Rashmirekha Ojha Suicide : आणखी एक प्रसिद्ध बंगाली अभिनेत्री रश्मिरेखा ओझाबद्दल धक्कादायक बातमी येत आहे. रश्मिरेखाने राहत्या घरी गळफास घेऊन आत्महत्या केली आहे. रश्मिरेखा यांचा मृतदेह त्यांच्या नयापल्ली भागातील भाड्याच्या घरात आढळून आला. मीडिया रिपोर्ट्समध्ये सांगितले जात आहे की, ती या घरात तिच्या बॉयफ्रेंडसोबत राहत होती. पोलिसांना रश्मिरेखाची सुसाईड नोटही सापडली असून त्यात आत्महत्येचे कारण सांगितले आहे. मात्र, रश्मिरेखाच्या कुटुंबीयांना वेगळाच संशय आहे.

सुसाईड नोटमध्ये काय लिहिले आहे?

या प्रकरणी माहिती देताना पोलिसांनी सांगितले की, 23 वर्षीय अभिनेत्री 18 जूनच्या रात्री तिच्या भाड्याच्या घरात लटकलेल्या अवस्थेत सापडली होती. अभिनेत्रीने एक चिठ्ठी सोडली आहे, ज्यामध्ये तिच्या मृत्यूला कोणीही जबाबदार नाही असे नमूद केले आहे. अभिनेत्रीने सुसाईड नोटमध्ये काम न मिळाल्याचे देखील लिहिले होते. मात्र, रश्मिरेखा यांच्या कुटुंबीयांना हे प्रकरण वेगळेच वाटत आहे.

कुटुंबीयांना वेगळाच संशय
आपल्या मुलीच्या मृत्यूमध्ये तिचा लिव्ह-इन पार्टनर संतोष पात्रा याची भूमिका असल्याचा आरोप अभिनेत्रीच्या वडिलांनी केला आहे. मीडिया रिपोर्ट्सनुसार, वडिलांचे म्हणणे आहे की त्यांना मुलीच्या लिव्ह-इन पार्टनरबद्दल माहिती नव्हती, परंतु त्यांना घरमालकाकडून कळले आहे की ती संतोष पात्रा नावाच्या मुलासोबत लिव्ह-इनमध्ये होती.

जगतसिंगपूर जिल्ह्यातील रहिवासी असलेली रश्मिरेखा ओझा ‘केमिती कहीबी कहा’ या टीव्ही मालिकेत दिसली आहे. अशा अनेक शोमध्ये आपल्या दमदार अभिनयाने तिने एक वेगळी ओळख निर्माण केली आहे.

The post अभिनेत्री रश्मिरेखा ओझाची गळफास घेऊन आत्महत्या, मनोरंजनविश्वात खळबळ appeared first on थोडक्यात घडामोडी.

पुणे : पुण्यातील एका डॉक्टर दाम्पत्याने आत्महत्या केल्यामुळे खळबळ उडाली आहे. पुण्यातल्या वानवडी येथील आझादनगरमध्ये ही धक्कादायक घटना घडली आहे. डॉ. अंकिता शेंडकर (वय 26) आणि डॉ. निखिल शेंडकर (वय 28) अशी मृत डॉक्टरांची नावे आहेत.

मिळालेल्या माहितीनुसार, अंकिता आणि निखिल हे दोघेही आझाद नगरमध्ये राहत होते. दोघेही वेगवेगळ्या ठिकाणी प्रॅक्टिस करत होते. अंकिताचे क्लिनिक गल्ली क्रमांक 2, आझाद नगर येथे होते तर निखिल दुसरीकडे प्रॅक्टिस करत होता. काल रात्री घरी परतत असताना या दोघांचे फोनवर भांडण झाले होते. त्यानंतर रात्री आठच्या सुमारास जेव्हा निखिल घरी पोहोचला, तेव्हा अंकिताने गळफास लावून आत्महत्या केली होती. तिने बेडरूममध्ये गळफास घेऊन जीवन संपवलं होतं.

