मुंबई : राज्यातील हळद पिकाच्या लागवड, प्रक्रिया व निर्यात यामधील समस्या व त्यावरील उपाययोजनांच्या अनुषंगाने खासदार हेमंत पाटील यांच्या अध्यक्षतेखाली अभ्यास समिती स्थापन करण्यात आली आहे. या समितीने तयार केलेला अहवाल खुला करुन यावर सूचना मागविण्यात याव्यात, असे कृषीमंत्री दादाजी भुसे यांनी सांगितले.

आज मंत्रालयात हळद संशोधन व प्रक्रिया धोरण अभ्यास समितीच्या अहवालाचे कृषीमंत्री यांच्या अध्यक्षतेखाली सादरीकरण करण्यात आले. यावेळी हळद संशोधन व प्रक्रिया धोरण समितीचे अध्यक्ष खासदार हेमंत पाटील, आमदार अमित झनक, आमदार महेश शिंदे, कृषी विभागाचे प्रधान सचिव एकनाथ डवले, कृषी आयुक्त धीरज कुमार (दूरदृश्य प्रणालीद्वारे), पणन महामंडळाचे कार्यकारी संचालक सुनील पवार, संबंधित अधिकारी उपस्थित होते.

कृषीमंत्री भुसे म्हणाले, भारत हा जगातील सर्वात मोठा हळद उत्पादक आणि निर्यातदार देश आहे. प्रामुख्याने महाराष्ट्र, तेलगंणा, तमिळनाडू, छत्तीसगड, आंध्रप्रदेश या राज्यात हळदीचे उत्पादन मोठ्या प्रमाणात घेतले जाते. सन 2020-21 मध्ये महाराष्ट्र हे हळद पीक क्षेत्रानुसार देशातील प्रथम क्रमांकाचे राज्य आहे. त्यासाठी हळद संशोधन व प्रक्रिया धोरण महत्वाचे असून शासन याबाबत सकारात्मक आहे. या समितीने प्राथमिक अहवाल खुला करावा. पुढील 15 दिवसात योग्य सूचनांचा समावेश करुन अंतिम अहवाल लवकर सादर करावा. अहवाल प्राप्त झाल्यानंतर मुख्यमंत्री उद्धव ठाकरे, उपमुख्यमंत्री अजित पवार यांच्यासमोर सादर करुन सर्वसमावेशक हळद संशोधन व प्रक्रिया धोरण मंत्रीमंडळासमोर सादर करण्यात येईल.

सध्या अस्तित्वात असलेल्या योजनांच्या माध्यमातून हळद पिकासाठी शेतकऱ्यांना मार्गदर्शन व सहकार्य कसे करता येईल याचाही विचार करावा. तसेच पणन विभाग, शेतकरी गट, सार्वजनिक खासगी सहभागी तत्वावर, पवई येथे केलेले संशोधन या सर्वांचा अभ्यास करुन अंतिम अहवाल लवकर सादर करावा, असे मंत्री भुसे यांनी सांगितले.

The post हळद संशोधन व प्रक्रिया धोरण अभ्यास समितीचा अहवाल खुला करुन सूचना मागवाव्यात – दादाजी भुसे appeared first on थोडक्यात घडामोडी.

हिवाळ्याचा ऋतू एकीकडे उष्णतेपासून दिलासा देत असला तरी त्याच्याबरोबर अनेक ऋतूजन्य आजारही येतात. परंतु या आजारांपासून दूर राहण्याचे घरगुती उपाय माहिती असल्यास तुम्हाला काळजी करण्याची गरज नाही. हळद हा प्रत्येक भारतीय घराघरात उपस्थित असलेल्या सर्वोत्तम उपायांपैकी एक आहे. हळदीमध्ये थर्मोजेनिक गुणधर्म असतात. यामुळे आपल्या चयापचयला गती मिळते. शिवाय आपल्या कॅलरीही जलद गतीने कमी होतात.

औषधी गुणधर्मांमुळे हळद भारतीय पारंपारिक औषधांचा एक भाग आहे. हे एक नैसर्गिक अँटिऑक्सिडेंट आहे आणि त्यात दाहक-विरोधी गुणधर्म देखील आहेत. हळद सर्दी, सायनस, सांधेदुखी आणि अपचन बरे करण्यास मदत करते. हळद घसा खवखवणे आणि बॅक्टेरियाच्या संसर्गापासून देखील आराम देते, जे हिवाळ्यात सामान्य असतात. तुम्ही तुमच्या रोजच्या आहारात हळदीचा समावेश करू शकता.

हळद दूध :
हळदीचे दूध पिण्याचे अनेक फायदे आहेत. यामुळे सर्दी, खोकला, जखम इत्यादी आजार बरे होतात. शिवाय रोग प्रतिकारशक्ती देखील वाढते. हळदीचा औषधासारखा देखील वापर केला जातो. जर तुम्ही दररोज रात्री हळदीचं दूध प्यायलात, तर तुम्ही वजन खूप लवकर कमी करू शकता. रात्रीच्या जेवणानंतर आणि झोपण्याच्या आधी जर तुम्हाला भूक लागली, तर हळदीचे दूध पिणे योग्य आहे.

