काँग्रेसचे खासदार शशि थरूर यांनी पंतप्रधान नरेंद्र मोदी आणि केरळचे मुख्यमंत्री पिनाराई विजयन यांची खुलेआम प्रशंसा केल्यानंतर पक्षाच्या गोटात गदारोळ उडाला आहे. त्यावर आता काँग्रेसने थरूर यांच्यावर टीका सुरू केली आहे. थरूर यांनी काँग्रेसच्या राष्ट्रीय अध्यक्षपदाच्या निवडणुकीत भाग घेतला होता, आणि आता त्यांच्या वादग्रस्त विधानामुळे काँग्रेसमध्ये मोठा राजकीय भूकंप होण्याची शक्यता वर्तवली जात आहे.

थरूर यांचा इशारा आणि पक्ष सोडण्यावर स्पष्टीकरण
शशि थरूर यांनी पंतप्रधान मोदी आणि पिनाराई विजयन यांच्या नेतृत्वातील सरकारची प्रशंसा केली होती. यामुळे काँग्रेसमध्ये त्यांच्यावर टीका सुरू झाली. त्या संदर्भात थरूर यांनी थेट इशारा दिला आहे की, “मी पक्षासाठी उपलब्ध आहे, पण जर पक्षाला माझ्या सेवेची आवश्यकता नसेल, तर माझ्याकडे दुसरा पर्याय उपलब्ध आहे.” या विधानामुळे काँग्रेसमध्ये त्यांची स्थिती आणखी चर्चेत आली आहे.

थरूर यांनी स्पष्ट केले की, त्यांनी काँग्रेस सोडण्याचा कोणताही विचार केला नाही आहे. “आमच्यात विचारांबाबत मतभेद असले तरी, काँग्रेस सोडण्याचा विचार आम्ही करू शकत नाही,” असे त्यांनी सांगितले. तरीही, त्यांच्या इशाऱ्यातून राजकीय वर्तुळात चर्चांना उधाण आले आहे.

काँग्रेसला केरळमध्ये मजबूत नेतृत्वाची आवश्यकता
शशि थरूर यांनी काँग्रेसला केरळमध्ये एक मजबूत नेतृत्व आवश्यक असल्याचे सांगितले आहे. त्यांनी काँग्रेसला केरळ राज्यात आपला मतदारवर्ग वाढवण्याचे आवाहन केले आहे. “केरळमध्ये काँग्रेसला योग्य नेतृत्वाची गरज आहे, हे मी इतर नेत्यांना सांगितले आहे,” असं त्यांनी सांगितलं. तसेच, त्यांनी पक्षाच्या राज्यातील नेतृत्व बदलण्याची आवश्यकता व्यक्त केली.

थरूर यांचा दुसरा इशारा: केरळमध्ये व्होटर बेस वाढवण्याची गरज
थरूर यांनी आणखी एक महत्त्वाचा इशारा दिला आहे. “जर काँग्रेसने केरळमध्ये आपला व्होटर बेस वाढवला नाही, तर तिसऱ्या वेळेस विरोधी पक्षात बसावे लागेल,” असा इशारा त्यांनी दिला आहे. केरळमध्ये पुढील वर्षी विधानसभेच्या निवडणुका होणार आहेत, त्यामुळे थरूर यांचे हे विधान अत्यंत महत्त्वपूर्ण मानले जात आहे.

काँग्रेसमध्ये मोठा राजकीय भूकंप होईल का?
शशि थरूर यांचे हे विधान काँग्रेसमध्ये मोठ्या राजकीय भूकंपाची शक्यता दर्शवते. त्यांच्या या इशाऱ्यामुळे काँग्रेसच्या अंतर्गत राजकारणात एक नवा वाद सुरु होण्याची शक्यता आहे. आता काँग्रेसने काय पाऊल उचलते याकडे सर्वांचे लक्ष लागले आहे.

The post शशि थरूर यांचा काँग्रेसला थेट इशारा: काँग्रेसमध्ये आजवरच्या सर्वात मोठ्या राजकीय भूकंपाची शक्यता? appeared first on थोडक्यात घडामोडी.