अंकिताला तातडीने रुग्णालयात नेले असता डॉक्टरांनी तिला मृत घोषित केले. त्यानंतर पोलिसांनी मृतदेह शवविच्छेदनासाठी पाठविला. शवविच्छेदनानंतर अंकिताचा मृतदेह तिच्या भावाच्या ताब्यात देण्यात आला. मात्र, पत्नीच्या आत्महत्येचा धक्का सहन न झाल्यामुळे निखिलने गुरुवारी सकाळी सातच्या सुमारास गळफास घेऊन आत्महत्या केली, अशी माहिती वानवडी पोलिसांनी दिली. पोलीस या प्रकरणी अधिक तपास करत आहेत.

The post पुण्यात डॉक्टर दाम्पत्याच्या आत्महत्येने खळबळ appeared first on थोडक्यात घडामोडी.

नांदेड : नांदेडच्या लोह शहरात एका महिलेनं आपल्या तीन वर्षांच्या मुलासह आत्महत्या केल्याची दुःखद घटना घडली आहे. नवऱ्याचं कोरोनामुळे निधन झाल्यामुळे या महिलेनं टोकाचं पाऊल उचलल्याची माहिती मिळत आहे. या महिलेने तिच्या दोन मुलींना घरी ठेवलं आणि तीन वर्षांच्या मुलासह तलावात उडी घेऊन आत्महत्या केली.

मिळालेल्या माहितीनुसार, शंकर गदम (40) लोहा शहरातील बालाजी मंदिराच्या पाठीमागे पत्नी दोन मुली व एक मुलासह राहत होते. मंगळवारी शंकर यांचा कोरोना रिपोर्ट पॉझिटिव्ह आल्यानंतर त्यांच्यावर लोहा येथील रुग्णालयात उपचार सुरू होते. मात्र, उपचारादरम्‍यान त्यांचा मुत्यू झाला. त्यांच्या मृत्यूची माहिती मिळताच त्यांच्या पत्नीला मोठा धक्का बसला. त्यातच तिने लहान मुलासह शहराजवळच्या सुनेगाव तलावात उडी घेऊन आत्महत्या केली.

The post नवऱ्याचं कोरोनामुळे निधन, महिलेची तीन वर्षांच्या मुलासह आत्महत्या appeared first on थोडक्यात घडामोडी.

दिल्ली : भाजपाच्या आणखी एका नेत्याचा मृतदेह गळफास घेतलेल्या अवस्थेत आढळून आल्यामुळे खळबळ उडाली आहे. दिल्लीत भाजपा नेत्याने घराजवळील पार्कमध्ये गळफास घेत आत्महत्या केल्याची माहिती मिळाली आहे. पार्कमध्ये संध्याकाळी वॉकसाठी आलेल्या स्थानिकांनी पाहिल्यानंतर ही घटना उघडकीस आली. गुरविंदर सिंग बावा असं या भाजपा नेत्याचं नाव असून ते भाजपाचे पश्चिम दिल्लीचे माजी उपाध्यक्ष होते.

दरम्यान, पोलिसांना घटनास्थळी कोणतीही सुसाईड नोट सापडलेली नसून तपास सुरु आहे. वृत्तानुसार, ५८ वर्षीय जी एस बावा हे पश्चिम दिल्लीमधील फतेह नगर येथे वास्तव्यास होते. बावा यांनी कौटुंबिक कारणामुळे आत्महत्या केल्याची शक्यता आहे. मात्र पोलीस किंवा भाजपाने आत्महत्येचं नेमकं कारण अद्याप सांगितलेलं नाही.

सोमवारी संध्याकाळी ६ वाजण्याच्या सुमारास बावा यांचा मृतदेह सुभाष नगरमधील पार्कमध्ये असलेल्या तळ्याच्या शेजारी गळफास घेतलेल्या अवस्थेत आढळला. स्थानिकांनी तात्काळ पोलिसांना फोन करुन याबाबत माहिती दिली. पोलिसांनी घटनास्थळी येऊन पाहणी केली असताना हा मृतदेह भाजपा नेते जी एस बावा यांचा असल्याचं समजलं. पोलिसांना कोणतीही सुसाईड नोट सापडलेली नसून मृतदेह शवविच्छेदनासाठी पाठवण्यात आला आहे.

