जम्मू-काश्मीर : जम्मू-काश्मीरच्या कुलगाम येथे भारतीय सैन्य आणि दहशतवाद्यांमध्ये सध्या जोरदार चकमक सुरू आहे. या संघर्षात भारतीय सैन्याचे दोन जवान वीरमरणास पोहोचले आहेत, तर ५ ते ६ जवान जखमी झाल्याची माहिती मिळाली आहे. भारतीय सैन्याने प्रत्युत्तरात एका दहशतवाद्याचा खात्मा केल्याचे समोर आले आहे.

सध्या सुरक्षा दल दुर्गम जंगलातील परिसरात दहशतवाद्यांचा शोध घेत आहेत. यासाठी ड्रोन, हेलिकॉप्टरसह सर्व आवश्यक साधनांचा वापर करण्यात येत आहे. ही चकमक सुरूच असून सैन्यकडून परिस्थितीवर काटेकोर लक्ष ठेवण्यात आले आहे.

कुलगामच्या अलाख भागात दहशतवाद्यांशी हा संघर्ष आज नवव्या दिवशीही सुरू आहे. रात्रभर या भागातून गोळीबाराचे आवाज ऐकू येत होते. शहीद झालेले जवान हे वीर लेफ्टनंट कर्नल प्रीतपाल सिंग आणि सिपाही हरमिंदर सिंग आहेत.

आतापर्यंत झालेल्या चकमकीत एका दहशतवाद्याचा मृतदेहही मिळाला आहे. या दुर्गम जंगलात तीन ते चार दहशतवाद्यांनी नैसर्गिक गुहांचा आसरा घेतला होता. गेल्या ९ दिवसांपासून हे दहशतवादी भारतीय सैन्यावर हल्ले करत आहेत, ज्यावरून त्यांच्याकडे मोठ्या प्रमाणात दारुगोळा असल्याचे स्पष्ट झाले आहे.

सुरक्षाबळ या घटनेचा निषेध करत लवकरात लवकर दहशतवाद्यांविरुद्ध कडक कारवाई करत आहेत. या भागातील सुरक्षा परिस्थिती नियंत्रणात ठेवण्यासाठी मोठ्या प्रमाणात सैन्य तैनात करण्यात आले आहे.

The post जम्मू-काश्मीरमध्ये दहशतवादी हल्ल्यात २ जवान शहीद, ५-६ जखमी appeared first on थोडक्यात घडामोडी.

काश्मीर : दक्षिण काश्मीरच्या शोपियानमध्ये शनिवारी सुरक्षा दल आणि दहशतवाद्यांमध्ये झालेल्या चकमकीत आपले दोन जवान शहीद झाल्याची माहिती मिळाली आहे. त्याचबरोबर या चकमकीत एक दहशतवादीही ठार झाला आहे. या परिसरात सुरक्षा दलाकडून शोधमोहीम सुरू आहे.

मिळालेल्या माहितीनुसार, या चकमकीत कॉन्स्टेबल संतोष यादव (1RR बटालियन) हे चकमकीत गोळी लागल्याने शहीद झाले. दुसरीकडे याच कारवाईत गोळी लागल्याने शिपाई चव्हाण रोनित तानाजी (1RR बटालियन) हे देखील शहीद झाले आहेत. शहीद झालेले दोन्ही जवान 1 RR (राष्ट्रीय रायफल) चे आहेत.

चकमकीदरम्यान गोळी झाडली
अधिका-यांनी सांगितले की, शोपियानच्या जैनापुरा भागातील चेरमर्ग येथे दहशतवाद्यांच्या उपस्थितीबद्दल गुप्त माहिती मिळाल्यानंतर सुरक्षा दलांनी परिसराला वेढा घातला आणि शोध मोहीम सुरू केली. ते म्हणाले की, जेव्हा सुरक्षा दल परिसरात शोध मोहीम राबवत होते तेव्हा तेथे लपलेल्या दहशतवाद्यांनी त्यांच्यावर गोळीबार केला. सुरक्षा दलांनीही प्रत्युत्तर दिले, त्यानंतर झालेल्या चकमकीत लष्कराचे दोन जवान शहीद झाले.

काश्मीरचे पोलीस महानिरीक्षक (IGP) विजय कुमार यांनी सांगितले की, दहशतवादी लष्कर-ए-तैयबाशी संबंधित ‘द रेझिस्टन्स फ्रंट’ (TRF) चे होते. 29 जानेवारी रोजी अनंतनागमध्ये हेड कॉन्स्टेबल अली मोहम्मद गनी यांच्या हत्येमध्ये एका दहशतवाद्याचा हात होता.

विशेष म्हणजे दक्षिण काश्मीर हा अतिशय संवेदनशील भाग मानला जातो. अनेकदा येथे सुरक्षा दल आणि दहशतवादी यांच्यात चकमकीच्या घटना समोर येत असतात. फेब्रुवारीच्या पहिल्या आठवड्यात श्रीनगरमध्ये झालेल्या चकमकीत सुरक्षा दलांनी लष्कर-ए-तैयबाच्या दोन दहशतवाद्यांना ठार केले होते.

The post काश्मीरमध्ये सुरक्षा दल आणि दहशतवाद्यांमध्ये झालेल्या चकमकीत दोन जवान शहीद, एक दहशतवादी ठार appeared first on थोडक्यात घडामोडी.