत आणखी 10 कोटींची भर

The post Maharashtra Budget 2021 : महाराष्ट्राचा अर्थसंकल्प, जाणून घ्या अर्थसंकल्पातील तरतुदी appeared first on थोडक्यात घडामोडी.

मुंबई : विधानसभेत उपमुख्यमंत्री अजित पवार यांनी वीज तोडणी तुर्तास थांबवा, असे आदेश दिले आहेत. जोवर विजेच्या विषयावर सभागृहात चर्चा होऊन निर्णय होत नाही. तोवर राज्यातील घरगुती वीज ग्राहक आणि शेतकऱ्यांचे वीज कनेक्शन तोडले जाणार नाही, असं उपमुख्यमंत्री अजित पवार यांनी म्हटलं आहे.

विरोधी पक्षनेते देवेंद्र फडणवीस यांनी याबाबत नियम 57 अन्वये मुद्दा उपस्थित केला होता. विधानसभेत वीजबिलावरुन भाजपने आक्रमक पवित्र घेतला, बॅनर घेऊन सदस्य वेलमध्ये उतरले. यावेळी देवेंद्र फडणवीस म्हणाले कि, “वीज बिलावर चर्चा करावी. इतर सर्व विषय बाजूला ठेवावे. राज्यातील वीज ग्राहकांना अव्वाच्या सव्वा वीज बिलं आले आहेत. त्यांच्याकडून वीजबिलांची सक्तीने वसुली केली जात आहे. यात सर्वाधिक शेतकरी भरडला जात आहे. वीज कनेक्शन तोडण्यात येत असल्याने शेतीच्या कामांवरही संकट आलं आहे. त्यामुळे तात्काळ या विषयावर चर्चा घडवून आणावी आणि वीज कनेक्शन तोडणं थांबवावं.”

विधानसभा अध्यक्षांनी हा विषय आधीच सरकारच्या विषय पत्रिकेवर असल्याने त्यावर वेगळी चर्चा करण्याची गरज नाही, असं सांगितलं. यावर उपमुख्यमंत्री अजित पवार यांनी उत्तर देत म्हटलं की हा विषय ऊर्जा खात्याचा आहे. त्यावर या सभागृहात चर्चा होणार आहे. तसेच जोवर विजेच्या विषयवार सभागृहात चर्चा होऊन निर्णय होत नाही. तोवर राज्यातील घरघूती वीज ग्राहक आणि शेतकऱ्यांचे विज कनेक्शन तोडले जाणार नाही, अशी घोषणा देखील उपमुख्यमंत्री अजित पवार यांनी केली. फडणवीस यांनी या निर्णयाचे स्वागत केले आणि आभार मानत ज्यांचे वीज कनेक्शन तोडले आहे, त्यांचे कनेक्शन पुन्हा जोडण्यात यावे, अशी मागणी केली.

The post वीज तोडणी तुर्तास थांबवा, विधानसभेत उपमुख्यमंत्री अजित पवार यांची मोठी घोषणा appeared first on थोडक्यात घडामोडी.

मुंबई : आजपासून राज्याच्या अर्थसंकल्पीय अधिवेशनाला सुरुवात झाली आहे. अधिवेशनाची सुरुवात राज्यपालांच्या अभिभाषणाने झाली. यावेळी राज्यपालांनी राज्य शासनाच्या कामाचा आढावा मांडला. राज्यपालांनी कोरोना योध्दांना अभिवादन करत अभिभाषणाला सुरुवात केली. यावेळी राज्यपाल भगत सिंग कोश्यारी यांनी अनेक मुद्द्यांवर भाष्य केलं.

‘औद्योगिक मंदी असतानाही राज्य सरकारने चांगलं काम केलं. रोजगार सुलभ व्हावे म्हणून महारोजगार आणि महाजॉब पोर्टल सुरु केलं आहे. राज्य सरकारने आर्थिक अडचण असतानाही शेतकऱ्यांची कर्जमाफी केली,’ अशी माहिती राज्यपाल भगतसिंह कोश्यारी यांनी दिली. तसंच कर्नाटक सीमा भागातील मराठी भाषिकांना न्याय देण्यासाठी राज्य सरकार कटिबद्ध आहे. माझे शासन कर्नाटक महाराष्ट्र विवादाबाबत सुप्रीम कोर्टात ठाम भूमिका मांडत आहे, असंदेखील राज्यपाल म्हणाले.

