कोरोना व्हायरस आता एका नव्या रुपात जगात पसरत आहे. शास्त्रज्ञांसमोर कोरोनाचा ओमिक्रॉन व्हॅरिएंट हा चिंतेचा विषय बनला आहे. नवीन प्रकारातील संसर्गाची प्रकरणे आता भारतात देखील पोहोचली आहेत. हे रोखण्यासाठी जनजागृती आणि काटेकोरपणा या दोन्हींचा अवलंब केला जात आहे. परंतु, व्हायरसच्या सतत बदलणाऱ्या व्हॅरिएंटला कशाप्रकारे नाव दिले जाते, हे तुम्हाला माहित आहे का? चला तर जाणून घेऊया, नवीन व्हॅरिएंटला त्याचे नाव ओमिक्रॉन कसे मिळाले आणि त्याचा अर्थ काय आहे?

डब्ल्यूएचओच्या मते, कोरोना विषाणूच्या नवीन व्हॅरिएंटला एक साधे अशास्त्रीय नाव दिले पाहिजे, जेणेकरून जगभरातील लोक त्याच्या प्रतिबंधाबद्दल जागरूकता पसरवू शकतील. यासाठी संस्थेने ठरवले की प्रत्येक नवीन व्हॅरिएंटला ग्रीक वर्णमालानुसार नाव दिले जाईल. ग्रीक शब्दावलीमध्ये अल्फा, बीटा, गामा आणि डेल्टा सारखी अक्षरे आहेत, ज्यावर विषाणूच्या प्रकाराचे नाव दिले जात आहे.

या आधारावर भारतात आढळलेल्या B.1.617.2 प्रकाराला डेल्टा व्हायरस असे नाव देण्यात आले. हा विषाणूचा चौथा प्रकार होता. आता समोर आलेल्या B.1.1.529 प्रकाराला Omicron असे नाव देण्यात आले आहे. हे खरं तर ग्रीक शब्दावलीचे 15 वे अक्षर आहे. Nu आणि Xi सारखी काही मधली अक्षरे वगळण्यात आली, कारण Nu ला new (नवीन) आणि Xi हे चीनचे लोकप्रिय आडनाव मानले जाऊ शकते.

विषाणू किंवा व्हॅरिएंटला नाव देताना, तो कोणत्याही सांस्कृतिक, सामाजिक, राष्ट्रीय, प्रादेशिक किंवा वांशिक गटांच्या विरुद्ध किंवा अपमानास्पद नाही याची काळजी घेतली जाते. 24 नोव्हेंबर 2021 रोजी Omicron व्हॅरिएंटला नाव देण्यात आले. याचे ५० हून अधिक म्युटेशनही आहेत. हा विषाणू आतापर्यंत 57 देशांमध्ये पोहोचला आहे.

The post व्हायरसच्या व्हॅरिएंटला कशाप्रकारे दिले जाते नाव? जाणून घ्या ओमिक्रॉनचा अर्थ appeared first on थोडक्यात घडामोडी.

नवी दिल्ली : WhatsApp ने युजर्सच्या आरोग्याच्या दृष्टीने कोरोना लसीकरणाशी संबंधित नवीन सेवा सुरु केली आहे. आता तुम्ही WhatsApp च्या मदतीने Covid-19 Vaccination स्लॉट बुक करू शकणार आहात. व्हॉट्सअॅपने मंगळवारी सांगितले की, मायगव्ह कोरोना हेल्पडेस्क वापरून युजर्स आता त्यांचे जवळचे लसीकरण केंद्र शोधू शकतील आणि Vaccination स्लॉट देखील बुक करू शकतील.

५ ऑगस्ट रोजी मायगव्ह आणि व्हॉट्सअॅपने युजर्ससाठी चॅटबॉट वरून लस प्रमाणपत्र डाउनलोड करण्यासाठी सेवा सुरू केली आणि आतापर्यंत देशभरातील ३२ लाख युजर्सने लस प्रमाणपत्र डाउनलोड केले आहे. व्हॉट्सअॅपने गेल्या वर्षी चॅटबॉक्सच्या माध्यमातून कोरोनाविषयी पसरलेली चुकीची माहिती काढून टाकण्याचा प्रयत्न सुरू केला.

