पुणे : पुण्यातील येरवडा परिसरात विवाह वेबसाइटद्वारे मोठ्या फसवणुकीचा धक्कादायक प्रकार उघडकीस आला आहे. ४३ वर्षीय महिलेने दाखल केलेल्या तक्रारीनुसार, एका अज्ञात पुरूषाने लग्नाच्या नावाखाली तिचा विश्वास संपादन करून तब्बल २६.५० लाख रुपये लाटले.

पोलिसांनी दिलेल्या माहितीनुसार, तक्रारदार महिलेने जून २०२३ मध्ये एका लोकप्रिय विवाह पोर्टलवर नोंदणी केली होती. नोंदणीनंतर थोड्याच कालावधीत एका पुरूषाने तिच्याशी मोबाईल फोनवर संपर्क साधला आणि विवाहात रस असल्याचे सांगितले. सातत्याने संवाद साधत त्याने तिचा विश्वास जिंकला आणि भावनिक जवळीक निर्माण केली.

गेल्या सहा महिन्यांत आरोपीने विविध कारणे सांगत महिलेकडून अनेक वेळा पैसे मागितले. वैद्यकीय अडचणी, कौटुंबिक संकट, व्यवसायातील नुकसान अशा वेगवेगळ्या सबबी सांगून महिलेला त्याने रक्कम ट्रान्सफर करण्यास प्रवृत्त केले. एकूण २६.५० लाख रुपये महिलेने आरोपीच्या दिलेल्या बँक खात्यात जमा केले.

तथापि, महिलेनं लग्नाचा विषय पुढे रेटताच आरोपी टाळाटाळ करू लागला. वारंवार संपर्क साधूनही तो प्रतिसाद देईना. त्यानंतर आपली फसवणूक झाल्याची जाणीव होताच तिने येरवडा पोलिस ठाण्यात धाव घेतली.

महिलेच्या तक्रारीच्या आधारे पोलिसांनी फसवणूक आणि आयटी अ‍ॅक्टच्या संबंधित कलमांनुसार गुन्हा दाखल केला आहे. या प्रकरणाचा तपास पोलिस निरीक्षक (गुन्हे) पल्लवी मेहेर यांच्या मार्गदर्शनाखाली सुरू आहे. आरोपीचा शोध घेण्यासाठी तांत्रिक पुरावे, बँक व्यवहार आणि कॉल रेकॉर्ड्स तपासले जात आहेत.

The post लग्नाचे आमिष दाखवून मोठा स्कॅम! पुण्यातील महिलेचे तब्बल २६.५० लाख रुपये लाटले… appeared first on थोडक्यात घडामोडी.

मुंबई : शुक्रवारी मुंबईत झालेल्या मायक्रोसॉफ्ट एआय टूर २०२५ दरम्यान, मायक्रोसॉफ्टचे सीईओ आणि अध्यक्ष सत्य नाडेला यांनी महाक्राइमओएस एआयच्या राज्यव्यापी अंमलबजावणीची घोषणा केली. या एआय-संचालित तपास प्लॅटफॉर्मला आता महाराष्ट्रातील सर्व १,१०० पोलिस ठाण्यांमध्ये तैनात केले जाईल, ज्यामुळे सायबर गुन्ह्यांच्या प्रकरणांचे जलद आणि अधिक प्रभावी निराकरण शक्य होणार आहे.

नडेला यांनी आपल्या भाषणात सांगितले की, “एआय आणि डिजिटल सार्वजनिक पायाभूत सुविधांवरील काम आता प्रत्यक्ष परिणाम देत आहे. महाक्राइमओएस एआय नागपूरमध्ये आधीच कार्यरत असून, पोलिस अधिकारी आता काही मिनिटांत सायबर गुन्ह्यांचे प्रकरण नोंदवू शकतात. पूर्वी मॅन्युअल प्रक्रियेमुळे महिने लागू शकत होती, परंतु आता एआयच्या मदतीने तपास गतीने पार पडतात.”

मुंबईतील सत्रात नडेला म्हणाले, “तंत्रज्ञान म्हणजे लोकांना सक्षम करणे. आमच्यासाठी तंत्रज्ञानाचा अर्थ नेहमीच लोक आणि संस्थांना नवीन क्षितिजे गाठण्यास सक्षम करणे असा आहे. हे आपल्याला नव्या संधी शोधण्यास आणि आपल्या कामाच्या क्षमतेची पुनर्कल्पना करण्यास मदत करते.”

या घोषणा महाराष्ट्रातील पोलिस तपास प्रक्रियेत मोठ्या प्रमाणात सुधारणा घडवून आणणार असल्याचे अपेक्षित आहे, विशेषतः सायबर गुन्ह्यांच्या त्वरित निवारणात.

The post महाराष्ट्रातील सर्व ११०० पोलिस ठाण्यांमध्ये लागू केले जाणार महाक्राइमओएस एआय appeared first on थोडक्यात घडामोडी.

