लेबनॉनचे पंतप्रधान हसन दियाब यांनी बैरुत स्फोटांमुळे आपल्या संपूर्ण मंत्रिमंडळासह राजीनामा दिला, त्यामुळे आठवडाभरात सरकार पायउतार झालं आहे. पंतप्रधान हसन दियाब यांनी सोमवारी (१० ऑगस्ट) संध्याकाळी देशाला संबोधताना सरकार पायउतार होत असल्याची घोषणा केली.

बैरूतमध्ये झालेल्या स्फोटाच्या निषेधार्थ लेबनॉनमध्ये सरकारविरोधात मोठया प्रमाणावर निदर्शने, आंदोलने सुरु झाली. तिथल्या सरकारविरोधात जनक्षोभ वाढला. पंतप्रधान हसन दियाब यांच्या राजीनाम्याआधी मंत्रिमंडळातील अनेक मंत्र्यांनी आपला राजीनामा दिला होता. मात्र संपूर्ण सरकारनेच राजीनामा देण्याची मागणी करण्यात येत होती. अखेर पंतप्रधानांनी संध्याकाळी देशाला संबोधताना राजीनामा देत असल्याची घोषणा केली. त्यांनी आपला राजीनामा लेबनॉनचे राष्ट्रपती मायकल आऊन यांच्याकडे सोपवला. परंतु नव्या मंत्रिमंडळाची स्थापना होईपर्यंत पदावर कायम राहा, असं राष्ट्रपतींनी पंतप्रधान हसन दियाब यांना सांगितलं आहे.

The post बैरुत स्फोटांमुळे लेबनॉनचे पंतप्रधान हसन दियाब यांचा संपूर्ण मंत्रिमंडळासह राजीनामा appeared first on थोडक्यात घडामोडी.