राज्यपाल राज्य सरकारच्या कामाचं कौतुक करत म्हणाले कि, “धारावीसारख्या दाटीवाटीच्या वस्तीमध्ये राज्य शासनानं प्रभावी काम केलं आहे. कोरोना संदर्भात मदतीसाठी टास्क फोर्स स्थापन केले. आरोग्य सुविधांमध्ये वाढ केली तसंच, राज्य सरकारने कोरोना चाचणीसाठी प्रयोगशाळाही वाढवल्या आहेत. सरकारकडून ‘माझे कुटुंब माझी जबाबदारी’ मोहीम राबवण्यात आली. हा देशातील अभिनव उपक्रम ठरला आहे. विशेष सर्वेक्षण करण्यात आले. कोरोनाची लढाई अजून सुरुच असून मी जबाबदार ही मोहीम सुरू आहे. केंद्राकडे राज्यात लसीचा कोटा वाढवण्यासाठी पाठपुरवठा केला जात आहे.” तसंच कोरोना संदर्भातील आरोग्य उपाययोजना वाढवण्याची गरज आहे. दुसरी लाट येण्याची शक्यता असल्यानं आपल्याला काळजी घेण्याची गरज आहे, असंही यावेळी राज्यपालांनी सांगितलं.

The post राज्यपालांनी अभिभाषणात केलं राज्य सरकारच्या कामाचं कौतुक appeared first on थोडक्यात घडामोडी.

आज काँग्रेसचे प्रदेशाध्यक्ष नाना पटोले यांनी पेट्रोल-डिझेलच्या वाढत्या दरांचा निषेध करण्यासाठी सायकल रॅली काढली. यावेळी केंद्र सरकारच्या धोरणांचा निषेध करण्यात आला. मात्र, या रॅलीवर विधानसभेतील विरोधी पक्षनेते देवेंद्र फडणवीस यांनी अतिशय घणाघाती टीका केली आहे.

राज्याच्या अर्थसंकल्पीय अधिवेशनाचा आज पहिलाच दिवस आहे. देवेंद्र फडणवीस म्हणाले कि, “राज्य सरकारने पेट्रोलवर २७ रुपये टॅक्स लावला आहे. नाना पटोलेंचं आंदोलन हे राज्य सरकारच्या टॅक्सविरोधातच असावं. गुजरात किंवा इतर राज्यांमध्ये १० रुपयांनी पेट्रोल दर कमी करण्यात आले आहेत, तशाच प्रकारे महाराष्ट्रात देखील दर कमी करावेत, यासाठीच त्यांनी हे आंदोलन केलं असावं.” तसेच त्यांनी नाना पटोलेंच्या आंदोलनाला काँग्रेसचा मीडिया इव्हेंट असं म्हणून टोला लगावला आहे.

“अजित पवार अर्थसंकल्प मांडताना पेट्रोलवरचे राज्य सरकारचे काही टॅक्स कमी करून दर कमी करणार आहेत असं वाटतंय. त्यामुळे श्रेय घेण्यासाठी काँग्रेसकडून आधीच हा सायकल मोर्चा काढण्यात आला. पण राज्यात विरोधी पक्षाची जागा काँग्रेसला घेता येणार नाही. काँग्रेसचं देशातही विरोधी पक्ष म्हणून स्थान नाही. एकूणच काँग्रेसची अवस्था केविलवाणी आहे. या अवस्थेत त्यांना मीडिया इव्हेंट करावा लागणारच. तो ते करत आहेत”, अशी घणाघाती टीका फडणवीसांनी केली आहे.

The post काँग्रेसचे प्रदेशाध्यक्ष नाना पटोले यांचं आंदोलन राज्य सरकारच्या टॅक्सविरोधात, देवेंद्र फडणवीस यांची घणाघाती टीका appeared first on थोडक्यात घडामोडी.

मुंबई : विधिमंडळाचं अर्थसंकल्पीय अधिवेशन आजपासून सुरु होत आहे. मात्र या अधिवेशनावर देखील कोरोनाचं सावट दिसत आहे. विधानभवनात अधिवेशन सुरु होण्याआधीच 25 जणांना कोरोनाची लागण झाली असल्याची माहिती मिळत आहे. अधिवेशनाच्या दोन दिवस अगोदर विधानभवन येथे एकूण 3200 जणांच्या कोरोनाच्या चाचण्या करण्यात आल्या होत्या. त्यातील 25 जण कोरोना बाधित असल्याची माहिती आहे.

नाना पटोले यांनी राजीनामा दिल्यानंतर विधानसभा अध्यक्षपदाची निवडणूक या अधिवेशनात होणार नाही. उपाध्यक्ष नरहरी झिरवळ यांच्या अध्यक्षतेखालीच विधीमंडळाचं कामकाज चालवलं जाईल. अनेक मंत्री आणि आमदार कोरोनाबाधित आहेत. त्यामुळे ते अधिवेशनाला उपस्थित हजर राहू शकत नाहीत. त्यामुळे अध्यक्षपदाच्या निवडणुकीत त्यांना मतदान करता येणार नाही. त्यामुळेच विधानसभा अध्यक्षपदाची निवडणूक या अधिवेशनात होणार नसल्याची माहिती मिळत आहे. त्यामुळे ही पुढच्या अधिवेशनात घेतली जाण्याची शक्यता आहे.

The post अधिवेशन सुरु होण्याआधीच विधानभवनाशी संबंधित 25 जणांना कोरोनाची लागण appeared first on थोडक्यात घडामोडी.