पुणे : पुण्याच्या मध्यवर्ती भागात मंगळवारी संध्याकाळी १७ वर्षीय तरुणाची चाकूने वार करून हत्या करण्यात आली. ही धक्कादायक घटना बाजीराव रोडवरील महाराणा प्रताप गार्डनजवळ घडली असून, या प्रकरणी पोलिसांनी तात्काळ कारवाई करत तीन अल्पवयीन आरोपींना ताब्यात घेतले आहे. जुन्या वादातून ही हत्या झाल्याचं समोर आलं आहे.

खडक पोलिस ठाण्याच्या माहितीनुसार, मृत तरुण हा आपल्या मित्रासोबत मोटारसायकलवरून जात असताना अचानक तीन किशोरवयीन मुलांनी त्याच्यावर हल्ला चढवला. आरोपींनी धारदार चाकूंसह हल्ला करून तरुणाला गंभीर दुखापत केली. त्यातच त्याचा मृत्यू झाला. प्राथमिक चौकशीतून असे समोर आले आहे की, मृत तरुण आणि आरोपी हे सर्वजण पर्वती परिसरातील रहिवासी असून, त्यांच्यात काही दिवसांपूर्वी किरकोळ कारणावरून वाद झाला होता. त्याच वादाचा राग मनात धरून आरोपींनी सूडाच्या भावनेतून ही हत्या केल्याची शक्यता पोलिसांनी व्यक्त केली आहे.

“या घटनेत सहभागी असलेल्या तिन्ही अल्पवयीन मुलांची ओळख पटली असून त्यांना ताब्यात घेतले आहे. हत्येसाठी वापरलेले धारदार शस्त्र देखील जप्त करण्यात आले आहे. पुढील तपास सुरू आहे,” अशी माहिती खडक पोलिस ठाण्याच्या अधिकाऱ्याने दिली.

या घटनेमुळे परिसरात तणावाचे वातावरण निर्माण झाले असून, पोलिसांनी खबरदारीचा उपाय म्हणून परिसरात अतिरिक्त बंदोबस्त तैनात केला आहे. तसेच, अल्पवयीन आरोपींच्या पालकांना चौकशीसाठी पोलिस ठाण्यात बोलावण्यात आले आहे.

The post पुण्यात १७ वर्षीय मुलाची चाकूने वार करून हत्या, तीन अल्पवयीन आरोपी पोलिसांच्या ताब्यात appeared first on थोडक्यात घडामोडी.

नागपूर : नागपूरच्या रामनगर चौकात दिवसाढवळ्या हत्येची भयंकर घटना घडली आहे. फुटपाथवरील दुकान थाटण्यावरून सुरु झालेला वाद एका व्यक्तीच्या जीवावर बेतला आहे. भररस्त्यात भाजी विक्रेत्याने त्याच्या एका साथीदारासह गॅरेज चालकाची हत्या केली. मृत व्यक्तीचे नाव विशाल निकोसे (वय ३७, रा. पांढराबोडी) असे आहे. पोलिसांनी याप्रकरणी एकाला ताब्यात घेतलं असून या प्रकरणाचा पुढील तपास सुरू आहे.

मिळालेल्या माहितीनुसार, नागपुरातील अंबाझरी पोलीस ठाण्यांतर्गत असलेल्या रामनगर चौकात ही घटना घडली. आरोपींमध्ये किशन रमेश तिवारी आणि त्याचा मित्र निलेश सरोदे यांचा समावेश आहे. विशाल हा गेल्या १८ वर्षांपासून रामनगर येथील फूटपाथवर गॅरेज चालवत होता, तर आरोपी किशन तिवारी हा गेल्या ७ वर्षांपासून त्याच्या शेजारी भाजीचं दुकान चालवत होता. मात्र, गेल्या वर्षभरापासून दोघांचाही जागेवरून वाद सुरू होता. शुक्रवारी दुपारीही त्यांच्यात वाद झाला आणि याच वादातून किशनने त्याचा मित्र नीलेश याच्यासोबत मिळून लोखंडी रॉडने विशालवर हल्ला केला. यात विशालच्या डोक्याला गंभीर दुखापत झाली. विशाल घटनास्थळी रक्तबंबाळ झाला आणि यातच त्याचा जागीच मृत्यू झाला. पोलिसांनी तात्काळ कारवाई करत एकाला ताब्यात घेतलं असून या प्रकरणाचा तपास सुरू केला आहे.

या घटनेने परिसरात खळबळ उडाली आहे. हा प्रकार कायदा आणि सुव्यवस्था राखण्यासाठी एक गंभीर इशारा आहे.

