नवी दिल्ली : काँग्रेस अध्यक्षा सोनिया गांधी यांची नॅशनल हेराल्ड वृत्तपत्राबाबत मनी लाँड्रिंग प्रकरणी आजची चौकशी संपली आहे. त्यांना पुन्हा चौकशीसाठी बोलावले जाण्याची शक्यता आहे. अंमलबजावणी संचालनालयाच्या अधिकाऱ्यांनी आज सुमारे तीन तास त्यांची चौकशी केली.

या प्रकरणी ईडीने यापूर्वी सोनिया गांधी यांचे पुत्र आणि काँग्रेस नेते राहुल गांधी यांची पाच दिवस ५० तासांहून अधिक काळ चौकशी केली होती. नॅशनल हेराल्ड वृत्तपत्राची मालकी असलेल्या काँग्रेस-प्रवर्तित यंग इंडियन प्रायव्हेट लिमिटेडमधील कथित आर्थिक अनियमिततेशी संबंधित ही चौकशी आहे.

ईडीने प्रिव्हेन्शन ऑफ मनी लाँड्रिंग कायद्याच्या (पीएमएलए) फौजदारी कलमांतर्गत नवीन गुन्हा नोंदवल्यानंतर गेल्या वर्षीच्या अखेरीस सोनिया आणि राहुल यांची चौकशी सुरू करण्यात आली होती. यापूर्वी, 2013 मध्ये भाजप नेते सुब्रमण्यम स्वामी यांनी दाखल केलेल्या खाजगी गुन्हेगारी तक्रारीच्या आधारे यंग इंडियन विरुद्ध आयकर विभागाच्या तपासाची ट्रायल कोर्टाने दखल घेतली होती.

The post सोनिया गांधी ईडी कार्यालयातून बाहेर आल्या, पुन्हा चौकशीसाठी बोलावण्याची शक्यता appeared first on थोडक्यात घडामोडी.

मुंबई : गेल्या अनेक दिवसांपासून गायब असलेले राज्याचे माजी गृहमंत्री अनिल देशमुख हे समोर आले आहेत. देशमुख थेट सक्तवसुली संचालनालयाच्या (ED) कार्यालयात पोहोचले आहेत.

अनिल देशमुख हे सध्या मनी लॉण्ड्रिंग व खंडणी वसुलीच्या आरोपांच्या प्रकरणात ईडीच्या रडारवर आहेत. मुंबई माजी पोलीस आयुक्त परमबीर सिंग यांनी देशमुख यांच्यावर खंडणी वसुलीचे आरोप केले होते. त्याशिवाय, त्यांच्यावर मनी लॉण्ड्रिंगचाही आरोप होता. यापूर्वी देशमुख यांना चौकशीला हजर राहण्यासाठी अनेकदा समन्स बजावण्यात आले होते. पण ते ईडीसमोर हजर झाले नव्हते. ईडीच्या अधिकाऱ्यांना शोध घेऊनही ते सापडत नव्हते. अखेर आज अनिल देशमुख ईडीच्या कार्यालयात चौकशीसाठी हजर झाले आहेत.

ईडीच्या कार्यालयात हजर होण्यापूर्वी अनिल देशमुख यांनी एक व्हिडिओ ट्वीट करत म्हटलं आहे कि, “ईडीचं पहिलं समन्स आल्यापासून अनिल देशमुख हे ईडीला सहकार्य करत नसल्याचे आरोप होत होते. मात्र, ते खरं नाही. ज्या-ज्या वेळी मला समन्स आलं, त्यावेळी मी ईडीला उत्तर पाठवलं होतं. माझी याचिका उच्च न्यायालयात आहे. त्यावर सुनावणी सुरू आहे. सर्वोच्च न्यायलयातही मी याचिका दाखल केली आहे. त्याचा निकाल आल्यानंतर मी स्वत: ईडीच्या कार्यालयात येईन, असं मी ईडीला कळवलं होतं. ज्या ज्या वेळी ईडीनं माझ्या घरांवर छापे टाकले, त्यावेळी माझ्या कुटुंबीयांनी, कर्मचाऱ्यांनी ईडीच्या अधिकाऱ्यांना पूर्ण सहकार्य केलं. मी स्वत: सीबीआयच्या कार्यालयात दोनदा हजर राहून माझं म्हणणं मांडलं. अजूनही माझी याचिका सर्वोच्च न्यायालयात प्रलंबित आहे. पण आज मी स्वत: ईडीच्या कार्यालयात हजर राहिलोय.”

मा. उच्च न्यायालयाने माझ्या संविधानातील अधिकारात मला विशेष कोर्टात जाण्याचे स्वातंत्र दिले असतानाही मी आज ईडीच्या कार्यालयात जाऊन चौकशी साठी संपुर्ण सहकार्य करणार आहे. pic.twitter.com/c7OZ2MY1zS

— ANIL DESHMUKH (@AnilDeshmukhNCP) November 1, 2021

देशमुख म्हणाले कि, ‘परमबीर सिंग यांनी माझ्यावर खोटे आरोप केले आहेत. माझ्यावर आरोप करणारे परमबीर सिंग कुठे आहेत? आरोप करणारेच पळून गेलेत. आज परमबीर यांच्या विरोधात पोलीस खात्यातीलच लोकांनी तक्रारी दाखल केल्या आहेत.’

The post मोठी बातमी! अनिल देशमुख पोहोचले ED कार्यालयात appeared first on थोडक्यात घडामोडी.