नागपूर : काही समाज विघातक लोकांनी समाजमाध्यमांवरून जातीय द्वेषमूलक चिथावणी दिल्यामुळे दंगली उसळलेल्या आपण पहिल्या आहेत. अशा गुन्हेगारीला आला घालण्यासाठी आता जगातील सर्वोत्तम यंत्रणा व तंत्रज्ञान महाराष्ट्राकडे आहे. अशा लोकांना हुडकून त्यांच्यावर तात्काळ कारवाईसाठी ‘गरुड दृष्टी’ हे टूल्स महत्त्वाची भूमिका बजावत असल्याचे प्रतिपादन मुख्यमंत्री देवेंद्र फडणवीस यांनी केले.

नागपूर पोलीस विभागाच्या वतीने पोलीस भवन येथे ‘गरुड दृष्टी’ सोशल मीडिया मॉनिटरिंग व सायबर इंटेलिजन्स प्रकल्पाबाबत सादरीकरण आणि विविध सायबर आर्थिक गुन्ह्यांच्या तपासातून प्राप्त झालेल्या तब्बल 10 कोटी रुपये रकमेच्या वितरण समारंभात ते बोलत होते. त्यांच्या हस्ते या रकमा फसवणूक झालेल्या संबंधित व्यक्तींना वितरित करण्यात आल्या. यावेळी पोलीस आयुक्त रवींद्र कुमार सिंगल, सहपोलीस आयुक्त नवीनचंद्र रेड्डी, अतिरिक्त पोलीस आयुक्त सर्वश्री वसंत परदेशी, राजेंद्र दाभाडे, शिवाजी राठोड व वरिष्ठ पोलीस अधिकारी उपस्थित होते.

स्वतःचे विचार मांडण्यासाठी एक व्यासपीठ म्हणून सोशल मीडियाचा होणारा वापर उत्तम असला तरी काही समाज विघातक प्रवृत्ती द्वेष पसरवणे, धमक्या देणे, हेट स्पीच, फेक न्यूज, अंमली पदार्थांची तस्करीसाठी या प्लॅटफॉर्मचा वापर करताना आपण पाहतो. यातील आर्थिक फसवणुकीचे प्लॅटफॉर्म बहुतांश परदेशी ऑपरेटर चालवतात. त्यामुळे सर्वांनी सावध असले पाहिजे. आपल्या मोबाईलवर कोणत्याही प्रकारच्या येणाऱ्या ऑफर्स आर्थिक फसवणुकीसाठी टाकलेले जाळे आहे हे लोकांनी लक्षात घेतले पाहिजे. जर आपली आर्थिक फसवणूक झाली आहे हे लक्षात आल्यास शक्य तेवढ्या लवकर 1930 व 1945 या क्रमांकावर नागरिकांनी संपर्क साधावा असे आवाहन मुख्यमंत्री देवेंद्र फडणवीस यांनी केले.

सोशल मीडिया माध्यमाद्वारे फसवणुकीच्या घटना रोखण्यासाठी ‘गरुड दृष्टी’ प्रणाली विकसित करण्यात आली आहे. या प्रणालीच्या माध्यमातून या प्लॅटफॉर्मवरील गुन्हेगारी हालचाली शोधून काढणे व त्यांचा मागोवा घेणे शक्य होईल. भविष्यात या टूल्सचा विस्तार आणि क्षमता वाढविण्यात येणार असल्याचे त्यांनी सांगितले.

आज ज्या लोकांना त्यांचे पैसे मिळाले त्या व्यक्तींचे मुख्यमंत्री देवेंद्र फडणवीस यांनी अभिनंदन केले. पोलीस आयुक्त रविंद्र कुमार सिंगल यांनी प्रस्ताविक केले. उपायुक्त लोहित मतानी यांनी कार्यक्रमापूर्वी गरुड दृष्टी बाबत सादरीकरण केले. सहपोलीस आयुक्त नवीनचंद्र रेड्डी यांनी उपस्थित मान्यवरांचे आभार मानले.

फसवणूक झालेल्या लोकांना तपासानंतर परत मिळाल्या अशा रकमा

रोहित अग्रवाल 73 लाख रुपये, शशिकांत नारायण परांडे 34 लाख 77 हजार 724, देविदास पारखी 35 लाख 15 हजार 842, विजय प्रकाश पाठक 19 लाख 90 हजार 354, विजय मेनघाणी 19 लाख रुपये, देवेंद्र खराटे 12 लाख 81 हजार, श्रीमती राजमनी अजय जोशी 29 लाख 95 हजार, राहुल चावडा 15 लाख, बुद्धपाल बागडे 10 लाख, आदित्य गोयंका 26 लाख 20 हजार 556, संगीता आष्टणकर 8 लाख 24 हजार रुपये या प्रमाणे रक्कम परत करण्यात आली. ही प्रातिनिधिक नावे आहेत.