केरळ : केरळमध्ये मंकीपॉक्सचा तिसरा रुग्ण आढळून आला आहे, जो संयुक्त अरब अमिरातीहून 6 जुलै रोजी राज्यात पोहोचला आहे. केरळमधील मंकीपॉक्सचे तिन्ही रुग्ण यूएईमधून परतलेले आहेत. राज्याच्या आरोग्य मंत्री वीणा जॉर्ज यांनी सांगितले की, 35 वर्षीय व्यक्ती ६ जुलैला देशात परतली होती आणि तीन दिवसांनी त्या व्यक्तीला ताप आला.

जॉर्ज यांनी सांगितले की, 15 जुलै रोजी लक्षणे दिसल्यानंतर त्याला मंजेरी वैद्यकीय महाविद्यालयाच्या रुग्णालयात दाखल करण्यात आले आणि नंतर त्याच्या संपर्कात आलेल्या सर्वांना विलगीकरणात ठेवण्यात आले. तिन्ही बाधितांची प्रकृती स्थिर असून राज्यात दुय्यम संसर्गाची नोंद झाली नसल्याचे मंत्र्यांनी सांगितले.

पुण्यातील नॅशनल इन्स्टिट्यूट ऑफ व्हायरोलॉजीकडून चाचणी किट मिळाल्यानंतर राज्याने अलापुझा येथील एनआयव्हीच्या प्रादेशिक केंद्रात मंगळवारी मंकीपॉक्सची चाचणी सुरू केली. आरोग्य विभागाने राज्यातील चारही विमानतळांवर स्क्रीनिंग डेस्क उभारले असून विशेषत: मध्यपूर्वेतील देशांतून येणाऱ्या प्रवाशांवर लक्ष ठेवण्यास सुरुवात केली आहे.

The post केरळमध्ये मंकीपॉक्सचा तिसरा रुग्ण आढळला appeared first on थोडक्यात घडामोडी.

केरळ : केरळमध्ये मंकीपॉक्सचा पहिला रुग्ण आढळून आला आहे. राज्याच्या आरोग्य मंत्री वीणा जॉर्ज यांनी गुरुवारी सांगितले की, परदेशातून परतलेल्या 35 वर्षीय व्यक्तीला मंकीपॉक्सची लक्षणे दिसू लागल्याने रुग्णालयात दाखल करण्यात आले होते. तपासणीत त्या व्यक्तीला मंकीपॉक्स झाल्याची पुष्टी झाली आहे. केरळ आणि देशातील मंकीपॉक्सची ही पहिलीच घटना आहे.

तत्पूर्वी, केरळच्या आरोग्यमंत्र्यांनी पत्रकारांना सांगितले होते की, मंकीपॉक्सची लक्षणे असलेल्या एका व्यक्तीचे नमुने गोळा करण्यात आले असून ते नमुने तपासणीसाठी राष्ट्रीय विषाणूशास्त्र संस्थेकडे पाठवण्यात आले आहेत. वीणा जॉर्ज यांनी सांगितले की, त्या व्यक्तीमध्ये मंकीपॉक्सची लक्षणे दिसून आली आणि तो आजारी होता. परदेशात मंकीपॉक्सच्या रुग्णाशी त्याचा संपर्क आला होता.

वीणा जॉर्ज म्हणाल्या, ‘मंकीपॉक्सच्या एका केसची पुष्टी झाली आहे. हा संसर्ग इतर लोकांमध्ये पसरू नये यासाठी आम्ही प्रयत्न करत आहोत. परंतु, संक्रमित आढळलेली व्यक्ती त्याच्या पालकांसह दोन ते तीन लोकांच्या जवळच्या संपर्कात आली आहे. संक्रमित व्यक्तीच्या जवळच्या संपर्कात आलेल्या एकूण 11 जणांची ओळख पटली आहे, ज्यामध्ये त्याचे आई-वडील, टॅक्सी ड्रायव्हर आणि ऑटो ड्रायव्हर, विमानात त्याच्या शेजारी बसलेले लोकही सामील आहेत. याबाबत आम्ही सर्वांना माहिती देत ​​आहोत. काळजी करण्यासारखे काही नाही. आरोग्य विभागाने मात्र लोकांना सतर्क राहण्याचे आवाहन केले आहे.