The post नागपुरात दिवसाढवळ्या हत्येची घटना, फुटपाथवर दुकान थाटण्यावरून झालेल्या वादातून भयंकर कृत्य appeared first on थोडक्यात घडामोडी.

नाशिक :  पतीने आपल्या १९ वर्षीय गर्भवती पत्नीची हत्या केल्याची हृदयद्रावक घटना उघडकीस आली आहे. नाशिक शहराच्या एका रहिवासी भागात ही घटना घडली असून, संपूर्ण परिसरात खळबळ उडाली आहे. हे प्रकरण उघडकीस येऊ नये म्हणून पतीने पोलीस ठाण्यात पत्नी हरवल्याची तक्रार देखील दाखल केली होती. मात्र, पोलीस तपासात संपूर्ण सत्य बाहेर आले आणि पतीचे बिंग फुटले.

मिळालेल्या माहितीनुसार, मृत अमृताकुमार आणि आरोपी पती विकीरॉय हे सातपूर परिसरात राहत होते. पती बिगारी कामगार आहे. परिस्थिती हलाखीची असल्याने आणि महिला गरोदर असल्यामुळे ती आपल्या वडिलांकडून पैसे आणायची. मात्र, या गोष्टीवरून त्यांच्यात कायम वाद व्हायचा. पतीला आपल्या पत्नीच्या वागण्यावर आणि घरी येणाऱ्या जाणाऱ्यांवर शंका आली होती. काही दिवसांपासून त्याच्या मनात संशय निर्माण झाला होता. त्यातूनच आरोपीच्या मनात राग धगधगत होता. २८ फेब्रुवारीआधी एका रात्री ते दोघेच घरात असताना रागाच्या भरात पतीने तिच्यावर हल्ला केला. त्याने पत्नीला गंगापूर रोडलगत असलेल्या शहीद अरुण चित्ते पुलाजवळ नेत तिचा गळा आवळला आणि पत्नीची हत्या केली.

गंगापूर रोडवरील आसाराम बापू आश्रमासमोरील नदीपात्रालगत झाडाझुडपात मंगळवारी एका महिलेचा कुजलेल्या अवस्थेत मृतदेह आढळून आला होता. दरम्यान, हे प्रकरण उघडकीस येऊ नये म्हणून नवऱ्याने पोलीस ठाण्यात जाऊन पत्नी हरवली असल्याची तक्रार दाखल केली. नाशिक तालुका पोलिसांनी मृतदेहाचे फोटो शहर आणि ग्रामीण पोलिसांना पाठवले. त्याचे वर्णन पंचवटी पोलीस ठाण्यात बेपत्ता नोंद असलेल्या महिलेशी तंतोतंत जुळले. मृतदेहावरील कपडे आणि टॅटू पाहून मृतदेह पत्नीचा असल्याचं पतीने सांगितलं. त्यानंतर पोलिसांनी कसून चौकशी केली तेव्हा पतीने पत्नीची गळा आवळून हत्या केल्याचे कबूल केले. पोलिसांनी आरोपी पतीला अटक केली आहे. न्यायालयाने आरोपीला तीन दिवसांची पोलीस कोठडी सुनावली आहे.

The post हृदयद्रावक! चारित्र्याच्या संशयावरून पतीने केली गर्भवती पत्नीची हत्या appeared first on थोडक्यात घडामोडी.

हरियाणा : प्रेमप्रकरणाच्या संशयावरून तरुणाने आपल्याच विधवा आईचा चाकूने वार करून खून केल्याची खळबळजनक घटना घडली आहे. मुलाने आईची हत्या केल्यानंतर तिचा मृतदेह पलंगाखाली लपवून ठेवला आणि तिचा मोबाईल घेऊन पळ काढला. पोलिसांनी आरोपी मुलाला रोहतक येथून अटक केली आहे.

मिळालेल्या माहितीनुसार, आई बराच वेळ मोबाईलवर बोलत असल्याने आरोपीला वाटत होते की त्याच्या आईचे कोणाशी तरी अफेअर आहे. एसीपी क्राइम प्रीतपाल सांगवान यांनी सांगितले की, आरोपी मुलाने 6 ऑगस्ट रोजी रात्री जेवण केल्यानंतर संशयावरून आईवर चाकूने हल्ला केला आणि त्यानंतर तिचा गळा दाबून खून केला. खून केल्यानंतर आरोपीने मृतदेह खोलीतील पलंगाखाली लपवून ठेवला आणि खोलीला बाहेरून कुलूप लावून फरार झाला. 10 ऑगस्टच्या रात्री खोलीतून दुर्गंधी येऊ लागली, त्यावरून पोलिसांना माहिती देण्यात आली.

