नवी दिल्ली : जगातील सर्वात श्रीमंत उद्योगपती एलन मस्क यांनी ट्विटर हे सोशल मीडिया प्लॅटफॉर्म विकत घेतले आहे. एलन मस्क यांनी ट्विटर विकत घेतल्यापासून कंपनीचे सध्याचे सीईओ पराग अग्रवाल यांना कंपनीतून बाहेरचा रस्ता दाखवला जाण्याची शक्यता वर्तवली जात आहे. मात्र, आता एलन मस्क यांनी असे केल्यास त्यांना त्याची मोठी किंमत चुकवावी लागेल, असा अंदाज एका संशोधन संस्थेने व्यक्त केला आहे.

रिसर्च फर्म इक्विलारच्या मते, ट्विटरचे सीईओ पराग अग्रवाल यांना सोशल मीडिया कंपनीच्या नियंत्रणात बदल झाल्यानंतर 12 महिन्यांच्या आत काढून टाकल्यास त्यांना अंदाजे $42 दशलक्ष मिळतील. इक्विलरच्या अंदाजामध्ये पराग अग्रवाल यांचा मूळ पगार तसेच सर्व इक्विटी पैशांचा समावेश आहे. मस्क यांची ऑफर किंमत प्रति शेअर 54.20 डॉलर इतकी आहे. तथापि, ट्विटरने याबाबत कोणतेही भाष्य करण्यास नकार दिला आहे.

पराग अग्रवाल हे यापूर्वी ट्विटरचे मुख्य तंत्रज्ञान अधिकारी होते. नोव्हेंबरमध्ये त्यांना सीईओ बनवण्यात आले. ट्विटरच्या मते, पराग अग्रवाल यांना २०२१ साठी ३०.४ दशलक्ष डॉलर्स देण्यात आले होते.

सोमवारी अब्जाधीश एलन मस्क यांनी ट्विटरला ४४ अब्ज डॉलर्समध्ये विकत घेण्याचा करार केला. त्यामुळे 2013 पासून सार्वजनिक कंपनी म्हणून कार्यरत असलेली ट्विटर आता खाजगी कंपनी बनणार आहे. एलन मस्क यांनी 14 एप्रिल रोजी दाखल केलेल्या सिक्युरिटीज फाइलिंगमध्ये म्हटले आहे की त्यांना ट्विटरच्या व्यवस्थापनावर विश्वास नाही.

या कराराच्या संदर्भात, ट्विटरचे सीईओ पराग अग्रवाल यांनी सोमवारी कंपनीच्या टाऊन हॉल बैठकीत कर्मचाऱ्यांना सांगितले की एलन मस्क डील लॉक झाल्यानंतर सोशल मीडिया फर्मचे भविष्य अनिश्चित आहे. “आम्हाला हे माहित नाही की एकदा करार झाल्यानंतर प्लॅटफॉर्म कोणत्या दिशेला जाईल.”

The post एलन मस्क यांना ट्विटरचे सीईओ पराग अग्रवाल यांना हटवणं पडेल महागात, कारण… appeared first on थोडक्यात घडामोडी.

नवी दिल्ली : लोकांना फसवण्यासाठी स्कॅमर्स नवनवीन युक्त्या करत असतात. असे फसवणूक करणारे स्कॅमर्स लोकांना त्यांचे बळी बनवण्यासाठी व्हॉट्सअॅप, फेसबुक आणि इतर सोशल मीडिया प्लॅटफॉर्मवर लिंक फॉरवर्ड करत राहतात. अशीच एक लिंक सध्या व्हॉट्सअॅपवर व्हायरल होत आहे. त्यानुसार, काही प्रश्नांची उत्तरे दिल्यानंतर अमूलच्या वतीने 6,000 रुपयांचे बक्षीस दिले जाईल असे सांगितले जात आहे. परंतु, हे पूर्णपणे बनावट आहे, त्यापासून सावध राहा.

ही बनावट लिंक लोकांना वेगाने फॉरवर्ड केली जात आहे. या लिंकवर क्लिक केल्यानंतर युझर्स एका वेबसाइटवर पोहोचतात. येथे पृष्ठाच्या शीर्षावर मोठ्या अक्षरांमध्ये अमूलचा लोगो आहे. तसेच खाली Amul 75th Aniversary असे लिहिले आहे. यासह, Congratulation असे देखील लिहिले आहे. यानंतर खाली लिहिले आहे की काही प्रश्नांची उत्तरे द्या आणि 6,000 रुपये जिंका.