हळद मसाला दूध
हे पेय भारतात शतकानुशतके प्यायले जाते. यासाठी एका भांड्यात दूध, हळद, दालचिनी पावडर आणि काळी मिरी उकळून घ्या. चवीनुसार तुम्ही त्यात साखर, मध किंवा गूळही घालू शकता. ते कोमट असतानाच प्या.

हळद आणि ओव्याचे पाणी
हे पेय बनवणे खूप सोपे आहे. यासाठी ओव्याच्या बिया रात्रभर पाण्यात भिजत ठेवा. दुसर्‍या दिवशी या पाण्यात हळद टाकून उकळा. नंतर हे पाणी गाळून प्या.

संत्री आणि आल्याचे डिटॉक्स पेय
संत्री आणि हळदीच्या पेयाने तुम्ही शरीर डिटॉक्स करू शकता. यासाठी एक संत्री, हळद, आले, गाजर यांचा रस काढून त्यात चवीनुसार लिंबाचा रस घाला.

The post हिवाळ्यात ‘अशाप्रकारे’ करा हळदीचे सेवन, मिळतील अनेक फायदे… appeared first on थोडक्यात घडामोडी.

रोगप्रतिकारशक्ती वाढवण्यासाठी आपण आपल्या स्वयंपाकघरात असलेल्या काही पदार्थांचे सेवन करू शकतो. आपण कोरोनाच्या पकडपासून वाचवाल. रोगप्रतिकारशक्ती वाढविण्यासाठी आपल्याला औषधे घेण्याची आवश्यकता नाही, त्याऐवजी स्वयंपाकघरात असणाऱ्या काही मसाल्यांचा स्वयंपाकात नियमित वापर आणि सेवन केल्याने तुमची प्रतिकारशक्ती मजबूत होऊ शकते.

स्वयंपाकघरात असणारे अँटी-बॅक्टेरियल मसाले कोरोनाविरूद्ध लढा देण्यासाठी आणि साथीचे आजार रोखण्यासाठी कसे प्रभावी ठरतात, ते आपण जाणून घेऊया…

1. काळी मिरी : काळी मिरीमध्ये अँटी-इंफ्लेमेटरी प्रभाव आणि शक्तिशाली अँटी-ऑक्सिडंट असतात, जे आपली रोगप्रतिकार शक्ती मजबूत करतात. आपण आपल्या जेवणात मिरपूड टाकून खाऊ शकता. परंतु, लक्षात ठेवा की एका दिवसात आपण 4 ग्रॅमपेक्षा कमी मिरपूड खायला हवी. काळी मिरीचा जास्त प्रमाणात वापर केल्याने तुमची पचनक्रिया बिघडू शकते.
2. हळद : हळदीमध्ये असणाऱ्या कर्क्यूमिनमध्ये अँटीवायरल आणि अँटी-इंफ्लेमेटरी गुणधर्म असतात. जे रोग प्रतिकारशक्ती वाढविण्यात महत्त्वपूर्ण भूमिका बजावतात. कच्ची हळद वापरल्यास जास्त फायदा होईल.
3. आलं :  ताजे आले पोटातील जीवाणू स्थिर ठेवून पाचक प्रणाली निरोगी ठेवण्यास मदत करते. कोरडे आले किंवा सुंठ फुफ्फुस स्वच्छ करण्याचे काम करते. आल्यामध्ये अँटी-इंफ्लेमेटरी आणि अँटी-ऑक्सिडंट गुणधर्म असतात, जे प्रतिकारशक्ती बूस्टर म्हणून कार्य करतात.
4. लसूण : लसणामध्ये अ‍ॅलिसिन, डिसल्फेट आणि थायोसल्फेट असतात, जे फुफ्फुसांना सूक्ष्मजीवांपासून सुरक्षित ठेवतात आणि पाचक प्रणाली सुधारतात. लसूण एक अँटी-मायक्रोबियल एजंट आहे जो रोग प्रतिकारशक्ती वाढविण्यासाठी सर्वोत्तम आहे. अधिक फायद्यांसाठी आपण कच्चा लसूण कापून खाऊ शकता.
5. कलौंजी : कलौंजी देखील रोगप्रतिकारशक्ती वाढविण्यासाठी उपयुक्त आहेत. कलौंजी मधुमेह, हृदयविकार, कर्करोग यासारख्या आजारांपासून संरक्षण देण्यातही मदत करतात. कलौंजीच्या बिया सोडियम, फायबर, लोह, कॅल्शियम, पोटॅशियमसारख्या गुणधर्मांनी परिपूर्ण असतात.

The post रोगप्रतिकारशक्ती वाढविण्यासाठी औषधाऐवजी करा ‘या’ मसाल्यांचे सेवन, मिळतील भरपूर फायदे… appeared first on थोडक्यात घडामोडी.