माहिती मिळताच पोलीस घटनास्थळी पोहोचले, मात्र खोलीला बाहेरून कुलूप होते. खोलीचा दरवाजा तोडला असता पलंगाखाली मृतदेह पडलेला दिसला. या प्रकरणी मृत महिलेच्या भावाच्या तक्रारीवरून सेक्टर-10 ए पोलिस ठाण्यात खुनाचा गुन्हा दाखल करण्यात आला आहे. पोलिसांनी काही तासांतच 21 वर्षीय मुलाला अटक केली. त्याच्या ताब्यातून गुन्ह्यात वापरलेला चाकू, खोलीच्या बाहेरील कुलूपाची चावी, घटनेच्या वेळी परिधान केलेले कपडे आणि मृत महिलेचा मोबाईल जप्त करण्यात आला आहे. आरोपीने चौकशीदरम्यान खुलासा केला की त्याची आई रात्री उशिरापर्यंत फोनवर बोलत असायची आणि त्यामुळे त्याला आईवर संशय होता. आरोपीला न्यायालयात हजर केले असता त्याची कारागृहात रवानगी करण्यात आल्याचे पोलिसांनी सांगितले.

The post प्रेमप्रकरणाच्या संशयावरून तरुणाने केली स्वतःच्या आईची हत्या appeared first on थोडक्यात घडामोडी.

झारखंड : झारखंडमधील हेमंत सरकार गुन्हेगारी आणि अपघातांना आळा घालण्यासाठी सातत्याने प्रयत्न करत आहे. यातच पोलिसांनी मंगळवारी जमशेदपूर येथील दुहेरी हत्याकांडाचा उलगडा केला. पूर्व सिंगभूम जिल्ह्यातील जमशेदपूर येथे रविवारी झालेल्या दुहेरी हत्याकांडाचा पोलिसांनी मंगळवारी छडा लावला. एका 15 वर्षांच्या मुलीने तिच्या 37 वर्षीय प्रियकरासह तिच्या आई-वडिलांना हातोडा आणि प्रेशर कुकरने मारहाण करून ठार केल्याचे पोलिसांनी उघड केले.

मिळालेल्या माहितीनुसार, सोमवारी एल्को पोलीस ठाण्याच्या हद्दीतील मॅनिफिट येथील जोडप्याचे मृतदेह त्यांच्याच घरी रक्ताच्या थारोळ्यात पडलेले आढळले. पोलिसांनी या प्रकरणाचा तपास सुरु केल्यानंतर त्यांची 15 वर्षांची मुलगी बेपत्ता असल्याचे समोर आले. त्यानंतर संशयाच्या आधारे शोधाशोध केली असता या तरुणीला त्याच्या प्रियकरासोबत ताब्यात घेण्यात आलं. त्यांना मंगळवारी सकाळी बिरसानगर येथील ओमनगरमध्ये राहणारा तिचा प्रियकर सलितकुमार याच्यासोबत त्याच्या भाड्याच्या घरातून पकडण्यात आले.

पोलिस अधीक्षक (शहर) के विजय शंकर यांनी 24 तासांपेक्षा कमी कालावधीत या प्रकरणाची उकल केल्याचा दावा केला आणि सांगितले की मुलगी रविवारी रात्री तिच्या प्रियकरासह घरातून पळून जाऊन लग्न करणार होती, परंतु तिचे पालक जागे झाले. त्यानंतर आई-वडिलांनी तिला बाहेर जाण्यापासून थांबवले असता दोघांनी हातोड्याने व प्रेशर कुकरने त्यांना बेदम मारहाण केली. त्यानंतर तरुणी प्रियकरासह स्कूटरवरून पळून गेली. एसएसपी प्रभात कुमार यांनी मंगळवारी याबाबत खुलासा केला. ते म्हणाले कि, गुन्हेगाराला तुरुंगात पाठवण्यात आले आहे. तसेच, अल्पवयीन मुलीला रिमांड होममध्ये पाठवले जाईल. गुन्हेगारांच्या सांगण्यावरून एक हातोडा, रक्ताने माखलेला प्रेशर कुकर आणि स्कूटर जप्त करण्यात आली आहे. आरोपींविरुद्ध आयपीसीच्या संबंधित कलमांखाली गुन्हा दाखल करण्यात आला आहे.

The post भयंकर! 15 वर्षांच्या मुलीने 37 वर्षीय प्रियकरासह केली आई-वडिलांची हत्या appeared first on थोडक्यात घडामोडी.