येथे एकूण 4 प्रश्न आहेत, ज्याची यूझर्सना एकामागोमाग उत्तरे द्यावी लागतील. यानंतर तुमच्या स्क्रीनवर 9 बॉक्स दिसतील. वापरकर्त्यांना कोणत्याही एका बॉक्सवर क्लिक करण्याच्या तीन संधी दिल्या जातील. येथे सांगितले जाते की बॉक्सवर क्लिक केल्यावर तुम्ही 6,000 रुपये जिंकू शकाल. पण, इथे अट घालण्यात आली आहे की पैसे जिंकण्यासाठी तुम्हाला ही लिंक 20 मित्र किंवा 5 व्हॉट्सअॅप ग्रुपमध्ये शेअर करावी लागेल.

सगळ्यात महत्वाचे म्हणजे येथे यूझर्सना काही लोकांच्या कमेंट्स देखील दिसतील. जिथे अनेक लोकांनी लिहिले आहे की त्यांना 6,000 रुपये मिळाले आहेत. म्हणजेच, ही बनावट वेबसाईट अशा प्रकारे तयार केली गेली आहे की कोणीही त्यांच्या जाळ्यात अडकू शकेल.

याबाबत माहिती देताना अमूलने आपल्या अधिकृत ट्विटर हँडलवरून लिहिले आहे की, आमच्या नावाने स्पॅम लिंक असलेला बनावट मेसेज व्हॉट्सअॅप आणि इतर सोशल मीडिया प्लॅटफॉर्मवर व्हायरल होत आहे. या लिंकवर क्लिक करू नका. कंपनीने अशा कोणत्याही कॅंपेनचे आयोजन केलेले नाही. वापरकर्त्यांनी अशा लिंकवर क्लिक करणे टाळावे, कारण ते सहसा व्हायरस इंजेक्टेड असतात. तसेच तुमच्या फोनवरून वैयक्तिक डेटा आणि बँक तपशील देखील चोरू शकतात.

Issued in Public Interest by Amul pic.twitter.com/lufqAndqOU

— Amul.coop (@Amul_Coop) October 9, 2021

The post अमूलच्या वतीने 6,000 रुपयांचे बक्षीस दिले जातेय का? जाणून घ्या ‘त्या’ लिंकची सत्यता appeared first on थोडक्यात घडामोडी.

नवी दिल्ली : भारतात सध्या सोशल मीडिया प्लॅटफॉर्मवरून वाद सुरु आहेत. त्यातच आता सोशल मीडिया प्लॅटफॉर्म इंस्टाग्राम बाबत एक प्रकरण समोर आले आहे. राजधानी दिल्लीत भारतीय जनता पक्षाच्या नेत्याने इन्स्टाग्रामविरुद्ध गुन्हा दाखल केला आहे. इन्स्टाग्रामवर भगवान शिव यांचा अपमान करण्यात आल्याचा आरोप त्यांनी आहे.

भाजप नेते मनीष सिंह यांनी दिल्लीच्या संसद पथ पोलिस स्टेशनमध्ये इन्स्टाग्रामचे मुख्य कार्यकारी अधिकारी आणि इतर अधिकाऱ्यांविरुद्ध तक्रार दाखल केली आहे. त्यांनी आरोप केला आहे की इंस्टाग्रामवर शिव कीवर्ड सर्च केल्यावर भगवान शिव यांचे चित्र चुकीच्या पद्धतीने दाखविण्यात येत आहे. येथे एक स्टिकर आहे, ज्यामध्ये भगवान शिव यांच्या हातात एक वाइनचा ग्लास आहे, तर दुसर्‍या हातात फोन दाखविला गेला आहे. त्याची काही छायाचित्रे देखील भाजप नेते मनीष सिंह यांनी शेअर केली आहेत.

ये @instagram का साहस देखिए। महादेव की तस्वीर को किस रूप में दिखा रहा है, एक हाथ मे शराब और दूसरे हाथ में मोबाईल। इंस्टाग्राम को इसका परिणाम भुगतना पड़ेगा। @DelhiPolice को इस मामले की शिकायत की है, और आवश्यकता पड़ने पर इंस्टाग्राम के कार्यालय पर भी धावा बोला जाएगा। @rsprasad pic.twitter.com/raG0iXE7s8

— Manish Singh (@MSinghBJP) June 8, 2021

भारत सरकार आणि सोशल मीडिया प्लॅटफॉर्म यांच्यात सध्या वाद सुरू आहे. सरकारने आयटीचे नवे नियम लागू केले आहेत, परंतु ट्विटरसह इतर काही प्लॅटफॉर्मने त्यावर आक्षेप घेतला. परंतु, सरकारने ठामपणे सांगितले आहे की प्रत्येकाला भारतीय कायद्याचे पालन करावे लागेल.

The post इन्स्टाग्रामविरुद्ध तक्रार दाखल, स्टिकरमध्ये भगवान शिव यांच्या हातात वाइनचा ग्लास appeared first on थोडक्यात घडामोडी.