मुंबई : राज्यातील शासकीय वैद्यकीय महाविद्यालय व रुग्णालयातील तांत्रिक संवर्गातील गट-क श्रेणीतील विविध पदावर २९ दिवस तत्त्वावर कार्यरत १७ कर्मचाऱ्यांची तात्पुरती सेवा नियमित करण्यास करण्यास मंत्रिमंडळाच्या बैठकीत मंजुरी देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते.

संचालनालयाच्या अखत्यारीतील विविध संस्थांमध्ये तांत्रिक संवर्गात कर्मचाऱ्यांची सेवानिवृत्ती, मृत्यू आणि अन्य काही कारणांमुळे रिक्त झालेल्या पदांवर सेवायोजन कार्यालयाकडून किंवा स्थानिक स्तरावर संबंधित शैक्षणिक पात्रता असलेल्या उमेदवारांना तात्पुरत्या स्वरूपात २९ दिवस तत्त्वावर नियुक्ती देण्यात आली होती. अशा या १७ कर्मचाऱ्यांची सेवा अटी व शर्तींच्या अधीन राहून नियमित करण्यास मान्यता देण्यात आली.

The post शासकीय वैद्यकीय महाविद्यालये, रुग्णालयातील तांत्रिक संवर्गातील १७ कर्मचाऱ्यांच्या सेवा नियमित करण्यास मंजुरी appeared first on थोडक्यात घडामोडी.

लातूर : लातूर-सोलापूर महामार्गावरील अपघातांची मालिका काही थांबण्याचे नाव घेत नाही. अवघ्या चार दिवसांपूर्वी माजी आमदार आर. टी. देशमुख यांच्या वाहनाचा अपघात याच मार्गावर झाला होता. आज पहाटे पुन्हा एकदा या मार्गावर भीषण अपघात झाला असून, दोन ट्रॅव्हल्समध्ये पाठीमागून झालेल्या धडकेत दोन जणांचा मृत्यू झाला, तर १५ ते २० जण गंभीर जखमी झाले आहेत.

हा अपघात तुळजापूर-लातूर राष्ट्रीय महामार्गावरील आशीव पाटी येथे पहाटेच्या सुमारास झाला. पुण्याहून लातूरकडे येणाऱ्या एका ट्रॅव्हल्सने समोर असलेल्या दुसऱ्या ट्रॅव्हल्सला पाठीमागून जोरदार धडक दिल्याने ही दुर्घटना घडली. धडकेमुळे वाहनांचे मोठ्या प्रमाणावर नुकसान झाले असून प्रवाशांमध्ये एकच गोंधळ उडाला. या अपघातात एक बस उलटली असून दुसऱ्या बसच्या पुढच्या भागाचा चक्काचूर झाला आहे.

घटनेची माहिती मिळताच पोलीस आणि आपत्कालीन पथक तात्काळ घटनास्थळी दाखल झाले. आतापर्यंत ५ रुग्णवाहिकांच्या मदतीने जखमींना लातूरच्या शासकीय रुग्णालयात हलवण्यात आले आहे. वैद्यकीय अधिकाऱ्यांनी दिलेल्या माहितीनुसार, काही जखमींची प्रकृती चिंताजनक आहे.

पोलीस अधिक तपास करत असून, चालकाच्या निष्काळजीपणामुळे अपघात घडल्याचा प्राथमिक अंदाज आहे. लातूर-सोलापूर महामार्गावरील अपघातांची वाढती संख्या पाहता नागरिकांनी तीव्र नाराजी व्यक्त केली आहे आणि रस्ते सुरक्षा उपाय योजनांची मागणी पुन्हा एकदा ऐरणीवर आली आहे.

The post भीषण अपघात! लातूर-सोलापूर महामार्गावर दोन ट्रॅव्हल्सची समोरासमोर धडक, 2 ठार, 20 जखमी appeared first on थोडक्यात घडामोडी.

नाशिक : कोविड 19 साथीच्या आजाराने भारतालाच नव्हे तर जगाला हे दाखवून दिले आहे की आरोग्याच्या गरजा पूर्ण करण्यासाठी अजून प्रयत्न करणे गरजेचे आहे. भारतातील आरोग्य यंत्रणा अधिक सुसज्ज असणे हे अति आवश्यक असल्याने यासाठी पंतप्रधान आयुष्मान भारत हेल्थ इन्फ्रास्ट्रक्चर मिशन अंतर्गत माननीय प्रधानमंत्री नरेंद्र मोदी यांच्या नेतृत्वात व केंद्रीय आरोग्यमंत्री डॉ. मनसुख मंडविया यांच्या सहकार्याने आरोग्य खात्यांअंतर्गत विविध उपाययोजना करण्यात येत आहेत त्यात नाशिकसाठी १०० खाटांचे अद्ययावत क्रिटीकल केअर हॉस्पिटल बांधणेसाठी ४० कोटींच्या निधी मंजूर करण्यात आला असून त्यास राज्य स्तरावरून प्रशासकीय मान्यता प्रदान करण्यात आल्याची माहिती केंद्रीय आरोग्य व कुटुंब कल्याण राज्यमंत्री डॉ. भारती प्रवीण पवार यांनी दिली.