पुणे : पुण्यात पाच वर्षांपूर्वी घडलेल्या हत्या प्रकरणाचा अखेर उलगडा झाला आहे. मृत व्यक्तीच्या बहिण-भावानेच त्याची हत्या केल्याचं पोलीस तपासात निष्पन्न झालं. एक खोली नावावर करण्याच्या वादातून बहिण-भावाने त्यांच्या मित्रांच्या मदतीने २३ वर्षांच्या सख्ख्या लहान भावाला बेदम मारहाण केली. त्यानंतर त्याला कॅनॉलमध्ये ढकलून त्याचा खून केल्याचे गुन्हे शाखेच्या युनिट तीनने उघडकीस आणले आहे. पोलीसांनी वेगवेगळ्या पद्धतीने केलेल्या तपासानंतर आणि प्रचंड मेहनतीनंतर या प्रकरणाचा उलगडा झाला आहे.

मिळालेल्या माहितीनुसार, पंकज चंद्रकांत दिघे (वय २३, एरंडवणा) असे खून झालेल्या तरुणाचे नाव आहे. याप्रकरणी त्याला  कॅनोलमध्ये ढकलून देणारा मित्र महेश बाबुराव धनावडे (वय ३७, शिवणे) याला अटक करण्यात आली आहे. याप्रकरणी हडपसर पोलीस ठाण्यात पंकजचा भाऊ सुहास चंद्रकांत दिघे (वय २९), बहिण अश्विनी आडसुळ यांच्यासह तिघांवर गुन्हा दाखल करण्यात आला आहे. याबाबत पोलीस अंमलदार राजेंद्र मारणे यांनी तक्रार दाखल केली आहे.

पंकज, सुहास आणि अश्विनी हे सख्खे भाऊ बहिण आहेत. त्यांच्या आईचे आजाराने निधन झालेले आहे. दिघे कुटूंब एरंडवणा परिसरात राहत होते. पंकज काही काम करत नव्हता. तो राहत्या घरातील एक खोली माझ्या नावावर करा, असे म्हणून वाद घालत होता. त्यामुळे सुहास व अश्विनी यांनी त्याला ठार मारण्याचा कट रचला. त्यानुसार, १४ मार्च २०१७ रोजी सायंकाळी त्याला मित्र महेश व प्रशांत यांच्या मदतीने चौघांनी बेदम मारहाण केली. त्यानंतर त्याला महेशच्या तवेरा गाडीतून डेक्कनमधील कॅनॉल येथे नेऊन कॅनॉलच्या पाण्यात ढकलून दिले.

दरम्यान, पोलिसांची दिशाभूल करण्याच्या हेतूने पाच दिवस याबाबत काहीएक न बोलता ते शांत राहिले. त्यानंतर १९ मार्च २०१७ रोजी पंकजचा भाऊ सुहासने पंकज बेपत्ता असल्याची तक्रार डेक्कन पोलीसांकडे दिली. दरम्यान, १८ मार्च रोजी पंकजचा मृतदेह कॅनोलमध्ये वाहून हडपसरमध्ये मिळून आला. त्याबाबत हडपसर पोलीसांनी आकस्मिक मृत्यूची नोंद केली. दरम्यान, गुन्हे शाखेच्या युनिट तीनचे पोलीस अंमलदार राजेंद्र मारणे यांना या घटनेची माहिती मिळाली. त्यांनी पोलीस निरीक्षक अनिता मोरे यांना याबाबत माहिती देत तपासाला सुरूवात केली.

प्रथम त्यांनी पंकजचा मिसींग रिपोर्ट कुठे दाखल आहे, याचा शोध घेतला. त्यानंतर कुठे मृतदेह आढळून आला आहे का, याची माहिती घेतली असता त्यांना हडपसरमध्ये मृतदेह आढळल्याचे समजले. परिसरात माहिती घेतल्यानंतर त्यांना एक प्रत्यक्षदर्शी देखील सापडला. त्यानंतर आरोपी महेश धनावडे याला ताब्यात घेऊन सखोल तपास केल्यानंतर त्याने घटनेची माहिती दिली आणि या खूनाचा उलगडा झाला. पंकजच्या एका हातावर आई आणि दुसऱ्या हातावर पंकज असे गोंदलेले होते. त्यावरून त्याच्या मृतदेहाची ओळख पटली.

The post पुणे : पाच वर्षांपूर्वीच्या ‘त्या’ हत्या प्रकरणाचा अखेर उलगडा, बहिण-भावानेच केली लहान भावाची हत्या appeared first on थोडक्यात घडामोडी.

