पंजाब – हरियाणा : पंजाब आणि हरियाणा उच्च न्यायालयाने एका ३ वर्षाच्या मुलीचा ताबा तिच्या वडिलांकडे देण्यास नकार दिला, कारण त्याच्या पत्नीचा हुंड्यामुळे मृत्यू झाल्याचा आरोप आहे. न्यायमूर्ती हरनरेश सिंग गिल यांनी नोंद घेतली की याचिकाकर्त्याच्या पत्नीने लग्नाच्या चार वर्षांच्या आत आत्महत्या केली आणि हा मृत्यू सामान्य परिस्थितीत झाला नसल्याचं पोलिसांना आढळून आलं. त्यानंतर मुलीच्या वडिलांविरुद्ध क्रौर्य आणि हुंडाबळीच्या गुन्ह्यांसाठी एफआयआर नोंदवण्यात आला.

एकल-न्यायाधीशांनी असे निरीक्षण केले की मुलीच्या ताब्याचा मुद्दा अतिशय संवेदनशील आहे आणि मुलीच्या सर्वोत्कृष्ट कल्याणाचा विचार करून त्यावर कार्यवाही करणे आवश्यक आहे. “आपल्या पत्नीला आत्महत्येसाठी प्रवृत्त केल्याचा आरोप असलेल्या याचिकाकर्त्याला अल्पवयीन मुलीचा ताबा देण्याबाबत कोणतीही न्याय्य सवलत दिली जाऊ शकत नाही.”

न्यायमूर्ती गिल यांनी नोंदवले, “तिच्या वडिलांवर ज्या गुन्ह्याचा आरोप आहे, त्यामुळे मुलगी केवळ भावनिकदृष्ट्याच उद्ध्वस्त होणार नाही, तर अल्पवयीन मुलीच्या वाढीच्या वर्षांचा देखील यामुळे नाश होईल. तसेच ही तिच्या एकंदरीत मानसिक वाढीशी पूर्णपणे तडजोड असेल.”

मुलीच्या वडिलांनी हेबियस कॉर्पस याचिका दाखल करत असा दावा केला होता की मुलीचा मामा आणि आजोबांनी तिचा बेकायदेशीर ताबा घेतला आहे. मुलीच्या वडिलांनी उच्च न्यायालयाला माहिती दिली की वडील आणि मुलीचा नैसर्गिक पालक असल्याने मुलीच्या ताब्याचा हक्क त्याचा आहे. त्याच्यावरील आरोप आणि प्रलंबित फौजदारी खटल्याच्या संदर्भात, मुलीच्या वडिलांनी असा युक्तिवाद केला की दोषी सिद्ध होईपर्यंत तो निर्दोष मानला गेला पाहिजे आणि अशा प्रकारे त्याला त्याच्या मुलीचा ताबा नाकारता येणार नाही.

मात्र, न्यायालयाच्या असे निदर्शनास आले की ही याचिका भ्रमित करणारी आहे. अशा परिस्थितीत या मुलीची काळजी घेण्यासाठी तिचे आजी-आजोबा आणि मामा हेच उत्तम लोक आहेत, असे न्यायालयाचे मत होते. त्यामुळे याचिकाकर्त्याने पत्नीला आत्महत्येस प्रवृत्त केल्याचा आरोप ग्राह्य धरून याचिका फेटाळण्यात आली. न्यायालयाने म्हटले की “या न्यायालयाचे असे मत आहे की याचिकाकर्त्याने आपल्या पत्नीला आत्महत्येस प्रवृत्त केल्याचा आरोप आहे, त्याला मुलीचा ताबा दिला जाऊ शकत नाही, कारण अशा प्रकारची कारवाई ही बालकाचे सर्वोपरी कल्याण आहे, असे मानले जात नाही. “

The post हुंड्यासाठी आईच्या मृत्यूला जबाबदार असलेल्या वडीलांना मुलाचा ताबा नाही, उच्च न्यायालयाचा महत्वपूर्ण निर्णय… appeared first on थोडक्यात घडामोडी.

