पुणे : रविवारी मध्यरात्रीच्या सुमारास विमान नगर–खराडी बायपासवरील टाटा गार्डरूम बसस्टॉपजवळ झालेल्या भीषण अपघातात सचिन वसंत धुमाळ (वय २८, रा. मल्हारनगर, वडगावशेरी) या तरुणाचा मृत्यू झाला आहे.

विमानतळ पोलिसांनी दिलेल्या माहितीनुसार, सचिन धुमाळ हा त्याचा मित्र स्वप्नील भानुदास माने (वय २५) याच्यासोबत अ‍ॅक्टिव्हा स्कूटरवरून विमान नगरकडून खराडीच्या दिशेने जात होता. दरम्यान, मागून येणाऱ्या एका डंपर चालकाने जोरात हॉर्न वाजवला. त्यामुळे गडबडल्याने सचिनचा स्कूटरवरील ताबा सुटला आणि दोघे रस्त्यावर पडले. या वेळी डंपरने सचिनला चिरडले, तर स्वप्नील किरकोळ जखमी झाला. स्थानिक नागरिकांनी तत्काळ रुग्णवाहिकेच्या साहाय्याने सचिनला ससून रुग्णालयात दाखल केले, मात्र डॉक्टरांनी त्याला मृत घोषित केले.

या घटनेनंतर विमानतळ पोलिसांनी डंपर चालकाविरुद्ध बेदरकारपणे आणि निष्काळजीपणे वाहन चालवून मृत्यू घडवल्याचा गुन्हा दाखल केला आहे. पुढील तपास सुरू आहे.

The post पुण्यात भीषण अपघात! डंपरखाली चिरडून तरुणाचा मृत्यू appeared first on थोडक्यात घडामोडी.