भोसरी : एका 17 वर्षीय मुलाने आपल्या आईच्या प्रियकराची हत्या केली, कारण तो सतत या मुलाला शिवीगाळ करून मारहाण करायचा. दीपक गोपाळ वाघमारे (२९) असे मृताचे नाव आहे. अल्पवयीन मुलाने एक कोयता चोरला आणि आपल्या आईच्या प्रियकराची निर्घृणपणे हत्या केल्याची माहिती मिळाली आहे.

पोलिसांनी दिलेल्या माहितीनुसार, दीपक वाघमारे याचे अल्पवयीन मुलाच्या आईसोबत प्रेमसंबंध होते. दीपक दारू पिऊन अल्पवयीन मुलगा व त्याच्या बहिणीला त्रास द्यायचा, शिवीगाळ करून मारहाण करायचा. त्यामुळे वैतागलेल्या अल्पवयीन मुलाने साथीदारांसह वाघमारेला मारण्याचा कट रचला. त्याने चार महिन्यांपूर्वी एका नारळपाणी विक्रेत्याकडून कोयता चोरला होता. या मुलाने शुक्रवारी (17 जून) वाघमारे याला आपल्या एका मित्राकडे तीन हजार रुपये असल्याचे सांगितले आणि खादी मशीन, भोसरी येथील मोकळ्या मैदानात पैसे घेण्यासाठी त्याच्या बरोबर येण्याची विनंती केली. तेथे वाघमारे याच्यावर कोयत्याने हल्ला करण्यात आला. या मुलाच्या साथीदारांनी वाघमारेला दगडाने मारहाण केली, यात त्याचा मृत्यू झाला.

दरोडा विरोधी पथकाकडून तपास
याप्रकरणी भोसरी पोलिस ठाण्यात खुनाचा गुन्हा दाखल करण्यात आला. त्यानंतर दरोडा विरोधी पथकाकडून या प्रकरणाचा तपास सुरू होता. घटनास्थळी वाघमारे याचे आधारकार्ड मिळाले. त्यावरून त्याची ओळख पटली. काही महिन्यांपूर्वी त्याचे कोणाशी तरी भांडण झाल्याचे समजले. पोलिसांनी दिलेल्या माहितीनुसार, तो १७ वर्षांचा मुलगा होता. कोठडीत घेतल्यानंतर या मुलाने साथीदारांच्या मदतीने वाघमारेची हत्या केल्याची कबुली दिली. वरिष्ठ पोलिस निरीक्षक उत्तम तांगडे, सहायक पोलिस निरीक्षक सिद्धेश्वर कैलासे, पोलिस कर्मचारी विक्रांत गायकवाड, सागर शेडगे, गणेश हिंगे, सुमित देवकर, गणेश सावंत यांच्या पथकाने ही कारवाई केली.

बलात्काराचा गुन्हा मागे घेण्यासाठी ५० लाखांची मागणी, मुलीला आणि तिच्या आईला पोलिसांकडून अटक

डेंटिस्टच्या दवाखान्यात उपचारासाठी गेलेल्या विवाहितेवर सामूहिक बलात्कार

The post पुण्यात खळबळ! अल्पवयीन मुलाने केली आईच्या प्रियकराची निर्घृण हत्या appeared first on थोडक्यात घडामोडी.

हैदराबाद एन्काउंटर केस : हैदराबाद येथे 2019 मध्ये झालेले एन्काउंटर सर्वोच्च न्यायालयाने स्थापन केलेल्या आयोगाने बनावट मानले आहे. आयोगाने यासाठी काही पोलिसांवर ठपका ठेवला आहे. सर्वोच्च न्यायालयाने हा अहवाल सार्वजनिक करण्याचे आदेश दिले आहेत. तसेच पुढील कार्यवाहीसाठी हे प्रकरण तेलंगणा उच्च न्यायालयात पाठवले आहे.

26 नोव्हेंबर 2019 च्या रात्री हैदराबादमध्ये 27 वर्षीय पशुवैद्यकीय डॉक्टरवर बलात्कार करून तिची हत्या करण्यात आली. ६ डिसेंबर रोजी पहाटे ३ च्या सुमारास पोलिसांनी चार आरोपींना संशयास्पद चकमकीत ठार केले होते. काही दिवसांनंतर, सर्वोच्च न्यायालयाने माजी न्यायाधीश न्यायमूर्ती व्हीएस सिरपूरकर यांच्या अध्यक्षतेखाली चौकशी आयोग स्थापन केला. न्यायमूर्ती सिरपूरकर आयोगाला काम सुरू झाल्यापासून ६ महिन्यांत अहवाल सादर करण्यास सांगण्यात आले. या अर्थाने त्यांचा कार्यकाळ ऑगस्ट 2020 मध्ये पूर्ण होणार होता. मात्र कोरोनामुळे कामाला विलंब झाला. या वर्षी जानेवारी महिन्यात आयोगाने सर्वोच्च न्यायालयात अहवाल सादर केला होता.

