मुंबई: भारतीय क्रिकेट संघाने अत्यंत उत्तम खेळाचं प्रदर्शन करत आयसीसी टी-२० विश्वचषकाच्या सेमीफायनलमध्ये दमदार एन्ट्री घेतली आहे. सेमीफायनलमध्ये टीम इंडिया इंग्लंडविरुद्ध खेळणार आहे. इंग्लंडने गेल्या टी-२० विश्वचषकाच्या सेमीफायनलमध्ये भारताचा पराभव केला होता. पण, यावेळी भारतीय संघ ही हरणार नाही, इंग्लंडला जिंकायचे असेल तर त्यांना काहीतरी विलक्षण कामगिरी करावी लागेल, असे माजी इंग्लंड क्रिकेटर पॉल कॉलिंगवूडने म्हटलं.

पॉल कॉलिंगवूड म्हणाले कि, यावेळी भारतीय संघात उत्कृष्ट अष्टपैलू खेळाडू आहेत. विशेषत: जसप्रीत बुमराह, सध्या तो ज्या फॉर्ममध्ये आहे तो खतरनाक आहे. तो फिट आहे आणि त्याच्या पूर्ण क्षमतेने वेगवान गोलंदाजी करत आहे. जसप्रीत बुमराहच्या गोलंदाचीचं कोणत्याही संघाकडे उत्तर नाही. १२० चेंडूंच्या सामन्यात, जर तुमच्याकडे बुमराहसारखा गोलंदाज असेल जो २४ चेंडू टाकतो, त्याने सामन्यात खूप फरक पडतो असं कॉलिंगवूड म्हणाला.

भारतीय संघ अमेरिकेच्या कठीण खेळपट्टीवरही मोठ्या आत्मविश्वासाने खेळताना दिसला त्यांच्याकडे रोहित शर्मासारखा फलंदाज आहे, ज्याने ऑस्ट्रेलियाविरुद्ध अप्रतिम खेळी खेळली. त्यावरुन दिसून आले की तो आता फॉर्ममध्ये परतला आहे. खरं सांगायचं तर मला वाटत नाही की यावेळी भारतीय संघ हरेल. भारताला हरवण्यासाठी इंग्लंडला असाधारण खेळ दाखवावा लागेल अंसही तो म्हणाला.

The post टीम इंडिया यंदा हरणार नाही! बुमराह-रोहितचा फॉर्म खतरनाक – इंग्लंडचा माजी कर्णधार पॉल कॉलिंगवूड appeared first on थोडक्यात घडामोडी.

IND vs ENG : टीम इंडियाचे मुख्य प्रशिक्षक रवी शास्त्री यांना कोरोना विषाणूची लागण झाल्याचे वृत्त आहे. भारत आणि इंग्लंड यांच्यातील ओव्हल कसोटीचा चौथा दिवस सुरू होण्याअगोदर, रवी शास्त्री यांच्यासह भारतीय संघाच्या सहाय्यक कर्मचाऱ्यांच्या चार सदस्यांना विलगीकरणात ठेवण्यात आले आहे.

बीसीसीआयने एक प्रसिद्धी पत्रक जारी केले आहे, त्यानुसार मुख्य प्रशिक्षक रवी शास्त्री, गोलंदाजी प्रशिक्षक भरत अरुण, क्षेत्ररक्षण प्रशिक्षक आर श्रीधर आणि फिजिओथेरपिस्ट नितीन पटेल यांना वेगळे ठेवण्यात आले आहे. सर्वांची आरटी-पीसीआर चाचणी झाली आहे आणि ते टीमच्या हॉटेलमध्ये राहतील, ते वैद्यकीय टीमकडून पुष्टी होईपर्यंत टीम इंडियासोबत प्रवास करणार नाहीत.

UPDATE – Four members of Team India Support Staff to remain in isolation.

More details here – https://t.co/HDUWL0GrNV #ENGvIND pic.twitter.com/HG77OYRAp2

— BCCI (@BCCI) September 5, 2021

बीसीसीआयने निवेदनात पुढे म्हटले आहे की उर्वरित टीम इंडियासाठी दोन फ्लो टेस्ट देखील करण्यात आल्या. एक काल रात्री आणि दुसरी सकाळी करण्यात आली. ज्या सदस्यांची चाचणी निगेटिव्ह आली आहे त्यांना ओव्हलमध्ये खेळल्या जाणाऱ्या चौथ्या टेस्ट मॅचच्या चौथ्या दिवशी मैदानावर जाण्याची परवानगी देण्यात आली आहे.