‘गरुड दृष्टी’ची वैशिष्ट्ये व यश

• सोशल मीडिया मॉनिटरिंग: गरुड दृष्टी सुरू झाल्यापासून आतापर्यंत सोशल मीडियावरील 30,000 पोस्ट्स तपासण्यात आल्या आहेत.
• आक्षेपार्ह सामग्रीवर कारवाई: यापैकी 650 आक्षेपार्ह पोस्ट्सची नोंद घेऊन त्या संबंधित प्लॅटफॉर्मवरून हटविण्यात आल्या आहेत.
• कायदा व सुव्यवस्था नियंत्रण: सोशल मीडियामधून उद्भवणाऱ्या अफवा, द्वेषपूर्ण मजकूर, वादग्रस्त पोस्ट्स यामुळे होणारे तणाव व कायदा-सुव्यवस्थेचे प्रश्न टाळण्यासाठी या साधनाचा प्रभावी वापर करण्यात आला आहे.
• कमी खर्चातील स्थानिक नवकल्पना: सायबर हॅक 2025 स्पर्धेतून उदयास आलेले हे साधन अत्यल्प खर्चात विकसित करण्यात आले असून, याचे बौद्धिक संपदा हक्क (Intellectual Property Rights) नागपूर पोलिसांकडे आहेत.
• बहुपयोगी क्षमता: गरुड दृष्टि केवळ गुन्हे प्रतिबंधासाठीच नव्हे, तर समाज माध्यमांवरील ट्रेंड्सचे विश्लेषण, संशयास्पद खाते शोधणे, व तत्काळ कारवाई करण्यासाठी उपयुक्त आहे.

The post सायबर गुन्हेगारीला आळा घालण्यासाठी जगातील सर्वोत्तम यंत्रणा व तंत्रज्ञान महाराष्ट्राकडे – मुख्यमंत्री देवेंद्र फडणवीस appeared first on थोडक्यात घडामोडी.

नवी दिल्ली : डिजिटल आणि ऑनलाईन बँकिंग गेल्या काही वर्षात खूप प्रचलित झाली आहे. परंतु या सेवांच्या विस्तारासह, डिजिटल फसवणुकीची प्रकरणेही अनेकदा समोर येतात. डिजिटल सेवांमुळे आपल्याला मिळणाऱ्या सुविधाही वाढल्या आहेत. परंतु अनेक वेळा असे होते की या सेवा वापरताना आपण ऑनलाइन आणि डिजिटल फसवणुकीचे बळी ठरतो.

अनेकदा डिजिटल फसवणुकीच्या घटना समोर येत राहतात. परंतु माहिती नसल्यामुळे आणि वेळेअभावी बऱ्याचदा डिजिटल फसवणुकीची तक्रार दाखल केली जात नाही. डिजिटल फसवणुकीच्या या वाढत्या घटना थांबवण्यासाठी आणि या समस्यांवर मात करण्यासाठी गृह मंत्रालयाने एक हेल्पलाईन क्रमांक जारी केला आहे, ज्याद्वारे तुम्ही डिजिटल फसवणुकीची तक्रार नोंदवू शकता.

जनतेच्या हिताचे रक्षण करण्यासाठी आणि त्यांना ऑनलाइन फसवणुकीपासून वाचवण्यासाठी गृह मंत्रालयाने 155260 हा हेल्पलाईन क्रमांक सुरू केला आहे. हेल्पलाईन क्रमांकाची ही सेवा मंत्रालयाकडून दिल्ली, राजस्थान, उत्तराखंड, छत्तीसगड, उत्तर प्रदेश आणि आसामसारख्या राज्यांमध्ये २४ तास उपलब्ध आहे. इतर राज्यांमध्ये ही सेवा सकाळी 10 ते संध्याकाळी 6 दरम्यान उपलब्ध आहे.

हेल्पलाईन नंबर व्यतिरिक्त, ऑनलाईन फसवणुकीच्या तक्रारींसाठी तुम्ही गृह मंत्रालय पोर्टल https://cybercrime.gov.in/ ला भेट देऊ शकता. हेल्पलाईन क्रमांकासह, इतर अनेक सेवा देखील तुम्हाला या पोर्टलद्वारे दिल्या जात आहेत.

तक्रार कशी करावी?

तुमची फसवणुकीची तक्रार नोंदवण्यासाठी तुम्ही हेल्पलाईन नंबर 155260 वर कॉल करू शकता, तिथे कॉलवर तुम्हाला घटनेशी संबंधित काही मूलभूत माहिती विचारली जाईल. याशिवाय, तुम्ही https://cybercrime.gov.in/ ला देखील भेट देऊ शकता. तेथे तुम्हाला तुमच्या संबंधित राज्यातील नोडल अधिकाऱ्यांचा संपर्क क्रमांकही मिळेल. जर तुमच्याबरोबर अशाप्रकारे फसवणुकीची कोणतीही घटना घडली असेल, तर तुम्ही शक्य तितक्या लवकर तुमची तक्रार नोंदवायला हवी.

The post ऑनलाईन फसवणुक झाल्यास त्वरित घ्या सरकारची मदत, ‘या’ क्रमांकावर करा कॉल appeared first on थोडक्यात घडामोडी.