मुंबई : बॉलिवूड अभिनेता आणि चित्रपट निर्माता अनुराग कश्यप यांना गेल्या आठवड्याच्या शेवटी छातीत दुखू लागल्यानंतर मुंबईतील एका रूग्णालयात दाखल करण्यात आले होते. त्यांच्यावर अँजिओप्लास्टी करण्यात आली आहे. त्यांची प्रकृती आता स्थिर आहे.

मिळालेल्या माहितीनुसार, मागील आठवड्यात अनुराग कश्यप यांनी छातीत दुखत असल्याची तक्रार केली होती, त्यानंतर त्यांना लवकरात लवकर डॉक्टरकडे तपासणीसाठी नेण्यात आले होते. त्यांची अँजिओग्राफी केली असता त्यात त्यांच्या हृदयात काही ब्लॉकेजेस असल्याचं समोर आलं. त्यानंतर त्यांना तातडीने शस्त्रक्रियेसाठी दाखल करण्यात आले आणि त्यांच्यावर अँजिओप्लास्टी करण्यात आली. अनुराग कश्यप यांच्या प्रवक्त्याने या बातमीला दुजोरा देत त्यांची प्रकृती स्थिर असल्याचे सांगितले. डॉक्टरांनी त्यांना आठवडाभर विश्रांतीचा सल्ला दिला असून, त्यानंतर ते पुन्हा कामावर रुजू होऊ शकणार आहेत.

सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर…

The post अनुराग कश्यप यांच्यावर अँजिओप्लास्टी शस्त्रक्रिया, प्रकृती स्थिर appeared first on थोडक्यात घडामोडी.