अशाप्रकारे बुक करा WhatsApp वर Vaccination स्लॉट :

1. सर्वप्रथम, MyGov कोरोना हेल्पडेस्क चॅटबॉटशी संपर्क साधण्यासाठी, तुमच्या फोनवर +९१ ९०१३१२५१५१५ हा नंबर सेव्ह करा.
2. बुक स्लॉट टाइप करून सेव्ह केलेल्या नंबरवर पाठवा.
3. यानंतर तुमच्या मोबाइल फोन क्रमांकावर सहा अंकी वन-टाइम पासवर्ड तयार होईल. आता तुम्हाला पिनकोड आणि लसीच्या प्रकारावर आधारित पसंतीची तारीख आणि स्थान निवडावे लागेल.
4. तारीख आणि स्थान निवडल्यानंतर, तुम्हाला तुमच्या जवळच्या केंद्राचे पर्याय मिळतील, तुमच्या आवडीचे लसीकरण नियुक्ती केंद्र निवडा आणि अगदी सहजपणे स्लॉट बुक करा.

The post मस्तच! कोरोना लस घेण्यासाठी WhatsApp वर बुक करा Vaccination स्लॉट, जाणून घ्या सोपी पद्धत appeared first on थोडक्यात घडामोडी.

नाशिक : शिवसेना नगरसेविका सत्यभामा लक्ष्मण गाडेकर यांचं कोरोनाच्या उपचारादरम्यान निधन झालं. त्यांनी शिवसेनेच्या उत्तर महाराष्ट्र महिला आघाडीच्या संपर्क प्रमुख म्हणून अनेक वर्ष धुरा सांभाळली. त्यांच्या निधनाने महिला आघाडीला मोठा धक्का बसला असून मोठी पोकळी निर्माण झाल्याची भावना व्यक्त केली जात आहे.

सत्यभामा गाडेकर यांना कोरोनाचा संसर्ग झाल्यानंतर गेल्या काही दिवसांपासून त्यांच्यावर उपचार सुरु होते. मात्र उपचारादरम्यान त्यांनी अखेरचा श्वास घेतला. सत्यभामा गाडेकर कोरोना काळातही जनतेसाठी सतत काम करत होत्या. त्यांनी नाशिक महापालिकेत नगरसेवकपद भूषवले आहे तसेच त्या नाशिक महापालिका स्थायी समितीच्याही त्या सदस्या होत्या. त्या नाशिक प्रभाग क्रमांक ’22 ब’ चे प्रतिनिधित्व करत होत्या.

ज्येष्ठ नेते छगन भुजबळ यांनी त्यांच्या निधनाबद्दल शोक व्यक्त करत म्हटले कि, “नाशिक शहरातील शिवसेनेच्या ज्येष्ठ नगरसेविका सत्यभामा गाडेकर यांचे दुःखद निधन झाले. शिवसेनेच्या ज्येष्ठ नगरसेविका असलेल्या सत्यभामा गाडेकर यांनी शिवसेना पक्षामध्ये विविध महत्वाची पदे भूषविली. त्या अतिशय लढवय्या नेत्या होत्या. त्या नागरिकांच्या प्रश्नांवर अतिशय आक्रमकपणे भूमिका घेत असायच्या.”

नाशिक शहरातील शिवसेनेच्या ज्येष्ठ नगरसेविका सत्यभामा गाडेकर यांचे दुःखद निधन झाले.शिवसेनेच्या ज्येष्ठ नगरसेविका असलेल्या सत्यभामा गाडेकर यांनी शिवसेना पक्षामध्ये विविध महत्वाची पदे भूषविली.त्या अतिशय लढवय्या नेत्या होत्या.नागरिकांच्या प्रश्नांवर अतिशय आक्रमकपणे भूमिका घेत pic.twitter.com/gX1H6bVCyt

— Chhagan Bhujbal (@ChhaganCBhujbal) May 9, 2021

The post शिवसेनेने लढवय्या नेत्या गमावल्या; नगरसेविका सत्यभामा गाडेकर यांचं कोरोनाने निधन appeared first on थोडक्यात घडामोडी.