The post दिल्लीत भाजपा नेत्याचा मृतदेह गळफास घेतलेल्या अवस्थेत आढळल्यामुळे खळबळ appeared first on थोडक्यात घडामोडी.

भारतीय कुस्तीपटू बबिता फोगट आणि गीता फोगट यांची चुलत बहिण रितिका फोगटने आत्महत्या केली. रितिका १७ वर्षांची होती. भरतपूर येथे पार पडलेल्या कुस्ती स्पर्धेत झालेल्या पराभवामुळे खचून रितिकाने आत्महत्या केली. आमीर खानच्या ‘दंगल’ चित्रपटामुळे फोगट कुटुंब प्रसिद्धीस आलं. रितिकादेखील दंगल गर्ल गीता फोगटच्या कुटुंबाचा भाग होती.

रितिकाने द्रोणाचार्य पुरस्कार विजेते महावीर सिंग फोगट यांच्याकडून प्रशिक्षण घेतलं होतं. स्पर्धेदरम्यान ते देखील उपस्थित होते. रितिका कुस्तीपटू महावीर फोगट स्पोर्ट्स अकॅडमीमध्ये 5 वर्षांपासून प्रशिक्षण घेत होती. ती 53 किलो गटात खेळत होती. यापूर्वी तिने राज्यस्तरीय स्पर्धेत 4 वेळा भाग घेतला होता.

रितिकाने १२ ते 14 मार्च दरम्यान भरतपूरच्या लोहागड स्टेडियमवर राज्यस्तरीय उप-कनिष्ठ, कनिष्ठ महिला व पुरुष कुस्ती स्पर्धेत भाग घेतला. १४ मार्चला झालेल्या अंतिम सामन्यात फक्ता एका गुणाने रितिकाचा पराभव झाला. या पराभवामुळे ती खचून गेली होती. १5 मार्च रोजी रात्री अकराच्या सुमारास पंख्याला स्कार्फ लावून गळफास घेत तिने आत्महत्या केली.

The post ‘दंगल गर्ल’ गीता फोगटची बहिण रितिका फोगटची आत्महत्या appeared first on थोडक्यात घडामोडी.

पतीने रागाच्या भरात पत्नीची चाकूने भोसकून हत्या केली आणि नंतर स्वतः धावत्या ट्रेनखाली उडी मारून आत्महत्या केली. पालघर जिल्ह्यातील बोईसर येथे बुधवारी मध्यरात्री ही धक्कादायक घटना घडली. पती-पत्नीच्या भांडणामुळे संपूर्ण कुटुंब उध्वस्त झालं. या दाम्पत्याला दोन मुलंदेखील आहेत.

मिळालेल्या माहितीनुसार, मंगळवारी रात्री नऊ वाजताच्या सुमारास या महिलेचा पती कामावरून घरी आला. त्यानंतर काही वेळाने पती आणि पत्नीचे भांडण सुरु झाले. त्यांची अकरा वर्षांची मुलगी दुसऱ्या खोलीत होती, तर नऊ वर्षांचा मुलगा घाबरून घराबाहेर गेला आणि या दोघांमधील भांडण सोडवण्यासाठी त्याने शेजाऱ्यांना बोलावले. शेजाऱ्यांनी मध्यस्थी करून त्यांचे भांडण मिटवले. त्यानंतर सर्व कुटुंब झोपी गेले.

