बर्मिंगहम : भारताची अव्वल बॅडमिंटन खेळाडू पीव्ही सिंधूने भारताला सुवर्णपदक जिंकवून दिले. यापूर्वी सिंधूने २०१४ साली राष्ट्रकुल स्पर्धेत कांस्यपदक पटकावले होते, तर २०१८ साली रौप्यपदकाची कमाई केली होती. त्यामुळे तिचे हे राष्ट्रकुलमधील पहिले सुवर्णपदक होते. या सामन्यात पहिला गेम सिंधूने २१-१५ असा जिंकला होता. त्यानंतर दुसऱ्या गेममध्येही तिने दमदार कामगिरी केली आणि जेतेपद पटकावले.

सिंधूने पहिल्या गेममध्ये आघाडी घेतली होती. सिंधूने त्यानंतर १-१ अशी बरोबरी केली. त्यानंतर सिंधूने ३-१ आणि ४-२ अशी आघाडी कायम ठेवली होती. पण त्यानंतर मिचेलने काही पॉइंट्स कमावत सिंधूच्या जवळ येण्याच्या प्रयत्न केला होता. पण सिंधूने तरीही ७-६ अशी आघाडी ठेवली होती. त्यानंतर सिंधूने आक्रमक खेळ केला आणि १५-९ अशी मोठी आघाडी पहिल्या गेममध्ये मिळवली होती. सिंधूने ही आघाडी १९-१५ अशी वाढवली आणि त्यानंतर पहिला गेम जिंकला.

सिंधूचा सामना हा कॅनडाच्या मिचेल लीबरोबर होणार होता. यापूर्वी सिंधूने सिंगापूर आणि मलेशियाच्या खेळाडूंना पराभूत केले होते. त्यामुळे तिच्याकडून यावेळी सुवर्णपदकाची अपेक्षा होती. सध्याच्या घडीला सिंधू ही चांगल्या फॉर्मात आहे. कारण या स्पर्धेपूर्वी सिंधूने सिंगापूर खुली स्पर्धा जिंकली होती. त्याचबरोबर यावेळी राष्ट्रकुल स्पर्धेत ध्वजवाहक होण्याचा दुसऱ्यांदा मानही सिंधूला मिळाला होता. या स्पर्धेत भारताच्या संघाकडून खेळताना सिंधूने चांगली कामगिरी केली होती.

The post पीव्ही सिंधूने मिळवले सुवर्णपदक, राष्ट्रकुल स्पर्धेत दमदार कामगिरी appeared first on थोडक्यात घडामोडी.