दिल्ली : देशात कोरोनाबाधित रुग्णांची संख्या झपाट्याने वाढत आहेत. या पार्श्वभूमीवर माजी पंतप्रधान मनमोहन सिंग यांनी पंतप्रधान मोदी यांना पत्र लिहिलं आहे. सिंग यांनी लसीकरणाची गती वाढवण्याचा सल्ला दिला आहे. यासंदर्भात त्यांनी पंतप्रधानांना 5 सल्ले दिले आहेत.

माजी पंतप्रधान मनमोहन सिंग आपल्या पत्रात म्हटले कि, पुढील सहा महिन्यात राज्यांना कशापद्धतीने लस पुरवठा होईल याबाबत केंद्राने स्पष्टीकरण द्यावे. सरकारला सांगावं लागेल की, वेगवेगळ्या लस उत्पादक कंपन्यांना किती ऑर्डर देण्यात आली आहे. शिवाय अधिक लोकांना लस द्यायची असेल तर त्यासाठी अडवान्समध्ये ऑर्डर द्यायला हवी जेणेकरुन ऑर्डर वेळेत मिळेल. देशात कोरोनाची दुसरी लाट आली आहे. पुन्हा जनजीवन कसं सुरळित होईल असं लोकांना वाटू लागलं आहे. महामारीवर मात करण्यासाठी अनेक पर्याय आहेत. पण लोकांचे लसीकरण होणे सर्वात महत्त्वाचे आहे. असंही ते म्हणाले.

Former PM Dr Manmohan Singh writes PM Narendra Modi, “The key to our fight against COVID19 must be ramping up the vaccination effort. We must resist the temptation to look at the absolute numbers being vaccinated, and focus instead on the percentage of the population vaccinated pic.twitter.com/EVXPlQL5SR

— थोडक्यात घडामोडी : MARATHI NEWS – मराठी बातम्या (@thodkyaatnews) April 18, 2021

माजी पंतप्रधान मनमोहन सिंग यांनी दिले 5 सल्ले :

1. कोरोना काळात सरकार किती लशी कंपन्यांकडून घेत आहेत. ते सार्वजनिक करावे. कोणत्या कंपनीकडून किती लस घेण्यात आल्या तसेच कोणत्या कंपनीला किती लशींची ऑर्डर दिली हे लोकांना माहिती असावं.
2. कोणत्या राज्याला किती लशी मिळाळ्यात याबाबत एक पारदर्शक फॉर्म्युला असावा.
3. 45 वर्षांपेक्षा कमी वय असणाऱ्या फ्रंट लाईन वर्कर्संनाही लस देण्यात यावी. यासाठी वयाची मर्यादा असू नये. शिक्षण, चालक, पंचायत कर्मचारी, वकील या सर्वांना लस देण्यात यावी.
4. लस निर्मात्या कंपन्यांना उत्पादनासाठी मदत व्हावी यासाठी पंतप्रधानांनी फंड द्यावे, तसेच इतर सवलती द्याव्यात.
5. कोरोना लस निर्मितीसाठी लागणारे लायसन्स काही काळासाठी स्थगित करावे, जेणेकरुन अन्य कंपन्याही लशीची निर्मिती करु शकतील.

The post कोरोनाला कसं हरवायचं? माजी पंतप्रधान मनमोहन सिंग यांच्या कडून पंतप्रधान मोदीं यांना पत्र… दिले ‘हे’ सल्ले appeared first on थोडक्यात घडामोडी.

मुंबई : कोरोना संसर्गाच्या वाढत्या प्रादुर्भावामुळे बीसीसीआयने देशांतर्गत होणाऱ्या सर्व वयोगटांच्या क्रिकेट स्पर्धा रद्द केल्याची घोषणा केली आहे. आयपीएल २०२१ प्रेक्षकांच्या अनुपस्थितीत होईल. भारत आणि इंग्लंड यांच्यात सुरू असलेल्या पाच टी २० सामन्यांच्या मालिकेतील तिसऱ्या सामन्यापासून म्हणजेच १६ मार्च पासून स्टेडियममध्ये प्रेक्षकांना बंदी घालण्यात आली आहे.