सध्या भारत आणि इंग्लंड यांच्यात 5 सामन्यांच्या कसोटी मालिकेतील चौथा सामना द ओव्हल येथे खेळला जात आहे. जिथे तिसऱ्या दिवसाचा खेळ संपेपर्यंत टीम इंडियाचा स्कोअर तीन विकेट गमावून 270 धावा होता. तिसऱ्या दिवसापर्यंत भारताने 171 धावांची महत्त्वपूर्ण आघाडी घेतली होती.

The post टीम इंडियाचे मुख्य प्रशिक्षक रवी शास्त्री यांना कोरोनाची लागण appeared first on थोडक्यात घडामोडी.

मुंबई : कुलदीप यादव खूप दिवसांपासून निराश आहे. महेंद्रसिंग धोनीच्या निवृत्तीनंतर कुलदीपला खेळण्याची खूपच कमी संधी मिळाल्या आहेत. आता वर्ल्ड टेस्ट चॅम्पियनशीप आणि इंग्लंडच्या कसोटी मालिकेसाठी संघात स्थान मिळालेलं नाही. त्याला गेल्या वर्षभरात खूपच कमी संधी मिळाल्या. साहजिक कुलदीपला जुने दिवस आठवले. तो म्हणाला, आज मला माही भाईची खूप आठवण येतेय. माही भाई असताना मी आणि युजवेंद्र चहल आम्हाला दोघांनाही खेळायला मिळायचं. माही भाईच्याच काळात मी हॅट्रिक घेतली, असं कुलदीप यादव म्हणाला.

वर्ल्ड टेस्ट चॅम्पियनशीपच्या अंतिम सामन्यासाठी तसंच इंग्लंड विरुद्धच्या कसोटी मालिकेसाठी टीम इंडियाची घोषणा करण्यात आली. या दौऱ्यासाठी बीसीसीआयने 4 राखीव खेळाडूंसह एकूण 24 सदस्यीय संघ जाहीर केला आहे. जाहीर केलेल्या भारतीय संघात स्टार फिरकीपटू कुलदीप यादवला स्थान देण्यात आलेलं नाही. आयपीएलमध्येही त्याला खेळण्याची संधी मिळाली नाही. भारतीय संघात संधी मिळत नाही, हे पाहून कुलदीपला दु:ख होतं आहे.

कुलदीप म्हटला कि, मला माही भाईची खूप आठवण येतीय. माही भाई विकेटच्या पाठीमागून सल्ला देत असायचा, बॅट्समनला पॅव्हेलियनमध्ये पाठवण्यासाठी काही ना काही सांगायचा. धोनीजवळ प्रचंड अनुभव आहे. जेव्हा धोनी होता तेव्हा मी आणि चहल एकसाथ संघात खेळायचो. जेव्हापासून धोनीने निवृत्ती घेतलीय तेव्हापासून मी आणि चहल संघात एकत्र खेळलो नाही. धोनीच्या निवृत्तीनंतर हाताच्या बोटावर मोजण्याइतपत मी मॅचेस खेळल्या आहेत. माही भाईच्याच काळात मी हॅट्रिकही घेतली होती. रिषभ पंत सध्या नवा आहे. तो जेवढा जास्त खेळेल तेवढं पुढे जाऊन विकेटच्या पाठीमागून तो बोलर्सला सल्ला देईल. मला नेहमी वाटतं गोलंदाजाला एका मजबूत साथीची आवश्यकता असते, जो दुसऱ्या बाजूने मदत करीन.

तो पुढे म्हणाला कि, कधीकधी मला वाटतं, हे आपल्यासोबत काय होतंय, याचा वारंवार माझ्या मनात विचार येतो. काळ अतिशय कठीण आहे. कधी कधी माझं मन म्हणतं तू आता पहिला कुलदीप राहिला नाही. कारकीर्दीतले काही दिवस असे असतात की जेव्हा तुम्हाला पाणी द्यायला आणि बेंचवर बसणं चांगले वाटतं, परंतु काही दिवस असे असतात जेव्हा आपल्याला त्या ठिकाणी अजिबात राहायचं नसतं”, अशा भावना कुलदीपने व्यक्त केल्या.

