मुंबई : महेंद्रसिंह धोनी पुन्हा कॅप्टन होताच पहिल्याच मॅचमध्ये चेन्नई सुपर किंग्सनं विजय मिळवला आहे. रविवारी पुण्यात झालेल्या लढतीमध्ये सीएसकेनं सनरायझर्स हैदराबादचा 13 रननं पराभव केला. हा आयपीएल सिझन सुरू होण्यापूर्वी रविंद्र जडेजाची चेन्नईच्या कॅप्टनपदी नियुक्ती करण्यात आली होती. पण, जडेजानं आठ मॅचमधील खराब कामगिरीनंतर कॅप्टनसी सोडण्याचा निर्णय घेतला.

हैदराबाद विरूद्ध विजय मिळाल्यानंतर धोनी म्हणाला, “जडेजाला मागच्या सिझनमध्येच तो यंदा कॅप्टन होणार हे माहिती होतं. त्याच्याकडे तयारीसाठी पुरेसा वेळ होता. मी पहिल्या 2 मॅचमध्ये जडेजाला मदत केली. त्यानंतर कुणी कोणत्या साईडनं बॉलिंग करायची, तसंच अन्य सर्व निर्णय मी त्याच्यावर सोपवले. तो फक्त टॉससाठी कॅप्टन असावा असं मला वाटत नाही. स्पून फिडिंग केल्यानं कॅप्टनला मदत होत नाही. मैदानावर त्याला महत्त्वाचे निर्णय घ्यायचे असतात. त्याची जबाबदारी त्यानंच घेणं आवश्यक आहे. एकदा कॅप्टन झाल्यावर अनेक गोष्टींवर लक्ष द्यावं लागतं. त्यामध्ये स्वत:च्या खेळाचाही समावेश असतो. माझ्या मते कॅप्टनसीचा त्याच्या तयारीवर परिणाम झाला. त्याची बॅटींग आणि बॉलिंग पूर्वीच्या पद्धतीनं होत नव्हती. आम्ही डिप मिडविकेटला आम्ही एक चांगल्या फिल्डरलाही मिस करत होतो. आम्ही या सिझनमध्ये 17 ते 18 कॅच सोडल्या आहेत. हा काळजीचा विषय आहे. आम्ही लवकरच यामध्ये सुधारणा करण्याचा प्रयत्न करू.”

आयपीएलच्या या सामन्याआधी रवींद्र जडेजाने सीएसकेची कॅप्टन्सी सोडली होती, त्यामुळे टीमने पुन्हा एकदा धोनीला कर्णधार केलं. यानंतरच्या सामन्यात सीएसकेला विजय मिळाला. यंदाच्या आयपीएलमधला 9 मॅचमधला सीएकेचा हा तिसरा विजय आहे. पॉईंट्स टेबलमध्ये चेन्नईची टीम नवव्या क्रमांकावर आहे.

The post सर्व स्पून फीडिंग शक्य नाही.. धोनीनं सांगितलं जडेजाने कॅप्टनशिप सोडण्याचे कारण… appeared first on थोडक्यात घडामोडी.

मुंबई : कोरोनामुळे स्थगित झालेल्या इंडियन प्रीमियर लीगबाबत (IPL) भारतीय क्रिकेट नियामक मंडळाने (BCCI) ने मोठा निर्णय घेतला आहे. आयपीएलचे उर्वरित सामने आता यूएईमध्ये होणार आहेत.

आयपीएलचे 31 सामने खेळायचे राहिले आहेत. हे सामने आता सप्टेंबर-ऑक्टोबर दरम्यान यूएईमध्ये खळवण्यात येणार आहेत. मागील वर्षी म्हणजेच IPL 2020 ची संपूर्ण स्पर्धाही यूएईमध्येच खेळवण्यात आली होती.

NEWS ? : BCCI to conduct remaining matches of VIVO IPL in UAE.

More details here – https://t.co/r7TSIKLUdM #VIVOIPL pic.twitter.com/q3hKsw0lkb

— IndianPremierLeague (@IPL) May 29, 2021

भारतीय क्रिकेट नियामक मंडळाच्या आज होणाऱ्या बैठकीकडे क्रिकेटप्रेमींचं लक्ष लागलं होतं. BCCI ने कोरोनाच्या संकटामुळे स्थगित झालेल्या IPL 2021 चे उर्वरीत सामने यूएईला होणार असल्याचं स्पष्ट केलं आहे. आयपीएलचे उर्वरित 31 सामने सप्टेंबर ते ऑक्टोबर दरम्यान होणार आहेत. यादरम्यान भारतात पावसाळा असल्यामुळे हा निर्णय घेण्यात आला आहे.