दरम्यान, केरळच्या कोल्लम जिल्ह्यात मंकीपॉक्सची घटना समोर आल्यानंतर केंद्रीय आरोग्य आणि कुटुंब कल्याण मंत्रालयाने राज्य आरोग्य अधिकाऱ्यांना सहकार्य करण्यासाठी एक उच्चस्तरीय केंद्रीय पथक तयार केले असून तिकडे पाठवत आहे. सरकारी पत्रकानुसार, केरळला जाणार्‍या केंद्रीय टीममध्ये राष्ट्रीय रोग नियंत्रण केंद्र (NCDC), डॉ. राम मनोहर लोहिया हॉस्पिटलचे तज्ज्ञ, केंद्रीय आरोग्य मंत्रालयाचे तज्ज्ञ यांचा समावेश आहे. प्रसिद्धीनुसार, केंद्रीय पथक काम करणार आहे. राज्याच्या आरोग्य विभागाशी जवळीक साधून काम करून परिस्थितीचा आढावा घेतील आणि आवश्यक सार्वजनिक आरोग्य उपाययोजनांची शिफारस करेल.

भारत सरकार परिस्थितीचे काळजीपूर्वक निरीक्षण करून आणि संक्रमणाचा प्रसार रोखण्यासाठी राज्यांशी समन्वय आणि सहकार्य करून सक्रिय पावले उचलत आहे. जागतिक आरोग्य संघटनेच्या (WHO) मते, मंकीपॉक्स हा विषाणूजन्य झुनोसिस (प्राण्यांपासून मानवांमध्ये पसरणारा विषाणू) आहे. ज्याची लक्षणे चेचक सारखी असतात. तथापि, वैद्यकीय दृष्टिकोनातून हे कमी गंभीर आहे.

The post देशात मंकीपॉक्सचा पहिला रुग्ण आढळल्याने खळबळ, केंद्राने पाठवली उच्चस्तरीय टीम appeared first on थोडक्यात घडामोडी.

केरळ : परदेशातून परतलेल्या एका व्यक्तीला मंकीपॉक्सची लक्षणे दिसू लागल्याने केरळमधील रुग्णालयात दाखल करण्यात आले आहे, असे राज्याच्या आरोग्यमंत्री वीणा जॉर्ज यांनी गुरुवारी सांगितले. त्या म्हणाल्या की त्यांचे नमुने गोळा केले गेले आहेत आणि चाचणीसाठी नॅशनल इन्स्टिट्यूट ऑफ व्हायरोलॉजीकडे पाठवण्यात आले आहेत. चाचणीचे रिपोर्ट आल्यानंतरच या आजाराची पुष्टी करता येईल.

वीणा जॉर्ज म्हणाल्या कि, “त्या व्यक्तीमध्ये मंकीपॉक्सची लक्षणे दिसून आली आहेत आणि तो परदेशात मंकीपॉक्सच्या रुग्णाच्या जवळच्या संपर्कात होता.”

वर्ल्ड हेल्थ ऑर्गनायझेशन (डब्ल्यूएचओ) च्या मते, मंकीपॉक्स हा एक विषाणूजन्य झुनोसिस (प्राण्यांमधून मानवांमध्ये पसरलेला विषाणू) आहे ज्याची लक्षणे भूतकाळात स्मॉलपॉक्सच्या रूग्णांमध्ये दिसल्यासारखीच आहेत, जरी ती वैद्यकीयदृष्ट्या कमी गंभीर आहेत.

The post चिंताजनक! परदेशातून परतलेल्या व्यक्तीमध्ये आढळली मंकीपॉक्सची लक्षणे, रुग्णालयात दाखल appeared first on थोडक्यात घडामोडी.

केरळ : लुंगी आणि शर्ट घातलेल्या 60 वर्षांच्या रोजंदारीवरील कामगाराने कल्पनाही केली नसेल की एक दिवस तो त्याच्या मॉडेलिंग टॅलेंटमुळे इंटरनेट जगतात चर्चेचा विषय बनेल. ममिक्का असे या मजुराचे नाव असून तो मूळचा केरळमधील कोझिकोड शहरातील आहे. एका छायाचित्रकाराने (shk_digital) या मजुराला त्याच्या प्रोजेक्टसाठी निवडले तेव्हा मम्मिकाचा सुपर ग्लॅमरस मेकओव्हर इंटरनेटवर आला.

