बीजिंग : एकीकडे कोरोनाच्या उत्पत्तीविषयी प्रश्न निर्माण झाले असून दुसरीकडे चीनमध्ये कोरोना विषाणू पुन्हा एकदा डोके वर काढताना दिसत आहे. चीनच्या ग्वांगडोंग (Guangdong) प्रांतात अचानक कोरोना संसर्ग वाढायला सुरुवात झाली आहे. चीनमध्ये दक्षिणेकडील भागात अचानक कोरोना विषाणूचा प्रादुर्भाव वाढत असल्याची माहिती देण्यात आली आहे.

काल (30 मे) कोरोनाची 20 नवीन प्रकरणे समोर आल्यानंतर अधिकाऱ्यांनी ग्वांगडोंग प्रांताची राजधानी असलेल्या गुआंगझू (Guangzhou) भागात लॉकडाउन लावले. परंतु, आज चीनच्या ग्वांगडोंग प्रांतात अचानक कोरोना विषाणूची 27 नवीन प्रकरणे समोर आली. नवीन प्रकरणे समोर आल्यानंतर तातडीने पाऊले उचलत शहरातील काही भागात नाकाबंदी करण्यात आली. लोकांना घरातच राहण्याचे आदेश देण्यात आले आहेत.

वृत्तानुसार, दीड कोटी लोकसंख्या असलेल्या गुआंगझू या भागात कोरोना संसर्ग झपाट्याने पसरत आहे. शहरातील लिवान जिल्ह्यात राहणाऱ्या लोकांची तपासणी करण्याचे आदेश देण्यात आले आहेत. बाजारपेठा, बाल देखभाल केंद्रे (child care centre) आणि करमणुकीची ठिकाणं बंद करण्यास सांगितले आहे. रेस्टॉरंट्स आणि शाळा देखील बंद करण्यात आल्या आहेत. लिवानच्या लगतच्या चार जिल्ह्यांत लोकांच्या बाहेर फिरण्यावर मर्यादा आणण्यात आल्या आहेत.

गौप्यस्फोट : कोरोना विषाणूचा कुठलाही नैसर्गिक पूर्वज नाही, कोरोना ही चीनचीच निर्मिती…

The post चीनमध्ये पुन्हा कोरोना विषाणूचा शिरकाव, अचानक नवीन रुग्णांची वाढ झाल्याने काही भागांत लॉकडाउन appeared first on थोडक्यात घडामोडी.