तळागाळातील गरजू रुग्णांना सर्वसमावेशक व अत्याधुनिक आरोग्य सेवा उपलब्ध व्हावी यासाठी नामदार पवार यांनी पी.एम.अभीम योजनेअंतर्गत नाशिक येथे क्रिटीकल केअर हॉस्पिटल मंजुरीसाठी विशेष प्रयत्न केले होते. यात प्रामुख्याने आपत्कालीन सेवा, अतिदक्षता विभाग (ICU), आयसोलेशन वॉर्ड/ऑक्सिजन सपोर्टेड बेड, सर्जिकल युनिट यासारख्या सेवांनी सुसज्ज असतील. तसेच दोन लेबर, डिलिव्हरी, रिकव्हरी रूम (एलडीआर) एका नवजात केअर कॉर्नरसह इमेजिंग सुविधा, आहारविषयक सेवा, इत्यादी तसेच एकात्मिक सार्वजनिक आरोग्य लॅब भारतीय सार्वजनिक आरोग्य मानकांनुसार क्लिनिकल आणि सार्वजनिक आरोग्य निदान चाचण्या एकाच छताखाली अद्ययावत सुविधा उपलब्ध होणार आहे.

प्रयोगशाळेची क्षमता, अतिदक्षता विभाग, आयसोलेशन बेड, ऑक्सिजन पुरवठा आणि व्हेंटिलेटर यासारख्या अत्यावश्यक सेवा गरजेच्या आहेत हे कोविड 19 साथीच्या आजाराने अधोरेखित केले आहे. त्यामुळे पंतप्रधान आयुषमान भारत पायाभूत सुविधा अभियानाअंतर्गत सक्षम रोग निगराणी प्रणालीचा विस्तार आणि निर्मिती, कोविड 19 आणि इतर संसर्गजन्य रोगांवरील समर्थन संशोधन प्रदान करण्यासाठी सार्वजनिक आरोग्य सुविधांची क्षमता व सुसज्जता वाढवण्यासाठी मदत होणार आहे. संसर्गजन्य रोगांच्या पर्यवसानातून, साथीच्या काळात, किंवा आपत्कालीन परिस्थितींसह इतर कोणत्याही परिस्थितीसाठी गंभीर काळजीची गरज असलेल्या रुग्णांचे व्यवस्थापन करण्याची क्षमता वाढविण्यासाठी अधिकाधिक उपाययोजना करणार असल्याचेही ना.डॉ. भारती पवार यांनी सांगितले व देशासह महाराष्ट्र राज्य आरोग्य दृष्ट्या बळकट करण्यासाठी निधीची उपलब्धता करून दिल्याबद्दल डॉ. पवार यांनी नरेंद्र मोदी जी आणि केंद्रीय आरोग्य मंत्री मनसुखजी मांडविया यांचे आभार व्यक्त केले आहे.

The post नाशिक जिल्हा शासकीय रुग्णालयात 100 खाटांच्या क्रिटीकल केअर सेंटरसाठी 40 कोटी मंजूर appeared first on थोडक्यात घडामोडी.

इंदौर : मध्य प्रदेशमधील इंदौर शहरातील एका सरकारी रुग्णालयामध्ये उंदराने बाळाचा पाय कुरतडल्याची धक्कादायक घटना घडली आहे. या बाळाची टाच आणि अंगठा उंदराने कुतरडल्याचं समोर आल्यानंतर खळबळ उडाली असून या प्रकरणाची चौकशी करण्यासाठी रुग्णालय प्रशासनाने एक समिती स्थापन केली आहे.

महाराजा यशवंतराव चिकित्सालयचे अधीक्षक प्रमेंद्र ठाकूर यांनी दिलेल्या माहितीनुसार, रुग्णालयामध्ये लहान मुलांची देखभाल करण्यासाठी जो कक्ष आहे तिथे एका बाळाचा पाय उंदाराने कुरतडल्याचा प्रकार समोर आला. १९ दिवसांच्या बाळाची टाच आणि अंगठा उंदराने कुरतडला असून या प्रकरणाच्या तपासाचे आदेश देण्यात आले आहेत. या प्रकरणाचा तपास करण्यासाठी तीन सदस्यीय समितीची स्थापना करण्यात आली असून यामध्ये रुग्णालयातील दोन डॉक्टर आणि एका प्रशासकीय अधिकाऱ्याचा समावेश आहे. मात्र या बाळाला झालेल्या जखमा किती गंभीर आहेत यासंदर्भातील माहिती देण्यात आलेली नाही.

मिळालेल्या माहितीनुसार, हे प्री मॅच्यूअर बेबी असून बाळाचं वजन फक्त १.४ किलो आहे. या बाळाला वॉर्मर म्हणजेच उष्ण काचेच्या पेटीत ठेवलेलं होतं. सकाळी बाळाची आई दूध पाजण्यासाठी गेली, तेव्हा तिला बाळाच्या पायांना जखमा असल्याचं आढळलं. प्लॅस्टिक सर्जनने बाळाची तपासणी केली. त्यावेळी बाळाचा पाय उंदाराने कुतरडल्याचं स्पष्ट झालं. या रुग्णालयामध्ये मोठ्या प्रमाणात उंदीर आहेत.

मुंबईच्या समुद्रात अडकलेले भारतीय जहाज P-305 बुडाले, 130 पेक्षा अधिकजण बेपत्ता

दोन मोटारसायकल समोरासमोर धडकून भीषण अपघात, दोघांचा मृत्यू

The post धक्कादायक : रुग्णालयात उंदराने कुरतडला 19 दिवसांच्या बाळाचा पाय appeared first on थोडक्यात घडामोडी.