मुंबई : कोयना धरण प्रकल्पामुळे बाधित झालेल्या प्रकल्पग्रस्तांना कृष्णा खोरे मध्ये समाविष्ट असलेल्या अथवा लगतच्या जिल्ह्यातच जमीन वितरण करावी. याबाबतची प्रक्रिया लवकरात लवकर राबविण्यात यावी अशा सूचना उपमुख्यमंत्री अजित पवार यांनी आज येथे दिल्या.

कोयना धरण प्रकल्पामुळे बाधित झालेल्या प्रकल्पग्रस्तांचे पुनर्वसन करण्याबाबत आज उपमुख्यमंत्री अजित पवार यांच्या अध्यक्षतेखाली आणि खासदार शरद पवार यांच्या प्रमुख उपस्थितीत बैठक झाली. यशवंतराव चव्हाण प्रतिष्ठान येथे झालेल्या या बैठकीस जलसंपदामंत्री जयंत पाटील, मदत आणि पुनर्वसन विभागाचे प्रधान सचिव असीम कुमार गुप्ता, जलसंपदा सचिव विलास राजपूत, सातारा जिल्हाधिकारी शेखर सिंह ( दूरदृश्य प्रणालीद्वारे) श्रमिक मुक्ती दलाचे डॉ. भारत पाटणकर आदी यावेळी उपस्थित होते.

उपमुख्यमंत्री अजित पवार यांनी सांगितले की, प्रकल्पग्रस्तांना जमीन वितरण करण्याबाबत सोलापूर जिल्हाधिकारी कार्यालयाने आवश्यक ती कार्यवाही करावी. यासाठी प्रकल्पग्रस्तांकडून अर्ज मागवून घ्यावेत. अर्जाची छाननी करावी. अर्ज करण्यासाठी दोन महिन्यांची मुदत द्यावी.

जलसंपदामंत्री जयंत पाटील यांनी कोयना धरण प्रकल्पग्रस्तांना प्राधान्याने सातारा सांगली सोलापूर जिल्ह्यातील जमीन वितरण करण्याबाबत कार्यवाही करावी. कोयना धरण प्रकल्पग्रस्तांना जमीन वितरण झाल्यावर उर्वरित प्रकल्पग्रस्तांना जमीन वितरण करण्याबाबत विचार करावा, अशा सूचना दिल्या.

समन्यायी पाणी वाटप योजनेतून तीन जिल्ह्यांतील आठ तालुक्यातील १०८ गावांना पाणी देण्यात येणार आहे. टेंभू उपसा सिंचन योजनेच्या लाभक्षेत्रा लगतच्या गावांना पाणी देणार आहेत. या योजनेचे येत्या बारा जून रोजी विविध ठिकाणी उद्घाटन करण्याचा आज निर्णय घेण्यात आला. या योजनेतून वंचित असलेल्या गावांना पाणी दिले जाणार आहे.

बैठकीस मुख्य अभियंता हणमंत गुणाले, अधीक्षक अभियंता मिलिंद नाईक, कार्यकारी अभियंता अभिनंदन हारुगडे, कार्यकारी अभियंता महेश रासनकर, श्रमिक मुक्ती दलाचे आनंदराव पाटील, संपत देसाई, चैतन्य दळवी आदी उपस्थित होते.

The post कोयना प्रकल्पग्रस्तांना जमीन वितरण करण्यासाठी कार्यवाही करण्याच्या उपमुख्यमंत्री अजित पवार यांच्या सूचना appeared first on थोडक्यात घडामोडी.

मुंबई : कोयना प्रकल्पग्रस्तांना पालघर येथील जमिनीचे वाटप करण्यासंदर्भात सातारा जिल्हाधिकारी अथवा पुनर्वसन अधिकारी यांनी प्रकल्पग्रस्तांचे म्हणणे ऐकून तातडीने कार्यवाही करावी आणि यासंबंधीचा अहवाल शासनास सादर करावा, असे निर्देश मदत व पुनर्वसन मंत्री विजय वडेट्टीवार यांनी दिले.

कोयना प्रकल्पग्रस्तांना पालघर जिल्ह्यात पर्यायी जमीन मिळण्याबाबत मदत व पुनर्वसन मंत्री विजय वडेट्टीवार यांच्या अध्यक्षतेखाली मंत्रालयीन दालनात बैठक झाली त्यावेळी ते बोलत होते. बैठकीला मदत व पुनर्वसन विभागाचे प्रधान सचिव असीम गुप्ता तसेच संबंधित विभागाचे अधिकारी उपस्थित होते तर सातारा जिल्ह्याचे अतिरिक्त जिल्हाधिकारी श्री.शिंदे दूरदृश्य प्रणालीद्वारे उपस्थित होते.

पालघर जिल्ह्यातील ६१ कोयना प्रकल्पग्रस्तांना पर्यायी जमीन वाटप करण्यासाठी संबंधित अधिकाऱ्यांनी जमिनीबाबत तपासणी करून अहवाल सादर करावा. तसेच यासंदर्भात तातडीने जिल्हा पुनर्वसन अधिकारी किंवा जिल्हाधिकारी सातारा यांनी प्रकल्पग्रस्तांची सुनावणी घेऊन त्यांचे म्हणणे ऐकून घ्यावे व प्रकल्पग्रस्तांची पात्रता, देय जमीन व वारसांबाबत खात्री करून तातडीने अंतिम निर्णय घ्यावा, असे निर्देश वडेट्टीवार यांनी यावेळी दिले.

The post कोयना प्रकल्पग्रस्तांना पालघरमध्ये जमीन देण्यासंदर्भात तातडीने कार्यवाही करावी, विजय वडेट्टीवार यांचे निर्देश appeared first on थोडक्यात घडामोडी.