Nasal Covid-19 Vaccine : भारत बायोटेकचे अध्यक्ष आणि एमडी डॉ कृष्णा एला म्हणाले की, त्यांनी जगातील पहिल्या वैद्यकीयदृष्ट्या प्रमाणित झालेल्या नाकातून दिल्या जाणाऱ्या कोविड-19 लसीची क्लिनिकल चाचणी पूर्ण केली आहे. “डेटा विश्लेषण चालू आहे. आम्ही डेटा नियामक एजन्सीकडे सबमिट करू. सर्वकाही ठीक असल्यास, आम्हाला लॉन्च करण्याची परवानगी मिळेल आणि ही जगातील पहिली नैदानिकदृष्ट्या सिद्ध झालेली कोविड-19 लस असेल.

भारताच्या औषध नियंत्रक जनरल (DCGI) विषय तज्ञ समितीने (SEC) भारत बायोटेकला त्यांच्या इंट्रानासल कोविड लसीसाठी ‘फेज-III बूस्टर डोस स्टडी’ साठी ‘तत्त्वतः’ मान्यता दिली आहे, ही भारतातील याप्रकारची पहिलीच लस आहे. आणि त्यांना काही आठवड्यांपूर्वी मंजुरीसाठी प्रोटोकॉल सबमिट करण्यास सांगितले होते. भारत बायोटेकच्या वेबसाइटनुसार, “इंट्रानासल लस IgG, श्लेष्मल IgA आणि टी सेल प्रतिसादांना तटस्थ करणारी व्यापक रोगप्रतिकारक प्रतिक्रिया उत्तेजित करते आणि संक्रमणाच्या ठिकाणी (अनुनासिक श्लेष्मल त्वचामध्ये) कोविडचा संसर्ग आणि प्रसार दोन्ही अवरोधित करण्यासाठी आवश्यक असलेली रोगप्रतिकारक प्रतिक्रिया निर्माण करते.”

भारतातील तिसऱ्या डोसच्या फेज-III चाचणीसाठी अर्ज सादर करणारी भारत बायोटेक ही दुसरी कंपनी आहे. इंट्रानासल लसींमध्ये ओमिक्रॉन सारख्या नवीन कोविड-19 प्रकारांचा प्रसार रोखण्याची क्षमता आहे.

भारताने देशात लसीकरणासाठी Covidshield, Covaxin आणि Sputnik V ला मान्यता दिली आहे. DCGI आणि WHO आपत्कालीन वापर सूची (WHO EUL) कडून 28-दिवसीय मल्टी-डोस वायल पॉलिसी (MDVP) अंतर्गत वापरण्यासाठी Covaxin ला मान्यता देण्यात आली आहे.

The post मोठी बातमी! भारत बायोटेकच्या नाकातून दिल्या जाणाऱ्या कोविड-19 लसीची क्लिनिकल चाचणी पूर्ण appeared first on थोडक्यात घडामोडी.

हैदराबाद : कोवॅक्सिन निर्माता ‘भारत बायोटेक’च्या 50 कर्मचार्‍यांना कोरोनाची लागण झाली आहे. ‘भारत बायोटेक’च्या सहव्यवस्थापकीय संचालक सुचित्रा एला यांनी ट्विटमध्ये ही माहिती दिली आहे. त्यामुळे नागरिकांकडून लसीच्या परिणामकारकतेवर संमिश्र प्रतिक्रिया व्यक्त होत आहेत. तर काहीजण प्रश्न उपस्थित करत आहेत की स्टाफमधील कर्मचाऱ्यांचे लसीकरण का केले गेले नाही.

कोरोना लस कोव्हॅक्सिनच्या पुरवठ्यावर काही राजकीय नेत्यांनी टिपण्णी केली होती, त्याचा संदर्भ देत एला यांनी बुधवारी ट्विट केले की, “काही राज्यांनी आमच्या हेतूंबद्दल शंका उपस्थित करून आम्हाला खूप निराश केले. आमचे ५० कर्मचारी कोविडमुळे काम करू शकत नाहीयेत, तरीही आम्ही कोरोनाच्या काळात लॉकडाऊनमध्ये २४ तास तुमच्यासाठी काम करत आहोत. ”

Covaxin dispatched 10/5/21.18 states have been covered thou in smaller shipments. Quite disheartening to the teams to hear Some states complaining about our intentions. 50 of our employees are off work due to covid, yet we continue to work under pandemic lockdowns 24×7 for U ?? pic.twitter.com/FmQl4vtqXC

— suchitra ella (@SuchitraElla) May 11, 2021

The post ‘भारत बायोटेक’च्या 50 कर्मचार्‍यांना कोरोनाची लागण appeared first on थोडक्यात घडामोडी.

