मुंबई : महाराष्ट्र राज्य माध्यमिक व उच्च माध्यमिक शिक्षण मंडळाकडून इयत्ता १० वी आणि इयत्ता १२ वीच्या परीक्षांचे  वेळापत्रक जाहीर करण्यात आले आहे. दहावीची परीक्षा २९ एप्रिल ते २० मे दरम्यान तर बारावीची परिक्षा २३ एप्रिल ते २१ मे दरम्यान होणार आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळामार्फत घेण्यात येणाऱ्या १0 वी आणि १२ वीच्या लेखी परीक्षांचे संभाव्य वेळापत्रक मंडळाच्या अधिकृत वेबसाईटवर १६ फेब्रवारी पासून उपलब्ध करुन देण्यात आले होते . त्या संदर्भात काही सूचना असल्यास मंडळाकडे २२ फेब्रुवारी पर्यंत लेखी स्वरुपात मागवण्यात आल्या होत्या. त्यानुसार विविध संघटना, पालक, शिक्षक, विद्यार्थ्या यांच्याकडून प्राप्त झालेल्या सूचनांचे अवलोकन करुन हे संभाव्य वेळापत्रक अंतिम करण्यात आलेले आहे.

परीक्षेपूर्वी माध्यमिक शाळा / उच्च माध्यमिक शाळा / कनिष्ठ महाविद्यालय यांचेकडे छापील स्वरुपात देण्यात येणारे वेळापत्रक अंतिम असेल. त्या छापील वेळापत्रकावरुन परीक्षेच्या तारखांची खात्री करुन घ्यावी. अन्य संकेतस्थळावरील किंवा अन्य यंत्रणेने छपाई केलेले तसेच व्हॉट्सअॅपवर किंवा तत्सम माध्यमातून व्हायरल झालेले वेळापत्रक ग्राह्य धरू नये. ही महत्वाची सूचना देण्यात आली आहे.

हे संपूर्ण वेळापत्रक विद्यार्थी आणि पालकांना बोर्डाच्या mahahsscboard.in या अधिकृत वेबसाईटवर पहायला मिळेल.

The post ब्रेकिंग : दहावी, बारावीच्या परीक्षांचे वेळापत्रक जाहीर appeared first on थोडक्यात घडामोडी.

राज्य शिक्षण मंडळाच्या १० वी आणि १२ वीच्या परीक्षांची घोषणा शालेय शिक्षणमंत्री वर्षां गायकवाड यांनी केली आहे. १२ वीची परीक्षा २३ एप्रिल ते २९ मे २०२१ दरम्यान तर दहावीची परीक्षा ही २९ एप्रिल ते ३१ मे दरम्यान घेण्यात येणार असल्याचे गायकवाड यांनी सांगितले आहे.

बारावीच्या परीक्षांचा निकाल हा जुलै महिना संपण्याआधी लावण्याचा मंडळाचा प्रयत्न असून दहावीचे निकाल ऑगस्ट महिना संपण्याआधी लावले जातील असंही वर्षा गायकवाड यांनी स्पष्ट केलं.

राज्य माध्यमिक आणि उच्च माध्यमिक मंडळाच्या परीक्षा कधी होणार याबाबत विद्यार्थ्यांमध्ये उत्सुकता होती. गायकवाड यांनी परीक्षांच्या तारखा जाहीर केल्या आहेत. त्यानुसार बारावीची लेखी परीक्षा २३ एप्रिल ते २९ मे २०२१ दरम्यान तर दहावीची परीक्षा २९ एप्रिल ते ३१ मे दरम्यान घेण्याचे नियोजन करण्यात येत आहे.

केंद्रीय शिक्षण मंडळाने (सीबीएसई) ३१ डिसेंबर रोजी दहावी आणि बारावीच्या परीक्षांच्या तारखा जाहीर केल्या असून लेखी परीक्षा ४ मे पासून तर प्रात्यक्षिक परीक्षा १ मार्चपासून होणार असल्याचं म्हटलं आहे. सीबीएसईची दहावी आणि बारावीच्या लेखी परीक्षा ४ मे २०२१ पासून सुरू होणार असून १० जूनपर्यंत चालणार आहेत. त्यापूर्वी बारावीच्या प्रात्यक्षिक परीक्षा होणार आहेत. १ मार्चपासून प्रात्यक्षिक परीक्षा सुरू होतील. १५ जुलैपर्यंत निकाल जाहीर होईल.

The post दहावी-बारावीच्या परीक्षांच्या तारखा जाहीर appeared first on थोडक्यात घडामोडी.