Accident in Kasara ghat : कसारा घाटात पहाटेच्या सुमारास ट्रक आणि आयशरचा भीषण अपघात झाला आहे. धबधबा पॉईंटजवळ केळ्याने भरलेल्या ट्रकने आयशरला मागच्या बाजूने धडक दिली. या दुर्घटनेत ट्रक पलटी झाल्याने ट्रक चालक पप्पू यादव यांचा मृत्यू झाला.

घटनेची माहिती मिळताच आपत्ती व्यवस्थापन टीम, महामार्ग पोलीस घटनास्थळी दाखल झाले आहेत. ट्रकचालकाचा मृतदेह कसारा प्राथमिक आरोग्य केंद्रात रुग्णवाहिकेत पाठविला आहे. कसारा घाटातील अपघातानंतर ट्रकमधील केळ्यांचे ट्रे महामार्गावर इतस्ततः विखुरले होते. काही काळ वाहतूक विस्कळित झाली. अपघातग्रस्त ट्रक क्रेनच्या साहाय्याने बाजूला काढण्यात आला आहे.

The post कसारा घाटात ट्रक आणि आयशरचा भीषण अपघात, ट्रक चालकाचा मृत्यू appeared first on थोडक्यात घडामोडी.