सुरत : कोरोना रुग्णांची झपाट्याने वाढणारी संख्या धडकी भरवणारी असून सर्वत्र हाहाकार माजला आहे. गुजरातमध्येही भयंकर परिस्थिती ओढवलेली दिसत आहे. सुरतमध्ये कोरोना रुग्णांच्या वाढत्या संख्येबरोबर मृतांचा आकडाही वाढला आहे. यामुळे स्मशानभूमीतील विद्युतदाहिन्यांवर प्रचंड ताण पडत असून उष्णतेमुळे विद्युतदाहिन्यांची धुराडी तसेच गॅस फर्नेसच्या मेटल फ्रेम देखील वितळल्या आहेत.

मृतांची संख्या प्रचंड असल्याने सुरतच्या स्मशानभूमींमध्ये 24 तास अंत्यसंस्कार सुरु आहेत. शेजारच्या बरडोली शहरातदेखील अशीच परिस्थिती आहे. यामुळे विद्युतदाहिन्यांची धुराडी आणि गॅस फर्नेसच्या मेटल फ्रेम देखील वितळल्या आहेत. गेल्या आठ-दहा दिवसांपासून स्मशाभूमींमध्ये अहारोत्र मृतदेह जळत आहेत. जवळपास 16 विद्युतदाहिन्यांमध्ये दररोज 100 हून अधिक मृतदेहांवर अंत्यसंस्कार केले जात असल्याची माहिती येथील प्रशासनाने दिली.

शहरातील प्रमुख स्मशानभूमी मृतदेहांनी ओसंडून वाहू लागली आहेत. रामनाथ घेला, अश्विनी कुमार आणि जहांगीरपुरी या तीन स्मशानभूमी मृतदेहांवर अंत्यसंस्कार करण्यासाठी 24 तास कार्यरत आहेत. अविरत वापरामुळे तीनही स्मशानभूमीत गॅस फर्नेस वितळल्या आहेत. अविरत वापरामुळे भट्टीच्या फ्रेम्स वितळल्या आहेत. कोविड मार्गदर्शक सूचनांनुसार, सूरतमध्ये दररोज १०० हून अधिक मृतदेहांचे अंत्यसंस्कार केले जातात. मात्र, स्मशानभूमीत अजूनही ८ ते १० तास प्रतीक्षा करावी लागत आहे. एकूणच परिस्थिती अतिशय चिंताजनक आहे.

The post कोरोनाचं भयावह रूप.. 24 तास अंत्यसंस्कार सुरु असल्याने वितळली विद्युतदाहिन्यांची धुराडी आणि मेटल फ्रेम appeared first on थोडक्यात घडामोडी.

उत्तर प्रदेशातील गाझियाबाद येथे रविवारी मोठा अपघात झाला. येथील मुरादनगर मधील स्मशानभूमीत अंत्यसंस्कारादरम्यान छत कोसळल्याने अनेक लोक मलब्याखाली दाबले गेले. यापैकी 18 जणांचा मृत्यू झाला तर 24 जण जखमी झाले आहेत. पाऊस आल्याने ते सर्व लोक छताखाली उभे राहिले होते. ज्या व्यक्तीचे अंत्यसंस्कार चालू होते, त्याचा मुलगा देखील यामध्ये मृत्युमुखी पडला.

NDRF ची टीम बचावकार्य करत आहे, परंतु पावसामुळे अडथळ्यांना सामोरे जावे लागत आहे. मृतांमध्ये 3 जणांची ओळख पटली आहे. योगेंद्र, बंटी आणि ओंकार अशी त्यांची नावे होती. ते संगम विहार आणि मुरादनगर येथील रहिवासी होते. मुख्यमंत्री योगी आदित्यनाथ यांनी मृतांच्या कुटुंबातील व्यक्तींना दोन-दोन लाख रुपयांची आर्थिक मदत देण्याचे निर्देश दिले आहेत.

दयानंद कॉलनी येथील ६५ वर्षीय दयाराम यांचे शनिवारी रात्री आजाराने निधन झाले. रविवारी मुरादनगर स्मशानभूमीत 100 हून अधिक लोक अंतिम संस्कार करण्यासाठी जमले होते. पाऊस आल्यामुळे लोक छोट्याशा गॅलरीत उभे होते. अचानक या गॅलरीचं छत कोसळल्याने हा अपघात झाला.

The post दुर्दैवी : स्मशानभूमीत अंत्यसंस्कारादरम्यान १७ जणांचा मृत्यू appeared first on थोडक्यात घडामोडी.