राजस्थान : राजस्थानच्या सीकरमधून एक धक्कादायक प्रकरण समोर आले आहे. येथे एका मुलीने हेड कॉन्स्टेबलवर पोलीस स्टेशनमध्ये बलात्कार केल्याचा आरोप केला आहे. पीडित मुलीचे म्हणणे आहे की हेड कॉन्स्टेबलने तिच्या प्रियकराला पोलीस ठाण्याबाहेर पाठवले आणि तिच्यावर बलात्कार केला.

मिळालेल्या माहितीनुसार, राजस्थानच्या सीकर येथील एक मुलगी तिच्या प्रियकरासोबत पळून गेली होती. त्यानंतर, मुलीच्या कुटुंबीयांनी सीकरमधील सिंगरावट पोलीस स्टेशनमध्ये जाऊन तक्रार केली. पोलिस तपासात समजले की प्रियकर आणि प्रेयसी श्रीगंगानगरमध्ये राहत आहेत. यानंतर, हेड कॉन्स्टेबल सुभाष कुमारला त्यांना आणण्यासाठी पाठवण्यात आले. सुभाष त्यांना आणायला गेला, त्याने प्रियकराला गाडीत पुढच्या सीटवर बसवले आणि तो स्वतः मुलीसोबत मागच्या सीटवर बसला. वाटेत त्याने मुलीचा विनयभंग केला. त्याने विरोध केला असता त्याने तिला मारहाण केली.

मुलीच्या म्हणण्यानुसार, ते सर्वजण रात्री पोलीस स्टेशनमध्ये पोहोचले, तेव्हा तिच्या प्रियकराला बाहेर पाठवण्यात आले. 29 ऑगस्ट रोजी पहाटे 4 वाजता सुभाषने मुलीला तिचा जबाब नोंदवण्यासाठी बोलावले. त्यानंतर तिला धमकी देऊन तिच्यावर बलात्कार केला. बलात्कार केल्यानंतर सुभाषने प्रेमी युगुलाला कोणतीही कारवाई न करता सोडून दिले. मुलगी घरी पोहचल्यानंतर तिने घडलेली संपूर्ण घटना तिच्या कुटुंबीयांना सांगितली. यानंतर मुलीच्या कुटुंबीयांनी पोलीस स्टेशनमध्ये जाऊन गोंधळ घातला.

पोलिसांनी पंचायत बोलावून प्रकरण मिटवून टाकले. परंतु, पीडित मुलीच्या प्रियकराने ते अमान्य केले. तो मुलीसोबत एसपी समोर हजर झाला आणि त्यांना संपूर्ण घटना सांगितली. त्यांनी त्वरित कारवाई करत हेड कॉन्स्टेबलला काढून टाकले. आता पोलीस या प्रकरणाचा तपास करत आहेत.

The post मुलगी प्रियकरासोबत पळून गेल्याची केली तक्रार, पण मुलीवर पोलीस स्टेशनमध्येच झाला बलात्कार appeared first on थोडक्यात घडामोडी.

बिहार : बिहारमधील मुंगेर येथे एका आठ वर्षीय चिमुकलीवर बलात्कार करून तिची निर्दयीपणे हत्या करण्यात आल्याची घटना घडली आहे. नराधमांनी मुलीचा एक डोळा देखील फोडला. तसेच या मुलीच्या हाताची बोटंदेखील ठेचण्यात आलेली आहेत. या घटनेमुळे संतापाची लाट पसरली आहे. सफिया सराय स्टेशन क्षेत्रातील पुरवारी टोला फरदा गावात ही घटना घडली. पोलीस या प्रकरणाचा अधिक तपास करत आहेत.

मिळालेल्या माहितीनुसार, बुधवारी दुपारी 1 वाजण्याच्या सुमारास ही चिमुकली आपल्या वडिलांसोबत गंगा घाटावर आली होती. काही वेळाने वडिलांनी मुलीला घरी जाण्यास सांगितले आणि ते मासेमारी करण्यासाठी तेथून निघून गेले. इकडे बराच वेळ उलटूनही मुलगी घरी न परतल्याने कुटुंबियांना चिंता वाटू लागली, त्यांनी तिची शोधाशोध सुरू केली. परंतु, ही चिमुकली सापडली नाही.

गुरुवारी सकाळी चिमुकलीचा मृतदेह गावकऱ्यांना गावाजवळच एका झाडाखाली आढळला. छिन्न-विछिन्न अवस्थेत असलेला तिचा मृतदेह पाहून काळजाचा थरकाप उडत होता. गावकऱ्यांनी तात्काळ या घटनेची माहिती पोलिसांना दिली. पोलिसांनी पंचनामा करून चिमुकलीचा मृतदेह ताब्यात घेतला आणि तो शवविच्छेदनासाठी पाठवण्यात आला. प्राथमिक तपासात मुलीचा गळा दाबून हत्या करण्यात आल्याची शक्यता वर्तवण्यात येत आहे. शवविच्छेदन अहवाल आल्यानंतर अधिक माहिती स्पष्ट होऊ शकते, असं पोलिसांनी म्हटलं आहे. बलात्काराचा पुरावा मिटवण्यासाठी तिची निर्दयीपणे हत्या करण्यात आल्याची चर्चा सध्या सुरु आहे.

The post आठ वर्षीय चिमुकलीवर बलात्कार करून निर्घृण हत्या, छिन्न-विछिन्न अवस्थेत आढळला मृतदेह appeared first on थोडक्यात घडामोडी.