आज सरन्यायाधीश एनव्ही रमण यांच्या अध्यक्षतेखालील खंडपीठाने हा अहवाल उघडला. तेलंगणा सरकारतर्फे ज्येष्ठ वकील श्याम दिवाण यांनी हा अहवाल गोपनीय ठेवण्याची विनंती केली. मात्र न्यायालयाने तो फेटाळला. सरन्यायाधीश म्हणाले, “यामध्ये कोणतीही गुप्तता पाळण्यासारखं नाही. आमच्या आदेशानुसार चौकशी झाली आणि काही लोक दोषी आढळले. राज्य सरकारने अहवालाच्या आधारे कारवाई करावी. आता आम्हाला या प्रकरणावर लक्ष ठेवायचे नाही. सर्व पक्षांनी अहवाल वाचून पुढील दिलासा मिळावा म्हणून उच्च न्यायालयात आपले म्हणणे मांडावे.”

अहवालात काय म्हटले?

तपास समितीने आपल्या अहवालात असे सादर केले की आरोपींची चकमक “स्टेज” होती. अहवालात असेही नमूद करण्यात आले आहे की हैद्राबाद सामूहिक बलात्कार आणि खुन प्रकरणातील आरोपींवर जाणूनबुजून त्यांचा मृत्यू घडवून आणण्याच्या उद्देशाने आणि गोळीबारामुळे त्यांचा मृत्यू होईल याची जाणीव ठेवून त्यांच्यावर गोळीबार करण्यात आला.”

शादनगर येथे 26 वर्षीय पशुवैद्य दवाखान्यातून घरी जात असताना तिच्यावर बलात्कार करून तिला जिवंत जाळण्यात आले. काही तासांनंतर तिचा मृतदेह महामार्गावरील एका अंडरपासमध्ये सापडला. मोहम्मद आरिफ, जोल्लू शिवा, जोल्लू नवीन आणि चेन्नाकेसावुलु हे चार आरोपी 2019 मध्ये एका कथित चकमकीत ठार झाले होते. कथित चकमकीच्या चौकशीसाठी सर्वोच्च न्यायालयाने तीन सदस्यीय आयोग नेमला होता.

सिरपूरकर आयोगाने संबंधित पोलिस अधिकाऱ्यांवर कारवाई करण्याची शिफारस केली. आरोपींची चकमक “पोलिसांनीच घडवून आणली” असे आयोगाला आढळून आले आहे. आरोपींनी पोलिसांची शस्त्रे हिसकावण्याचा प्रयत्न केला आणि नंतर त्यांच्यावर गोळीबार केला हा आरोप खोटा असल्याचे त्यात म्हटले आहे. आयोगाने 10 हून अधिक पोलिसांवर खुनाचा गुन्हा दाखल करण्याची शिफारसही केली आहे.

• न्यायमूर्ती सिरपूरकर यांच्या अध्यक्षतेखालील आयोगाने फौजदारी न्याय व्यवस्था “सुव्यवस्थित” करण्यासाठी शिफारशी दिल्या. एफआयआरची नोंदणी, अटक प्रक्रियेशी संबंधित कायद्यांचे अनिवार्य पालन, बॉडी कॅमेर्‍यांचा वापर आणि सर्व तपास प्रक्रियेची अनिवार्य व्हिडिओग्राफी याविषयी शिफारसी देण्यात आल्या.
• तपास पूर्ण होईपर्यंत आणि संबंधित न्यायालयात अंतिम अहवाल दाखल होईपर्यंत कोणत्याही पोलीस अधिकाऱ्याने तपासाधीन गुन्ह्याच्या संदर्भात पत्रकार परिषद घेऊ नये, अशी सूचना त्यात करण्यात आली आहे.
• पोलीस स्टेशन तपासाबाबत अपडेट्स देणारी प्रेस नोट जारी करू शकते, परंतु तपासादरम्यान गोळा केलेली माहिती उघड करू नये.
• तसेच खोटी साक्ष दिल्याप्रकरणी शिक्षा देण्यासाठी प्रभावी कारवाई तयार करण्याची शिफारसही केली आहे

मुंबईत खळबळ! प्रियकराने नंबर ब्लॉक केला, 20 वर्षीय तरुणीने उचलले टोकाचे पाऊल…

The post मोठी बातमी! हैदराबाद एन्काउंटर बनावट मानत सर्वोच्च न्यायालयाने दिले ‘हे’ आदेश, पोलिसांवर ठपका appeared first on थोडक्यात घडामोडी.