हा फोटोग्राफर शारिक वायलील (Shareek Vayalil) आहे, ज्याने या कामगारामध्ये दडलेली प्रतिभा ओळखली आणि त्याला त्याच्या एका प्रोजेक्टसाठी मॉडेल म्हणून सादर केले. खरं तर, वायलीलने यापूर्वी देखील त्याच्या सोशल मीडिया पेजवर मम्मिकाचा एक फोटो शेअर केला होता, जो अभिनेता विनायकन सारखाच दिसत होता, त्यामुळे तो व्हायरल झाला होता.

जेव्हा ही असाइनमेंट आली तेव्हा शारिकने सर्वप्रथम मम्मिकाचा विचार केला. त्याने लगेचच ६० वर्षीय मजुराला या प्रकल्पाची माहिती दिली, त्यानंतर कलाकार मजनसने (Majnas) त्याच्यावर असा मेकओव्हर केला की सोशल मीडियावरील लोक मम्मिकाच्या स्वॅगचे कौतुकच करत सुटले. आशिक फुआद आणि शबीब वायलील हे मेकअप असिस्टंट होते.

मुळात, हे फोटोशूट एका स्थानिक फर्मच्या प्रमोशनसाठी केले गेले होते, ज्यामध्ये मम्मिका सूट-बूटमध्ये, चष्मा घालून आणि हातात आयपॅड धरून पोज देत आहे. निश्चितच त्यांचा लूक एखाद्या प्रोफेशनल मॉडेलपेक्षा कमी दिसत नाही. ममिका त्यांच्या या यशाने खूप खूश आहेत. कामासोबतच अशा ऑफर्स मिळाल्यास मॉडेलिंग सुरू ठेवणार असल्याचे त्यांनी सांगितलं. mammikka_007 नावाचे एक Instagram पेज आहे, जिथे आता तुम्ही त्यांना सामान्य कपड्यांसोबत ग्लॅमरस लूकमध्ये पाहू शकता.

 

View this post on Instagram

 

A post shared by പാറക്കടവിൽ മമ്മി (@mammikka_007)

The post फोटोग्राफरने 60 वर्षीय मजुराला बनवले ग्लॅमरस मॉडेल appeared first on थोडक्यात घडामोडी.

केरळ : केरळच्या कोझिकोडमध्ये रविवारी सकाळी निपाह विषाणूमुळे एका 12 वर्षांच्या मुलाचा मृत्यू झाला. या मुलावर येथील एका खासगी रुग्णालयात उपचार सुरू होते. रुग्णाचे सर्व नातेवाईक आणि त्याच्या उपचाराशी संबंधित सर्व लोकांना विलगीकरणात ठेवण्यात आले आहे. केंद्राने केरळमध्ये एक टीमही पाठवली आहे.

#HealthForAll

A case of Nipah Virus detected in Kozhikode district of Kerala

Centre rushes team to Kerala to support State in Public Health Measures.https://t.co/532kXyFBzZ pic.twitter.com/S8A4nl45q3

— Ministry of Health (@MoHFW_INDIA) September 5, 2021

केंद्र सरकारने याबाबत माहिती दिली आहे. केरळच्या कोझिकोड जिल्ह्यात निपाह विषाणूचा एक रुग्ण आढळला होता. हा मुलगा 12 वर्षांचा होता, त्याची संशयित केस 3 सप्टेंबर, 2021 रोजी केरळच्या कोझिकोड जिल्ह्यात नोंदवली गेली. मुलाला रुग्णालयात दाखल करण्यात आले होते, मात्र आज सकाळी त्याचे निधन झाले. केंद्र सरकारने NCDC ची एक टीम केरळकडे रवाना केली आहे. ही टीम राज्याला तांत्रिक सहाय्य करेल. 2018 मध्ये देखील केरळच्या कोझीकोड आणि मलप्पुरम जिल्ह्यात निपाहचा उद्रेक झाला होता.

प्रसार कसा होतो?

1. वटवाघळांनी खाल्लेली किंवा चाटलेली फळं खाल्ल्यास
2. संसर्ग झालेल्या रुग्णांच्या संपर्कात आल्यास
3. एनआयव्हीचा संसर्ग झालेली वटवाघळे आणि डुकरांच्या थेट संपर्कातून

The post केरळमध्ये निपाह विषाणूमुळे 12 वर्षांच्या मुलाचा मृत्यू, NCDC ची टीम केरळकडे रवाना appeared first on थोडक्यात घडामोडी.