सध्या पुरुष आणि महिला क्रिकेट संघांचे आंतरराष्ट्रीय सामने सुरू आहेत. या सामन्यांसाठी कोविड प्रोटोकॉल अंतर्गत खेळाडूंना बायो बबलमध्ये राहावे लागत आहे. मर्यादीत आंतरराष्ट्रीय खेळाडूंसाठी बायो बबल शक्य आहे. मात्र देशांतर्गत पातळीवर खेळणाऱ्या शेकडो खेळाडूंसाठी ते शक्य नाही. त्यामुळे कोरोना परिस्थितीचा आढावा घेऊन पुढील निर्णय घेण्यात येईल, असे बीसीसीआयने स्पष्ट केले.

The post देशांतर्गत होणाऱ्या सर्व क्रिकेट स्पर्धा रद्द, बीसीसीआयची घोषणा appeared first on थोडक्यात घडामोडी.

चंदिगड : ‘जुग जुग जिओ’ सिनेमाचे शूटिंग चंदिगडमध्ये सुरू आहे. या सिनेमाच्या सेटवर सिनेमाचे दिग्दर्शक राज मेहता, वरुण धवन, नीतू कपूर यांच्यासह १९ जणांना कोरोनाची लागण झाली आहे. अभिनेता अनिल कपूर आणि प्राजक्ता कोळी या दोघांची पहिली चाचणी निगेटिव्ह आली असली तरी आणखी एक चाचणी होणार असल्याचे वृत्त आहे.

सेटवर एकदम १९ जणांना कोरोना झाल्यामुळे शूटिंग ताबडतोब थांबवण्यात आले. सेटवरील प्रत्येकाची कोरोना चाचणी करण्याचा निर्णय झाला आहे. सेटवर कार्यरत असलेल्यांपैकी कोरोना चाचणी निगेटिव्ह आलेल्यांना हॉटेलमध्ये क्वारंटाइन करण्यात आले. ज्यांची कोरोना चाचणी पॉझिटिव्ह आली आहे त्यांनाही डॉक्टरांच्या सल्ल्यानुसार क्वारंटाइन करण्यात आले आहे. कोरोना पॉझिटिव्ह आलेल्यांवर उपचार सुरू आहेत.

करण जोहरच्या धर्मा प्रॉडक्शनची निर्मिती असलेल्या ‘जुग जुग जिओ’ या सिनेमात अनिल कपूर, नीतू कपूर, वरुण धवन, कियारा अडवाणी, मनीष पॉल, प्राजक्ता कोळी हे कलाकार आहेत. कोविड प्रोटोकॉलचे पालन करुन शूटिंग सुरू होते. सेटवर नेमक्या कोणत्या व्यक्तीमुळे कोरोनाचा फैलाव झाला हे अद्याप लक्षात आलेले नाही.

The post ‘जुग जुग जिओ’ सिनेमाच्या सेटवर वरुण धवन, नीतू कपूर यांच्यासह १९ जणांना कोरोनाची लागण appeared first on थोडक्यात घडामोडी.

मुंबई : आता पुन्हा एकदा मुंबईकरांवर निर्बंध येणार आहेत. मुंबईत आज मध्यरात्रीपासून जमावंबदी लागू करण्यात येणार आहे. ही जमावबंदी ३० सप्टेंबरपर्यंत लागू असणार आहे. याविषयी मुंबई पोलीस आयुक्तालयाकडून परिपत्रक जारी करण्यात आलं आहे. मात्र असं असलं तरीही कोणत्याही प्रकारचा लॉकडाऊन यावेळी करण्यात आलेला नाही. मात्र, यावेळी नागरिकांना कुठेही गर्दी करता येणार नाही.

अत्यावश्यक सेवेत असणाऱ्या कर्मचाऱ्यांना प्रवासाची मुभा असणार आहे. मात्र, यावेळी त्यांना सोशल डिस्टन्सिंग आणि इतर प्रोटोकॉलचे पालन करावं लागणार आहे. त्याशिवाय मास्क देखील अनिवार्य असणार आहे. अनलॉक दरम्यान, राज्यात सर्व व्यवहार रुळावर आणण्याचे प्रयत्न केले जात आहेत. मात्र, पुन्हा एकदा रुग्णांची संख्या वाढत असल्याने आता पुन्हा कलम १४४ लागू करण्यात आलं आहे. जेणेकरुन अनावश्यक गर्दी टाळता येईल.