नवी दिल्ली : भारताने कोरोना संसर्गाविरुद्धच्या लढ्यात आणखी एक पाऊल पुढे टाकले आहे. २ ते 18 वयोगटातील मुलांवर होणाऱ्या कोरोना लसीच्या ट्रायलला आज मान्यता देण्यात आली आहे. ड्रग्स कंट्रोलर जनरल ऑफ इंडियाने (DCGI) देशातील 2 ते 18 वर्षे वयोगटातील मुलांवर कोव्हॅक्सिन लसीच्या चाचणीच्या दुसऱ्या आणि तिसऱ्या टप्प्यास मान्यता दिली आहे. भारत बायोटेक लवकरच आपल्या कोव्हॅक्सिन कोरोना लसीची ट्रायल 525 निरोगी स्वयंसेवकांवर करणार आहे. दरम्यान, पहिल्या आणि दुसर्‍या लसीचा डोस 28 दिवसांच्या अंतराने दिला जाईल.

२ ते 18 वर्षे वयोगटातील मुलांवर कोव्हॅक्सिनच्या सुरक्षा आणि प्रतिकारशक्तीचे मूल्यांकन करण्याची परवानगी हैदराबाद येथील भारत बायोटेकने मागितली होती. सेंट्रल ड्रग्स स्टँडर्ड कंट्रोल ऑर्गनायझेशन (CDSCO) च्या सब्जेक्ट एक्सपर्ट कमिटीने (SEC) भारत बायोटेकच्या अर्जावर व्यापक चर्चेनंतर चाचणीला मान्यता दिली. तथापि, SEC ने एक अट ठेवली आहे की तिसर्‍या टप्प्यातील ट्रायल सुरू करण्यापूर्वी भारत बायोटेक फेज II च्या क्लिनिकल ट्रायलच्या सुरक्षेचा अंतरिम डेटा CDSCO ला प्रदान करेल.

भारत बायोटेकने इंडियन काउंसिल ऑफ मेडिकल रिसर्च (ICMR) च्या सहकार्याने कोव्हॅक्सिन लस विकसित केली आहे. कंपनी त्याचे उत्पादन आणि विपणनही करीत आहे. भारतात, लसीकरण मोहिमांमध्ये सीरम इन्स्टिट्यूटच्या कोविशील्ड बरोबरच कोव्हॅक्सिनचा वापरही केला जात आहे.

सध्या भारतात कोरोनाची दुसरी लाट चालू आहे. या लाटेने देशातील आरोग्य यंत्रणा कोलमडली आहे. अनेकजणांचा मृत्यू होत आहे. अशा परिस्थितीत तज्ञांनी असा इशारा दिला आहे की भारतात कोरोनाची तिसरी लाटही येणार असून त्याचा सर्वाधिक परिणाम मुलांवर होईल. या इशाऱ्यानंतर सुप्रीम कोर्टाने केंद्र सरकारला तिसऱ्या लाटेच्या तयारीबाबत प्रश्न विचारला. अनेक राज्य सरकारांनी आधीच मुलांसाठी स्वतंत्र रुग्णालय बांधण्याचे काम सुरू केले आहे. तथापि, सर्व आशा लसीवरच अवलंबून आहेत.

The post मोठी बातमी : २ ते 18 वयोगटातील मुलांवर होणार कोव्हॅक्सिन लसीची ट्रायल, DCGI ने दिली मंजुरी appeared first on थोडक्यात घडामोडी.

नवी दिल्ली : भारतीय लस कोवॅक्सिन ही कोरोनाच्या 617 व्हॅरिएंटवर गुणकारी असल्याचं स्पष्ट झालं आहे. भारतासाठी ही अतिशय आनंदाची आणि अभिमानास्पद बातमी आहे. ही माहिती व्हाईट हाऊसचे मुख्य वैद्यकीय सल्लागार आणि अमेरिकेचे ख्यातनाम वैद्यकीय तज्ज्ञ डॉ. अॅन्थोनी फाऊची यांनी दिली आहे. भारतात कोरोनामुळे हाहाकार माजलेला असताना कोवॅक्सिन लस 617 प्रकारच्या कोरोना प्रजातींवर गुणकारी असल्याचा अमेरिकेचा अभ्यास काहीसा दिलासादायक आहे.