पुणे : पुण्यामध्ये गुन्हेगारीचे प्रमाण वाढत असल्याने चिंतेचे वातावरण निर्माण झाले आहे. त्यातच बलात्काराच्या घटनांमध्ये देखील वाढ होताना दिसत आहे. पुण्यातील सुस गाव परिसरात वडिलांनीच स्वतःच्या अल्पवयीन मुलीवर लैंगिक अत्याचार केल्याची घटना घडली आहे. हिंजवडी पोलीस स्टेशनमध्ये या नराधम बापाविरुद्ध गुन्हा दाखल करण्यात आला आहे. आरोपीच्या वृद्ध आईनेच याबाबत फिर्याद दिली असून हे प्रकरण उजेडात आणले आहे. नातीवर होणारे अत्याचार सहन न झाल्याने या वृद्ध महिलेने स्वतःच्या मुलाविरुद्ध आरोप केले आहेत.

काळ सकाळी पुणे शहरात शाळेतील एका ११ वर्षाच्या विद्यार्थिनीवर बलात्कार झाल्याने खळबळ उडाली होती. तर 18 मार्च रोजी पुण्यातील बंड गार्डन पोलिस ठाण्यात गुन्हा दाखल करण्यात आला होता, त्यानुसार बाल लैंगिक शोषणाच्या एका भयंकर प्रकरणात, एका 11 वर्षाच्या मुलीवर तिचे वडील, मोठा भाऊ आणि आजोबा यांच्यासह कुटुंबातील चार सदस्यांनी अनेक वेळा बलात्कार केल्याचा आरोप आहे.

The post पुणे हादरले! वडिलांनीच केला अल्पवयीन मुलीवर बलात्कार, स्वतःच्या मुलाविरुद्ध आईने केली तक्रार appeared first on थोडक्यात घडामोडी.

राजस्थान : राजस्थानच्या बीकानेर जिल्ह्यात एका विक्षिप्त वडिलांनी आपल्या सात वर्षाच्या निरागस मुलाची हत्या केल्याची खळबळजनक घटना घडली आहे. आरोपी मुलारामने आपल्या मुलाला उचलून पाण्याच्या टाकीत फेकले, त्यानंतर दगड मारून त्याला जखमी केले. या मुलाने टाकीबाहेर येण्याचा प्रयत्न केला, तेव्हा वडिलांनी टाकीचे झाकण बंद करून टाकले. त्यामुळे या मुलाचा पाण्यात बुडून मृत्यू झाला.

स्थानिकांनी दिलेल्या माहितीनुसार, मुलाराम याला मानसिक आजार आहे. त्याला दोन मुले आहेत. दोन वर्षापूर्वी मुलारामने त्याच्या पत्नीचा पाय तोडला होता, त्यानंतर त्याच्या पत्नीने त्याला घटस्फोट दिला. घटस्फोट झाल्यानंतर ती एका मुलाला घेऊन निघून गेली. दुसरा मुलगा मुलारामकडे सोपवण्यात आला होता. आरोपी कोणताही कामधंदा करत नव्हता. यापूर्वी त्याने आत्महत्या करण्याचा देखील प्रयत्न केला होता.

जन्मदात्या वडिलांनी केला ९ वर्षाच्या चिमुकलीवर बलात्कार

पोलिसांनी दिलेल्या माहितीनुसार, टाकीमध्ये जवळपास 6 ते 7 फूट पाणी होते. मुलाचा मृतदेह ताब्यात घेण्यात आला असून पोस्टमॉर्टमसाठी पाठविला आहे. आरोपी मुलारामला अटक करण्यात आली आहे. या घटनेनंतर परिसरात खळबळ उडाली आहे. आरोपी पोलिसांच्या ताब्यात असून त्याच्या मानसिक स्थितीचा अंदाज घेण्यात येत आहे. शवविच्छेदन अहवाल आल्यानंतर पुढील कारवाई केली जाईल.

भयंकर कृत्य! महिलेने तीन किलो साखर घालून उकळलेले पाणी नवऱ्याच्या अंगावर फेकले, आणि…

The post वडिलांनी केली सात वर्षाच्या मुलाची हत्या, अगोदर पाण्याच्या टाकीत फेकलं, दगड मारले आणि… appeared first on थोडक्यात घडामोडी.

जालना : महिला डॉक्टरने वडिलांच्या नावाने सुसाईड नोट लिहित आत्महत्या केल्याची घटना घडली आहे. जालना जिल्ह्यातील भोकरदन तालुक्यात ही धक्कादायक घटना घडली. त्यांच्या आत्महत्येचं कारण अद्याप स्पष्ट झालेलं नाही.

