भारतीय सैन्य दलाच्या टेक्निकल कोअर मध्ये सरकारी नोकरी करण्याची इच्छा असणाऱ्या उमेदवारांसाठी महत्त्वाची बातमी आहे. भारतीय सैन्याद्वारे जुलै २०२२ पासून सुरू होणाऱ्या टेक्निकल ग्रॅज्युएट कोर्स (TGC 135) साठी सोमवार, ६ डिसेंबर पासून अर्ज प्रक्रिया सुरू झाली आहे. सैन्यातर्फे आर्मी टीजीसी १३५ साठी जारी केलेल्या नोटिफिकेशननुसार अर्ज करण्यास इच्छुक उमेदवार ४ जानेवारी २०२२ रोजी दुपारी ३ वाजेपर्यंत अर्ज करू शकतील.

आर्मी टीजीसी १३५ साठी अर्ज कसा करायचा?

• अर्ज करण्यास इच्छुक उमेदवारांनी भारतीय सैन्याचे अधिकृत भरती पोर्टल joinindianarmy.nic.in वर जावे.
• तेथे उपलब्ध असलेल्या ऑनलाइन ऍप्लिकेशन फॉर्मच्या माध्यमातून अर्ज करता येणार आहे.
• अर्ज प्रक्रियेअंतर्गत उमेदवारांना पोर्टल वर ऑफिसर्स एन्ट्री सेक्शनमध्ये आधी रजिस्ट्रेशन करावं लागेल आणि मग आपल्या क्रिडेन्शिअल्सच्या माध्यमातून लॉग इन करून उमेदवार आपला अर्ज सबमीट करू शकतील.

पात्रता :

1. भारतीय सैन्याद्वारे यापूर्वी आयोजित केलेल्या टीजीसी भरती प्रक्रियांच्या नोटीसनुसार कोणत्याही मान्यता प्राप्त विद्यापीठातून किंवा कोणत्याही उच्च शिक्षण संस्थेतून इंजिनीअरिंगची पदवी उत्तीर्ण केलेले उमेदवार अर्ज करण्यास पात्र आहेत.
2. अंतिम वर्षाला असणारे विद्यार्थीही अर्ज करण्यास पात्र आहेत, मात्र त्यांना १ जुलै २०२२ पर्यंत परीक्षा उत्तीर्ण झाल्याचा पुरावा द्यावा लागेल. त्यांना इंडियन मिलिट्री अकॅडमी (IMA) मध्ये कोर्स सुरू झाल्यापासून १२ आठवड्यांच्या आत सर्टिफिकेट सादर करावे लागेल.
3. उमेदवारांची वयोमर्यादा १ जुलै २०२२ रोजी किमान २० ते कमाल २७ वर्षे असावी.

महत्वाच्या तारखा :

ऑनलाइन अर्ज प्रक्रिया सुरु होण्याची तारीख – 06 डिसेंबर 2021

ऑनलाइन अर्ज सादर करण्याची शेवटची तारीख – ०४ जानेवारी २०२२

भारतीय सैन्याद्वारे टेक्निकल कोअरमध्ये भरतीसाठी बारावी उत्तीर्ण उमेदवारांसाठी टेक्निकल एन्ट्री स्कीम (TES)आणि ग्रॅज्युएट उमेदवारांसाठी टेक्निकल ग्रॅज्युएट कोर्स (TGC)चे आयोजन केले जाते. टीईएस-46 साठी अर्ज प्रक्रिया ८ ऑक्टोबर २०२१ ते ८ नोव्हेंबर २०२१ या कालावधीत राबवण्यात आली होती. आता टीजीसी १३५ साठी अर्ज प्रक्रिया सैन्याने सुरू केली आहे.

The post भारतीय सैन्य दलात नोकरीची संधी, आर्मी टीजीसी १३५ साठी अर्ज प्रक्रिया सुरू appeared first on थोडक्यात घडामोडी.