The post मला माही भाईची खूप आठवण येतेय, त्याने निवृत्ती घेतल्यापासून मी… appeared first on थोडक्यात घडामोडी.

पुणे : भारत आणि इंग्लंड यांच्यात मंगळवारी पुण्यात पहिला वनडे सामना झाला. भारताने या सामन्यात ६६ धावांनी विजय मिळवला आणि मालिकेत १-० अशी आघाडी घेतली. मात्र, फलंदाजी करताना रोहित शर्माला आणि त्यानंतर गोलंदाजी करताना क्षेत्ररक्षणात चेंडू अडवण्याचा प्रयत्नात श्रेयस अय्यरला दुखापत झाली. श्रेयसच्या दुखापतीबाबत बीसीसीआयने दिलेल्या अपडेटनुसार तो इंग्लंडविरुद्धच्या उर्वरीत दोन वनडे सामन्यात खेळू शकणार नाही.

इंग्लंडच्या डावातील आठव्या षटकात शार्दुल ठाकूरला जॉनी बेयरस्टोने शॉट मारला. हा चेंडू अडवण्यासाठी श्रेयसने हवेत झेप घेतली. यामुळे इंग्लंडला चार ऐवजी फक्त दोन धावा मिळाल्या. पण श्रेयसच्या खांद्याला मार बसला. त्यानंतर सपोर्ट स्टाफच्या मदतीने तो मैदानाबाहेर गेला. दुखापत गंभीर असल्याचे लक्षात आल्यानंतर श्रेयसला रुग्णालयात नेण्यात आले. श्रेयसची दुखापत इतकी गंभीर आहे की तो कदाचीत ९ एप्रिलपासून सुरू होणाऱ्या आयपीएलच्या १४व्या सीझनमध्ये खेळू शकणार नाही. श्रेयसला झालेल्या दुखापतीमधून बाहेर येण्यासाठी मोठा कालावधी लागू शकतो.

UPDATE – Shreyas Iyer subluxated his left shoulder in the 8th over while fielding. He has been taken for further scans and won’t take any further part in the game.

Rohit Sharma was hit on the right elbow while batting and felt some pain later. He won’t take the field.#INDvENG pic.twitter.com/s8KINKvCl4

— BCCI (@BCCI) March 23, 2021

The post श्रेयस अय्यरची दुखापत गंभीर, आयपीएलच्या १४व्या सीझनमध्ये खेळण्यावर प्रश्नचिन्ह.. appeared first on थोडक्यात घडामोडी.

पुणे : India vs England 1st ODI – भारत-इंग्लंड संघांमधल्या तीन वन डे सामन्यांच्या मालिकेला आजपासून पुण्यातल्या गहुंजेच्या एमसीए स्टेडियवर सुरुवात होत आहे. दुपारी दीड वाजता होणार सामन्याला सुरुवात होणार आहे. या मालिकेतला पहिला सामना आज, तर उर्वरित दोन सामने 26 आणि 28 मार्च रोजी खेळवण्यात येतील. ही मालिका जिंकून इंग्लंडविरुद्ध विजयाची हॅटट्रिक साधण्याचा टीम इंडियाचा प्रयत्न राहिल. तर शिखर धवनच्या भावी कारकीर्दीच्या दृष्टीनं ही मालिका महत्त्वाची ठरणार आहे.

महाराष्ट्रात कोरोनाच्या वाढत्या घटनांमुळे वनडे मालिका रिकाम्या स्टेडियममध्येच खेळली जाईल. महाराष्ट्रात पुन्हा कोरोना संक्रमण वाढल्यामुळे राज्य सरकारने हा निर्णय घेतला आहे. एकदिवसीय मालिकेचे सर्व सामने महाराष्ट्र क्रिकेट असोसिएशन स्टेडियम, पुणे येथे खेळले जातील. एकदिवसीय मालिकेतील सर्व सामने दुपारी दीड वाजता सुरू होतील.

Same rivalry. New series.