डॉ. प्रांजल कोल्हे यांचं पाच महिन्यांपूर्वीच लग्न झालं होतं. ‘पप्पा मला माफ करा’ अशी चिठ्ठी आत्महत्या करण्यापूर्वी डॉक्टर प्रांजल यांनी वडिलांच्या नावे लिहिली होती. माझ्या मृत्यूसाठी कोणालाही जबाबदार धरु नये, असेही डॉक्टर प्रांजल यांनी सुसाईड नोटमध्ये लिहिले आहे. भोकरदन पोलीस या प्रकरणाचा तपास करत आहेत.

The post 24 वर्षीय महिला डॉक्टरची आत्महत्या, पाच महिन्यांपूर्वी झालं होतं लग्न appeared first on थोडक्यात घडामोडी.

पुणे : पित्यानेच चार वर्षांच्या पोटच्या मुलीसोबत लैंगिक चाळे केल्याचा अतिशय धक्कादायक प्रकार समोर आला आहे. याप्रकरणी बापाविरोधात येरवडा पोलिसांनी गुन्हा दाखल केला आहे. वर्षभरापासून पित्याकडून हा लैंगिक छळ सुरू होता. चिराग हरबन्सलाल अरोरा (वय ३७) याच्यावर बालकांचे लैंगिक अत्याचारापासून संरक्षण (पोक्सो) अंतर्गत गुन्हा दाखल केला आहे. या प्रकरणी चार वर्षांच्या पीडित मुलीच्या आईने पोलिसांत फिर्याद दिली आहे.

पोलिसांनी दिलेल्या माहितीनुसार, पती आणि पत्नी दोघे उच्चशिक्षित असून आयटी कंपनीत कामाला आहेत. दाम्पत्याला चार वर्षांची मुलगी आहे. दोघे फरीदाबादला राहण्यास असताना आणि त्यानंतर नोकरीनिमित्त न्यू जर्सी अमेरिकेत गेल्यावर आरोपी पिता मुलीशी लैंगिक चाळे करीत होता. काही काळाने आईला मुलीच्या वागण्यात बदल दिसून आल्यावर वैद्यकीय तपासणी केल्यावर मुलीशी लैंगिक चाळे होत असल्याचे लक्षात आले. यावरून पती-पत्नीमध्ये वारंवार भांडणे होऊ लागले. अनेकदा आरोपी हा पत्नीला लाथाबुक्क्यांनी मारहाण करून शिवीगाळ करीत होता. त्यामुळे फिर्यादी आपल्या चार वर्षाच्या मुलीसोबत पुण्यात येऊन राहू लागली. त्यानंतर येरवडा पोलीस ठाण्यात अर्ज करून तक्रार केली.

येरवडा पोलिसांनी नुकताच आरोपी पित्यावर गुन्हा दाखल केला. लैंगिक अत्याचाराचा प्रकार फरीदाबाद मध्ये घडला असल्याने ‘शून्य’ क्रमांकाने गुन्हा दाखल करून तपासासाठी फरीदाबाद येथील संबंधित पोलीस ठाण्यात वर्ग करण्यात आला आहे.

The post धक्कादायक! नात्याला काळीमा फासणारी घटना.. जन्मदात्या पित्याचे मुलीसोबत लैंगिक चाळे appeared first on थोडक्यात घडामोडी.

उत्तर प्रदेशातील कानपूर मध्ये दारूच्या नशेत असलेल्या मुलाने आपल्या वडिलांची गोळ्या घालून हत्या केली. घरातील टीव्ही बंद करण्यावरून त्यांच्यात वाद झाला होता. त्यानंतर मुलाने वडिलांना गोळ्या घातल्या. आवाज ऐकून कुटुंबातील इतर जण बाहेर आले, तेव्हा वयोवृद्ध वडील जमिनीवर कोसळलेले होते. त्यांना तात्काळ रुग्णालयात नेण्यात आले. पण उपचार सुरू असताना त्यांचा मृत्यू झाला. पोलिसांनी हत्येचा गुन्हा दाखल करून आरोपीला अटक केली आहे.