The post मुंबईकरांवर पुन्हा एकदा निर्बंध येणार; आज मध्यरात्रीपासून जमावंबदी लागू appeared first on थोडक्यात घडामोडी.

पुणे : पुण्यातील सीरम इंस्टिट्यूट कडून लस तयार करण्यात येत आहे. मात्र, आता या सीरम इंस्टिट्यूटला डीसीजीआयने नोटीस बजावली आहे. कोविड लसीची सुरू असलेली चाचणी बंद का केली नाही याविषयी स्पष्टीकरण मागत डीसीजीआयने कारणे दाखवा नोटीस बजावली आहे.

ऑक्सफर्ड विद्यापीठाकडूनही लस तयार करण्याचे काम सुरू आहे. ऑक्सफर्ड विद्यापीठाने लसीच्या पहिल्या दोन चाचण्या यशस्वीरित्या पार केल्या आहेत. मात्र, तिसऱ्या टप्प्यात स्वयंसेवकांना दिलेल्या लसीचे साईड इफेक्ट्स जाणवल्याने ऑक्सफर्डने आपली लसीची चाचणी थांबवली

सीरम इंस्टिट्यूटने म्हटलं, “ब्रिटनमध्ये सुरू असलेल्या चाचण्यांबाबत आम्ही जास्त काही बोलू शकत नाही. पण भारतात सुरू असलेल्या चाचण्या सुरूच राहतील. त्यात कोणतीही समस्या समोर आलेली नाहीये”.

पुण्यातील सीरम इंस्टीट्यूटने कोरोनावर लस निर्मितीचे काम सुरू केले आहे. या लस निर्मितीच्या कामात सीरम इन्स्टिट्यूट अस्ट्रोजेनकासोबत मिळून या लसीचे १०० मिलियन डोस तयार करणार आहे. भारतात ही लस ‘कोविशील्ड’ नावाने सीरम इन्स्टिट्यूट ऑफ इंडिया ही लस उत्पादक कंपनी लॉन्च करणार आहे.

The post कोरोना लस – सीरम इंस्टिट्यूटला DCGIची नोटीस appeared first on थोडक्यात घडामोडी.

देशातील एकूण करोनाबाधित रुग्णांची संख्या ४० लाखांच्या पुढे गेली आहे. महाराष्ट्र, दिल्ली, गुजरात, तामिळनाडू, मध्य प्रदेश आणि प. बंगालमध्ये करोनाबाधित रग्णांची संख्या वेगानं वाढत आहे.

आरोग्य मंत्रालयानं दिलेल्या माहितीनुसार, मागील २४ तासांत देशात ८६ हजार ४३२ करोनाबाधित रुग्ण वाढले आहेत. ही आतापर्यंतची सर्वात मोठी वाढ आहे.त्यामुळे देशातील एकूण करोनाबाधित रुग्णांची संख्या ४० लाख २३ हजार १७९ झाली आहे. देशात आतापर्यंत ६९ हजार ५६१ जणांचा मृत्यू झाला आहे. दिलासादायक बाब म्हणजे देशात आतापर्यत ३१ लाख ७ हजार २२३ जणांनी करोनावर मात केली आहे.

The post मागील २४ तासांत देशात ८६ हजार ४३२ नवे करोनाबाधित रुग्ण,करोनाबाधितांची संख्या ४० लाखांच्या पुढे appeared first on थोडक्यात घडामोडी.

Unlock 4 Guidelines / अनलॉक ४ नियमावली : कोरोना व्हायरसचा प्रादुर्भाव रोखण्यासाठी लागू करण्यात आलेल्या लॉकडाऊन नंतर आता अनलॉक करण्याची प्रक्रिया सुरू झाली आहे. केंद्रीय गृह मंत्रालयाने अनलॉक ४ साठीची नवी नियमावली जाहीर केली आहे. १ सप्टेंबरपासून ही नवी मार्गदर्शक तत्वे लागू होणार आहेत.