व्हाईट हाऊसचे मुख्य वैद्यकीय सल्लागार डॉ. अॅन्थोनी फाऊची यांनी सांगितलं की, आम्ही कोरोनासंबंधी रोज डेटा गोळा करतोय. जे लोक भारतीय कोवॅक्सिन लस घेत आहेत त्यांचा अभ्यास केल्यानंतर ती लस कोरोनाच्या 617 प्रजाती अर्थात व्हेरिएन्टवर गुणकारी आहे असं समोर आलं आहे. ही लस घेतल्यानंतर संबंधिताच्या शरीरात कोरोना विषाणूच्या विरोधात अॅन्टीबॉडीज् तयार होत आहेत. भारतीय कोवॅक्सिन लस ही जगातील कोरोनाच्या 617 प्रकारांच्या व्हेरिएंटना पुरून उरतेय.

हैदराबादची कंपनी भारत बायोटेक स्वदेशी लस कोवॅक्सिनची निर्मिती नॅशनल इन्स्टिट्यूट ऑफ व्हायरॉलॉजीच्या मदतीने करत आहे. स्वदेशी लस म्हणून ओळखली जाणारी भारत बायोटेकची कोव्हॅक्सिन या लसीचा फेज 3 चाचणीचा अंतरिम निकाल जाहीर केला आहे. यात ही लस डबल म्युटेंटसह कोरोनाच्या सर्व प्रकारांवर 78 टक्के कार्यक्षम असल्याचा अहवाल आयसीएमआरनं दिला आहे. सर्वात महत्वाचं म्हणजे कोव्हॅक्सिन लस सध्या घातक असलेल्या कोरोनाच्या डबल म्युटेंटवर प्रभावी असल्याचे आढळले आहे. गंभीर स्वरुपाच्या कोविड विरुद्ध कोव्हॅक्सिन 100 टक्के कार्यक्षम असल्याचं म्हटलं आहे.

The post मोठी बातमी : भारताची ‘ही’ कोरोना लस कोरोनाच्या ६१७ प्रजातीवर गुणकारी appeared first on थोडक्यात घडामोडी.

केंद्रीय औषध प्राधिकरणाच्या तज्ज्ञ समितीने शनिवारी आणखी एका कोरोना प्रतिबंधक लशीच्या आपत्कालीन वापरास मंजुरी दिली. ‘कोव्हॅक्सीन’ ही लस ‘भारत बायोटेक’ने देशात विकसित आणि उत्पादित केली आहे. ही पहिली स्वदेशी लस आहे.

‘ऑक्सफर्ड’ने विकसित केलेल्या आणि सीरम इन्स्टिटय़ूटने उत्पादित केलेल्या ‘कोव्हिशिल्ड’ लशीच्या आपत्कालीन वापरास केंद्रीय औषध मानक नियंत्रक संघटनेच्या (सीडीएससीओ) तज्ज्ञ समितीने शुक्रवारी मंजुरी दिली. त्यापाठोपाठ शनिवारी तज्ज्ञांच्या समितीने ‘कोव्हॅक्सीन’ लशीच्या आपत्कालीन वापरास काही शर्तीवर मंजुरी दिल्याची माहिती मिळाली आहे.

लसीकरण सुरू करताना कोरोना प्रतिबंधक उपाययोजना सुरूच राहतील, त्यांबाबत कोणत्याही परिस्थितीत तडजोड केली जाणार नाही आणि पहिल्या टप्प्यात एक कोटी आरोग्य कर्मचाऱ्यांचे त्याचबरोबर आघाडीवर काम करणाऱ्या दोन कोटी कर्मचाऱ्यांचे विनाशुल्क लसीकरण करण्यात येईल, असे आरोग्यमंत्री हर्षवर्धन यांनी सांगितले. ५० वर्षांवरील आणि त्याखालील जोखमीच्या गटातील नागरिकांसह २७ कोटी नागरिकांना येत्या जुलैपर्यंत लस देण्याचे नियोजन आहे, असेही त्यांनी सांगितले.