मुंबई : एका दाम्पत्यावर ऍसिड ओतून त्यांची हत्या केल्याप्रकरणी ट्रायल कोर्टाने दोषी ठरवून फाशीची शिक्षा सुनावलेल्या एका व्यक्तीची शुक्रवारी मुंबई उच्च न्यायालयाने निर्दोष मुक्तता केली. त्याच्याविरुद्धच्या पुराव्यांमध्ये विसंगती असल्याच्या कारणावरून न्यायालयाने हा निर्णय दिला.

न्यायमूर्ती एसएस जाधव आणि मिलिंद जाधव यांच्या खंडपीठाने असे निरीक्षण नोंदवले की खटला अत्यंत आकस्मिक पद्धतीने चालवला गेला आणि आरोपींना दोषी ठरवण्यासाठी पुरावेही विसंगतीने भरलेले आहेत. “फाशीच्या शिक्षेतील खटला न्याय्य होता की नाही हा प्रश्न अनुत्तरीत राहिला आहे. जोडलेल्या पुराव्याची गुणवत्ता आणि विश्वासार्हता आमच्या निरीक्षणानुसार देखील नाही. फिर्यादीच्या नेतृत्वाखालील पुरावे मोठ्या विसंगतींनी भरलेले आहेत, असे उच्च न्यायालयाने म्हटले. खंडपीठाने स्पष्ट केले की फाशीची शिक्षा देण्याचा प्रश्नच उद्भवत नाही.

“आरोपींना फाशीची शिक्षा सुनावण्याचा प्रश्नच उद्भवत नाही, उलट आरोपीला केवळ संशय असल्याचा फायदा द्यायलाच हवा, नाही तर ती न्यायाची पायमल्ली होईल,” असे ७७ पानांच्या आदेशात नमूद करण्यात आले आहे.

पीडितांवर ऍसिड ओतून दुहेरी हत्या केल्याप्रकरणी गुड्डू यादव याला सुनावण्यात आलेल्या फाशीच्या शिक्षेची पुष्टी करण्यासाठी महाराष्ट्र राज्याने दाखल केलेल्या अर्जावर खंडपीठाने हा निकाल दिला.

फिर्यादीच्या म्हणण्यानुसार हकीकत अशी होती की, पीडित पती-पत्नी हे दोघे केमिकल्स आणि ऍसिड ट्रेडिंग कंपनीत काम करत होते आणि कंपनीच्या आवारातील एका खोलीत आपल्या कुटुंबासह राहत होते. अन्य दोन कर्मचारीही कंपनीच्या कार्यालयात झोपले होते. एका रात्री, आरोपीने हे दाम्पत्य झोपेत असताना त्यांच्यावर सल्फ्यूरिक ऍसिड टाकले आणि ते पळून गेले. पीडित दाम्पत्याला रुग्णालयात नेण्यात आले, तेथे आणल्यानंतर चार तासांनी घटनेतील पतीचा मृत्यू झाला आणि दुसऱ्या दिवशी पत्नीचा मृत्यू झाला.

फिर्यादीचे पुरावे पती-पत्नीच्या मृत्यूच्या घोषणांवर आणि घटनेचे प्रमुख प्रत्यक्षदर्शी साक्षीदार असलेल्या दोन कर्मचाऱ्यांवर अवलंबून होते. उच्च न्यायालयाने नमूद केले की, पालघर येथील अतिरिक्त सत्र न्यायाधीशांनी दिलेला दोषसिद्धीचा आदेश पूर्णपणे मृत्यूच्या घोषणेच्या विश्वासार्हतेवर अवलंबून आहे. ट्रायल कोर्टाने आरोपीला दोषी ठरवले आणि हा खटला कल्पनेपलीकडचा दुर्मिळ खटला आहे आणि अशा स्वरूपाचा गुन्हा सहानुभूती किंवा दयेला पात्र नाही, असे निरीक्षण नोंदवून आरोपीला फाशीची शिक्षा सुनावली.

