पुणे : पुण्यातील हडपसर येथे एका मिक्सर कंटेनरची चार रिक्षा आणि कारला जोरदार धडक बसली. त्यानंतर कंटेनर एका झाडाला धडकून पलटी झाला. हे झाड कोसळून एका व्यक्तीच्या अंगावर पडले. या भीषण अपघातात १ व्यक्तीचा मृत्यू झाला असून तीनजण गंभीर जखमी झाले आहेत. मृतांचा आकडा वाढण्याची भीती व्यक्त करण्यात येत आहे.

मिक्सर कंटेनरने चार रिक्षा आणि कारला जोरदार धडक दिली असून या भीषण अपघातात १ व्यक्तीचा मृत्यू झाला तर ३ जखमी झाले आहेत. सकाळी ६ वाजताच्या सुमारास हडपसर येथील गाडीतळ येथे हा अपघात झाला. अपघात एवढा भीषण होता की कंटेनर एका झाडाला धडकून पलटी झाला आणि ते झाडही कोसळून एका नागरिकाच्या अंगावर पडले. कंटेनर खाली रिक्षा आल्याने तिचादेखील चक्काचूर झाला. सध्या क्रेनच्या साहाय्याने कंटेनर बाजूला हटवण्याचे काम सुरू आहे. घटनास्थळी पोलिस, अग्निशामक दलाचे कर्मचारी दाखल झाले असून बचाव कार्य सुरू आहे. जखमींना रुग्णालयात दाखल करण्यात आले आहे.

The post पुण्यात भीषण अपघात! मिक्सर कंटेनरची अनेक वाहनांना धडक, एकाचा मृत्यू तर 3 जखमी appeared first on थोडक्यात घडामोडी.