सिकंदरा पोलीस ठाण्याच्या हद्दीतील नसीरपूरमध्ये ही घटना घडली. लालाराम कटिहार (वय ८०) हे लष्करातून निवृत्त झालेल्या अशोक कटिहार या आपल्या मुलासह राहत होते. बुधवारी संध्याकाळी लालाराम कटिहार त्यांचा नातू ऋषभ याच्यासोबत टीव्ही पाहत होते. त्याचवेळी नशेत धुंद असलेला अशोक घरी आला आणि टीव्ही बंद करण्यास सांगू लागला. थोड्या वेळाने टीव्ही बंद करतो असे लालाराम यांनी सांगितले तर त्याने त्यांच्याशी वाद घातला. ऋषभला मारहाण करण्यास सुरुवात केली. त्याचा वाचवण्यासाठी लालाराम पुढे आले. त्यावर राग अनावर झालेल्या अशोकने घरातील बंदूक आणली आणि वडिलांवर गोळ्या झाडल्या.

कानपूर देहातचे वरिष्ठ पोलीस अधीक्षक (ASP) अनुप कुमार यांनी सांगितले की, टीव्ही बंद करण्यावरून लालाराम आणि त्यांचा मुलगा यांच्यात वाद झाला. त्यानंतर अशोकने वडिलांना गोळ्या घालून ठार केले. घटनास्थळावरून बंदूक मिळाली आहे. आरोपीला अटक करून त्याच्याविरोधात पुढील कारवाई करण्यात येत आहे.

The post किरकोळ कारणावरून वाद; मुलाने वडिलांची केली गोळ्या घालून हत्या appeared first on थोडक्यात घडामोडी.

अमेरिकेतील पेनसिल्व्हेनियामध्ये एका पित्यानेच आपल्या १० महिन्याच्या मुलीवर बलात्कार केल्याची घटना समोर आली आहे. मुलीवर बलात्कार केल्यानंतर ती कोणतीच हालचाल करत नसल्याचे पाहून या आरोपीने गुगलवर मुलगी मेलीय की जिंवत आहे हे कसं कळेल यासंदर्भात सर्च केलं. या मुलीचा उपचारादरम्यान मृत्यू झाला.

डेली मेलने दिलेल्या वृत्तानुसार या प्रकरणामध्ये २९ वर्षीय स्टीवन ऑस्टिन याला अटक करण्यात आली आहे. ऑस्टिन एक फुटबॉल प्रशिक्षक आहे. जारा स्क्राग या आपल्या १० महिन्याच्या मुलीवर ऑस्टिनने बलात्कार केला. शनिवारी सकाळी ऑस्टिनने पोलिसांना ९११ या आपत्कालीन क्रमांकावर फोन करुन आपल्या मुलीचा श्वास बंद पडला आहे अशी माहिती दिली. ऑस्टिन मुलीला रुग्णालयात घेऊन गेला मात्र डॉक्टरांना तिचे प्राण वाचवता आले नाही. रुग्णालयाने यासंदर्भातील माहिती पोलिसांना कळवली.

या लहान मुलीच्या डायरपरवर रक्ताचे डाग सापडल्याने पोलिसांना शंका आली. त्यांनी या डायपरच्या चाचण्या केल्या असता त्यांना त्यावर ऑस्टिनच्या विर्याचे अंशही सापडले. मुलीच्या शवविच्छेदन आणि ऑटोप्सी चाचण्यांमध्ये तिच्यावर बलात्कार झाल्याचे उघड झाले. या प्रकरणामुळे या मुलीची आई काही बोलण्याच्या परिस्थितीमध्ये नाही.

पोलिसांनी दिलेल्या माहितीनुसार ऑस्टिनच्या ब्राउजर सर्च हिस्ट्रीमुळे हे संपूर्ण प्रकरण उघडकीस आलं. ऑस्टिनने पोलिसांना फोन करण्याच्या एक तास आधी गुगलवर मुलगी जिवंत आहे की मेलीय हे कसं कळेल यासंदर्भात सर्च केलं होतं. पोलिस या प्रकरणाचा अधिक तपास करत आहेत. ऑस्टिनविरोधात लैंगिक अत्याचार, मुलीवर बलात्कार करणे आणि इतर गंभीर कलमांखाली गुन्हा दाखल करण्यात आला आहे.

The post पित्यानेच आपल्या १० महिन्याच्या मुलीवर केला बलात्कार, मुलीचा उपचारादरम्यान मृत्यू appeared first on थोडक्यात घडामोडी.