Railway Recruitment २०२१ : दहावी उत्तीर्ण किंवा ITI उत्तीर्ण केलेल्यांसाठी रेल्वेत नोकरीची संधी आहे. रेल्वे रिक्रूटमेंट सेल (RRC) मुंबईने फिटर, वेल्डर, टर्नर, मशीनीस्ट, कारपेंटर, पेंटर, मेकॅनिक, इलेक्ट्रीशियन, वायरमन, पाइप फिटर, प्लंबरसह अन्य विविध प्रकारच्या हजारो पदांवर अप्रेंटिसशिप भरतीसाठी जाहिरात दिली आहे. पश्चिम रेल्वेच्या कार्यकक्षेत विभिन्न विभागांच्या वर्कशॉपमध्ये एकूण ३,५९१ अप्रेंटिस पदे भरली जाणार आहेत.

वेस्टर्न रेल्वेमध्ये अप्रेंटिस भरतीसाठी ऑनलाइन अर्ज प्रक्रिया २५ मे २०२१ पासून सुरू होणार असून २४ जून पर्यंत इच्छुक उमेदवारांना अर्ज करता येणार आहेत. इच्छुक आणि योग्य उमेदवारांनी अधिकृत वेबसाइटवर जाऊन अर्ज करायचा आहे. ऑनलाईन अर्ज भरण्यासाठी सविस्तर सूचना वेबसाइटवर उपलब्ध असतील.

या पदांवर भरती :

फिटर, वेल्डर (G & E), टर्नर, मशिनीस्ट, कारपेंटर, पेंटर (जनरल), मेकॅनिक (DSL आणि मोटर व्हेइकल), प्रोग्रामिंग अँड सिस्टीम अॅडमिनिस्ट्रेशन असिस्टंट, इलेक्ट्रीशियन, इलेक्ट्रॉनिक मेकॅनिक, रेफ्रिजरेशन अँड एसी मेकॅनिक, वायरमन, पाइप फिटर, प्लंबर, ड्राफ्ट्समन (सिविल) आणि स्टेनोग्राफर (इंग्रजी)

शैक्षणिक पात्रता :

कोणत्याही मान्यताप्राप्त बोर्डातून किमान ५० टक्के गुणांसह दहावी उत्तीर्ण असावे.

तांत्रिक पात्रता :

संबंधित ट्रेडमध्ये NCVT किंवा SCVT तून मान्यता प्राप्त संस्थेतून आयटीआय (ITI) सर्टिफिकेट असणे आवश्यक. अर्ज करण्यास इच्छुक उमेदवारांनी तांत्रिक योग्यतेविषयीची संपूर्ण माहिती नोटिफिकेशन लिंक वर क्लिक करून जाणून घ्यावी.

पश्चिम रेल्वे मुंबई अप्रेंटिस भरती 2021 चे नोटिफिकेशन

वयोमर्यादा :
उमेदवाराचे वय २४ जूनपर्यंत १५ ते २४ वर्षे यादरम्यान असावे. आरक्षित प्रवर्गांमधील उमेदवारांना सरकारी नियमांनुसार सवलत लागू होईल.

निवड प्रक्रिया :

RRC मुंबई मेरिट यादीच्या आधारे उमेदवारांची निवड करेल. दहावी आणि आयटीआय मध्ये मिळालेल्या गुणांच्या आधारे मेरिट यादी तयार केली जाईल. अंतिम निवड मूळ गुणपत्रिका आणि मेडिकल फिटनेस सर्टिफिकेटच्या पडताळणीनंतर होईल.

अर्ज शुल्क :

एससी, एसटी, पीडब्ल्यूडी आणि महिला अर्जदार वगळता अन्य सर्व उमेदवारांनी १०० रुपये अर्ज शुल्क भरावयाचे आहे.

पश्चिम रेल्वेच्या अधिकृत वेबसाइटवर जाण्यासाठी क्लिक करा.

The post दहावी आणि ITI उत्तीर्णांसाठी नोकरीची संधी, पश्चिम रेल्वेत हजारो पदांवर अप्रेंटिसशिप भरती appeared first on थोडक्यात घडामोडी.