Who’s coming out on top?#INDvENG pic.twitter.com/SrZFYhYEpn

— ICC (@ICC) March 23, 2021

भारतीय संघ : विराट कोहली (कर्णधार), रोहित शर्मा (उपकर्णधार), शिखर धवन, शुभमन गिल, श्रेयस अय्यर, सूर्यकुमार यादव, हार्दिक पांड्या, ऋषभ पंत (यष्टीरक्षक), केएल राहुल (यष्टीरक्षक), युजवेंद्र चहल, कुलदीप यादव, क्रुणाल पांड्या, वॉशिंग्टन सुंदर, टी नटराजन, भुवनेश्वर कुमार, मोहम्मद सिराज, प्रसिद्ध कृष्णा आणि शार्दुल ठाकूर.

एकदिवसीय मालिकेचे वेळापत्रक

1. पहिला वनडे – 23 मार्च  पुणे येथे दुपारी दीड वाजता.
2. दुसरा वनडे – 26 मार्च  पुणे येथे दुपारी दीड वाजता.
3. तिसरा वनडे – 28 मार्च  पुणे येथे दुपारी दीड वाजता.

The post Ind vs Eng 1st ODI : भारत विरुद्ध इंग्लंड वन डे सामने आजपासून होणार सुरु.. जाणून घ्या. appeared first on थोडक्यात घडामोडी.

इंग्लंडविरुद्धच्या तीन वन डे सामन्यांच्या मालिकेसाठी भारतीय संघाची घोषणा करण्यात आली. भारत आणि इंग्लंड यांच्यातील मालिकेचे तिन्ही सामने पुण्यात खेळले जातील. या संघात सूर्यकुमार यादव, क्रुणाल पंड्या आणि प्रसिद्ध कृष्णा यांना स्थान मिळालं आहे.

भारत विरुद्ध इंग्लंड वन डे मालिका वेळापत्रक :

1. 23 मार्च  – दुपारी 1:30 वाजता – पुणे
2. 26 मार्च – दुपारी 1:30 वाजता – पुणे
3. 28 मार्च – दुपारी 1:30 वाजता – पुणे

इंग्लंड विरुद्ध भारताची वन डे टीम पुढीलप्रमाणे :

विराट कोहली (कर्णधार), रोहित शर्मा (उपकर्णधार), शिखर धवन, शुभमन गिल, श्रेयस अय्यर, सूर्यकुमार यादव, हार्दिक पांड्या, रिषभ पंत (विकेटकीपर), केएल राहुल (यष्टीरक्षक), युजवेंद्र चहल, कुलदीप यादव, क्रुणाल पंड्या वॉशिंग्टन सुंदर , टी. नटराजन, भुवनेश्वर कुमार, मोहम्मद सिराज, प्रसिध कृष्णा, शार्दुल ठाकूर.

TEAM – Virat Kohli (Capt), Rohit Sharma (vc), Shikhar Dhawan, Shubman Gill, Shreyas, Suryakumar Yadav, Hardik Pandya, Rishabh Pant (wk), KL Rahul (wk), Y Chahal, Kuldeep Yadav, Krunal Pandya, W Sundar, T Natarajan, Bhuvneshwar Kumar, Md. Siraj, Prasidh Krishna, Shardul Thakur.

— BCCI (@BCCI) March 19, 2021

The post ब्रेकिंग : इंग्लंडविरुद्धच्या वन डे सामन्यांसाठी भारतीय संघाची घोषणा appeared first on थोडक्यात घडामोडी.

अहमदाबाद : इंग्लंडविरुद्धची कसोटी मालिका भारतीय संघाने ३-१ ने जिंकली. अहमदाबाद येथील नरेंद्र मोदी स्टेडिमयवर झालेल्या चौथ्या सामन्यात भारताने दणदणीत विजय मिळवला आहे. भारतीय संघाने एक डाव आणि २५ धावांनी विजय मिळवला. वाशिंग्टन सुंदरचे शतक फक्त चार धावांनी हुकले. त्याने १७४ चेंडूत १० चौकार आणि १ षटकारासह नाबाद ९६ धावा केल्या.