1. ७ सप्टेंबरपासून मेट्रो सेवा सुरू करण्यास केंद्राची परवानगी
2. २१ सप्टेंबरपासून खुल्या प्रेक्षगृहांना (Open Air Theatre) करण्यास केंद्राची परवानगी
3. राज्यांतर्गत मालवाहतुकीसाठी निर्बंध नाहीत
4. धार्मिक कार्यक्रमांनाही परवानगी मात्र, १०० जणांनाच परवानगी असणार
5. अटींसह देशात मेट्रो सेवा सुरु करण्यास मुभा
6. शाळा आणि महाविद्यालयाातील ५० टक्के स्टाफला ऑनलाईन शिक्षण सुविधा आणि इतर कामासाठी शाळेत बोलावण्यास परवानगी
7.  कंटेन्मेंट झोन वगळता इतर ठिकाणी राज्य सरकार पुन्हा स्वत:हून लॉकडाऊन लावू शकत नाही
8.  टाळेबंदी सुरु असून प्रतिबंधित क्षेत्रांमध्ये याचे ३० सप्टेंबर २०२० पर्यंत काटेकोर पालन करणे आवश्यक आहे.

सध्या कोरोनाची असलेली परिस्थिती पाहता शाळा आणि महाविद्यालय सध्या बंदच ठेवण्याचा निर्णय घेण्यात आला आहे. ३० सप्टेंबरपर्यंत शाळा, महाविद्यालये बंदच ठेवण्याचा निर्णय घेण्यात आला आहे. मात्र, या दरम्यान ऑनलाईन शिक्षण सुरूच राहणार आहे.

1. राज्ये / केंद्र शासित प्रदेश ५०% पर्यंत अध्यापन व शिक्षकेतर कर्मचार्‍यांना एकाच वेळी ऑनलाईन शिकवणी / दूरध्वनी-सल्लामसलत आणि संबंधित कामांसाठी शाळांमध्ये बोलण्याची परवानगी देऊ शकतात.
2. केवळ प्रतिबंधित क्षेत्राबाहेरील ९ वी ते १२ वीच्या विद्यार्थ्यांना त्यांच्या शिक्षकांकडून मार्गदर्शन घेण्याकरिता त्यांच्या शाळांमध्ये जाण्याची परवानगी दिली जाऊ शकते. याकरिता त्यांच्या पालकांची लेखी संमंती आवश्यक आहे.
3. राष्ट्रीय कौशल्य प्रशिक्षण संस्था, औद्योगिक प्रशिक्षण संस्था (आयटीआय), राष्ट्रीय कौशल्य विकास महामंडळ किंवा राज्य कौशल्य विकास मिशन किंवा केंद्र सरकार किंवा राज्य सरकारच्या इतर मंत्रालयांमध्ये नोंदणीकृत अल्पकालीन प्रशिक्षण केंद्रांमध्ये कौशल्य किंवा उद्योजकता प्रशिक्षण घेण्यास परवानगी असेल.
4. गृह मंत्रालयाने जाहीर केलेल्या नवीन मार्गदर्शक सूचनांनुसार, २१ सप्टेंबरपासून सामाजिक, राजकीय आणि धार्मिक कार्यक्रमांना परवानगी दिली जाणार आहे. मात्र, १०० हून अधिक नागरिकांना यामध्ये सहभागी होता येणार नाही. या कार्यक्रमात नागरिकांनी फेस मास्क, सोशल डिस्टंसिंगचे पालन, थर्मल स्क्रीनिंग आणि सॅनिटायजरचा वापर अनिवार्य असणार आहे.
5. सिनेमागृह, स्विमिंग पूल, मनोरंजन पार्क, थिएटर (ओपन एअर थिएटर वगळता) या ठिकाणी प्रवेश बंदच असणार आहे.
6. ताज्या मार्गदर्शक सूचनांमध्ये केंद्रीय गृह मंत्रालयाने सर्व राज्ये आणि केंद्रशासित प्रदेशांना सांगितले आहे की, आपण कंटेन्मेंट झोनच्या बाहेर स्वत:हून लॉकडाऊन ठेवू शकत नाही.
7. केंद्र सरकारने अटींसह मेट्रो सेवा सुरू करण्यास परवानगी दिली आहे.

The post अनलॉक ४ नियमावली (Unlock 4 guidelines) जाहीर, बघा काय सुरू आणि काय बंद appeared first on थोडक्यात घडामोडी.