The post IPL 2021 : आयपीएलचे उर्वरित सामने UAE मध्ये होणार, BCCI चा मोठा निर्णय appeared first on थोडक्यात घडामोडी.

मुबई : के एल राहुलला हॉस्पिटलमध्ये दाखल करण्यात आल्यामुळे पंजाब किंग्सचे नेतृत्व मयांक अग्रवालने सांभाळल होत. दिल्लीनं नाणेफेक जिंकून प्रथम क्षेत्ररक्षणाचा निर्णय घेतला आहे. दीपक हुडा आणि मयांक दोघेही एकाच दिशेला धावले अन् दोघंही धावबाद झाले पण तिसऱ्या पंचांनी दीपक हुडाला धावबाद दिले.

आजच्या मॅच मध्ये पंजाब किंग्सचे फलंदाज गोंधळलेल्या अवस्थेत दिसले. प्रभसिमरन सिंग आणि मयांक अग्रवाल यांनी डावाची सुरुवात केली, परंतु सलग दुसऱ्या सामन्यात प्रभसिमरन सिंगला ( १२) अपयश आलं. त्यानंतर सहाव्या षटकाच्या पहिल्याच चेंडूवर ख्रिस गेलनं खणखणीत षटकार मारून रबाडाचं स्वागत केलं. पण, पुढच्याच चेंडूवर रबाडानं ख्रिस गेलला आऊट केलं. डेवीड मलाननं आज कर्णधार मयांकसह तिसऱ्या विकेटसाठी अर्धशतकी भागीदारी करताना पंजाबचा डाव सावरला. १४व्या षटकात विचित्र प्रकार पाहायला मिळाला. अक्षर पटेलच्या गोलंदाजीवर मयांक अग्रवालनं एक्स्ट्रा कव्हरच्या दिशेनं चेंडू टोलावला. मयांकला एक धाव घ्यायची होती, परंतु दीपक हुडा त्यासाठी तयार नव्हता. या सर्व गोंधळात दोन्ही फलंदाज एकाच दिशेला धावले अन् दोघंही धावबाद झाले, पण तिसऱ्या पंचांनी दीपक हुडाला धावबाद दिले.

Mayank Agarwal won 100 meters race and deepak hooda lost..
Deepak hooda ran very fast to win but at the end mayank cleverly win the race?#IPL #PBKSvsDC #MIvsCSK #IPL2020 pic.twitter.com/awfH21NNLs

— jigar_joshi (@Mrjoshi45) May 2, 2021

पंजाबच्या फलंदाजांमध्ये गोंधळ; एकाच वेळी दोघंही रन आऊट? https://t.co/zImqAk9ye1 via @ipl

— थोडक्यात घडामोडी : MARATHI NEWS – मराठी बातम्या (@thodkyaatnews) May 2, 2021

The post पंजाबच्या फलंदाजांमध्ये गोंधळ; एकाच वेळी दोघंही रन आऊट? बघा नक्की काय घडले… appeared first on थोडक्यात घडामोडी.

नवी दिल्ली : सनरायझर्स हैदराबादने IPL 2021 च्या उर्वरित सामन्यांसाठी न्यूझीलंडचा खेळाडू केन विल्यमसनला संघाचा नवा कर्णधार म्हणून नेमले आहे. या संघाचे नेतृत्व सध्या ऑस्ट्रेलियाचा खेळाडू डेव्हिड वॉर्नर करत आहे. मात्र, या मोसमातील सनरायझर्स हैदराबादची कामगिरी खूपच खराब आहे. हैदराबाद संघाला सहा सामन्यांपैकी पाच सामन्यांत पराभव पत्करावा लागला आहे.

आयपीएलच्या गुणतालिकेत हा संघ सध्या सर्वात खालच्या स्थानावर आहे. डेव्हिड वॉर्नर धावा करण्यासाठी संघर्ष करत असून तो सध्या फॉर्ममध्ये नाही. हैदराबादकडे इंग्लंडचा स्फोटक फलंदाज जेसन रॉयचा पर्याय आहे. त्यामुळे पुढील काही सामन्यांमध्ये डेव्हिड वॉर्नरच्या जागी जेसन रॉयला संघात स्थान मिळू शकते.