भारताने पहिल्या डावात १६० धावांची आघाडी घेतली. इंग्लंडच्या दुसऱ्या डावाची सुरूवात खराब झाली. अश्विनने क्रॉली आणि जॉनी बेयरस्टोला बाद करत २ बाद १० अशी इंग्लंडची अवस्था केली. त्यानंतर अक्षर पटेलने डॉमनिक सिबलीला माघारी पाठवले. अश्विनने बेन स्टोक्सला शून्यावर बाद केले. पाचव्या विकेटसाठी जो रूट आणि ओली पोप यांनी ३५ धावांची भागीदारी केली. पोपला अक्षरने १५ धावांवर बाद केले. त्यानंतर अश्विनने कर्णधार जो रूटला (३०) बाद केले. त्यानंतर सातव्या विकेटसाठी बेन फोक्स आणि लॉरेंन्स यांनी ४३ धावांची भागीदारी केली. अक्षरने फोक्सला माघारी पाठवले, अजिंक्य रहाणेने त्याचा शानदार कॅच घेतला. अक्षरने डोमिनिक बेसला बाद करत इंग्लंडची आठवी विकेट घेतली. अश्विनने जॅक लीचला बाद करत इंग्लंडची नववी विकेट घेतली. दुसऱ्या डावात आर अश्विन आणि अक्षर पटेल यांनी प्रत्येकी पाच विकेट घेतल्या.

इंग्लंडविरुद्धची कसोटी मालिका ३-१ ने जिंकत भारतीय संघाने आयसीसी वर्ल्ड टेस्ट चॅम्पियनशिपच्या (WTC) फायनलमध्ये प्रवेश केला आहे. जूनमध्ये लॉर्ड्स मैदानावर होणाऱ्या फायनलमध्ये भारत आणि न्यूझीलंड संघ समोरासमोर असतील.

That victory against England means India finish the league phase of the inaugural ICC World Test Championship with a fine view from the top of the table ?#INDvENG | #WTC21 pic.twitter.com/rXFiKPXdB7

— ICC (@ICC) March 6, 2021

The post भारतीय संघाचा इंग्लंडविरुद्धच्या कसोटीत दणदणीत विजय, भारताचा WTC फायनलमध्ये प्रवेश appeared first on थोडक्यात घडामोडी.

IND vs ENG 3rd Test : तिसर्‍या कसोटी सामन्यात भारताने दुसर्‍या दिवशी इंग्लंडचा 10 गडी राखून पराभव केला. या विजयासह भारताने चार सामन्यांच्या कसोटी मालिकेत 2-1 अशी आघाडी घेतली आहे. दुसर्‍या डावात इंग्लंडने भारताला 49 धावांचे लक्ष्य दिले होते, जे भारताने कोणताही गडी न गमावता अवघ्या 7.4 षटकांत पूर्ण केलं. रोहित शर्माने 25 चेंडूत तीन चौकार आणि एका षटकाराच्या मदतीने नाबाद 25 धावा काढल्या तर शुभमन गिल 21 चेंडूत 1 चौकार आणि एका षटकाराच्या मदतीने 15 धावांवर नाबाद राहिला.

अक्षर पटेलने या कसोटीच्या पहिल्या डावात 38 धावा देऊन सहा विकेट घेतल्या आणि दुसऱ्या डावात 32 धावा देऊन पाच विकेट घेतल्या. यासह तो दिवस-रात्र कसोटीत सर्वाधिक विकेट घेणारा खेळाडू ठरला आहे. या कसोटीत सात बळी घेणाऱ्या अश्विनने कसोटी क्रिकेटमध्ये 400 बळी पूर्ण केले. कसोटी सामन्यात असा पराक्रम करणारा तो भारताचा चौथा गोलंदाज ठरला आहे. त्याच्याआधी अनिल कुंबळे, कपिल देव आणि हरभजन सिंग यांनी कसोटीत 400 बळी घेतले आहेत. अश्विन कसोटीतील वेगवान 400 विकेट्स घेणारा जगातील दुसरा गोलंदाज बनला आहे. या यादीमध्ये पहिल्या क्रमांकावर श्रीलंकेचा मुथय्या मुरलीधरन आहे.

इंग्लंडने नाणेफेक जिंकून प्रथम फलंदाजी करताना पहिल्या डावात 112 धावा केल्या. यानंतर भारतीय संघ पहिल्या डावात 145 धावा करू शकला. अशाप्रकारे पहिल्या डावात भारताने 33 धावांची आघाडी मिळवली होती. यानंतर इंग्लंडचा संघ दुसर्‍या डावात 81 धावांवर ऑलआऊट झाला आणि भारताला 49 धावांचे लक्ष्य मिळाले, जे भारतीय संघाने एकही विकेट न गमावता 7.4 षटकांत पूर्ण केले.