मध्यरात्री दोनच्या सुमारास पुन्हा या दाम्पत्यामध्ये भांडण सुरू झाले. भांडण वाढत गेले आणि अडीचच्या सुमारास रागाच्या भरात पतीने चाकूने पत्नीला भोसकले. यात तिचा मृत्यू झाला. आवाज ऐकून शेजारी धावून आले. त्यांनी दरवाजा ठोठावला. आरोपी पतीने दरवाजा उघडला. मात्र, आतमधील दृश्य बघून सर्वांना धक्का बसला. आरोपीची पत्नी रक्ताच्या थारोळ्यात पडलेली होती. आरोपी तेथून पळून गेला.

शेजाऱ्यांनी तात्काळ या घटनेची माहिती पोलिसांना दिली. साडेतीनच्या सुमारास पालघर रेल्वे पोलिसांना माहिती मिळाली की बोइसर रेल्वे स्थानकाजवळ धावत्या ट्रेनखाली उडी मारून एका व्यक्तीने आत्महत्या केली आहे. या व्यक्तीची ओळख पटली आणि पत्नीची हत्या केल्यानंतर त्यानेही आत्महत्या केल्याचे स्पष्ट झाले. पोलिसांनी या घटनेची नोंद करून घेतली असून ते पुढील तपास करत आहेत.

The post पत्नीची हत्या करून पतीची धावत्या ट्रेनखाली उडी मारून आत्महत्या appeared first on थोडक्यात घडामोडी.

पुणे : टिकटॉक स्टार समीर गायकवाड याने गळफास घेऊन आत्महत्या केली. रविवारी पुण्यातील वाघोली परिसरात त्याच्या घरात संध्याकाळी समीरचा मृतदेह पंख्याला लटकलेला आढळून आला. मात्र, समीरच्या आत्महत्येचे नेमके कारण अद्याप कळू शकलेले नाही.

मिळालेल्या माहितीनुसार, समीरने स्वतःच्या खोलीत गळफास घेऊन आत्महत्या केली. काहीवेळाने त्याचा चुलत भाऊ प्रफुल्ल गायकवाड तिथे पोहोचला. त्यानंतर या घटनेची माहिती लोणीकंद पोलिसांना देण्यात आली. पोलिसांनी घटनास्थळी जाऊन समीरला खाली उतरवले. त्याला नजीकच्या रुग्णालयात नेले असता डॉक्टरांनी तपासून त्याला मृत घोषित केले. दरम्यान, काही दिवसांपासून तो नैराश्यात असल्याची माहिती मिळत आहे.

The post टिकटॉक स्टार समीर गायकवाड याची गळफास घेऊन आत्महत्या appeared first on थोडक्यात घडामोडी.

तमिळ अभिनेता इंद्रकुमारनं गळफास घेऊन आत्महत्या केली आहे. अजून एका अभिनेत्याच्या आत्महत्येनं खळबळ उडाली आहे. त्याने आत्महत्या केली त्या ठिकाणी कोणतीही सुसाइड नोट सापडलेली नाही. त्यामुळे इंद्र कुमारनं हे टोकाचं पाऊल का उचललं याचं कारण अद्याप समजू शकलेलं नाही.

मिळालेल्या माहितीनुसार, इंद्र कुमार या टीव्ही अभिनेत्यानं त्याच्या मित्राच्या घरी गळफास घेऊन आत्महत्या केली. तो मित्राला भेटायला त्याच्या घरी गेला होता. गुरुवारी इंद्रकुमार आणि त्याचा मित्र दोघे पिक्चर पाहण्यासाठी गेले होते. तिकडून आल्यानंतर इंद्रकुमार त्याच्या मित्राच्या घरीच होता. दुसऱ्या दिवशी सकाळी मित्रानं त्याच्या रुमचा दरवाजा ठोठावला. परंतु आतून काहीही प्रतिसाद मिळाला नाही. त्यामुळे त्याच्या मित्रानं रुमचा दरवाजा उघडला, तर त्याला इंद्रकुमारचा मृतदेह गळफास घेतलेल्या अवस्थेत आढळला.

इंद्रकुमारच्या मित्रानं लगेचच याविषयी पोलिसांना माहिती दिली. त्यानंतर पोलिस घटनास्थळी दाखल झाले. चौकशीनंतर पोलिसांनी त्याचा मृतदेह शवविच्छेदनासाठी पाठवला. पोलीस याप्रकरणी अधिक तपास करत आहेत.