कोचीन : केरळच्या कोचीन जिल्ह्यातून एक धक्कादायक घटना समोर आली आहे. बलात्कारानंतर गर्भवती राहिलेल्या एका अल्पवयीन मुलीने वेळेआधीच जन्माला आलेल्या आपल्या नवजात भ्रुणाला टॉयलेटच्या कमोडमध्ये फ्लश केले.

एका २० वर्षांच्या तरुणाने या अल्पवयीन पीडितेवर कथितरित्या बलात्कार केल्यानंतर ती गर्भवती राहिली होती. वायनाड जिल्ह्यातून पोलिसांनी आरोपीला गेल्या गुरुवारी अटक केली. वायनाडहून पोलिसांनी आरोपीला कोचीनला आणलं असून त्याला लवकरच दंडाधिकारी न्यायालयात हजर केले जाईल.

पोलिसांनी दिलेल्या माहितीनुसार, या मुलीने गर्भवती असल्याचं कुणालाही सांगितलेलं नव्हतं. ती ६ महिन्यांची गर्भवती होती. गेल्या बुधवारी संपूर्ण प्रकरण उघडकीस आले, जेव्हा अल्पवयीन बलात्कार पीडित मुलगी पोटात दुखू लागल्यामुळे आपल्या आईसोबत तपासणीसाठी एका खासगी रुग्णालयात गेली होती. इथेच रुग्णालयाच्या टॉयलेटमध्ये तिने बाळाला जन्म दिला. मात्र, ही गोष्ट डॉक्टर आणि रुग्णालयातील कर्मचाऱ्यांना सांगण्याऐवजी तिने भ्रुणाला कमोडमध्ये फ्लश केले. मात्र, तरुणी बाहेर आल्यानंतर टॉयलेट वापरण्यासाठी गेलेल्या अन्य एका व्यक्तीला कमोडमध्ये भ्रुणाचे अवशेष दिसले. त्यानंतर त्याने तात्काळ रुग्णालयाला आणि पोलिसांना याबाबत माहिती दिली.

घटनेची माहिती मिळताच पोलिसांची टीम घटनास्थळी दाखल झाली. इथे पोलिसांना संबंधीत मुलीने हे कृत्य केल्याचं समजलं, त्यानंतर पोलीस अधिकाऱ्याने तिची चौकशी केली. या मुलीने चौकशी दरम्यान कबूल केले की तिचे आरोपीशी अफेअर होते, तसेच या मुलीने आपले कृत्य स्वीकार केले. आरोपी तरुणासोबत शारीरिक संबंधांनंतर अल्पवयीन मुलगी गर्भवती राहिली होती. नंतर पीडितेच्या आईच्या तक्रारीच्या आधारावर पोलिसांनी २० वर्षीय आरोपीविरुद्ध ‘पॉक्सो’ कायद्यांतर्गत गुन्हा दाखल केला.

The post बलात्कार पीडितेने नवजात भ्रुणाला टॉयलेटच्या कमोडमध्ये फ्लश केले… appeared first on थोडक्यात घडामोडी.

मल्याळम चित्रपटसृष्टीतील प्रसिद्ध अभिनेता अनिल नेदुमंगड यांचा मृत्यू झाला आहे. ४८ वर्षीय अनिल केरळच्या मलंकारा धरणात आंघोळीसाठी गेले होते. धरणात बुडून त्यांचा मृत्यू झाला.

मिळालेल्या माहितीनुसार, अनिल हे थोडुपुझा इथे आपल्या आगामी चित्रपटाचे चित्रीकरण करत होते. सीन संपल्यानंतर चित्रपटाच्या टीमने ब्रेक घेतला तेव्हा अनिल आपल्या काही मित्रांसह धरणात आंघोळीसाठी गेले. याचवेळी त्यांच्यासोबत ही दुर्घटना घडली. खोल पाण्यात लाटांच्या माऱ्यामध्ये ते अडकले आणि बाहेर पडू शकले नाहीत. अनिल नेदुमगंड यांना पाणबुड्यांच्या मदतीने बाहेर काढून तात्काळ जवळच्या खासगी रुग्णालयात नेले. मात्र डॉक्टरांनी त्यांना मृत घोषित केले.

