पालघर : सुमारे 76,200 कोटी रुपये खर्चाच्या वाढवण बंदराचा पायाभरणी समारंभ तसेच 1563 कोटी रुपयांच्या मत्स्यव्यवसाय प्रकल्प व योजनांचे लोकार्पण व शुभारंभ प्रधानमंत्री नरेंद्र मोदी यांच्या हस्ते पालघरमधील सिडको मैदानात आयोजित कार्यक्रमात झाले.

देशाच्या व महाराष्ट्राच्या विकासात मच्छिमार बांधवांचे मोठे योगदान आहे. वाढवण बंदर जगातील सर्वात खोल व मोठ्या बंदरांपैकी एक महत्त्वपूर्ण बंदर होणार आहे. या प्रकल्पामुळे या परिसराचे आर्थिक चित्र बदलणार आहे. आता हा परिसर रेल्वे व महामार्गांशीही जोडला जाणार असून यामुळे या परिसरात नवनवीन व्यापार सुरू होतील. या बंदराचा लाभ महाराष्ट्राबरोबरच या भागातील स्थानिकांना व त्यांच्या पुढील पिढ्यांना होणार आहे, असे प्रतिपादन देशाचे प्रधानमंत्री नरेंद्र मोदी यांनी केले.

मेक इन इंडिया, आत्मनिर्भर भारत या संकल्पनांचा लाभ महाराष्ट्राला होत असून यामध्ये महाराष्ट्राचे योगदान मोठ्या प्रमाणात आहे. वाढवण बंदरामुळे लाखो रुपयांची गुंतवणूक या परिसरात होणार असून सुमारे 12 लाख रोजगार निर्माण होणार आहेत, असेही त्यांनी यावेळी सांगितले.

महाराष्ट्राच्या विकासासाठी केंद्र सरकारने नेहमीच मोठे निर्णय घेतले. महाराष्ट्राचा विकास ही माझ्यासाठी सर्वात प्राधान्याची गोष्ट आहे. त्यामुळेच नुकतेच आम्ही छत्रपती शिवाजी महाराजांची राजधानी असलेल्या रायगड जिल्ह्यात दिघी येथे बंदर औद्योगिक क्षेत्राला मंजुरी दिली आहे. ही महाराष्ट्रातील नागरिकांसाठी आनंद द्विगुणित करणारी गोष्ट आहे. दिघी पोर्ट औद्योगिक क्षेत्र हे छत्रपती शिवाजी महाराज यांच्या स्वप्नाचे प्रतिक बनेल. या पोर्टमुळे पर्यटन व इको रिसोर्टला चालना मिळेल, असेही प्रधानमंत्री मोदी यांनी यावेळी सांगितले.

The post वाढवण बंदरामुळे निर्माण होणार १२ लाख रोजगार appeared first on थोडक्यात घडामोडी.

IT Companies : कोरोनाचा प्रादुर्भाव कमी झाल्याने खासगी क्षेत्रात पुन्हा नोकरीच्या संधी येऊ लागल्या आहेत. डिजिटल क्षेत्रातील आयटी कंपन्या या वर्षीही मोठी भरती करत आहेत. टाटा समूहाची TCS, Infosys, Wipro, HCL, Cognizant आणि Capgemini सारख्या IT कंपन्या मोठ्या प्रमाणात भरती करत आहेत. या IT कंपन्यांनी जास्तीत – जास्त फ्रेशर्ससाठी नवीन भरतीची घोषणा केली आहे. यासोबतच या कंपन्यांनी आर्थिक वर्षात तीन लाखांहून अधिक नवीन नियुक्त्या करण्याची घोषणा केली आहे.

विप्रो-एचसीएल, TCS मध्ये भरती
विप्रोने चालू आर्थिक वर्षात 30,000 भरतीचे लक्ष्य ठेवले आहे, जे मागील वर्षाच्या म्हणजे 2021 च्या जवळपास दुप्पट आहे. गेल्या आर्थिक वर्षात विप्रोने 17,500 नियुक्त्या केल्या होत्या. HCL ने यावर्षी भरतीचे लक्ष्य 45 हजार केले आहे. टाटा समूहाच्या टीसीएसने लक्ष्यापेक्षा अधिक भरती केली. देशातील सर्वात मोठी IT कंपनी TCS ने चालू आर्थिक वर्षात 40 हजार पदवीधर म्हणजेच फ्रेशर्सची भरती करण्याचे लक्ष्य ठेवले आहे. गेल्या वर्षीही टीसीएसने सुमारे एवढ्या भरतीचे उद्दिष्ट ठेवले होते, परंतु कंपनीने त्याच्या तुलनेत एक लाख नवीन नियुक्त्या केल्या.