इंद्र कुमार विवाहित असून त्याला एक मुलगासुद्धा आहे. त्यानं अनेक तमिळ टीव्ही मालिकांमध्ये काम केलं आहे. मागच्या काही दिवसांपासून इंद्रकुमारकडे काम नव्हतं. तो कामाच्या शोधात होता. मनोरंजन क्षेत्रातील चांगल्या संधी मिळविण्यात अपयशी ठरल्यानंतर इंद्रकुमार काही काळ चिंताग्रस्त होता.

The post आणखी एका अभिनेत्याने उचललं टोकाचं पाऊल, अभिनेता इंद्रकुमारची गळफास घेऊन आत्महत्या appeared first on थोडक्यात घडामोडी.

सोलापूर : छेडछाडीला कंटाळून 11वीच्या विद्यार्थीनीने आत्महत्या केल्याची धक्कादायक घटना घाली आहे. या विद्यार्थीनीने  गळफास घेऊन जीवन संपवलं. पंढरपूरच्या शेळवे गावात ही घटना घडली असून याप्रकरणी तीन आरोपींना अटक करण्यात आली आहे.

पोलिसांनी दिलेल्या माहितीनुसार, विद्यार्थीनीने आत्महत्या करण्यापूर्वी सुसाईड नोट लिहिली आहे. त्यात रमेश गाजरे, स्वप्नील कौलघि आणि लहू टेलर यांच्या सततच्या छेडछाडीला कंटाळून आत्महत्या करत असल्याचं तिने लिहिलं आहे. पोलिसांनी या तिन्ही आरोपींना अटक केली असून आज त्यांना न्यायालयात हजार करण्यात आलं होतं. न्यायालयाने त्यांना एक दिवसाची पोलीस कस्टडी सुनावली असून पोलीस अधिक तपास करत आहेत.

The post धक्कादायक : छेडछाडीला कंटाळून 11वीच्या विद्यार्थीनीची आत्महत्या appeared first on थोडक्यात घडामोडी.

दाक्षिणात्य चित्रपटसृष्टीतील अभिनेत्री वीजे चित्राने चेन्नईतील एका हॉटेलमध्ये गळफास घेऊन आत्महत्या केली आहे. ती २८ वर्षांची होती. तिने अनेक गाजलेल्या मालिकांमध्ये काम केलं होतं. नैराश्यातून चित्राने आत्महत्या केल्याचं सांगण्यात येत आहे.

चित्राचा काही दिवसांपूर्वी प्रसिद्ध व्यावसायिक हेमंत रवीसोबत साखरपुडा झाला असल्याची माहिती मिळत आहे. त्यानंतर हे दोघं एकत्रदेखील रहात होते. मात्र, अचानकपणे चित्राने चेन्नईतील नसरपेट येथील हॉटेलमध्ये गळफास घेतला. इवीपी फिल्मसिटीमधील चित्रीकरण संपल्यानंतर चित्रा रात्री २.३० वाजता हॉटेलमध्ये पोहोचली. त्यानंतर तिने गळफास घेतला.

हेमंतने पोलिसांना माहिती दिली कि, “शुटींग संपल्यावर चित्रा हॉटेलमध्ये आली आणि आंघोळीला जाते सांगून बाथरुममध्ये गेली. बराच वेळ झाला तरी ती बाहेर आली नाही, त्यामुळे मी दार वाजवलं. पण आतून कोणताही आवाज आला नाही. त्यानंतर मी हॉटेल स्टाफला सांगून डुप्लिकेट चावीने दरवाजा उघडला त्यावेळी चित्राचा मृतदेह छताला लटकलेल्या अवस्थेत आढळून आला.”

The post प्रसिद्ध अभिनेत्री चित्राची गळफास घेऊन आत्महत्या appeared first on थोडक्यात घडामोडी.