The post ‘भारत बायोटेक’च्या ‘कोव्हॅक्सीन’लाही मिळाली आपत्कालीन वापरास मंजुरी appeared first on थोडक्यात घडामोडी.

चंदीगड : हरियानाचे आरोग्यमंत्री अनिल विज यांनी कोरोना लसीच्या तिसऱ्या टप्प्याच्या चाचणीसाठी डोस घेतला होता. तरीही अनिल विज कोरोना पॉझिटिव्ह आढळले आहेत. त्यामुळे भारत बायोटेकच्या कोवॅक्सिन लसीबाबत साशंकता निर्माण झाली होती. मात्र लसीचा डोस घेऊनही अनिल विज यांना कोरोनाची लागण कशी झाली याबाबत आता भारत बायोटेकने स्पष्टीकरण दिलं आहे.

भारत बायोटेकने याबाबत ट्वीट करत माहिती दिली की, कोवॅक्सिन लसीची क्लिनिकल ट्रायल दोन डोसवर आधारित आहे. त्यासाठी 28 दिवसांचा कालावधी आहे. लसीचा परिणाम दुसरा डोस घेतल्यानंतर 14 दिवसांनी निश्चित होणार आहे. कोवॅक्सिन लस दोन डोस दिल्यानंतर प्रभावी ठरते. तिसऱ्या टप्प्यातील चाचणीत 50 टक्के स्वयंसेवकांना कोवॅक्सिन लस तर इतरांना प्लेसबो (डमी लस) देण्यात आला होता.

चाचणीमध्ये निम्म्या स्वयंसेवकांना लस आणि निम्म्या स्वयंसेवकांना प्लेसबो देण्यात आला. मात्र स्वयंसेवकांना याबाबत माहिती दिली जात नाही. तसेच लसीचे दोन डोस घेणे आवश्यक असते. त्यानंतर शरीरात अँटिबॉडीज् तयार होत असतात.

The phase 3 trial is a double-blind study where volunteers have a 50% chance of receiving either vaccine or placebo.#BharatBiotech #COVAXIN #clinicaltrials #COVID19

— BharatBiotech (@BharatBiotech) December 5, 2020

The post कोवॅक्सिन लस घेऊनही अनिल विज यांना कोरोनाची लागण.. भारत बायोटेकनं सांगितलं कारण appeared first on थोडक्यात घडामोडी.

पंतप्रधान नरेंद्र मोदी आज (शनिवारी) पुणे, अहमदाबाद आणि हैदराबाद या तीन शहरांचा दौरा करुन कोरोनावर मात करण्यासाठी तयार होत असलेल्या लशींच्या संशोधनाचा आढावा घेणार आहेत. पुण्यात सीरम इन्स्टिट्युट ऑफ इंडिया, अहमदाबादमध्ये झायडस कॅडिला पार्क आणि हैदराबादमघ्ये भारत बायोटेक कंपनीला भेट देऊन पंतप्रधान लशींच्या संशोधनाचा आढावा घेतील.

पंतप्रधान नरेंद्र मोदी गुजरातमध्ये अहमदाबाद येथे जातील. अहमदाबाद नंतर पंतप्रधान पुण्यात येतील आणि पुण्यातून ते हैदराबादला रवाना होतील. हैदराबादच्या दौऱ्यानंतर ते दिल्लीला जाणार आहेत.

दरम्यान, पंतप्रधानांच्या दौऱ्याआधी सिरम इन्स्टिट्यूट आणि पुण्यातील काही महत्वाच्या भागांत पोलिसांनी कडेकोट सुरक्षाव्यवस्था तैनात केली आहे. सिरम इन्स्टिट्यूटमध्येही सॅनिटायजेशन व स्वच्छतेविषयीचे सर्व नियम पाळून मोदींच्या दौऱ्याची तयारी करण्यात आली आहे. दुपारी ४ वाजता मोदी तेथे दाखल होतील. यानंतर सिरम इन्स्टिट्यूटचे मुख्य कार्यकारी अधिकारी अदर पुनावाला यांच्यासह शास्त्रज्ञ आणि संशोधकांशी ते संवाद साधणार आहेत.

The post पंतप्रधान मोदी यांचा आज पुणे, अहमदाबाद आणि हैदराबाद दौरा, लशींच्या संशोधनाचा आढावा घेणार appeared first on थोडक्यात घडामोडी.