The post प्रसिद्ध अभिनेता अनिल नेदुमंगड यांचा चित्रीकरणादरम्यान धरणात बुडून मृत्यू appeared first on थोडक्यात घडामोडी.

NIA Raids : राष्ट्रीय अन्वेषण एजन्सी (एनआयए)ने पश्चिम बंगालमधील मुर्शिदाबाद आणि केरळमधील एर्नाकुलम येथे छापे टाकून अल कायदाच्या मॉड्यूलचा भांडाफोड केला आहे. या छाप्यांमध्ये अल-कायदाच्या तब्बल ९ दहशतवाद्यांना अटक करण्यात आली आहे. खरं तर, एनआयएने एकाच वेळी ११ ठिकाणी छापे टाकले आहेत. छापेमारी दरम्यान मोठ्या प्रमाणात चिथावणीखोर साहित्य, डिजिटल उपकरणे, कागदपत्रे, जिहादी साहित्य, धारदार शस्त्रे जप्त करण्यात आला. मॉड्यूल सक्रियपणे निधी गोळा करीत होता आणि काही दहशतवादी हे शस्त्रे आणि दारूगोळा खरेदी करण्यासाठी नवी दिल्लीत येणार होते. दरम्यान, देशाच्या विविध भागात संभाव्य दहशतवादी हल्ल्यापूर्वी या सर्वांना अटक करण्याता आली आहे.

प्राथमिक चौकशीत या अटक करण्यात आलेल्या या व्यक्तींना पाकिस्तानस्थित अल-कायदाच्या अतिरेक्यांनी सोशल मीडियावर कट्टरपंथी बनवलं. त्यानंतर त्यांना राष्ट्रीय राजधानीसह अनेक ठिकाणी हल्ले करण्यास उद्युक्त केलं जात होतं. मात्र त्याआधीच या सर्वांना अटक करण्यात आली.

The post NIA Raids : अल-कायदाच्या ९ जणांना अटक; घातपात घडविण्यापूर्वीच मोठी कारवाई appeared first on थोडक्यात घडामोडी.

केरळ :  १९ वर्षीय कोरोना पॉझिटिव्ह तरुणीवर रुग्णवाहिकेच्या ड्रायव्हरनेच बलात्कार केल्याची धक्कादायक घटना समोर आली आहे. रुग्णालयात नेण्यापूर्वी या ड्रायव्हरने कोरोना पॉझिटिव्ह मुलीला आपल्या वासनेचा शिकार बनवलं.

एकीकडे कोरोना साथीच्या रोगामुळे लोक प्रचंड त्रस्त आहेत. त्याचदरम्यान ही घटना उघडकीस आल्याने आता संताप व्यक्त केला जात आहे. केरळच्या पटनमिट्टा येथील एका मुलीला कोरनाची लागण झाली होती. त्यामुळे तिच्या कुटुंबातील सदस्यांनी तिच्यावर उपचार करण्यासाठी रुग्णवाहिका बोलविली आणि रुग्णवाहिकेच्या ड्रायव्हरला मुलीला रुग्णालयात नेण्यास सांगितलं. यानंतर पीडित मुलीने अशी माहिती दिली की, रुग्णवाहिकेत आणखी एक रुग्ण होता. पण ड्रायव्हरने या रुग्णाला आधी उतरवलं आणि रुग्णवाहिका एका निर्जन स्थळी नेली. मुलीने असा आरोप केला आहे की, याच निर्जन स्थळी आरोपीने तिच्यावर बलात्कार केला. त्यानंतर तो तिला कोविड केअर सेंटरमध्ये घेऊन गेला. तिथे मुलीला सोडल्यानंतर तो पळून गेला.

कोविड सेंटरमध्ये गेल्यानंतर मुलीने तिच्याबरोबर घडलेल्या घटनेविषयी डॉक्टरांना सांगितलं. त्यानंतर तिथे एकच खळबळ उडाली. त्यानंतर तात्काळ पोलिसांना बोलावण्यात आलं. पोलिसांनी देखील घटनेचं गांभीर्य ओळखून आरोपीचा कसून घेतला. त्यानंतर काही तासातच आरोपी चालकाला अटक देखील करण्यात आली.

The post कोरोना पॉझिटिव्ह मुलीवर रुग्णवाहिकेच्या ड्रायव्हरने केला बलात्कार appeared first on थोडक्यात घडामोडी.