इन्फोसिसमध्ये 50 हजारांची भरती
देशातील सर्वात मोठ्या IT कंपन्यांपैकी एक असलेली Infosys यावर्षी 50,000 फ्रेशर्सची भरती करणार आहे. 2021 मध्ये, कंपनीने 85,000 नवीन नियुक्त्या केल्या, जे लक्ष्यापेक्षा जवळपास दुप्पट आहे. यंदाही ५० हजारांहून अधिक अपॉइंटमेंट्स होऊ शकतात.

The post नोकरीची संधी! ‘या’ IT कंपन्यांमध्ये तीन लाखांहून अधिक जणांसाठी भरतीची घोषणा appeared first on थोडक्यात घडामोडी.

नवी दिल्ली : देशाच्या सीमांचे रक्षण करण्यासाठी आणि मातृभूमीची सेवा करण्यासाठी सैन्यात सामील होण्यास इच्छुक असणाऱ्या तरुणांसाठी एक सुवर्णसंधी आहे. आपल्याला बीएसएफ म्हणजेच सीमा सुरक्षा दलात सरकारी नोकरी करण्याची संधी मिळू शकते. सीमा सुरक्षा दलाने (BSF) भरतीसाठी अधिसूचना जारी केली आहे. बीएसएफ भर्ती 2021 च्या अधिसूचनेनुसार, सीमा सुरक्षा दलाने गट A, B आणि C पदांसाठी अर्ज मागविले आहेत. यामध्ये कॅप्टन / पायलट (DIG), कमांडंट (पायलट), डिप्टी चीफ इंजीनियर, सीनियर एयरक्राफ्ट मेंटेनेंस इंजीनियर, जूनियर एयरक्राफ्ट मेंटेनेंस इंजीनियर, इक्विपमेंट ऑफिसर, इंस्पेक्टर आणि गनर या रिक्त पदांचा समावेश आहे.

इच्छुक आणि पात्र उमेदवार सीमा सुरक्षा दल (बीएसएफ) भरती 2021 साठी विहित नमुन्यात अर्ज पाठवून 31 डिसेंबर 2021 पर्यंत अर्ज करू शकतात. BSF ग्रुप ए, बी आणि सी पदांसाठी इच्छुक उमेदवार बीएसएफ भर्ती 2021 अधिसूचना सीमा सुरक्षा दलाद्वारे
जारी केलेल्या जाहिरात क्रमांक 1/04/2020(Vol-II)-Pers/BSF/4055 मध्ये वाचू शकतात. अधिक माहितीसाठी, आपण सीमा सुरक्षा दलाच्या https://bsf.gov.in/ या अधिकृत वेबसाइटला भेट देऊ शकता.

रिक्त पदे : एकूण – 53

1. कॅप्टन / पायलट (DIG) : 05
2. कमांडंट (Pilot) : 06
3. एसएएम (Inspr) : 05
4. जेएएम (SI) : 11
5. एएएम (ASI) : 16
6. फ्लाइट गनर (Inspr) : 05
7. फ्लाइट इंजीनियर (SI) : 04
8. फ्लाइट गनर (SI) : 04

अपेक्षित वेतन :

कॅप्टन / पायलट (DIG) : 3.25 लाख ते 3.50 लाख रुपये
कमांडंट (Pilot) : 2.8 लाख ते 3.4 लाख रुपये
एसएएम (Inspr) : 1.40 लाख रुपये
जेएएम (SI) : 1.30 लाख रुपये
एएएम (ASI) : 1.20 लाख रुपये
फ्लाइट गनर (Inspr) : 1.55 लाख ते 1.65 लाख रुपये
फ्लाइट इंजीनियर (SI) और जूनियर फ्लाइट गनर : 1.5 लाख ते 1.55 लाख रुपये

अर्ज कसा करावा?

भारत सरकार / राज्य सरकार / सार्वजनिक क्षेत्रातील उपक्रम / विविध मंत्रालये / विभागांमधून सेवा देणारे किंवा सेवानिवृत्त झालेले उमेदवार सर्व अर्ज करण्यास पात्र आहेत. पात्र उमेदवारांनी गट-ए, बी आणि सी श्रेणीच्या पदांसाठी अर्ज भरण्यासाठी विहित नमुन्याद्वारे भरलेला अर्ज पाठवावा लागेल. उमेदवारांनी अर्ज योग्य प्रकारे भरावा आणि तो खाली दिलेल्या पत्त्यावर पाठवावा लागेल. 31 डिसेंबर 2021 पर्यंत अर्ज स्वीकारले जातील. अधिकृत सूचना जाहिरात येथे क्लिक करून पाहू शकता

The post नोकरीची सुवर्णसंधी : सीमा सुरक्षा दलामध्ये (BSF) भरतीची अधिसूचना जारी, १.५ लाख ते ३.५ लाखापर्यंत पगार appeared first on थोडक्यात घडामोडी.