? Announcement ? pic.twitter.com/B9tBDWwzHe

— SunRisers Hyderabad (@SunRisers) May 1, 2021

सनरायझर्स हैदराबादने दिलेल्या निवेदनात म्हटले आहे की, सनरायझर्स हैदराबाद उद्याच्या सामन्यासाठी आणि आयपीएल 2021 च्या उर्वरित सामन्यांसाठी केन विल्यमसनकडे कर्णधारपदाची सूत्रे सोपवण्याची घोषणा करत आहे. राजस्थान रॉयल्सविरुद्ध उद्या होणाऱ्या सामन्यासाठी संयोजन बदलण्याचा निर्णय संघ व्यवस्थापनाने घेतला आहे, त्यामुळे वॉर्नरला प्लेइंग इलेव्हनमधून वगळले जाण्याची शक्यता असल्याचे संघाने म्हटले आहे.

आयपीएल मध्ये अर्ध्यातून कर्णधारपद काढून घेण्याची ही पहिलीच वेळ नाही. 2020 मध्ये कोलकाता संघानं कार्तिकला हटवून मॉर्गनकडे संघाचं नेतृत्व सोपवलं होतं. 2014 मध्ये हैदराबादनं शिखर धवनकडून कर्णधारपद काढून घेत डेरेन सॅमीकडे सोपवलं होतं. 2012 कुमार संगकारा, 2013 रिकी पॉटिंग, 2016 डेव्हिड मिलर आणि गौतम गंभीर यांनाही कर्णधारपदावरुन हाकलण्यात आलं होतं.

The post ब्रेकिंग : सनरायझर्स हैदराबादने डेव्हिड वॉर्नरला कर्णधारपदावरून हटवले, पुढील सामन्यात संघातून बाहेर? appeared first on थोडक्यात घडामोडी.

IPL २०२१ : चेन्नई सुपर किंग्सने कोलकाता विरुद्धच्या सामन्यात १८ धावांनी विजय मिळवला. या विजयासह चेन्नईच्या संघाने गुणतालिकेत आरसीबी आणि दिल्ली कॅपिटल्स या दोन्ही संघांना धक्का देत अव्वल स्थान पटकावले आहे.

या सामन्यापूर्वी चेन्नईला तीन सामन्यांमध्ये दोन विजय मिळवता आले होते आणि एका सामन्यात त्यांचा पराभव झाला होता. परंतु कोलकाता विरुद्धचा सामना जिंकल्यानंतर त्यांचे सहा गुण झाले. गुणतालिकेत आरसीबी आणि दिल्ली कॅपिटल्सच्या संघाचेही समान सहा गुण आहेत. पण चेन्नईचा नेट रनरेट जास्त असल्याने त्यांनी अव्वल स्थान पटकावले आहे.

फॅफ ड्यु प्लेसिसच्या नाबाद ९५ धावा आणि ऋतुराज गायकवाडच्या अर्धशतकाच्या जोरावर चेन्नईने प्रथम फलंदाजी करत २२० धावा केल्या होत्या. ऋतुराजने ४२ चेंडूंत सहा चौकार आणि चार षटकारांच्या जोरावर ६४ धावांची धडेकाबाज खेळी साकारली. ऋतुराज आणि फॅफ यांनी ११५ धावांची सलामी दिली. फॅफने अखेरपर्यंत दमदार फलंदाजी केली, पण त्याचे शतक फक्त पाच धावांनी हुकले.

चेन्नईने या सामन्यात केकेआरपुढे २२१ धावांचे आव्हान ठेवले होते. या आव्हानाचा पाठलाग करताना केकेआरची पहिल्याच पॉवर प्लेमध्ये ५ बाद ३१ अशी दयनीय अवस्था झाली होती. पण त्यानंतर रसेलने २१ चेंडूंत अर्धशतक झळकावले. पण त्यानंतर सॅम करनचा एक चेंडू सोडण्याच्या नादात रसेल बाद झाला. रसेलने २२ चेंडूंत तीन चौकार आणि सहा षटकारांच्या मदतीने ५४ धावांची खेळी साकारली. त्यानंतर पॅट कमिन्सने दमदार फटकेबाजी केली. कमिन्सने ३४ चेंडूंत चार चौकार आणि सहा षटकारांच्या जोरावर नाबाद ६६ धावांची खेळी केली. पण अखेरच्या षटकात दुहेरी धाव घेताना प्रसिध कृष्णा धावचीत झाला आणि चेन्नईने १८ धावांनी सामना जिंकला.

The post IPL 2021 : RCB आणि दिल्ली संघांना धक्का देत चेन्नईची मोठी झेप, पटकावले अव्वल स्थान appeared first on थोडक्यात घडामोडी.