पुराव्यांचा अभ्यास केल्यानंतर न्यायालयाने असे नमूद केले की, दोन कर्मचार्‍यांच्या साक्षीदारांच्या जबाबावर आधारित एफआयआर नोंदवण्याऐवजी, पोलिसांनी एफआयआर नोंदवण्यापूर्वी मृत घोषित होण्याची वाट पाहिली, ज्यामुळे हल्लेखोराची ओळख अज्ञात असल्याचे दिसून आले. कोर्टाने असेही नमूद केले की फिर्यादी पक्षाने मृत व्यक्तीच्या तीन मुलांची साक्षीदार म्हणून तपासणी का केली नाही याविषयी वैध स्पष्टीकरण देऊ शकले नाही, ज्यामुळे फिर्यादी पक्षाची सत्यता नसल्याचे दिसून येते.

आरोपीला दोषी ठरवण्यात सत्र न्यायालयाचा आदेश न्याय्य नाही असे धरून तो आदेश रद्दबातल ठरवण्यात आला आणि आरोपीला तात्काळ मुक्त करण्याचे निर्देश देण्यात आले. “केवळ हा गुन्हा जघन्य आणि क्रूर असल्याने, आरोपीवर हत्येचा आरोप सिद्ध करण्यासाठी आवश्यक असलेल्या कोणत्याही कायदेशीर पुराव्याशिवाय पुढे जाणे योग्य ठरणार नाही,” असे खंडपीठाने आदेशात अधोरेखित केले.

The post फाशीची शिक्षा झालेल्या व्यक्तीची उच्च न्यायालयाकडून निर्दोष मुक्तता, दाम्पत्यावर ऍसिड ओतून हत्या केल्याचा होता आरोप appeared first on थोडक्यात घडामोडी.

ठाणे : घराशेजारी थुंकल्याच्या कारणावरून 13 वर्षांच्या मुलाची गळा दाबून हत्या केल्याची धक्कादायक घटना घडली आहे. या हत्येप्रकरणी मुंब्रा पोलिसांनी या मुलाच्या एका नातेवाइकाला अटक केली आहे. न्यायालयाने आरोपीला 25 एप्रिलपर्यंत पोलिस कोठडी दिली आहे. रूपेश विजय गोळे (वय 13) असे हत्या झालेल्या मुलाचे नाव आहे.

मिळालेल्या माहितीनुसार, दिव्यातील नागवाडीमध्ये हा मुलगा राहतो आणि या मुलाच्या घराशेजारीच त्याचा नातेवाइक आरोपी दशरथ काकडे (28) राहतो. 17 एप्रिलला दुपारी काकडे रूपेशला घेऊन बाहेर गेला होता. मात्र, बराच वेळ होऊनही रूपेश घरी परतला नाही. त्यानंतर रूपेशच्या मोठ्या भावाने दशरथला फोन करून रूपेशविषयी विचारले. त्याने सांगितले की रूपेशला 50 रुपये देऊन जत्रेमध्ये सोडले आहे. तरीही रूपेश घरी आलाच नाही, त्यामुळे दुसऱ्या दिवशी पहाटे मुंब्रा पोलिस ठाण्यात रुपेश बेपत्ता असल्याची तक्रार दाखल करण्यात आली.

पोलिसांनी तपास सुरु केला आणि याबाबत दशरथकडे चौकशी केली. त्याने सांगितले की माझ्या मामाचा मुलगा रुपेशच्या वयाचा असल्यामुळे त्याला मापासाठी घेऊन कपडे आणायला गेलो होतो. त्यानंतर पोलिसांनी नेमके कपडे खरेदीसाठी कोठे गेले होते, याबाबत दशरथकडे चौकशी केली. त्याने रस्त्यावरील विक्रेत्याकडे कपडे घेण्यासाठी गेल्याचे सांगितले. परंतु, पोलिसांनी त्या विक्रेत्याकडे चौकशी केल्यानंतर कपडे खरेदीसाठी कोणी आले नसल्याचे विक्रेत्याने सांगितले. त्यानंतर पोलिसांचा संशय बळावला. पोलिसांनी दशरथकडे कठोरपणे चौकशी केल्यानंतर त्याने गुन्ह्याची कबुली दिली.

17 एप्रिलला दुपारी दशरथ रूपेशला घेऊन दिव्यातील बंद असलेल्या एका शौचालयाच्या पहिल्या मजल्यावर गेला. नंतर त्याने रूपेशची गळा दाबून हत्या केली. दशरथच्या घराशेजारी रूपेश थुंकत असल्याच्या रागातून या दोघांमध्ये वादही झाले होते. याच रागातून आरोपीने रूपेशची हत्या केली.

The post धक्कादायक! घराशेजारी थुंकल्याच्या रागातून 13 वर्षांच्या मुलाची हत्या appeared first on थोडक्यात घडामोडी.