The post IND vs ENG 3rd Test : भारताचा 10 गडी राखून दणदणीत विजय appeared first on थोडक्यात घडामोडी.

टीम इंडियाने इंग्लंडविरुद्ध दुसऱ्या कसोटीत 317 धावांनी दणदणीत विजय मिळवला. दुसरी कसोटी जिंकत चार सामन्यांची मालिकेत भारताने 1-1 अशी बरोबरी केली आहे. पण तिसर्‍या कसोटीत कर्णधार विराट कोहलीवर बंदी होऊ शकते. त्यामुळे विराट तिसऱ्या कसोटीत खेळणार की नाही याबाबत प्रश्नचिन्ह आहे.

कर्णधार विराट कोहलीने तिसर्‍या कसोटीच्या तिसर्‍या दिवशी पंच नितीन मेननच्या निर्णयावर आक्षेप नोंदवला होता. जो रूटला आऊट न दिल्यामुळे कर्णधार विराट कोहली खूप चिडला होता आणि पंचांशी बराच वेळ वाद घालत होता. आयसीसीच्या नियमांनुसार पंचांच्या निर्णयावर नाराजी दर्शवण्यासाठी खेळाडूंवर लेव्हल 1 किंवा लेव्हल 2 शुल्क आकारले जाते. या शुल्कामुळे, खेळाडूला 1 ते 4 दरम्यान डिमिरेट गुण दिले जातात. जर एखाद्या खेळाडूला 24 महिन्यांच्या कालावधीत चार डिमेरिट गुण मिळाले तर त्याच्यावर एक कसोटी किंवा दोन एकदिवसीय सामन्यांसाठी बंदी घातली जाते.

2019 च्या अखेरीस विराट कोहलीला दोन डिमरेट गुण मिळाले आहेत. आता जर चेन्नईत झालेल्या प्रकारामुळे विराट कोहलीला दोन किंवा त्याहून अधिक डिमरेट गुण मिळाले तर त्याच्यावर एका कसोटीसाठी बंदी घातली जाण्याची शक्यता आहे. अशा परिस्थितीत विराट कोहलीला तिसऱ्या कसोटीत खेळता येणार नाही.

The post विराट कोहलीवर येऊ शकते बंदी, तिसऱ्या कसोटीत खेळणार की नाही? appeared first on थोडक्यात घडामोडी.

टीम इंडियाने इंग्लंडवर दुसऱ्या कसोटी सामन्यात 317 धावांनी दणदणीत विजय मिळवला आहे. भारताने इंग्लंडला विजयासाठी 482 धावांचे आव्हान दिले होते. मात्र टीम इंडियाने भेदक मारा करत इंग्लंडचा दुसरा डाव अवघ्या 164 धावांवर गुंडाळला.

इंग्लंडकडून दुसऱ्या डावात मोईल अलीने सर्वाधिक 43 धावा केल्या. तर टीम इंडियाकडून अक्षर पटेलने सर्वाधिक 5 विकेट्स घेतल्या. अश्विनने 3 तर कुलदीप यादवने 2 विकेट्स मिळवल्या. या विजयासह टीम इंडियाने 4 सामन्यांच्या मालिकेत 1-1 ने बरोबरी केली आहे.

टीम इंडियाने विजय मिळवत क्रमवारीत देखील वरचे स्थान मिळवले आहे. आता क्रमवारीच्या टेबलमध्ये भारत दुसर्‍या क्रमांकावर आला असून इंग्लंडची चौथ्या स्थानावर घसरण झाली आहे.

India move to the No.2 position
England slip to No.4

Here’s the latest #WTC21 standings table after the conclusion of the second #INDvENG Test! pic.twitter.com/bLNCVyDg4z

— ICC (@ICC) February 16, 2021

The post टीम इंडियाचा 317 धावांनी दणदणीत विजय, क्रमवारीत इंग्लंडची चौथ्या स्थानावर घसरण appeared first on थोडक्यात घडामोडी.